جاڭا حابارلار

اۆتونوميالى رايون ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساعان 7تيپتىك ماسەلەنى اشىق جاريالادى

    كەلۋ قاينارى: شينجياڭ حالىق راديو ىستانسياسى    2018-06-11 17:45:17  
ستانسيامىزدىڭ حابارى: جۋىردا، اۆتونوميالى رايوندىق ءتارتىپ تەكسەرۋ كوميتەتى، باقىلاۋ-تەكسەرۋ كوميتەتى ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساعان ماسەلە جونىندەگى جەتى تيپتىك دەلونى جاريالادى. وسى جەتى تيپتىك دەلو مىنالار:
ءبىرىنشى، اۆتونوميالى رايوندىق قورشاعان ورتانى قورعاۋ مەڭگەرمەسى توپىراق ورتاسىن باسقارۋ باسقارماسىنىڭ بۇرىنعى باستىعى جاڭ پىڭنىڭ بەلگىلەمەگە قايشى تارتۋ تارالىعى جانە تارتۋ اقشاسىن الۋ ماسەلەسى. 2016-جانە 2017-جىلى شاعان كەزىندە، جاڭ پىڭ قىزمەت قولايلىلىعىنان پايدالانىپ، ءتورت باسقارۋ جانە قىزمەت وتەۋ وبيەكتىسىنىڭ جاقىنداسۋ ءۇشىن تارتۋ ەتكەن قۇنى 20 مىڭ يۋاندىق زات ساتىپ الۋ كارتىشكاسىن قابىلداعان. مۇنان تىس جاڭ پىڭدا وزگە دە تارتىپكە قايشىلىق جاساۋ ماسەلەسى بايقالعان. 2018-جىلى اقپاندا، جاڭ پىڭعا پارتيادان شىعارۋ، اكىمشىلىك مىندەتىنەن قالدىرۋ جازاسى بەرىلدى.
ەكىنشى، شينجياڭ كومىر كەن حاۋىپسىزدىگىن باقىلاۋ-تەكسەرۋ مەكەمەسى قۇتقارۋ قولباسشىلىق ورتالىعىنىڭ مەڭگەرۋشىسى ياسىن تۇردىڭ ۇكىمەت اۆتوموبيلىن جەكەلىك جۇمىسقا پايدالانۋ سياقتى ماسەلەلەرى. 2017-جىلى 1-ايدا، ياسىن تۇر قىزمەت اترەتىن باستاپ اۆتوموبيلىمەن قىزىلسۋ وبلىسىنا بارىپ كەن تاۋىندا قۇتقارۋ جۇمىسىن تەكسەرۋ بارىسىندا، قىزمەت ورنىنىڭ ۇكىمەت اۆتوموبيلىمەن ەكى رەت قاشقار ايماعىنىڭ ءپايزاۋات اۋدانىنا بارىپ جەكە جۇمىسىن بىتىرگەن، ءارى ۇيىم حات ارقىلى سۇراعاندا ماسەلەنىڭ ناقتى جاعدايىن ايتپاعان. 2018-جىلى 4-ايدا، ياسىن تۇرعا پارتيا ىشىندە قاتاڭ ەسكەرتۋ بەرۋ جازاسى بەرىلدى.
ءۇشىنشى، حوتان ايماقتىق راديو-تەلەۆيزيا ۋنيۆەرسيتەتى جۇمىسشى ۇيىمىنىڭ ءتوراعاسى، يدەيا ساياسي ءبولىمىنىڭ باستىعى ما مەيحۋانىڭ بەلگىلەمەگە قايشى قوسىمشا قاراجات تاراتۋ، جيەنىنىڭ «تۋعانىنىڭ ءجۇز كۇندىگىنە قوناعاسى بەرۋ» ماسەلەسى. 2017-جىلى 8-ايدا، ما مەيحۋا قۇربان ايت كەزىندە حال سۇراۋ ورايىنان پايدالانىپ، بەلگىلەمەگە قايشى وسى مەكتەپتەگى 86 وقىتۋشى، جۇمسشى-قىزمەتكەرگە جالپى 54 مىڭ 800 يۋاندىق ەرەن بازاردىڭ زات الۋ كارتىشكاسىن تاراتقان؛ 2017-جىلى 11-ايدا بەلگىلەمەگە قايشى جيەنىنىڭ «تۋعانىنىڭ ءجۇز كۇندىگىنە قوناعاسى» بەرىپ، وسى مەكتەپتەگى 84 وقىتۋشى مەن جۇمسشى-قىزمەتكەردى ۇسىنىس ەتىپ، جالپى 12 مىڭ يۋان تارتۋ اقشا العان. 2018-جىلى 3-ايدا، ما مەيحۋاعا پارتيا ىشىندە قاتاڭ ەسكەرتۋ بەرۋ جازاسى بەرىلدى.
