جاڭا حابارلار

اۆتونوميالى رايوننىڭ تۇرعىن ءۇيدى جالعا بەرۋ بازارى سىناق ءتۇيىنى قىزمەتى جەدەل ىلگەرلەتىلدى

    كەلۋ قاينارى: شينجياڭ حالىق راديو ىستانسياسى    2018-06-12 10:27:45  

ستانسيامىزدىڭ حابارى: كوپ تۇلعالى قامداپ، ءتۇرلى جولدارمەن قامتاماسىزداندىرىپ، جالعا بەرۋ مەن ساتىپ الۋدى تەڭ يگەرەتىن تۇرعىن ءۇي ءتۇزىمىن كۇش سالا ورناتۋ ءۇشىن، تاياۋدا، اۆتونوميالى رايوندىق تۇرعىن ءۇي جانە قالا-اۋىل قۇرىلىسى مەڭگەرمەسى، دامۋ-رەفورما كوميتەتى، قازىنا مەڭگەرمەسى سياقتى 9 مەڭگەرمە، مەكەمە «اۆتونوميالى رايوننىڭ تۇرعىن ءۇيدى جالعا بەرۋ بازارى سىناق ءتۇيىنى قىزمەتىن جەدەل ىلگەرلەتۋ جونىندەگى ۇقتىرۋدى» بىرلەسىپ تاراتىپ، اۆتونوميالى رايوننىڭ تۇرعىن ءۇيدى جالعا بەرۋ بازارى سىناق ءتۇيىنى قىزمەتىن جەدەل ىلگەرلەتتى.
وسى رەت تۇراقتاندىرىلعان سىناق ءتۇيىنىندەگى قالالار: ءۇرىمجى قالاسى، قارامايلى قالاسى، قۇمىل قالاسى، سانجى قالاسى، كورلا قالاسى سىندى 5 قالا. 2020-جىلعا دەيىن، اۆتونوميالى رايوندا قامداۋ نەگىزگى تۇلعاسى كوپ نەگىزدەنگەن، تيجارات قىزمەتى جۇيەلەنگەن، جالعا بەرۋ قاتىناسى تۇراقتى بولعان تۇرعىن ءۇيدى جالعا بەرۋ بازارى جۇيەسىن نەگىزىنەن قالىپتاستىرۋ جوسپارلاندى. 2025-جىلعا بارعاندا، تۇتاس رايونىمىزدا قامداۋى تولىق، جۇيەلى دە ءتارتىپتى، بازارى جاندانعان تۇرعىن ءۇيدى جالعا بەرۋ بازارى نەگىزىنەن قالىپتاسادى؛ نەگىزگى تۇيىنىنە كەپىلدىك ەتىلگەن، ادىلدىكتى جەبەيتىن، ءۇرتىس داميتىن الەۋمەتتىك جالعا بەرىلەتىن تۇرعىن ۇيلەردى قامتاماسىزداندىرۋ جۇيەسى نەگىزىنەن قالىپتاسادى؛ بازار ەرەجەسى انىق، ۇكىمەتتىڭ باقىلاپ-باسقارۋى پارمەندى، ۇقىق-مۇددەسى تولىق قامتاماسىزدانعان تۇرعىن ۇيلەردى جالعا بەرۋ زاڭ-ەرەجە ءتۇزىمى جۇيەسى نەگىزىنەن قالىپتاسادى.
اۆتونوميالى رايون جەر-جەردى تىڭنان ارتتىرىلعان جەردەن پايدالانىپ، جالعا بەرەتىن تۇرعىن ۇيلەردى سالۋ ارقىلى جاڭادان سالىناتىن تاۋارلى تۇرعىن ءۇي نىساندارى بارىسىندا جالعا بەرىلەتىن تۇرعىن ۇيلەردى قوسىپ سالۋعا شابىتتاندىردى؛ كوركەيتۋ سيپاتتى بانكە سياقتى فينانس قۇرىلىمدارىن حاۋىپ-قاتەردى مەڭگەرۋ، ساۋدانى جالعاستى جاساۋ العى شارتىندا جالعا بەرىلەتىن تۇرعىن ءۇي نىساندارىن سەنىمدى قارىزبەن قولداۋ تەبىنىن ارتتىرۋعا شابىتتاندىردى؛ تۇرعىن ءۇيدى جالعا بەرەتىن مەملەكەت مەنشىگىندەگى كاسىپورىنداردى بوس تۇرعان نەمەسە تومەن ونىمدىلىكتە پايدالانىلاتىن زاۆود ۇيلەرى، ساۋداعا پايدالانىلاتىن ۇيلەر سياقتىلاردى زاڭدا بەلگىلەنگەن جوسپار مەن بەلگىلەمە ءتارتىبى بويىنشا جالعا بەرىلەتىن تۇرعىن ۇيگە وزگەرتىپ سالىپ، جالعا بەرىلەتىن تۇرعىن ۇيلەرمەن ءونىمدى قامداۋدى ارتتىرۋعا شابىتتاندىردى.
سونىمەن بىرگە، تۇرعىن ۇيلەردى جالعا بەرۋدى قولداۋ ساياساتىن جاقسارتىپ، قالا-قالاشىق تۇرعىندارىن تۇرعىن ءۇيدى جالعا الۋ ارقىلى تۇرعىن ءۇي ماسەلەسىن شەشۋگە ءناسيحاتتادى. ورنىقتى كاسىپتەنگەن نەمەسە جەرگىلىكتى ورىننىڭ دارىندى ەنگىزۋ سياقتى بەلگىلەمەسىنە ۇيلەسەتىن جەرگىلىكتى نوپوس ەمەس جالعا الۋشىلار، تىزىمدەپ ەستەلىككە الىنعان تۇرعىن ءۇيدى جالعا بەرۋ توقتامى سياقتى ىسپات ماتەريالدارى ارقىلى تۇرۋعا تىزىمدەلۋگە ءوتىنىش بەرۋىنە، تۇرۋ كۋالىگىن الۋعا ءوتىنىش بەرۋىنە، تۇراقتى نوپوسقا تىزىمدەلۋدى ءوتىنىش ەتۋىنە، مىندەتتى وقۋ-اعارتۋ، ەمدەلۋ سياقتى نەگىزگى الەۋمەتتىك قىزمەت وتەۋدەن يگىلىكتەنۋىنە بولادى.


بەرىپ كەت ورامالىڭدى

دوستار

الىستاعى اق ەركە