جاڭا حابارلار

شاڭحاي ىنتىماقتاستىق ۇيىمىنا مۇشە ەلدەردىڭ باسشىلارى تىلشىلەردى بىرگە قابىلدادى

    كەلۋ قاينارى: شينجياڭ گازەتى    2018-06-13 11:04:12  

شي جينپيڭ ءتوراعا ەلدىڭ باسشىسى رەتىندە ءسوز سويلەدى

 شينحۋا اگەنتتىگىنىڭ 6 - ايدىڭ 10 - كۇنى چيڭداۋدان بەرگەن حابارى. شاڭحاي ىنتىماقتاستىق ۇيىمىنا مۇشە ەلدەردىڭ باسشىلارى 6 - ايدىڭ 10 - كۇنى تىلشىلەرمەن كەزدەستى. مەملەكەت ءتوراعاسى شي جينپيڭ ءتوراعا ەلدىڭ باسشىسى رەتىندە ءسوز سويلەدى. ءۇندىستاننىڭ زۇڭليى مودي، قازاقستاننىڭ زۇڭتۇڭى نۇرسولتان نازاربايەۆ، قىرعىزستاننىڭ زۇڭتۇڭى جيەنبەكوۆ، پاكيستاننىڭ زۇڭتۇڭى قۇسايىن، رەسەيدىڭ زۇڭتۇڭى پۋتين، تاجىكستاننىڭ زۇڭتۇڭى راحمون، وزبەكستاننىڭ زۇڭتۇڭى ميرزىيويەۆ كەزدەسۋگە قاتىناستى.
  شي جينپيڭ شاڭحاي ىنتىماقتاستىق ۇيىمىنىڭ چيڭداۋداعى باسشىلار باس قوسۋىندا بىرلىككە كەلگەن ورتاق تانىمدار مەن جەتىستىكتەردى بىلايشا تانىستىردى: تاراپتار بەرەكە - بىرلىك پەن سەلبەستىكتى كۇشەيتىپ، بەيبىت ىنتىماقتاستىق، تەڭ مامىلە جاساۋ، اشىق، باۋىرمال بولۋ، بىرگە ۇتۋ، بىرگە يگىلىكتەنۋ سىندى سەرىكتەستىك قاتىناستى تەرەڭدەتۋگە؛ تاراپتار ورتاقتىق، جالپىلىق، ىنتىماقتاستىق، باياندىلىق سىندى حاۋىپسىزدىك كوزقاراسىن ۇستانىپ، ساۋلەلەندىرىپ، ءوڭىردىڭ حاۋىپسىزدىگى مەن ورنىقتىلىعىن بىرگە قورعاۋعا؛ دۇنيە جۇزىلىك ساۋدا ۇيىمى ەرەجەسىنىڭ بەدەلى مەن ونىمدىلىگىن قورعاپ، اشىق، باۋىرمال، جاريا، قاقپايلامايتىن، ەرەجەنى نەگىز ەتكەن كوپ جاقتى ساۋدا ءتۇزىلىسىن نىعايتىپ، ساۋدا قورعانىمپازدىعى اتاۋلىنىڭ بارلىعىنا قارسى تۇرىپ، «ءبىر بەلدەۋ، ءبىر جول» قۇرىلىسى ىنتىماقتاستىعى مەن دامۋ ستراتەگياسىنىڭ ۇشتاسۋىن كۇشەيتۋگە؛ مادەنيەت، وقۋ - اعارتۋ، عىلىم - تەحنيكا، قورشاعان ورتانى قورعاۋ، دەنساۋلىق ساقتاۋ، ساياحات، جاستار، اقپارات قۇرالدارى، دەنە تاربيە سياقتى سالالاردا ۇزدىكسىز تۇردە اسا ءونىمدى كوپ جاقتى جانە ەكى جاقتى ىنتىماقتاستىق ورىستەتىپ، مادەنيەتتەر ارا ۇلگى الۋدى، حالىقتار تىلەگىنىڭ توعىسۋىن ىلگەرىلەتۋگە؛ شاڭحاي ىنتىماقتاستىق ۇيىمىنىڭ حالىقارالىق بارىس - كەلىس پەن ىنتىماقتاستىقتى كەڭەيتىپ، ب م ۇ، سونداي - اق باسقا دا حالىقارالىق جانە وڭىرلىك ۇيىمدارمەن تىزە قوسا وتىرىپ دۇنيە ءجۇزىنىڭ باياندى بەيبىتشىلىگىن جانە بىرگە گۇلدەنۋىن جەبەۋگە بىرگە كۇش سالۋعا؛ قىرعىزستاننىڭ ءتوراعا ەلدىك قىزمەتتى وتكىزىپ الىپ، كەلەر جىلعى باس قوسۋدى ويداعىداي وتكىزۋىن بەلسەنە قولداۋعا جانە وعان سايكەسۋگە قوسىلدى.