ءتورتىنشى، تۇرپان قالاسى ءىدىقۇت رايونى بويلۇق ءمالىسى بەسءمالى الەۋمەتتىك اۋماعى پارتيا باس ياچەيكاسىنىڭ بۇرىنعى شۋجيى ساۋدۇن باۋدۇننىڭ ۇكىمەت اقشاسىمەن ساياحاتتاۋ ماسەلەسى. 2017-جىلى 7-ايدا، ساۋدۇن باۋدۇن ەكى توپقا ءبولىپ 23 الەۋمەتتىك اۋماق كادرىن شونجى اۋدانىنداعى جانبۇلاق كورىنىس رايونى مەن ءۇرىمجى قالاسىنىڭ نانشان كورىنىس رايونىنا ساياحاتتاۋعا ۇيىمداستىرىپ، ۇكىمەت قارجىسىنان جالپى 3 مىڭ 700 يۋان جۇمساعان. 2018-جىلى 3-ايدا، ساۋدۇن باۋدۇنعا پارتيا ىشىندە قاتاڭ ەسكەرتۋ بەرۋ جازاسى بەرىلدى.
بەسىنشى، ساۋان جول ىستەرىن باسقارۋ مەكەمەسى پارتگرۋپپاسىنىڭ شۋجيى، ورىنباسار مەكەمە باستىعى چىن ۋيدىڭ قىزمەت كەڭسەسىن ولشەمنەن اسىرا پايدالانۋ ماسەلەسى. 2013-جىلى 1-ايدان 2018-جىلى 2-ايعا دەيىن، چىن ۋي قىزمەت كەڭسەسىن ۇزاق ۋاقىت ولشەمنەن اسىرا پايدالانىپ، ناشار ىقپال تۋدىرعان. 2018-جىلى 5-ايدا، چىن ۋيعا پارتيا ىشىندە ەسكەرتۋ بەرۋ جازاسى بەرىلدى.
التىنشى، سانجى قالالىق ءۇي الۋدى باسقارۋ كەڭسەسى امبەباپ ءبولىمىنىڭ باستىعى ۋاڭ شيننىڭ ۇكىمەت اۆتوموبيلىن جەكەلىك جۇمىسقا پايدالانۋى سياقتى ماسەلەلەر. 2016-جىلى 4-ايدان 2017-جىلى 12-ايعا دەيىن، ۋاڭ شين ۇكىمەت اۆتوموبيلىمەن كوپ رەت بالاسىن مەكتەپكە اپارىپ جانە الىپ قايتىپ، جەكە جۇمىسىن بىتىرگەن؛ ۇكىمەت اۆتوموبيلىنىڭ ماي قۇيۋ كارتىشكاسىمەن ءوزىنىڭ جەكە اۆتوموبيلىنە ماي قۇيدىرىپ، ۇكىمەت قارجىسىنان جالپى 990 يۋاندى جۇمساعان. 2018-جىلى 4-ايدا، ۋاڭ شينعا پارتيا ىشىندە قاتاڭ ەسكەرتۋ بەرۋ جازاسى بەرىلدى.
جەتىنشى، بۇگۇر اۋدانى دينار وزەنى اڭعارىن باسقارۋ باسقارماسى جوبالاۋ-قۇرۋ-باسقارۋ ءبولىمىنىڭ باستىعى جاڭ شياۋميڭنىڭ تارتۋ اقشاسىن الۋ ماسەلەسى. 2014-جىلدان 2017-جىلعى شاعان مەرەكەسى، قاربىز مەرەكەسىنە دەيىن، جاڭ شياۋميڭ كوپ رەت باسقارۋ قىزمەت وتەۋ وبيەكتىسى لي فاميليالى مەن زوۋ فاميليالىنىڭ جاقىنداۋ ءۇشىن تارتۋ ەتكەن جالپى 9 مىڭ يۋانىن قابىلداعان. 2018-جىلى 1-ايدا، جاڭ شياۋميڭعا پارتيا ىشىندە ەسكەرتۋ بەرۋ جازاسى بەرىلدى.
«قياق كۇرىش مەرەكەسى» تاياپ قالدى، تۇتاس رايونىمىزداعى ءار دارەجەلى ءتارتىپ تەكسەرۋ، باقىلاۋ-تەكسەرۋ ورگاندارى «ءتورت بۇرىس ستيل» ماسەلەسىنە قاتىستى تىڭ جاعداي، تىڭ اۋقىمعا ەرەكشە نازار اۋدارىپ، باقىلاۋ-تەكسەرۋ تەبىنىن ارتتىرىپ، ماسەلە دەرەگىن كۇش سالا بايقاپ، قاتاڭ تەكسەرىپ، جەدەل ءبىر ءجايلى ەتىپ، مۇلدە كەڭشىلىك ەتپەي، پارتيالى كادرلاردى تىكسىنەتىن، ساقتاناتىن، سوڭعى شەكتى ساقتايتىن ەتۋ قاجەت. جاۋاپكەرلىكتى قۋزاۋ تەبىنىن كۇشەيتۋگە تاباندى بولىپ، مەرەكە كەزىندە بايقالعان ماسەلە ءجىپ ۇشتارىن ەڭ الدىمەن تەكسەرىپ ءبىر جايلى ەتىپ، تەكسەرىپ انىقتاعاننان كەيىن ءتارتىپتى قاتاڭ اتقارىپ جاۋاپكەرلىكتى قۋزاۋ كەرەك.

بەرىپ كەت ورامالىڭدى

دوستار

الىستاعى اق ەركە