جاڭا حابارلار

شىنايى يگەرىپ، ناقتى ىستەپ، شوگەلدىلىكپەن ىستەپ، جۇدىرىقتاي جۇمىلىپ، كەدەيلىكتەن قۇتىلدىرۋدان قامال الۋ شايقاسىنىڭ جاپپاي جەڭىسىنە قول جەتكىزۋ باسا دارىپتەلدى

    كەلۋ قاينارى: شينجياڭ گازەتى    2018-06-13 18:15:18  

شي جينپيڭ كەدەيلىكتەن قۇتىلدىرۋدان قامال الۋ قىزمەتى جونىندە ماڭىزدى نۇسقاۋ بەردى
لي كىچياڭ بەكىتپە جازدى

 شينحۋا اگەنتتىگىنىڭ 6 - ايدىڭ 11 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا كەدەيلىكتەن قامال الۋ قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى: كەدەيلىكتەن قۇتىلدىرۋدان قامال الۋدىڭ ۋاقىتى تىعىز، مىندەتى اۋىر، ءسوز جوق، شىنايى يگەرىپ، ناقتى ىستەۋ، شوگەلدىلىكپەن ىستەۋ كەرەك. ءار دارەجەلى پارتكومدار مەن ۇكىمەتتەر اناعۇرلىم ارىندى رۋحاني كۇيمەن، اناعۇرلىم تىڭعىلىقتى قىزمەت ستيلىمەن، قالىڭ كادرلار مەن بۇقارانى سەنىمدى بەكەمدەپ، قايسارلىقپەن كۇرەس جۇرگىزۋگە ىنتىماقتاستىرىپ، باستاپ، جۇدىرىقتاي جۇمىلا وتىرىپ كەدەيلىكتەن قۇتىلدىرۋدان قامال الۋدىڭ جاپپاي جەڭىسىنە قول جەتكىزۋى كەرەك.
  شي جينپيڭ بىلاي دەپ اتاپ كورسەتتى: كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋ جاپپاي دوڭگەلەك داۋلەتتى قوعام ورناتۋدا، «قوس 100 جىلدىق» كۇرەس نىساناسىن جۇزەگە اسىرۋدا توتەنشە كەلەلى ماڭىزعا يە. ءجۇز شاقىرىمدىق جولدىڭ توقسان شاقىرىمىن باسساڭ دا ءالى جولدامىن دەپ ءبىل. ءار دارەجەلى پارتكومدار مەن ۇكىمەتتەر كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋدى كەلەلى ساياسي مىندەت ەتىپ، ورتالىق ءبىر تۇتاس جوسپارلايتىن، ولكە باس جاۋاپتى بولاتىن، قالا، اۋداندار تياناقتاندىرۋدى يگەرەتىن باسقارۋ ءتۇزىلىسىن كۇشەيتىپ، پارتيا مەن ۇكىمەتتىڭ ءبىرىنشى باسشىسى باس جاۋاپتى بولۋداي باسشىلىق جاۋاپكەرلىك ءتۇزىمىن كۇشەيتىپ، جاۋاپكەرلىكتى ايقىنداۋى، شايقاسقا سايلانا اتتانۋى، ناقتى ونىمدىلىكتى مىقتى يگەرۋى كەرەك. پارتيا ورتالىق كوميتەتى بەلگىلەگەن كەدەيلىكتەن قۇتىلدىرۋدان قامال الۋ شايقاسىنىڭ نىساناسىنا جانە كەدەيلەردى سۇيەمەلدەۋ ولشەمىنە تاباندى بولىپ، كەدەيلەردى دالمە - ءدال سۇيەمەلدەۋدىڭ، كەدەيلىكتەن دالمە - ءدال قۇتىلدىرۋدىڭ نەگىزگى جالپى جوباسىن دايەكتىلەندىرۋ، اسىعىپ - ۇسىگۋدەن، داڭعويلىقتان اۋلاق بولۋ ءارى كەرەناۋلىقتان، كەشەۋىلدەتۋدەن اۋلاق بولۋ، ولشەمدى تومەندەتپەۋ ءارى قۇر دامەلەندىرمەۋ، نازاردىڭ شاشىراماۋىنا، نىسانادان اۋىتقىماۋىنا شىنايى كەپىلدىك ەتۋ كەرەك. نازاردى اۋىر كەدەي وڭىرلەر مەن ەرەكشە كەدەي قاۋىمعا شوعىرلاندىرىپ، ءبىر قىستاقتىڭ، ءبىر ادامنىڭ قاعىس قالماۋىنا شىنايى كەپىلدىك ەتۋ كەرەك. شىعىس، باتىس بولىكتەردىڭ كەدەيلەردى سۇيەمەلدەۋ سەلبەستىگىن جانە پارتيا، ۇكىمەت ورگاندارىنىڭ تۇيىندە تۇرىپ كەدەيلەردى سۇيەمەلدەۋىن تەرەڭدەتىپ، قوعامنىڭ ءار سالاسىن كەدەيلىكتەن قۇتىلدىرۋدان قامال الۋدان ات سالىسۋ بەلسەندىلىگىن جۇمىلدىرىپ، ۇكىمەتتىڭ، بازاردىڭ، قوعامنىڭ ءوزارا ىقپالداستىعىن جانە كاسىپ سالالارى بويىنشا كەدەيلەردى سۇيەمەلدەۋدىڭ، كەدەيلەردى ارنايى سۇيەمەلدەۋدىڭ، قوعامنىڭ كەدەيلەردى سۇيەمەلدەۋىنىڭ بىرلەسكەن قيمىلىن جۇزەگە اسىرۋ كەرەك.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتپە جازىپ بىلاي دەپ اتاپ كورسەتتى: كەدەيلىكتەن دالمە - ءدال قۇتىلدىرۋ − جاپپاي دوڭگەلەك داۋلەتتى قوعام ورناتۋدا، ءسوز جوق، جەڭىسكە جەتۋگە ءتيىستى قامال الۋ شايقاسى، وڭىرلەردىڭ سايكەستى دامۋىن جەبەۋدىڭ ماڭىزدى تۇتقاسى. وڭىرلەر، تاراۋلار پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋدىڭ 3 جىلدىق ارەكەتى جونىندەگى شەشىم - ورنالاستىرۋىن مۇقيات تياناقتاندىرىپ، جاۋاپكەرلىك سەزىمدى، كوكەي تەستىلىك سەزىمدى اناعۇرلىم كۇشەيتىپ، كەدەيلەردى دالمە - ءدال سۇيەمەلدەۋدىڭ، كەدەيلىكتەن دالمە - ءدال قۇتىلدىرۋدىڭ نەگىزگى جالپى جوباسىنا تاباندى بولىپ، نازاردى اۋىر كەدەي وڭىرلەر مەن ەرەكشە كەدەي قاۋىمعا شوعىرلاندىرىپ، ساياسات - شارالاردى اشالاپ، ناقتىلاندىرىپ، قىستاققا، وتباسىلارىنا، ادامدارعا دەيىن تياناقتاندىرۋ، نىسان قارجىسىن باسقارۋدى كۇشەيتىپ، جاۋاپكەرلىكتى ناقتىلاندىرىپ، تەكسەرۋدى قاتايتىپ، ءتىپتى زور كۇش ۇيىستىرىپ، شىنايى يگەرىپ ناقتى ىستەپ، ءبىر جىلدا ءبىر تىڭ ىلگەرىلەۋشىلىكتىڭ بولۋىنا شىنايى كەپىلدىك ەتۋ كەرەك. كەدەيلەردى دالمە - ءدال سۇيەمەلدەۋ مەن ەكونوميكانىڭ، قوعامنىڭ دامۋىنىڭ ءبىرىن - ءبىرى جەبەۋىنە، كەدەيلىكتەن قۇتىلدىرۋدان قامال الۋ مەن اۋىل - قىستاقتاردى كوركەيتۋ ستراتەگياسىن اتقارۋدىڭ ءوزارا جالعاسۋىنا، سىرتقى جاقتان كومەكتەسۋ - سۇيەمەلدەۋ مەن ىشكى قوزعاۋشى كۇشتى قوزداتۋدى ورگانيكالىق ۇشتاستىرۋعا باسا ءمان بەرىپ، كەدەيلەر قاۋىمىنىڭ كەدەيلىكتەن ورنىقتى تۇردە قۇتىلۋىن، بىرتىندەپ اۋقاتتانۋىن ىلگەرىلەتىپ، كەدەيلىكتەن قۇتىلدىرۋدان قامال الۋدىڭ نىسانالىق مىندەتىنىڭ 3 جىل ىشىندە ءوز ۋاعىندا ورىندالىپ بولۋىنا شىنايى كەپىلدىك ەتۋ كەرەك.
  كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋدىڭ 3 جىلدىق ارەكەتى جونىندەگى تەلەۆيزور - تەلەفون ءماجىلىسى 6 - ايدىڭ 11 - كۇنى تۇستەن بۇرىن بەيجيڭدە وتكىزىلدى. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس كەدەيلەردى سۇيەمەلدەۋ، وركەندەتۋگە باسشىلىق ەتۋ گرۋپپاسىنىڭ باستىعى حۋ چۇنحۋا ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: وڭىرلەر، قاتىستى تاراۋلار باس شۋجي شي جينپيڭنىڭ كەدەيلىكتەن قۇتىلدىرۋدان قامال الۋ جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، لي كىچياڭ زۇڭليدىڭ بەكىتپەسىنىڭ تالابىن تياناقتاندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم - ورنالاستىرۋلارىنا ساي، تياناقتاندىرۋدى يگەرۋ، قامال الۋ قىزمەتىن جەبەۋ بەتالىسىن ايقىن تۋ ۇستاي وتىرىپ ورناتىپ، نىسانا ولشەمىنە تاباندى بولىپ، دالمە - دالدىك جالپى جوباسىن دايەكتىلەندىرىپ، قامال الۋ جاۋاپكەرلىگىن ناقتىلاپ، ىسىلعان قامال الۋ قوسىنىن قۇرىپ، شايقاستى قاداعالاۋ مەحانيزمىن كەمەلدەندىرىپ، ستيل قۇرىلىسىن كۇشەيتىپ، قامال الۋ شارالارىنىڭ ناقتاپ تياناقتاندىرىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە باتىل قول جەتكىزۋى كەرەك.
  ءماجىلىس شي جينپيڭنىڭ ماڭىزدى نۇسقاۋى مەن لي كىچياڭنىڭ بەكىتپەسىن جەتكىزىپ، الداعى 3 جىلداعى كەدەيلىكتەن قۇتىلدىرۋدان قامال الۋ قىزمەتىن ورنالاستىردى.
  قاتىستى ولكە، اۆتونوميالى رايونداردىڭ جاۋاپتى جولداستارى ماجىلىستە لەبىز ءبىلدىردى.
  مەملەكەتتىك كەڭەس كەدەيلەردى سۇيەمەلدەۋ - وركەندەتۋگە باسشىلىق ەتۋ گرۋپپاسىنىڭ مۇشەلەرى، ورتالىق پەن مەملەكەت ورگاندارىنىڭ قاتىستى تاراۋلارىنىڭ جاۋاپتىلارى، ولكە، مينيستر دارەجەلى كادرلاردىڭ «شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنىپ، دايەكتىلەندىرىپ، كەدەيلىكتەن دالمە - ءدال قۇتىلدىرۋدان قامال الۋ شايقاسىن باتىل ويداعىداي جۇرگىزۋ» تۋرالى ارناۋلى زەرتتەۋ - تالقى كۋرسىنىڭ كۋرسانتتارى ماجىلىسكە قاتىناستى. ولكەلەردە، اۆتونوميالى رايونداردا، توتە قاراستى قالالاردا جانە شينجياڭ ءوندىرىس - قۇرىلىس بيڭتۋانىندا، ورتالىق پارتيا مەكتەبىندە (مەملەكەتتىك اكىمشىلىك شۋەيۋانى) بولىمشە ءماجىلىس الاڭدارى اشىلدى.


بەرىپ كەت ورامالىڭدى

دوستار

الىستاعى اق ەركە