جاڭا حابارلار

شي جينپيڭ شاڭحاي ىنتىماقتاستىق ۇيىمىنىڭ چيڭداۋ باسشىلار باس قوسۋىنا قاتىناسۋعا كەلگەن شەتەل باسشىلارىن قارسى الدى

    كەلۋ قاينارى: شينجياڭ گازەتى    2018-06-12 12:24:09  

6 - ايدىڭ 9 - كۇنى مەملەكەت ءتوراعاسى شي جينپيڭ چيڭداۋ حالىقارالىق ءماجىلىس ورتالىعىندا قوناعاسى بەرىپ، شاڭحاي ىنتىماقتاستىق ۇيىمىنىڭ چيڭداۋ باسشىلار باس قوسۋىنا قاتىناسۋعا كەلگەن شەتەل باسشىلارىن قارسى الدى.
سۋرەتتە: شي جينپيڭ ارناۋ ءسوز سويلەۋدە.
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

 شينحۋا اگەنتتىگىنىڭ 6 - ايدىڭ 9 - كۇنى چيڭداۋدان بەرگەن حابارى (ءتىلشى جاۋ شينبيڭ، سۇن ي). مەملەكەت ءتوراعاسى شي جينپيڭ 6 - ايدىڭ 9 - كۇنى چيڭداۋ حالىقارالىق ءماجىلىس ورتالىعىندا قوناعاسى بەرىپ، شاڭحاي ىنتىماقتاستىق ۇيىمىنىڭ چيڭداۋ باسشىلار باس قوسۋىنا قاتىناسۋعا كەلگەن شەتەل باسشىلارىن قارسى الدى.
  6 - ايداعى چيڭداۋدىڭ جاسىل تاۋى، كوك تەڭىزى جاندى دا جالىندى تىڭ تىرشىلىك تىنىسىن اڭداتتى. حۋاڭحاي جيەگىندەگى چيڭداۋ حالىقارالىق ءماجىلىس ورتالىعىندا شىراقتار سامالاداي جارقىراپ، الۋان رەڭگە بولەنىپ، شىعاناقتىڭ قارسى جاعالاۋىنداعى قالانىڭ كەشكى كورىنىسىمەن ۇندەستىك تاۋىپ، كورىكتى دە الۋان رەڭدى كارتينا قالىپتاستىردى.
  كەشكى ساعات 7دەن 10 مينۋت مولشەرىندە شاڭحاي ىنتىماقتاستىق ۇيىمىنىڭ چيڭداۋ باسشىلار باس قوسۋىنا قاتىناسۋعا كەلگەن شاڭحاي ىنتىماقتاستىق ۇيىمىنا مۇشە ەلدەردىڭ، باقىلاۋشى ەلدەردىڭ باسشىلارى جانە حالىقارالىق ۇيىمداردىڭ جاۋاپتىلارى ىركەس - تىركەس جەتتى. اۆتوكولىك اترەتى بينحاي داڭعىلىن بويلاي رەتىمەن العا تارتتى، سيلى قوناقتار جايناعان قىزىل كىلەمدى بويلاي قوناعاسى زالىنا قاراي اياڭدادى، ءار ەلدىڭ مەملەكەت تۋى مەن حالىقارالىق ۇيىمداردىڭ تۋىنىڭ كەسكىنى قوناعاسى زالىنىڭ الدىڭعى قاقپاسىنا ءتۇسىپ تۇر. جولدىڭ ەكى جاعىندا جىگەرى تاسقىنداعان سول جەردەگى جاستار مەن وسپىرىمدەر قولدارىنداعى مەملەكەت تۋىن، شوق گۇلدەردى جانە ءتۇستى جارقىراۋىق تاياقشانى بۇلعاپ، شاتتانا بيگە باسىپ، ءار ەلدەن كەلگەن سيلى قوناقتاردى شاتتىقپەن قارسى الدى.
