جاڭا حابارلار

كوڭىل قالاۋىنان شىققان باۋىرلاستىق سۇيىسپەنشىلىك

    كەلۋ قاينارى: شينجياڭ حالىق راديو ىستانسياسى    2018-06-13 11:21:11  
بۇراتالا راديو ستانسياسىنىڭ تىلشىلەرى يۇي شياۋلۇڭ مەن جاڭ شياۋحۇيدىڭ حابارى: ءبىر رەتكى كەزدەيسوق كەزدەسۋ، حۋبەي ولكەسى ۋحان قالاسىنان شينجياڭعا كومەككە كەلگەن وقىتۋشى لياڭ جيلۋ مەن بۇراتالا قالاسى چىندەل اۋىلىنداعى ديحان ابىلا اراسىندا باۋىرلاستىق سۇيىسپەنشىلىك قالىپتاستىردى. لياڭ جيلۋدىڭ وقۋ-اعارتۋدى قولداۋ مىندەتى اياقتاۋعا تاياعان سايىن، ەكەۋىنىڭ قيماستىق سەزىمدەرى كۇشەيىپ، ءبىر-بىرىنەن ايىرىلعىسى كەلمەدى.
ەندى بىرنەشە كۇننەن كەيىن، بۇراتالا قالالىق جوعارى دارەجەلى ورتا مەكتەپتىڭ ورتا جۇڭگو پەداگوگيكا ۋنيۆەرسيتەتىنە قاراستى 1-ورتا مەكتەبىنىڭ بۇراتالا بولىمشە مەكتەبىندەگى حۋبەي ولكەسىنىڭ ۋحان قالاسىنان شينجياڭعا كومەككە كەلگەن وقىتۋشىسى لياڭ جيلۋ اۋىلىنا قايتادى. اتتانار الدىندا، لياڭ جيلۋ حوشتاسۋ ءۇشىن ابىلانىڭ ۇيىنە باردى، ابىلا اعاسىنىڭ قولىن قاتتى قىسىپ تۇرىپ :«ونىڭ كەتەتىنىن ويلاسام، كوڭىلىم قاتتى قۇلازيدى، قيماي تۇرمىن، مەنىڭ ءۇيىم كەڭ، وسى جەردە ەكەۋىمىز بىرگە ىستەسەك تە بولار ەدى، راسىندا ونى قيمايمىن»،-دەدى.
لياڭ جيلۋ بىلاي دەدى: «كەتكەن كۇننىڭ وزىندە، بۇل جەردى ماڭگى ۇمىتا المايتىن سياقتىمىن. ۋاقىتتارىڭ بولسا، سەندەر دە ىشكى ولكەگە، حۋبەيگە، ۋحانعا بارىڭدار، مەن سەندەرگە ىشكى ولكەنىڭ كوركەم كورىنىسىن تاماشالاتامىن».
2009-جىلى 10-ايدىڭ ءبىر كەشىندە، بۇرتالا قالاسىنا وقۋ-اعارتۋدى قولداۋعا كەلگەنىنە ۇزاق بولماعان لياڭ جيلۋ مەن قىزمەتتەستەرى چىندەل اۋىلىنىڭ الۋانباي جاڭا قىستاعىندا جول تابا الماي ءجۇرىپ، ابىلاعا كەزدەسەدى. لياڭ جيلۋ بىلاي دەدى: «ول موتوتسكلىمەن اتىزدان شىعىپ كەلە جاتىر ەكەن»، مەن ودان: «ءبىز مەكتەپكە قايتۋشى ەدىك، قالاي جۇرەمىز؟»،-دەپ سۇراپ ەدىم. ول: «كوپىر ءالى الىستا جاتىر، اينالىپ بارعانشا ءتۇن جارىمى بولادى، ءبىزدى ۇيدەن تاماقتانىپ الىپ اتتانىڭدار، ايەلىم تاماقتى وتە ءدامدى جاسايدى»،-دەپ جىگى-جاپار بولدى.
ءبىر ايدان كەيىن، لياڭ جيلۋ سالەم-ساۋقىتىن الىپ، ابىلانىڭ ۇيىنە راحىمەت ايتا بارادى، ءسويتىپ، ەكەۋى اعالى-ءىنىلى بولىپ تابىسادى. ابىلا وتباسى بۇرىن باعىمشىلىقپەن شۇعىلداناتىن، اكەسىنىڭ ناۋقاسىن كورسەتۋ ءۇشىن، قوراسىنداعى سيىرى مەن قويىن تۇگەل ساتتى. اكەسى دۇنيەدەن وتكەننەن كەيىن، ابىلا دا شيپاحاناعا جاتىپ قالادى. ول بىلاي دەدى: «2012-جىلى جۇرەك اۋىرۋىم قوزعالىپ، بۇراتالا وبلىستىق شيپاحاناعا جاتتىم، ىڭعايسىزدانىپ وعان ايتپاعان بولاتىنمىن، كەيىن ول ماعان تەلەفوندا حابارلاستى، مەن وعان اۋىرىپ قالعانىمدى، شيپاحانادا جاتقانىمدى ايتتىم. مەنىڭ اكە-شەشەم دە جوق ەدى، ەكەۋى دە قايتىس بولعان، ول دەرەۋ قاسىما جەتىپ كەلدى».
وسىدان كەيىن، لياڭ جيلۋ ابىلانىڭ كوڭىلىن ۇنەمى جۇباتىپ تۇراتىن بولدى، ۇلىنىڭ ساباعىن پىسىقتاتىپ، قىزىنىڭ قىزمەت تابۋىنا كومەكتەسەدى، ەكەۋىنىڭ سۇيىسپەنشىلىگى بارعان سايىن تەرەڭدەي تۇسەدى. 2012-جىلى جازدا، لياڭ جيلۋدىڭ 3 جىلدىق شينجياڭعا كومەكتەسۋ ۋاقىتى تولعاندا، ابىلا جوعارىعا اعاسىن الىپ قالۋ مالىمەتىن ارناۋلى تاپسىرادى. ول بلاي دەدى: «ونىڭ ۋاقىتى تولىپ قايتپاق بولعاندا، مەن مالىمەت جازىپ ەدىم، قاتىستى ورىندار قايتارىپ تاستادى، مەن وعان، ساعان ءۇي سالىپ بەرەيىن، ەكەۋىمىز بىرگە تۇرىپ، ءبىر ۇيلى جانداي ءوتىپ، بىرگە تۇرمىس كەشىرەيىك،-دەدىم».
وسى جەردەگى بالالار ءۇشىن، وسى باۋىرلاستىق سۇيىسپەنشىلىك ءۇشىن، لياڭ جيلۋ بۇراتالادا 9 جىل قىزمەت ىستەپ، تۇرمىس كەشىردى. ول ءاسىلى وتكەن جىلى زەينەتكە شىعىپ اۋىلىنا قايتۋى كەرەك-ەدى. لياڭ جيلۋ: «مەنى راسىندا ءوز اعاسىنداي كورەدى، مەن قاتتى اسەرلەندىم، ءبىز اعالى-ءىنىلى سياقتى بولىپ كەتتىك»، ــ دەدى.

بەرىپ كەت ورامالىڭدى

دوستار

الىستاعى اق ەركە