جاڭا حابارلار

رايونىمىزاعى جوعارى مەكتەپتەر «جاڭا يدەيانى ۇيرەنۋدە سان مىڭداعان وقىتۋشى-وقىتۋشى ءبىر ساباقحانادا بولۋ» قيمىلىن وتكىزدى

    كەلۋ قاينارى: شينجياڭ حالىق راديو ىستانسياسى    2018-06-12 11:22:56  
ستانسيامىزدىڭ ءتىلشىسى ديڭ شياۋدان مەن ياڭ جيانچياۋدىڭ حابارى: 6-ايدىڭ 11-كۇنى تۇستەن كەيىن، رايونىمىزدىڭ «جاڭا يدەيانى ۇيرەنۋدە سان مىڭداعان وقىتۋشى-وقىتۋشى ءبىر ساباقحانادا بولۋ» قيمىلى شينجياڭ كوركەمونەر ينستيتۋتى، شينجياڭ ساقشى ينستيتۋتى، سانجى كاسىپتىك تەحنيكالىق ينستيتۋتى سياقتى التى مەكتەپتە ءبىر ۋاقىتتا ورىستەتىلىپ، ون مىڭعا جۋىق جوعارى مەكتەپ وقىتۋشى-وقۋشىسى لەكتورلار ۇيىرمەسىندەگى مامانداردىڭ ۇگىت لەكسياسىن تىڭدادى.
سانجى كاسىپتىك تەحنيكالىق ينستيتۋتىندا، جاندى مىسال، ۇعىنىقتى تۇسىندىرمە وسى اراداعى 800 وقىتۋشى-وقۋشىنىڭ ماركسيزمدى اناعۇرلىم ىشكەرلەي تۇسىنۋىنە مۇمكىندىك جاسادى. سانجى كاسىپتىك تەحنيكالىق ينستيتۋتىنىڭ وقۋشىسى ميھىربانگۇل تۇرىپ: «بۇگىنگى لەكسيانى تىڭداعاننان كەيىن، جاڭا داۋىردەگى جاس وقۋشى رەتىندە، ءبىز، ءسوزسىز، ماركسيزم يدەياسىندا بەرىك تۇرىپ، جەكەنىڭ ارمان-مۇراتىن مەملەكەت ىستەرىمەن سانالى توعىستىرىپ، وتاندى سۇيەتىن، جىگەرلى، شىندىققا ۇمتىلاتىن، ارەكەت جاسايتىن، جاڭا ءداۋىردىڭ ءۇمىتىن اقتايتىن ناقتى جۇمىس ىستەۋشى بولۋىمىز، جۇڭحۋا ۇلتىنىڭ ۇلى كوركەيۋى سىندى جۇڭگو ارمانىن ورىنداۋ جولىندا قۇلشىنا كۇرەس جاساۋىمىز كەرەك»،-دەدى.
شينجياڭ ساقشى ينستيتۋتىندا، 800 وقىتۋشى-وقۋشى «ماركسيزم ۇلى تۋىن بيىك ۇستاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن تياناقتاندىرۋدى» باستى تاقىرىپ ەتكەن لەكسيانى تىڭدادى. يدەيا-ساياسي وقىتۋشىسى جاۋ ۋيبين ەرەكشە تولقىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن وقىتۋ قىزمەتىنىڭ ءتۇبىرلى قاعيداسى ەتىپ، ماركسيزمدى جۇڭگوشا سوتسياليستىك وقىتۋدىڭ ەڭ كورنەكتى ەرەكشەلىگى ەتۋگە تاباندى بولىپ، ءوز قىزمەت ورنىندا تابان تىرەپ، جاڭا داۋىردەگى «ءتورتى بار» جاقسى وقىتۋشى بولۋعا ۇمتىلاتىندىعىن ايتىپ: «شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ساباقحاناعا، وقىتۋ ماتەريالدارىنا ەنۋ، كوكەيگە قونۋ قىزمەتىن ىلگەرلەتىپ، وقۋشىلاردى كوممۋنيزم ۇلى مۇراتىن ورناتۋعا دۇرىس جەتەكتەۋ كەرەك. «ءتورت سەنىمدى» بەرىك ورناتىپ، «بەس مۇراتتاستىقتى» ارتتىرىپ، شينجياڭ قوعام حاۋىپسىزدىگى ساياسي-زاڭ ىستەرىنىڭ تولىمدى قۇرىلىسشىسىن جانە سەنىمدى ءىزباسارىن جەتىلدىرىپ، ادال جاۋىنگەر رۋحىن ورناتىپ، ادال جاۋىنگەرلەردى باۋلۋىمىز كەرەك»،-دەدى.
تارتىمدى لەكسيادان جوعارى مەكتەپ وقۋشىلارى ەرەسەن جەلپىندى، كوپشىلىك ارت-ارتىنان، جاستىقپەن، كۇرەس جاساۋ ارقىلى ءداۋىردىڭ جاستارعا جۇكتەگەن بورشىن ارقالاپ، ونى ارەكەتتە تياناقتاندىراتىندىقتارىن ايتتى. شينجياڭ كوركەمونەر ينستيتۋتى مادەنيەت كوركەمونەر فاكۋلتەتىنىڭ وقۋشىسى حان لىلى: «شينجياڭ جوعارى مەكتەبىندەگى ءبىر ستۋدەنت رەتىندە، ءبىز يدەيالىق شەبىمىزدە تاباندى بولىپ، پارتيانىڭ باسشىلىعىنا بەرىك تۇرۋىمىز قاجەت. جاڭا داۋىردەگى ستۋدەنت رەتىندە، شينجياڭنىڭ دامۋىنا تيەسلى ۇلەس قوسۋىمىز كەرەك»،-دەدى.
ۇعىسۋعا قاراعاندا، «جاڭا يدەيانى ۇيرەنۋدە سان مىڭداعان وقىتۋشى-وقىتۋشى ءبىر ساباقحانادا بولۋ» قيمىلى 6-ايدىڭ 20-كۇنىنە دەيىن جالعاسىپ، تۇتاس رايونىمىزداعى 48 جوعارى مەكتەپتە 96 كەزەك ساباق ءوتىلىپ، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋ، ۇگىتتەۋ دايەكتىلەندىرۋ شينجياڭداعى جوعارى مەكتەپتەردى تولىق قامتۋدى، جوعارى مەكتەپ وقىتۋشى-وقۋشىلارىن تولىق قامتىۋدى جۇزەگە اسىرىپ، باس شۋجي شي جينپيڭنىڭ ماڭىزدى ءسوزىنىڭ رۋحىنىڭ كوكەيگە قونىپ، جۇرەككە ۇيالاپ، ارەكەتتە بەينەلەۋىن ىلگەرلەتەدى ەكەن.

بەرىپ كەت ورامالىڭدى

دوستار

الىستاعى اق ەركە