جاڭا حابارلار

سوعىس ناتيجەسى ەرەن كەرەمەت باتىر ـــــ ۋ گۋاڭحاۋ

    كەلۋ قاينارى: شينجياڭ حالىق راديو ىستانسياسى    2018-06-11 13:26:27  

1906-جىلى دۇنيەگە كەلگەن ۋ گۋاڭحاۋ جاس كەزىندە وتانشىل وقۋشىلار قوزعالىسىنا بەلسەنە اتسالىسقان، 1926-جىلى جۇڭگو كوممۋنيستىك پارتياسىنا مۇشە بولادى. مەكتەپ بىتىرگەننەن كەيىن سولتۇستىككە جورىق سوعىسىنا قاتىناسادى، ۇلتتىق توڭكەرىستىك ارميا 4-ارمياسىندا ليانجاڭ، يىڭجاڭ بولادى، تيڭسىچياۋ، حىشىڭچياۋ، ۋچاڭ سياقتى سوعىستارعا قاتىناسادى.
1927-جىلى زور توڭكەرىس جەڭىلىسكە ۇشىراعاننان كەيىن، ۋ گۋاڭحاۋ حۋبەيدىڭ وڭتۇستىگىنە توڭكەرىستىك قيمىلمەن شۇعىلدانۋعا جىبەرىلەدى. 11-ايدا، ول حۋاڭ-ان، ماچىڭ كوتەرىلىسىنە قاتىناسىپ جانە باسشىلىق ەتىپ، ورىنباسار باس قولباسشى بولادى، ەكپىندىلەر اترەتىن باستاپ الدىمەن حۋاڭ-ان اۋدانىنا شابۋىلداپ جۇمىسشى-ديقان توڭكەرىستىك ارمياسى حۋبەيدىڭ وڭتۇستىگى ارمياسىن قۇرىپ، ورىنباسار باس قولباسشى، قوسىمشا 2-جول ارمياسىنىڭ سىليىڭى بولادى. كوتەرىلىس گومينداڭ ارمياسى جاعىنان جانىشتالعاننان كەيىن، ۋ گۋاڭحاۋ حۋبەيدىڭ وڭتۇستىگى ارمياسىنداعى 72 جاۋىنگەر مەن پارتيا-ۇكىمەت ورنىنداعى قىزمەتكەرلەردى باستاپ جاۋلاردىڭ قات-قابات قۇرساۋلارىن بۇزىپ ءوتىپ، 12-ايدىڭ سوڭىندا حۋاڭپي اۋدانىنىڭ مۋلان تاۋى وڭىرىندە پارتيزاندىق سوعىس جۇرگىزەدى.
1928-جىلى 1-ايدا، اسكەري ءبولىم جۇڭگو جۇمىسشى-ديقان توڭكەرىستىك ارمياسىنىڭ 7-ارمياسى بولىپ قايتا قۇرىلىپ، ۋ گۋاڭحاۋ باستىعى بولادى. ول اسكەري ءبولىمدى باستاپ جاپالى اينالا سوعىس جۇرگىزىپ، «كۇندىز تاسالانىپ، تۇندە جورتۋىلدايتىن، السىتان تۇتقيىل شابۋىلداپ، جاقىننان بوگەيتىن، شىعىستان دىبىس بەرىپ، باتىستان سوققىلاۋ، وڭتۇستىكتى اينالىپ، سولتۇستىككە كىرۋ» پارتيزاندىق سوعىس تاكتيكاسىن جاراتادى، مۋلان تاۋىن سەنتر ەتىپ، اتىرابى 100 شاقىرىمنان اساتىن كەڭ كولەمدى رايوندا ارەكەت جاساعاندىقتان، جەرگىلىكتى ورىنداعى بۇقارا ونى كەرەمەت باتىر دەپ اتايدى. 1928-جىلى 7-ايدا، ۋ گۋاڭحاۋ جۇڭگو جۇمىسشى-ديقان قىزىل ارمياسى 11-ارمياسىنىڭ باستىعى، قوسىمشا 31-شىنىڭ باستىعى بولىپ، وسى اسكەري بولىمگە قولباسشىلىق ەتىپ گومينداڭ ارمياسىنىڭ قورشاپ شابۋىلداۋىندا تالاي رەت جەڭىسكە جەتەدى.
1929-جىلى 5-ايدىڭ باسىندا، ۋ گۋاڭحاۋ 10 نەشە ادامدى باستاپ جاسانىپ جولعا شىعىپ، بۇيرىق بويىنشا حىناننىڭ شاڭچىڭىنا بارىپ كوتەرىلىس جاساۋ قىزمەتىنە باسشىلىق ەتپەكشى بولادى. لوتيان اۋدانىنداعى تىڭجياباۋدان وتكەندە جاۋدىڭ شابۋىلىنا ۇشىراپ، قاھارماندىقپەن قۇربان بولادى، ول سول جىلى نە ءبارى 23 جاستا ەدى.


بەرىپ كەت ورامالىڭدى

دوستار

الىستاعى اق ەركە