جاڭا حابارلار

ۋاڭ جيانجۇن قۇرعان شيڭنۇڭ اۋىل شارۋاشىلىق ماشينالارى ديحاندار كوپەراتيۆى ىلە وزەنى اڭعارىنداعى اۋىل شارۋاشىلىق ماشينالارى ىستەرىن دامىتۋ اياق الىسىنداعى كورنەكتى تۇيىنگە اينالدى

    كەلۋ قاينارى: شينجياڭ حالىق راديو ىستانسياسى    2018-06-11 12:53:47  

ستانسيامىزدىڭ ءتىلشىسى جاڭ جيىڭيۇي مەن كۇنەس راديو ستانسياسىنىڭ ءتىلشىسى ءلازاتتىڭ حابارى: كۇنەس اۋدانىنىڭ المالى اۋىلىندا، ديقان ۋاڭ جيانجۇننىڭ اتى ايگىلى، ول قۇرعان شيڭنۇڭ اۋىل شارۋاشىلىق ماشينالارى ديقاندار كوپەراتيۆى ىلە وزەنى اڭعارىنداعى اۋىل شارۋاشىلىق ماشينالارى ىستەرىن دامىتۋ اياق الىسىنداعى كورنەكتى تۇيىنگە اينالدى.
ۋاڭ جيانجۇن 1970-جىلى تۋعان، 1987-جىلى 17 جاستاعى ول جان-جاقتان قارىز الىپ، 4 مىڭ يۋان قارجى توپتاپ 4 دوڭگەلەكتى كونە شاعىن تراكتور ساتىپ الىپ، اعاسى ەكەۋى كۇندىز-ءتۇنى كەزەكپەن جۇرگىزەدى. ۋاڭ جيانجۇن تىلشىگە: «مەكتەپتەن شىعىسىمەن ءتورت دوڭگەلەكتى شاعىن تراكتور ساتىپ الدىق، كۇندىز-ءتۇنى تاس، قۇم، كەرپىش تاسىپ، اقشا تاۋىپ، ءىنىم مەن قارىنداسىمدى وقتتىق»،-دەدى.
ۋاڭ جيانجۇن نەشە 100 يۋاننان نەشە مىڭ يۋانعا دەيىن كىرىس تاۋىپ، ءبىر ءۇيلى جاننىڭ تۇرمىسىن بىرتىندەپ جاقسارتتى. 1997-جىلى، مەملەكەتتڭ اۋىل شارۋاشىلىق ماشينالارىنا قوسىمشا قاراجات بەرۋ ءتيىمدى ساياساتىنا سۇيەنىپ ۋاڭ جيانجۇن ۇلكەن ات كۇشىندىك تراكتور ساتىپ الىپ، سول جىلى 50 مىڭ يۋان تابىس تابادى. 2010-جىلى، كورەگەن ۋاڭ جيانجۇن ماشينالاندىرىپ ەگۋدىڭ تيىمدىلىگىن بىردەن بايقاپ، قىستاقتان شيڭنۇڭ اۋىل شارۋاشىلىق ماشينالارى ديقاندار كوپەراتيۆىن ۇيىمداستىرىپ قۇرادى. 8 جىل ءوتتى، بۇگىنگى كۇندە، كوپەراتيۆتىڭ مۇشەسى 60 نەشە ادامعا كوبەيدى، اۋىل شارۋاشىلىق ماشيناسى 80 نەشەگە جەتتى، اينالىمداعى جەر 4 مىڭ 600 مۋدان اسىپ، ەگىس قۇرالدارىنىڭ جۇمىس جۇرگىزۋ كولەمى 80 مىڭ مۋدان استى، كوپەراتيۆ جىلىنا 8 ميلليون يۋاننان ارتىق كىرىس كىرگىزىپ، كىسى باسىندىق ارتقان كىرىس 10 مىڭ يۋاننان استى.

«مەملەكەتتىڭ اۋىل شارۋاشىلىعىنداعى ەڭبەك ۇلگىسى» اتاعىن العان ۋاڭ جيانجۇن 2017-جىلى 12-ايدىڭ 28-كۇنى بەيجيڭگە بارىپ سيلىق الىپ، باس شۋجي شي جينپيڭنىڭ شىن ىقىلاستى قابىلداۋىندا بولادى، سول ءساتتى ەسكە العان ۋاڭ جيانجۇن اسا تەبىرەنىستى بەينەدە بىلاي دەدى: «قاتتى اسەرلەندىم، باس شۋجي جاڭا داۋىردەگى جاڭاشا ديقانداردان بولۋعا شابىتتاندىردى، سول كەزدە، باس شۋجيدىڭ ءۇمىتىن ءسوزجوق اقتاپ، ديقانداردىڭ ءونىمىن، كىرىسىن ارتتىرۋعا، ۇتىمدى، جوعارى تيىمدىلىككە جەتۋ جولىمەن جۇرۋگە باستاپ، ءونىمدى، كىرىستى مولايتۋعا بەل بايلادىم».
بەيجيڭنەن قايتىپ كەلگەننەن كەيىن ۋاڭ جيانجۇن بۇرىنعىدان دا قاربالاس بولدى، ول جان-جاققا بارىپ كۋرستەرگە قاتىناستى، قىستاق تۇرعىندارىن ساياحات تۇيىندەرىن اشۋعا، ەرەكشە ەگىمشىلىكپەن شۇعىلدانىپ، كىرىستى ارتتىرىپ اۋقاتتانۋدىڭ جولىن اشۋعا باستادى. ۋاڭ جيانجۇن بىلاي دەدى: جاڭا ءداۋىر كۇرەسكەرلەردىڭ ءداۋىرى، جاڭا داۋىردەگى ديقاندار تىڭ ىستەر ىستەۋ كەرەك، جەر ارقىلى باقىتتى تۇرمىسقا كەنەلگەنىمدى، ءارى كوپەراتيۆتەگى نەشە ونداعى ديقانداردى بىرلىكتە دوڭگەلەك داۋلەتتى دەڭگەيگە جەتۋگە باستاعانىمدى باقىتتى سەزىنەمىن، باقىت كۇرەس جاساۋدان كەلەدى، مەيلى قايدا بولايىن، نە ىستەرمەن شۇعىلدانايىن، دەن قويا ۇيرەنىپ، جاپا-ماشاقاتقا ءتوزىمدى بولعاندا عانا قوماقتى تابىسقا جەتۋگە، باقىتقا كەنەلۋگە بولاتىنىن سەزىندىم.


بەرىپ كەت ورامالىڭدى

دوستار

الىستاعى اق ەركە