جاڭا حابارلار

اۆتونوميالى رايوندىق ساياسي كەڭەس ايلىق اقىلداسۋ اڭگىمە ءماجىلىسىن اشتى

    كەلۋ قاينارى: شينجياڭ حالىق راديو ىستانسياسى    2018-06-13 11:26:25  
ستانسيامىزدىڭ ءتىلشىسى ديڭ شياۋدان حابارلايدى: 6-ايدىڭ 12-كۇنى تۇستەن بۇرىن، اۆتونوميالى رايوندىق ساياسي كەڭەس ايلىق اقىلداسۋ اڭگىمە ءماجىلىسىن اشىپ، «اۋىل-قىستاقتاعى كەدەي حالىق سانىنىڭ كاتاراكتا ناۋقاسىن تەگىن ەمدەۋدى بەلسەنە ىلگەرىلەتۋدى» ارقاۋ ەتىپ، اقىلداسىپ، اڭگىمە وتكىزدى.
اۆتونوميالى رايوندىق ساياسي كەڭەستىڭ ءتوراعاسى نۇرلان ابىلماجىن ۇلى ءماجىلىستى باسقاردى ءارى ءسوز سويلەدى.
اڭگىمە ماجىلىسىندە، ساياسي كەڭەس مۇشەسى جانە مامانداردان قۇرالعان 10 ادام كەدەيلەردى دالمە-ءدال سۇيەمەلدەۋ، الدىن الۋدى نەگىز ەتۋ، مەحانيزمدى كەمەلدەندىرۋ، دەنساۋلىق ساقتاۋ جاعىندا كەدەيلەردى سۇيەمەلدەۋ سياقتىلاردى ارقاۋ ەتە وتىرىپ، اۋىل-قىستاقتاعى كەدەي حالىق سانىنىڭ كاتاراكتا ناۋقاسىن تەگىن ەمدەۋدى ىلگەرىلەتۋ جونىندە ۇسىنىس-پىكىر بەردى. كوپشىلىك: ءتۇرلى ساياساتتى بۇلجىتپاي تياناقتاندىرىپ، سالماقتى ناۋقاستاردى بۇكىلدەي قامتاماسىزداندىرۋ مەحانيزمىن جاپپاي ورناتىپ، كەدەي رايونداردىڭ ەمدەۋ-دەنساۋلىق ساقتاۋ جاعىندا قىزمەت وتەۋ قۋاتىن جاپپاي جوعارىلاتۋ كەرەك، شينجياڭعا كومەكتەسۋگە كەلگەن شيپاگەرلەردىڭ ابزال رولىن جان-جاقتىلى ساۋلەلەندىرىپ، ۇگىتتەۋ، جالپىلاستىرۋدى اناعۇرلىم كۇشەيتىپ، تيپتىك ۇلگىنىڭ جەتەكشى رولىن ساۋلەلەندىرىپ، بارلىق بەلسەندى فاكتوردى ىسكە قوسىپ، دەنساۋلىق ساقتاۋ جاعىندا كەدەيلەردى سۇيەمەلدەۋدى نەگىز ەتىپ، كەدەيلىكتەن قۇتىلدىرۋدان قامال الۋ شايقاسىندا بىرلىكتە جەڭىسكە جەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ ءۇشىن مىندەتتى مۇمكىندىكتىڭ بارىنشا ادا ەتۋ كەرەك.
كوپشىلىكتىڭ ءسوزىن تىڭداعاننان كەيىن، نۇرلان ءابىلماجىن ۇلى بىلاي دەپ اتاپ كورسەتتى: اۆتونوميالى رايوندىق ساياسي كەڭەس «اۋىل-قىستاقتاعى كەدەي حالىق سانىنىڭ كاتاراكتا ناۋقاسىن تەگىن ەمدەۋدى» باستى تاقىرىپ ەتىپ، دەنساۋلىق ساقتاۋ جاعىندا كەدەيلەردى سۇيەمەلدەۋ سالاسىنداعى تولعاقتى، قيىن تۇيىندەردى تىعىز ارقاۋ ەتە وتىرىپ، بەلسەنە اقىلداسىپ، كەڭەس ايتىپ، شىن سويلەپ، ۇتىمدى پىكىر ءبىلدىرىپ، «كىشكەنە تاقىرىپ» ارقىلى «قوماقتى جۇمىستار» ىستەپ، اقىلداسىپ تالقىلاۋ بارىسىندا ءتۇرلى جاقتىڭ ورتاق تانىمىن كۇشەيتىپ، اقىل-پاراساتى مەن كۇشىن ۇيىستىرىپ، تاماشا ونىمدىلىككە قول جەتكىزدى. ساياسي كەڭەس كەڭسەسى جانە قاتىستى ارناۋلى كوميتەتتەر ءماجىلىستىڭ باستى مازمۇنىن، قالىپتاسقان ورتاق تانىمدى جانە ماڭىزدى ۇسىنىس-پىكىردى جيناقتاپ رەتتەپ، اقىلداسقان ۇسىنىستى مالىمدەۋ فورماسىمەن اۆتونوميالى رايوندىق پارتكومنىڭ، ۇكىمەتتىڭ شەشىم جاساۋدا پايدالانۋىنا جولداۋ كەرەك.

بەرىپ كەت ورامالىڭدى

دوستار

الىستاعى اق ەركە