جاڭا حابارلار

تارباعاتاي ايماعىنىڭ قاتىناس قۇرىلىسى جەدەل دامۋ جولىنا ءتۇستى

    كەلۋ قاينارى: شينجياڭ حالىق راديو ىستانسياسى    2018-06-13 11:32:13  
ستانسيامىزدىڭ ءتىلشىسى حاميت پەن پراكتيكانت ءتىلشى شۇي ۋيفىڭنىڭ حابارى: سوڭعى جىلدارى، تارباعاتاي ايماعى تەمىرجول، اۆياتسيا، تاسجول قۇرىلىسى تەبىنىن كۇشەيتكەندىكتەن، قاتىناس قۇرىلىسى جەدەل دامۋ جولىنا ءتۇستى.
قارامايلى مەن شاۋەشەكتى تۇتاستىراتىن قارامايلى-شاۋەشەك تەمىرجولى قاربالاس سالىنۋدا، مۇنىڭ ىشىندە قارامايلى-شاۋەشەك تەمىرجولىنىڭ 1-مەرزىمدىك قۇرىلىسى بولعان قارامايلىدان تەمىرتامعا دەيىنگى بولەگىنىڭ ۇزىندىعى 99.671 كيلومەتر، قازىر تەمىرجولدىڭ رەلىس استى قۇرىلىسى تۇگەلدەي ءبىتىپ، رەلس ءۇستى قۇرىلىسى جۇرگىزىلۋدە. قارامايلى-شاۋەشەك تەمىر جولىنىڭ 2-مەرزىمدىك قۇرىلىسى بولعان تەمىرتامنان شاۋەشەك قالاسىنا دەيىنگى بولەگىنىڭ ۇزىندىعى 173.12 كيلومەتر، بۇل بولەكتتىڭ ءتۇرلى قىزمەتتەرى دە ءتارتىپتى جۇرىلۋدە. تاباعاتاي ايماقتىق دامۋ-رەفورما كوميتەتىنىڭ ورىنباسار مەڭگەرۋشىسى ما لين تىلشىگە، قارامايلى-شاۋەشەك تەمىرجولىن جاساۋ تارباعاتاي ايماعىندا تەمىرجول جوق بولۋ تاريحىن اياقتاتقانىن ايتا كەلىپ بىلاي دەدى: « قارامايلى-شاۋەشەك تەمىرجولى جاسالىپ، وعان پويەز قاتىناعاننان كەيىن، ول قازىرگى كۇيتۇن تەمىرجولىمەن جالعاسىپ، سول ارقىلى بۇكىل ەلىمىزدىڭ تەمىرجولىمەن تۇتاسادى. قارامايلى-شاۋەشەك تەمىرجولى جاسالىپ، وعان پويەز قاتىناعاننان كەيىن، قارامايلىدان شاۋەشەكتىڭ باقتى وتكەلىنە دەيىنگى لەنيا بويىنداعى بايلىقتار تولىق بىرىكتىرىلەدى، سوندىقتان، بۇل بايلىقتى، اسىرەسە جەرگىلكتى ورىننىڭ بايلىعىن سىرتقا شىعارۋعا ءتيىمدى».
تارباعاتاي ايماعى شينجياڭنىڭ باتىس سولتۇستىك شەتىندە، كەن ءونىمى بايلىعى مول، ساياحات بايلىعى وزگەشە، جاسىل ورگانيكالى اۋىل شارۋاشىلىق ونىمدەرى كوپ، الايدا امبەباپ قاتىناس نەگىزگى قۇرىلعى قۇرىلىسىنىڭ مەشەۋ بولۋى تارباعاتايدىڭ دامۋىن تەجەگەن ەڭ زور كەدەرگى بولىپ كەلدى. سوڭعى جىلدارى، تارباعاتاي ايماعى قاتىناس قۇرىلىسى تەبىنىن ۇزدىكسىز كۇشەيتىپ، مەملەكەتتىك تاسجول 3015-لەنياسىنىڭ قارامايلى-شاۋەشەك جوعارى قارقىندى تاس جولىن، مەملەكەتتىك تاسجولى 3014-لەنياسىنىڭ كۇيتۇن-التاي جوعارى قارقىندى تاسجولىن، مەملەكەتتىك تاسجولى 