  شي جينپيڭ شەتەل باسشىلارىمەن بىرگە الىپ نازىك سىزبا «جايناعان ءومىر» الدىندا ەستەلىك سۋرەتكە ءتۇستى.
  قوناعاسى زالىنىڭ ءىشى شاتتىققا شومىپ، سيلى قوناقتارعا لىق تولدى. تامىلجىعان قوناقتاردى قارسى الۋ مۋزيكاسى اۋەنىمەن شي جينپيڭ سيلى قوناقتارمەن بىرگە قوناعاسى زالىنا كىردى.
  شي جينپيڭ ارناۋ ءسوز سويلەپ، جۇڭگو ۇكىمەتى مەن جۇڭگو حالقى اتىنان ءار ەلدىڭ باسشىلارى مەن حالىقارالىق ۇيىمداردىڭ جاۋاپتىلارىن قىزۋ قارسى الدى. شي جينپيڭ مىنالاردى اتاپ كورسەتتى: شاندۇڭ − كۇڭزىنىڭ اتا مەكەنى جانە تاعىلىمشىلدىق مادەنيەتىنىڭ باستاۋ العان جەرى. تاعىلىمشىلداردىڭ «تاتۋلىق - بىرلىك» ۇستانىمىنىڭ «شاڭحاي رۋحىمەن» كوپتەگەن ۇقساس تۇستارى بار.
  «شاڭحاي رۋحىنىڭ» جەتەكشىلىگىندە، شاڭحاي ىنتىماقتاستىق ۇيىمى حاۋىپسىزدىك، ەكونوميكا، گۋمانيتارلىق سياقتى ىنتىماقتاستىق سالالارىندا قوماقتى تابىسقا قول جەتكىزدى، مەحانيزم قۇرىلىسى جاعىندا دا تاريحي قادام تاستادى. قازىرگى تاڭدا، شاڭحاي ىنتىماقتاستىق ۇيىمى وڭىرلىك حاۋىپسىزدىكتى قورعاۋداعى، ورتاق دامۋدى جەبەۋدەگى، الەمدىك جونگە سالۋدى جاقسارتۋداعى ماڭىزدى كۇشكە اينالدى.
  شي جينپيڭ مىنالاردى باسا دارىپتەدى: چيڭداۋ ايگىلى «جەلكەندى كەمە مەكەنى»، كوپتەگەن كەمەلەر وسى ارادا جەلكەن جايىپ، شەرۋ تارتىپ، ارمانعا قانات قاقتى. ەرتەڭ ءبىز وسى ارادا شاڭحاي ىنتىماقتاستىق ۇيىمىنىڭ مۇشەلەر سانىن كوبەيتكەننەن كەيىنگى العاشقى باسشىلار باس قوسۋىن وتكىزىپ، اتاۋلى ۇيىمنىڭ بولاشاق دامۋداعى ۇلى جوباسىن جاپپاي جوسپارلايمىز. ءبىز چيڭداۋ باسشىلارى باس قوسۋىن جاڭا باستاما ەتىپ، «شاڭحاي رۋحىنىڭ» جەلكەنىن جايىپ، شاڭحاي ىنتىماقتاستىق ۇيىمىنىڭ دامۋداعى تىڭ جورىعىن بىرگە باستايمىز (ءسوزدىڭ تولىق مازمۇنى ايىرىم بەرىلدى).