  شي جينپيڭ مىنالاردى باسا دارىپتەدى: شاڭحاي ىنتىماقتاستىق ۇيىمىنا مۇشە ەلدەردىڭ، باقىلاۋشى ەلدەردىڭ باسشىلارى جانە قاتىستى حالىقارالىق، وڭىرلىك ۇيىمداردىڭ جاۋاپتىلارى «شاڭحاي ىنتىماقتاستىق ۇيىمى ەرەجەسىنە» بويسۇنۋدىڭ باستى ماقساتى مەن پرينسيبىن اقىلداسىپ بەلگىلەپ، «شاڭحاي رۋحىن» ساۋلەلەندىرىپ، تاتۋ كورشىلىك دوستىقتان جازباي، ناقتى ىنتىماقتاستىقتى تەرەڭدەتىپ، ءوڭىردىڭ بەيبىتشىلىك، ورنىقتىلىق، دامۋ جوسپارىن بىرگە قاراستىردى. كوپشىلىكتىڭ بىرگە قۇلشىنۋىندا شاڭحاي ىنتىماقتاستىق ۇيىمىنىڭ بولاشاعىنىڭ، ءسوز جوق، اناعۇرلىم كوركەم بولاتىنىنا كامىل سەنەمىن (ءسوزدىڭ تولىعى ايىرىم بەرىلدى).
  تىلشىلەرمەن كەزدەسۋدەن ىلگەرى، شاڭحاي ىنتىماقتاستىق ۇيىمىنا مۇشە ەلدەردىڭ باسشىلارى «شاڭحاي ىنتىماقتاستىق ۇيىمىنا مۇشە ەلدەردىڭ باسشىلارى القالار كەڭەسىنىڭ چيڭداۋ جارناماسىنا» جانە ءبىرسىپىرا قاۋلىلارعا قول قويدى، اتاپ ايتقاندا، «شاڭحاي ىنتىماقتاستىق ۇيىمىنا مۇشە ەلدەردىڭ باياندى تاتۋ كورشىلىك دوستىق ىنتىماقتاستىق شارتىن» اتقارۋ پروگرامماسىن (2018 − 2022 - جىلعا دەيىنگى) بەكىتتى، «شاڭحاي ىنتىماقتاستىق ۇيىمىنا مۇشە ەلدەردىڭ لاڭكەستىككە، بولشەكتەۋشىلىككە، ۇشقارىلىققا سوققى بەرۋدىڭ 2019 - جىلدان 2021 - جىلعا دەيىنگى سەلبەستىك باعدارلاماسىن» بەكىتۋ، «2018 - جىلدان 2023 - جىلعا دەيىنگى شاڭحاي ىنتىماقتاستىق ۇيىمىنا مۇشە ەلدەردىڭ ەسىرتكىگە تيىم سالۋ ستراتەگياسىن» جانە ارەكەت جوسپارىن تياناقتاندىرۋدى، «شاڭحاي ىنتىماقتاستىق ۇيىمىنىڭ ناركوزدىك ءدارى - دارمەكتەردى جانە نەرۆ ءدارى - دارمەكتەرىن بەتالدى ىستەتۋدەن ساقتانۋ ويىن»، «شاڭحاي ىنتىماقتاستىق ۇيىمىنا مۇشە ەلدەردىڭ استىق حاۋىپسىزدىگى سەلبەستىك باعدارلاماسى جوباسىن» جاساۋدى، «شاڭحاي ىنتىماقتاستىق ۇيىمىنا مۇشە ەلدەردىڭ ورتانى قورعاۋ جونىندە سەلبەستىك ورناتۋ ويىن»، «شاڭحاي ىنتىماقتاستىق ۇيىمىنا مۇشە ەلدەر باسشىلارىنىڭ جاستارعا ءۇمىتىن» اتقارۋ باعدارلاماسىن، «شاڭحاي ىنتىماقتاستىق ۇيىمى باس حاتشىسىنىڭ شاڭحاي ىنتىماقتاستىق ۇيىمىنىڭ وتكەن ءبىر جىلداعى قىزمەتىنەن جاساعان بايانداماسىن»، «شاڭحاي ىنتىماقتاستىق ۇيىمى وڭىرلىك لاڭكەستىككە قارسى تۇرۋ قۇرىلىمى القالار كەڭەسىنىڭ وڭىرلىك لاڭكەستىككە قارسى تۇرۋ قۇرىلىمىنىڭ 2017 - جىلعى قىزمەت بايانداماسىن» بەكىتتى؛ «شاڭحاي ىنتىماقتاستىق ۇيىمى حاتشىلار باسقارماسىنىڭ ب م ۇ - نىڭ يۋنەسكو ۇيىمىمەن ىنتىماقتاستىق ورناتۋ، ءتۇسىنىسۋ ەسكەرتپە حاتىنا (2018 - جىلدان 2022 - جىلعا دەيىن) قول قويدى، شاڭحاي ىنتىماقتاستىق ۇيىمىنىڭ باس حاتشىسىن، شاڭحاي ىنتىماقتاستىق ۇيىمى وڭىرلىك لاڭكەستىككە قارسى تۇرۋ قۇرىلىمى اتقارۋ كوميتەتىنىڭ مەڭگەرۋشىسىن مىندەتكە تاعايىندادى، ەكونوميكا - ساۋدا، كەدەن، ساياحات، سىرتقى ساۋدا قاتارلى سالاداعى اۋىس - كۇيىسكە ىنتىماقتاستىق حۇجاتتارىنا قول قويۋعا كۋا بولدى.
  ديڭ شۋەشياڭ، ياڭ جيەچى، ۋاڭ ي، حى ليفىڭ، ت.ب لار جوعارىداعى قيمىلدارعا قاتىناستى.


بەرىپ كەت ورامالىڭدى

دوستار

الىستاعى اق ەركە