30-لەنياسىنىڭ ليانيۇنگاڭ-قورعاس جوعارى قارقىندى تاسجولىن، مەملەكەتتىك تاسجولى 217-لەنياسىنىڭ نەگىزگى لەنيا تاسجولىن نەگىز ەتكەن تاسجول قاتىناس تورابىن قالىپتاستىردى. مەملەكەت تاسجولى 219-لەنياسىنىڭ قوبىقسارى-شاۋەشەك-الاتاۋ ساعاسى، مەملەكەت تاسجولى 335-لەنياسىنىڭ شاۋەشەك ايىرىعىنان تولى-باقتى وتكەلىنە دەيىنگى بولەگى سياقتى مەملەكەت، ولكە نەگىزگى لەنيا نىساندارىنىڭ جۇرگىزىلۋىنە ساي، جوعارى دارەجەلى تاسجول لەنياسىنىڭ جەدەل ۇزارتىلىپ، شار-تاراپقا تارامدالعان تاسىمال تورابى العاشقى ادىمدا قالىپتاستى. تارباعاتاي ايماقتىق تاسجول تاسىمال مەكەمەسى تاسجول ءبولىمىنىڭ باستىعى جيا چيڭلي بىلاي دەدى: «2017-جىلدىڭ اياعىنا دەيىن، تاسجولدىڭ جالپى ۇزىندىعى 9 مىڭ 372 كيلومەترگە جەتتى. بولاشاقتان الىپ قاراعاندا، قاتىناس قۇرىلىسىنىڭ ەكونوميكانى جەبەۋ رولىنىڭ اسا زور ەكەنىن مەجەلەۋ قيىن ەمەس، بۇل رايونىمىزدىڭ دوڭگەلەك داۋلەتتى تۇرمىس نىساناسىن ەرتەرەك جۇزەگە اسىرۋىنا تاسجول قاتىناس تاسىمالى جاعىندا بەرىك كەپىل بولادى».
ماي بوياۋلى سۋرەتتەي كوركەم تارباعاتاي، جىبەك جولىنداعى ىرىستى جەر، دەمالىپ كۇتىنۋگە باپ كەلەتىن كوركەم مەكەن، اۋا ساپاسى ۇزاق جىلدار بويى شينجياڭ بويىنشا ماڭداي الدى ورىندى يەلەپ كەلگەن، سول سەبەپتى، «تارباعاتايدىڭ كوك اسپانى» سياقتىلار مەكروبلوگ پەن دوستار شەڭبەرىن جاۋىپ الدى... مىنە بۇل دۇنيەنىڭ ءتورت بۇرىشىنداعى ساياحاتشىلاردى تارباعاتايدى تاماشالاپ ساياحاتتاۋعا باۋرادى. ساياحاتشىلاردىڭ قاجەتىن قاناعاتتاندىرۋ ءۇشىن، وتكەن جىلى 5-ايدا، شاۋەشەك اۋەجايىن كەڭەيتىپ سالۋ قۇرىلىسى جاپپاي باستالىپ، قازىرگە دەيىن اۆياتسيا بەكەتى عيماراتىنىڭ نەگىزگى تۇلعالىق ينجەنەرياسىنىڭ %90 ءى ءبىتتى. شاۋەشەك اۋەجاي توبىنىڭ ورىنباسار مەڭگەرۋشىسى تان شىڭ بىلاي دەدى: «قالانى نەگىز ەتكەن اينالما اۋە لەنياسىن كۇش سالا دامىتامىز. 2018-جىلدان كەيىن، شاۋەشەكتىڭ كەزەكشى ايروپىلان سانى كورنەكتى ارتتى، قازىر سولتۇستىك شينجياڭ مەن وڭتۇستىك شينجياڭ اراسىنداعى اۋە لەنياسىن تۇتاستىردىق. اۋەجاي كەڭەيتىپ سالىنعاننان كەيىن، 2045-جىلعا دەيىن تاسىمالدى قاناعاتتاندىرىپ، جولاۋشىلاردى جەتكىزۋ مولشەرى 700 مىڭ ادام رەتكە جەتەدى. جۇك تاسىمالى دا دامۋدىڭ جەدەل جولىنا تۇسەدى».

بەرىپ كەت ورامالىڭدى

دوستار

الىستاعى اق ەركە