جاڭا حابارلار

شي جينپيڭ چاۋشيان ەڭبەك پارتياسى ورتالىق كوميتەتىنىڭ باستىعى كيم جوڭ - ۇنمەن كەزدەستى

    كەلۋ قاينارى: شينجياڭ گازەتى    2018-06-22 20:34:20  

6 - ايدىڭ 20 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى دياۋيۇيتاي مەملەكەتتىك قوناق ۇيىندە چاۋشيان ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇنمەن كەزدەستى. باس شۋجي شي جينپيڭنىڭ حانىمى پىڭ لييۋان، كوميتەت باستىعى كيم جوڭ - ۇننىڭ حانىمى ري سول - جۋ كەزدەسۋگە قاتىناستى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

 شينحۋا اگەنتتىگىنىڭ 6 - ايدىڭ 20 - كۇنى بەيجيڭنەن بەرگەن حابارى (ءتىلشى لي جۇڭفا). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 6 - ايدىڭ 20 - كۇنى دياۋيۇيتاي مەملەكەتتىك قوناق ۇيىندە چاۋشيان ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇنمەن كەزدەستى.
  جاز ورتاسىنداعى دياۋيۇيتايدا اعاش - شوپتەر نۋ بولىپ جايقالىپ، گۇلدەر جايناپ تۇر. ەكى پارتيانىڭ، ەكى مەملەكەتتىڭ ەڭ جوعارى باسشىلارى ىقىلاستى، دوستىق مەرەيمەن بىرگە وتىرىپ شاي ءىشىپ، ىشكەرىلەي پىكىرلەستى.
  شي جينپيڭ مىنالاردى باسا دارىپتەدى: كوميتەت باستىعى كيم جوڭ - ۇن 100 كۇن ىشىندە جۇڭگوعا 3 مارتە كەلىپ، مەنىمەن كەزدەسۋ وتكىزدى، تاراپتار جۇڭگو مەن چاۋشياننىڭ جوعارى جىكتەگىلەرى ارا بارىس - كەلىسىنىڭ جاڭا تاريحىن بىرگە اشتى. ءبىز جۇڭگو مەن چاۋشيان كەلىسكەن ماڭىزدى ورتاق تانىمنىڭ بىرتىندەپ تياناقتانىپ كەلە جاتقاندىعىن، جۇڭگو مەن چاۋشياننىڭ دوستىق ىنتىماقتاستىق قارىم - قاتىناسىنىڭ جاڭا ومىرشەڭدىك كۇش جالىنداتقانىن، چاۋشيان تۇبەگىندە ديالوگ جانە باسەيۋ بەتالىسى پارمەندى بەكەمدەلگەنىن، چاۋشيان ەڭبەك پارتياسىنىڭ جاڭا ستراتەگيا - لۋشيانىنىڭ چاۋشياننىڭ سوتسياليزم ىستەرىنىڭ جاڭا جورىققا اتتانۋىن ىلگەرىلەتكەنىن قۋانىشپەن كورىپ وتىرمىز. مەن جۇڭگو مەن چاۋشيان ەكى جاعىنىڭ بىرگە قۇلشىنۋىندا جۇڭگو - چاۋشيان قارىم - قاتىناسىنىڭ، ءسوز جوق، ەكى ەلدى جانە ەكى ەل حالقىن اناعۇرلىم جاقسى باقىتقا كەنەلتەتىندىگىنە، جۇڭگو مەن چاۋشياننىڭ قاتىستى جاقتارىنىڭ بىرگە قۇلشىنۋىندا چاۋشيان تۇبەگىنىڭ جانە شىعىس سولتۇستىك ازيا ءوڭىرىنىڭ، ءسوز جوق، بەيبىت، ورنىقتى، دامىعان، گۇلدەنگەن جارقىن بولاشاعىن قارسى الاتىندىعىنا سەنەمىن.
  شي جينپيڭ مىنالاردى اتاپ كورسەتتى: قازىر جۇڭگوشا سوتسياليزم جاڭا داۋىرگە ءوتىپ، جۇڭگو كوممۋنيستىك پارتياسى مەن جۇڭگوداعى ءار ۇلت حالقى پارتيانىڭ توڭىرەگىنە تىعىز ىنتىماقتاسىپ، «قوس 100 جىلدىق» كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەسۋدە. جۇڭگو چاۋشيانمەن بىرگە ءوزارا ۇيرەنىپ، ءبىر - بىرىنەن ۇلگى الۋدى، ىنتىماقتاسىپ سەلبەسۋدى، ەكى ەل سوتسياليزم ىستەرىنىڭ اناعۇرلىم جارقىن بولاشاعىنا بىرگە جول اشۋدى قالايدى.
  كيم جوڭ - ۇن بىلاي دەدى: قازىر چاۋشيان مەن جۇڭگو ءبىر وتباسىنىڭ ادامىنداي جاقىن دوستىقپەن ءوزارا كومەكتەسۋدە، باس شۋجي شي جينپيڭ جولداس بىزگە ىقىلاستى دا اسەرلى قامقورلىق جاساپ، قولداۋ كورسەتىپ وتىر. مەنىڭ بۇل جولعى جۇڭگوعا ساپارىم باس شۋجي جولداس ەكەۋىمىز ارا دوستىقتى جانە چاۋشيان - جۇڭگو قارىم - قاتىناسىن ونان ارى تەرەڭدەتۋدىڭ ءتيىمدى ورايى بولدى. مەن جۇڭگولىق جولداستارمەن بىرگە بار كۇشىمدى سالىپ، چاۋشيان - جۇڭگو قارىم - قاتىناسىن جاڭا بيىككە كوتەرەمىن، سونداي - اق دۇنيە ءجۇزىنىڭ جانە ءوڭىردىڭ بەيبىتشىلىگى مەن ورنىقتىلىعىن قورعاۋ ءۇشىن ءتيىستى رول اتقارامىن. شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ پارمەندى باسشىلىعىندا جانە شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، ءسوز جوق، ءساتتى جۇزەگە اسادى دەپ سەنەمىن.
  باس شۋجي شي جينپيڭنىڭ حانىمى پىڭ لييۋان، كوميتەت باستىعى كيم جوڭ - ۇننىڭ حانىمى ري سول - جۋ كەزدەسۋگە قاتىناستى.
  كەزدەسۋدەن كەيىن باس شۋجي شي جينپيڭ مەن حانىمى كوميتەت باستىعى كيم جوڭ - ۇن مەن حانىمىنا تۇسكى قوناعاسى بەردى.
  سول كۇنى كيم جوڭ - ۇن جۇڭگو اۋىل شارۋاشىلىق عىلىم اكادەمياسىنىڭ اۋىل شارۋاشىلىق عىلىم - تەحنيكاسىندا جاڭالىق اشۋ مەملەكەتتىك باقشاسىن جانە بەيجيڭ قالاسىنىڭ رەليستى قاتىناس قولباسشىلىق ورتالىعىن ەكسكۋرسيالادى. ج ك پ ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى ساي چي سەرىك بولدى.
  كيم جۇڭ - ۇن 6 - ايدىڭ 20 - كۇنى جۇڭگوداعى ساپارىن اياقتاتىپ، بەيجيڭنەن ەلىنە قايتتى.


بەرىپ كەت ورامالىڭدى

دوستار

الىستاعى اق ەركە