 6 - ايدىڭ 9 - كۇنى مەملەكەت ءتوراعاسى شي جينپيڭ چيڭداۋ حالىقارالىق ءماجىلىس ورتالىعىندا قوناعاسى بەرىپ، شاڭحاي ىنتىماقتاستىق ۇيىمىنىڭ چيڭداۋ باسشىلار باس قوسۋىنا قاتىناسۋعا كەلگەن شەتەل باسشىلارىن قارسى الدى.
سۋرەتتە: شي جينپيڭ شەتەل باسشىلارىمەن «جايناعان ءومىر» اتتى الىپ نازىك سىزبانىڭ الدىندا سۋرەتكە ءتۇسىپ، ەستەلىك قالدىرۋدا.
سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن

  قوناعاسى كوڭىلدى، جاراسىمدى بەينەدە ءوتتى. شي جينپيڭ ءار ەلدىڭ باسشىلارىمەن ىستىق ىقىلاستا پىكىر اۋىستىرىپ، وسى وڭىردەگى ءارقايسى ەلدەردىڭ دامۋىنا، گۇلدەنىپ - كوركەيۋىنە، حالىقتىڭ باقىتتى، امان - ساۋ بولۋىنا ورتاق تىلەكتەستىك ءبىلدىردى، شاڭحاي ىنتىماقتاستىق ۇيىمىنىڭ بولاشاعىنىڭ اناعۇرلىم جارقىن بولۋىنا، چيڭداۋ باسشىلار باس قوسۋىنىڭ تابىستى بولۋىنا تىلەكتەستىك ءبىلدىردى.
  قوناعاسىدان كەيىن شي جينپيڭ سيلى قوناقتارمەن بىرگە قوناعاسى زالىنىڭ سىرتقى كورىنىس تەكشەسىنە بارىپ، فۋشان شىعاناعى تەڭىز ايدىنىنداعى «ءار تاراپتان كەلگەن دوستاردى قارسى الامىز» اتىنداعى وت جۇلدىزدى كوركەمونەر ساۋىق كەشىن تاماشالادى.
  ساۋىق كەش «الىستاعى تولعان اي»، «شاندۇڭنىڭ كەلبەتى»، «ەل - جۇرت بەيبىت تۇرمىس كەشىرۋ»، «بولاشاق ارماندى جۇزەگە اسىرۋ»، «تاعدىرلاس ورتاق تۇلعا» سياقتى تاراۋلاردان قۇرالدى. ساۋىق كەش شاڭحاي ىنتىماقتاستىعىنا مۇشە ەلدەر مەن باقىلاۋشى ەلدەر استانالارىنىڭ كورىنىستىك سۋرەتىمەن شىمىلدىعىن اشتى. جۇڭگونىڭ كلاسسيكالىق بايىرعى مۋزيكا اۋەنى مىڭ قۇبىلا تامىلجىپ، ۇستىلەرىنە جارقىراعان شۇبالما جەڭ كيگەن قىزدار بۇرالا بيگە باسىپ، «تەڭىزدە تولعان اي، تۋعان ساتكە ءار تاراپ بىرگە كۋا بولۋداي» كوركەم كورىنىستى جاراتتى. الۋان ءتۇرلى باتپىراۋىققا ساي كورىنىس وزگەرىپ، شاندۇڭ ولكەسىنىڭ ايگىلى كورىنىستىك اۋماقتارى مەن ءداستۇرلى مادەنيەتى ءبىر - بىرلەپ كورسەتىلىپ، شاندۇڭنىڭ بايتاق دالاسىنىڭ ۇزاق تاريحى مەن كورىكتى تاۋ - وزەندەرى مەن مۇندالادى. جۇڭگونىڭ جاسىل تاۋ، ءمولدىر سۋ، حالىق الاڭسىز تىرشىلىك ەتكەن كورىنىستەرى گۇلدەنگەن جۇڭگونىڭ گۋمانيتارلىق سۇيىسپەنشىلىگىن ايگىلەدى، دوڭگەلەك ەكرانداعى ءار ۇلت حالقىنىڭ شاتتانعان بەينەسى جۇڭگو حالقىنىڭ باقىت جولىندا قۇلشىنىپ جاتقاندىعىن جاندى تۇردە بەينەلەدى. جۇلدىزدار سامىسعان اسپاندا عارىشكەرلەر عارىش ساياحاتى ارقىلى عارىشتىڭ قۇپياسىن اشۋعا ىزدەنىس جاساپ، ادامزاتتىڭ عىلىم - تەحنيكادا جاڭالىق اشۋ ارقىلى الداعى كۇننىڭ جارقىن بولاشاعىنا بىرگە قانات قاققاندىعىن ايگىلەدى. ويناقى مۋزيكا اۋەنىمەن الۋان تۇسكە بولەنگەن وت جۇلدىزدار بىرىنەن كەيىن ءبىرى جارقىراپ، قالانىڭ تۇنگى اسپانىن نۇرلاندىرىپ، دوڭگەلەك ەكرانداعى بەيبىتشىلىك كوگارشىنى كوككە قانات قاقتى. وت جۇلدىزدار ءتورت ماۋسىمدى تاقىرىپ ەتتى. جاسىل جەلەك جامىلعان «كوكتەم» جاندى دا جالىندى كورىنىستى ايگىلەدى، الاۋلى «جاز» گۇلدەرى جايناعان بەينەنى كورنەكتىلەندىردى، التىن «كۇز» مول ءونىم شاتتىعىن جەتكىزدى، قارلى «قىس» جاز كۇنىندەگى تەڭىز جاڭالاۋىنا سالقىندىق الا كەلدى. ساۋىق كەش «ەل - جۇرت بەيبىت تۇرمىس كەشىرۋ» اسەم اۋەنىمەن شىمىلدىعىن جاپتى.
  ديڭ شۋەشياڭ، ياڭ جيەچى، ۋاڭ ي، جاۋ كىجى، حى ليفىڭ قاتارلىلار جوعارىداعى قيمىلدارعا قاتىناستى.


بەرىپ كەت ورامالىڭدى

دوستار

الىستاعى اق ەركە