جاڭا حابارلار

مەملەكەت ءتوراعاسى شي جينپيڭ چيڭداۋدا ءۇندىستاننىڭ زۇڭليى موديمەن كەزدەستى

    كەلۋ قاينارى: شينجياڭ گازەتى    2018-06-11 19:29:22  

  شينحۋا اگەنتتىگىنىڭ 6 - ايدىڭ 9 - كۇنى چيڭداۋدان بەرگەن حابارى (تىلشىلەر شۇي بيڭ، ۋىن شين). مەملەكەت ءتوراعاسى شي جينپيڭ 6 - ايدىڭ 9 - كۇنى چيڭداۋدا ءۇندىستاننىڭ زۇڭليى موديمەن كەزدەستى.
  شي جينپيڭ مىنالاردى اتاپ كورسەتتى: ءبىر ايدىڭ الدىندا، مەن زۇڭلي مىرزامەن ۋحاندا ءساتتى تۇردە بەيرەسمي كەزدەسۋ وتكىزىپ، كوپتەگەن ورتاق تانىمعا كەلدىك. ەكى ەل جانە حالىقارالىق قوعام سول جولعى كەزدەسۋگە بەلسەندى باعا بەردى، جۇڭگو - ءۇندىستان قارىم - قاتىناسىنىڭ دامۋىنا نازار اۋدارىپ، قولداۋ كورسەتەتىن بەلسەندى راي قالىپتاسىپ كەلەدى. جۇڭگو ۇندىستانمەن بىرگە ۋحان كەزدەسۋىن جاڭا باستاما ەتىپ، ءوزارا ساياسي سەنىمدى ۇزدىكسىز نىعايتىپ، ءوزارا ءتيىمدى ىنتىماقتاستىقتى جاپپاي ورىستەتىپ، جۇڭگو - ءۇندىستان قارىم - قاتىناسىنىڭ اناعۇرلىم جاقسى، اناعۇرلىم تەز، اناعۇرلىم ورنىقتى دامۋىن ىلگەرىلەتۋدى قالايدى.
  شي جينپيڭ مىنالاردى باسا دارىپتەدى: جۇڭگو مەن ءۇندىستان ۋحان كەزدەسۋىندەگى ورتاق تانىمدى تياناقتاندىرۋ جاعىندا ءبىرتالاي العاشقى ناتيجەلەرگە قول جەتكىزدى. ەكى جاق قايراتقا قايرات ۇستەپ، ءجىتى تياناقتاندىرىپ، ستراتەگيالىق بايلانىستى ساقتاپ، ەكونوميكا - ساۋدا ىنتىماقتاستىعىن كەڭەيتىپ، گۋمانيتارلىق اۋىس - كۇيىستى ىلگەرىلەتىپ، حالىقارالىق جانە وڭىرلىك ىستەردەگى سايكەستىك پەن ىنتىماقتاستىقتى كۇشەيتۋ كەرەك.
  شي جينپيڭ مىنالاردى ءبىلدىردى: ءۇندىستاننىڭ تۇڭعىش رەت شاڭحاي ىنتىماقتاستىق ۇيىمىنىڭ رەسمي مۇشەسى رەتىندە مەملەكەت باسشىلارىنىڭ القالى كەڭەسىنە قاتىناسىپ وتىرعانىن قارسى الامىز. جۇڭگو ءۇندىستان سياقتى مۇشە ەلدەرمەن بىرگە «شاڭحاي رۋحىن» بىرگە ساۋلەلەندىرىپ، شاڭحاي ىنتىماقتاستىق ۇيىمىنىڭ اقاۋسىز، ورنىقتى دامۋىن ىلگەرىلەتۋدى قالايدى.
  مودي مىنالاردى ءبىلدىردى: ءبىراز ۋاقىتتىڭ الدىندا مەنىڭ ءتوراعا شي جينپيڭمەن ۋحاندا وتكىزگەن بەيرەسمي كەزدەسۋىم وتە ءساتتى جانە وتە ماڭىزدى بولدى، بۇل مەنىڭ ءۇندىستان مەن جۇڭگونىڭ قارىم - قاتىناسىن دامىتۋعا دەگەن سەنىمىمدى بەكەمدەي ءتۇستى، ول قالايدا ءۇندىستان - جۇڭگو قارىم - قاتىناسىنىڭ تاريحىندا كەزەڭدىك ءمان الادى. ءۇندىستان مەن جۇڭگونىڭ ىنتىماقتاستىعى الەمنىڭ بەيبىتشىلىگى مەن گۇلدەنۋىندە ايرىقشا ماڭىزعا يە. ءۇندىستان ۋحانداعى بەيرەسمي كەزدەسۋدىڭ نەگىزىندە ەكى ەل قارىم - قاتىناسىنىڭ ۇزدىكسىز العا دامۋىن ىلگەرىلەتۋدى قالايدى. ءۇندىستان شاڭحاي ىنتىماقتاستىق ۇيىمىنىڭ جاڭا مۇشەسى رەتىندە، شاڭحاي ىنتىماقتاستىق ۇيىمىندا بەلسەندى رول اتقارۋدى قالايدى، جۇڭگونىڭ چيڭداۋداعى باسشىلار باس قوسۋىن ءساتتى وتكىزۋىنە قولداۋ كورسەتەدى.
  كەزدەسۋدەن كەيىن، شي جينپيڭ مەن مودي قاتىستى ەكى جاقتى ىنتىماقتاستىق حۇجاتتارىنىڭ قول قويىلۋىنا كۋاگەر بولدى.
  ديڭ شۋەشياڭ، ياڭ جيەچى، ۋاڭ ي، حى ليفىڭ كەزدەسۋگە قاتىناستى.


بەرىپ كەت ورامالىڭدى

دوستار

الىستاعى اق ەركە