جاڭا حابارلار

«شاڭحاي رۋحىن» اسقاقتاتىپ، داۋىرلىك قيىن ماسەلەنى شەشەيىك

    كەلۋ قاينارى: شينجياڭ گازەتى    2018-06-13 18:12:00  

−ءتوراعا شي جينپيڭ شاڭحاي ىنتىماقتاستىق ۇيىمىنىڭ چيڭداۋ باسشىلار باس قوسۋىندا سويلەگەن ماڭىزدى ءسوزى جونىندە (2)
حالىق گازەتىنىڭ شولۋشىسى

 الەمدىك دامۋ ۇمىتكە تولى بولۋمەن بىرگە، سىن - سايىستارعا دا ءدوپ كەلىپ وتىر؛ ءبىزدىڭ بولاشاعىمىز شەكسىز نۇرلى، ءبىراق الداعى جولىمىز تەگىس بولا قويمايدى.
  «ءبىز شاڭحاي رۋحىن ونان ارى اسقاقتاتىپ، داۋىرلىك قيىن ماسەلەلەردى شەشىپ، حاۋىپ - قاتەر، سىن - سايىستاردى باسەيتۋىمىز كەرەك». شاڭحاي ىنتىماقتاستىق ۇيىمىنا مۇشە ەلدەر باسشىلارى القالار كەڭەسىنىڭ 18 - رەتكى ماجىلىسىندە، ءتوراعا شي جينپيڭ قازىرگى الەمدىك جالپى بەتالىس پەن ءداۋىر اعىمىن تەرەڭ پايىمداپ، «ءوزارا سەنىم، ءوزارا تيىمدىلىك، تەڭدىك، ءوزارا اقىل - كەڭەس، مادەنيەتتەردىڭ سان الۋاندىعىنا قۇرمەت ەتۋ، بىرلەسىپ دامۋعا دەگەن ۇمتىلىس» سىندى «شاڭحاي رۋحىنا» تاباندى بولۋدى دارىپتەپ، قازىرگى داۋىردە نەگىزگە الۋعا ءتيىستى دامۋ كوزقاراسىن، حاۋىپسىزدىك كوزقاراسىن، ىنتىماق كوزقاراسىن، وركەنيەت كوزقاراسىن، الەمدىك جونگە سالۋ كوزقاراسىن ايقىن ورتاعا قويدى. ءتوراعا شي جينپيڭنىڭ ماڭىزدى ءسوزى «شاڭحاي رۋحىنا» داۋىرلىك ءمان ۇستەپ، حالىقارالىق قوعامنىڭ كەڭ نازارىن اۋداردى.
  اۋقىمدى بىلگەن − اڭعارلى، اۋقىمعا ىلەسكەن − دانىشپان. بۇگىنگى تاڭدا، دۇنيە ءجۇزىنىڭ كوپ ۇيەكتەنۋى، ەكونوميكانىڭ جاھاندانۋى ىشكەرىلەي دامۋدا، مەملەكەت پەن مەملەكەتتىڭ ءبىر - بىرىنە سۇيەنىپ ءومىر ءسۇرۋى اناعۇرلىم نىعايا ءتۇستى. دۇنيە ەكونوميكاسى قيىن، بۇراڭ جولداردى باسىپ قايتا كوتەرىلۋدە، حالىقارالىق جانە وڭىرلىك قولامتالى ماسەلەلەر ءجيى تۋىلۋدا، ءار ەل ءدوپ كەلگەن كوپتەگەن ورتاق حاۋىپ - قاتەر مەن سىن - سايىسقا قايسى ەل بولسىن جەكە - دارا توتەپ بەرە المايدى نەمەسە ءوز باسىنىڭ عانا قامىن كۇيتتەي المايدى. دۇنيەنىڭ زور دامۋ، زور وزگەرىس، زور رەتتەلۋ سىندى جاڭا جاعدايىندا، بيىككە شىعىپ، الىسقا كوز تاستاپ، الەمدىك ۇلكەن بەتالىس پەن ءداۋىر اعىمىن دۇرىس تانىعاندا جانە يگەرگەندە عانا، «تۇماننىڭ كوزدى كولەگەيلەۋىنەن قورىقپاۋعا»، ادامزات وركەنيەتىنىڭ العا باسۋ ىستەرىن اناعۇرلىم ويداعىداي ىلگەرىلەتۋگە بولادى.
  قازىرگى الەمدە، وكتەمدىك پەن وكتەم ساياسي ءالى ءومىر سۇرۋدە، ءتۇرلى ءداستۇرلى جانە ءداستۇرلى ەمەس حاۋىپسىزدىك قاتەرلەرى ۇزدىكسىز بەلەڭ بەرىپ، ءبىر جاقتىلىقتا، ساۋدا قورعامپازدىعىندا، جاھاندانۋعا قارسى وي اعىمىندا تىڭ بەينەلەر ۇزدىكسىز جارىققا شىعىپ، وركەنيەتتەر قاقتىعىسى، وركەنيەت باسىمدىعى سياقتى ەسكى سارىنداردىڭ سارقىنشاعى اۋىق - اۋىق باس كوتەرۋدە. ايتسە دە، مىنا جاعدايلار كىسىنى جەلپىنتەدى، حالىقارالىق ءتارتىپتىڭ اناعۇرلىم ءادىل، ۇيلەسىمدى باعىتقا دامۋىن ىلگەرىلەتۋ تۋرالى ۇندەرگە ەلەۋسىز قاراۋعا بولمايدى، حالىقارالىق قارىم - قاتىناستىڭ دەموكراتيالانۋى بوگەۋ بەرمەس ءداۋىر اعىمىنا اينالدى؛ بەيبىتشىلىكتى قورعايتىن كۇشتەر ەڭ سوڭىندا بەيبىتشىلىكتى بۇزاتىن كۇشتەردى جەڭىپ شىعادى، حاۋىپسىزدىك پەن ورنىقتىلىق − جۇرت قالاۋى؛ «جەر شارى قىستاعىنا» اينالعان الەم ءار مەملەكەت مۇددەلەرىنىڭ بارعان سايىن توعىساتىن، تاعدىرى ورتاق، ىنتىماقتاسىپ، تەڭ ۇتاتىن ۇلكەن بەتالىسىن بەلگىلەپ وتىر؛ وركەنيەتتەردىڭ سان الۋاندىعى ادامزات العا باسۋىنىڭ سارقىلماس قوزعاۋشى كۇشى، تۇرلىشە وركەنيەتتەردىڭ اۋىس - كۇيىسى، ءبىر - بىرىنەن ۇلگى الۋى ءار ەل حالقىنىڭ ورتاق تىلەگى بولىپ تابىلادى. جۇرت بەيبىتشىلىك ۇشقىنىنىڭ ۇرپاقتان - ۇرپاققا جالعاسۋىن، دامۋ قوزعاۋشى كۇشىنىڭ سارقىلماۋىن، وركەنيەتتەردىڭ شۇعىلا شاشىپ، كوركەيە بەرۋىن تىلەۋدە.
  «اقىل − ارەكەتتىڭ باستاۋى، ارەكەت − اقىلدىڭ ناتيجەسى». اماليات «شاڭحاي رۋحىندا» ءداۋىر مەن ءوڭىر شەڭبەرىنەن شىعاتىن ومىرشەڭدىك پەن قۇن بار ەكەنىن، ونىڭ تاتۋ كورشىلىك دوستىق پەن بىرلەسىپ دامۋعا ۇمتىلعان بارلىق مەملەكەت ءۇشىن پايدالى ۇلگى كورسەتكەنىن، سونداي - اق حالىقارالىق قوعام ءۇشىن ىنتىماقتاسىپ تەڭ ۇتۋدى وزەك ەتكەن جاڭاشا حالىقارالىق قارىم - قاتىناس ورناتۋ امالياتىنا قۋاتتى قوزعاۋشى كۇش ۇستەگەنىن دالەلدەپ وتىر. بولاشاقتى بەتكە الىپ، «شاڭحاي رۋحىن» اسقاقتاتۋدىڭ شەشۋشى ءتۇيىنى ءتوراعا شي جينپيڭ ورتاعا قويعان، دارىپتەگەن جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىكتەنەتىن دامۋ كوزقاراسى بويىنشا، ورتاق، جان - جاقتى، ىنتىماقتاسقان، باياندى حاۋىپسىزدىك كوزقاراسىن جۇزەگە اسىرىپ، اشىق، توعىسپالى، ءوزارا ءتيىمدى، تەڭ ۇتاتىن ىنتىماقتاستىق كوزقاراسىن نەگىز ەتىپ، تەڭ، ءبىر - بىرىنەن ۇلگى الاتىن، ديالوگ جۇرگىزەتىن، سيىسىمدى وركەنيەت كوزقاراسىن ورناتىپ، اقىلداسۋ، بىرگە قۇرۋ، بىرگە يگىلىكتەنۋ سىندى الەمدىك جونگە سالۋ كوزقاراسىنا تاباندى بولۋدا. وسى يدەيانى نەگىز ەتىپ، ىشكى - سىرتقى سىن - سايىستارعا بەلسەندى تۇردە توتەپ بەرىپ، ءار سالاداعى ىنتىماقتاستىقتاردى جاپپاي ىلگەرىلەتسەك، شاڭحاي ىنتىماقتاستىق ۇيىمىنىڭ بايسالدى، باياندى كوشىن جەبەپ، ادامزاتتىڭ تاعدىرلاس ورتاق تۇلعاسى ءۇشىن اناعۇرلىم كوپ «شاڭحاي ىنتىماقتاستىق ۇيىمىنىڭ پاراساتىن» جانە «شاڭحاي ىنتىماقتاستىق ۇيىمىنىڭ جوباسىن» ۇسىنا الامىز.
  شاڭحاي ىنتىماقتاستىق ۇيىمى جەلكەن كوتەرۋدىڭ ءدال ۋاقىتىنا تۋرا كەلىپ، جاقسى جاعداي، ىڭعايلى ورتادا قايتا ساپارعا شىقتى. شاڭحاي ىنتىماقتاستىق ۇيىمى ءداۋىردىڭ دامۋ اعىمىنا ۇيلەسەتىن، ءار ەلدىڭ ورتاق مۇددەسىنە ۇيلەسەتىن ءىس. «شاڭحاي رۋحىن» تاباندىلىقپەن اسقاقتاتىپ، اۋەلگى ماقساتتى ۇمىتپاي، قول ۇستاسا العا باسىپ، شاڭحاي ىنتىماقتاستىق ۇيىمىنىڭ جاڭا دامۋىن جۇزەگە اسىرۋدى ىلگەرىلەتىپ، اناعۇرلىم تىعىز تاعدىرلاس ورتاق تۇلعا ورناتساق، ءبىز، ءسوز جوق، الەمنىڭ بەيبىتشىلىگى مەن ورنىقتىلىعىن قورعاپ، ادامزاتتىڭ دامۋ - گۇلدەنۋىن جەبەۋ ءۇشىن تىڭ، اناعۇرلىم كەسەك ۇلەس قوسا الامىز.
  (شينحۋا اگەنتتىگىنىڭ 6 - ايدىڭ 11 - كۇنى بەيجيڭنەن بەرگەن حابارى)


بەرىپ كەت ورامالىڭدى

دوستار

الىستاعى اق ەركە