جاڭا حابارلار

شي جينپيڭ رەسەيدىڭ زۇڭتۇڭى پۋتينمەن كەڭەس وتكىزدى

    كەلۋ قاينارى: شينجياڭ گازەتى    2018-06-11 13:24:10  

ەكى ەل باسشىلارى جۇڭگو-رەسەي قاتىناسىندا ءتىپتى دە زور دامۋدى جوعارى دەڭگەيدە جۇزەگە اسىرۋعا ءبىر اۋىزدان قوسىلدى

6 - ايدىڭ 8 - كۇنى مەملەكەت ءتوراعاسى شي جينپيڭ بەيجيڭ حالىق سارايىندا رەسەيدىڭ زۇڭتۇڭى پۋتينمەن كەڭەس وتكىزدى.

سۋرەتتە: كەڭەسۋدەن ىلگەرى شي جينپيڭ حالىق سارايى شىعىس قاقپاسىنىڭ سىرتىنداعى الاڭدا پۋتيندى قارسى الۋ ءراسىمىن وتكىزدى.
 سۋرەتتى شينحۋا اگەنتتىگىنىڭ ءتىلشىسى چىن حۋاحۋا تۇسىرگەن

  شينحۋا اگەنتتىگىنىڭ 6 - ايدىڭ 8 - كۇنى بەيجيڭنەن بەرگەن حابارى (تىلشىلەر باي جيە، ۋ جيالين). 6 - ايدىڭ 8 - كۇنى مەملەكەت ءتوراعاسى شي جينپيڭ حالىق سارايىندا رەسەيدىڭ زۇڭتۇڭى پۋتينمەن كەڭەس وتكىزدى. ەكى ەلدىڭ باسشىلارى ۇرپاقتان - ۇرپاققا جالعاسقان دوستىق ۇستانىمى مەن ستراتەگيالىق سەلبەستىك رۋحىن باسشىلىققا الا وتىرىپ، ءار سالاداعى ىنتىماقتاستىقتى كەڭەيتىپ جانە تەرەڭدەتىپ، جاڭا داۋىردەگى جۇڭگو - رەسەي قاتىناسىندا ءتىپتى زور دامۋدىڭ جوعارى دەڭگەيدە جۇزەگە اسۋىن ىلگەرىلەتۋگە ءبىر اۋىزدان قوسىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ كەڭەسكە قاتىناستى.
  شي جينپيڭ پۋتيننىڭ جاڭا كەزەكتى زۇڭتۇڭدىق مىندەت وتەۋ مەزگىلىنىڭ باستالۋى بايلانىسىمەن ونى تاعى دا قۇتتىقتاپ، پۋتيننىڭ جاڭا كەزەكتى مىندەت وتەۋ مەزگىلىندەگى العاشقى مەملەكەتتىك ساپارىن جۇڭگودان باستاعانىن القادى. شي جينپيڭ بىلاي دەپ اتاپ كورسەتتى: جۇڭگو مەن رەسەيدىڭ جاپپاي ستراتەگيالىق سەلبەستىك سەرىكتەستىك قاتىناسى كەمەلىنە كەلگەن، تۇراقتى، بەرىك. حالىقارالىق جاعدايدا قانداي وزگەرىستەر تۋىلۋىنا قاراماستان، جۇڭگو مەن رەسەي قارسى جاقتارىنىڭ وزەكتى مۇددەنى قورعاۋىن قاشاندا باتىل قولداپ، ءار سالاداعى ىنتىماقتاستىقتى ىشكەرىلەي ورىستەتىپ، بۇكىل جەر شارىن جونگە سالۋعا بىرگە بەلسەنە ات سالىسىپ، جاڭاشا حالىقارالىق قاتىناستى ورناتۋدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ جولىندا تىرەكتىك رولدارىن ساۋلەلەندىردى. جۇڭگو رەسەيمەن بىرگە قۇلشىنىپ، ۇزاق ۋاقىت ۇلەس قوسىپ، جوعارى دەڭگەيدەگى ءوزارا سەنىمدى بەكەمدەپ، ءار سالاداعى ىنتىماقتاستىقتى كەڭەيتىپ، گۋمانيتارلىق بارىس - كەلىس پەن ءوزارا ۇلگى الۋدى تەرەڭدەتىپ، حالىقارالىق سايكەسۋدى نىعايتىپ، جۇڭگو مەن رەسەيدىڭ ۇرپاقتان - ۇرپاققا جالعاسقان دوستىق ۇستانىمىن ۇرپاقتان - ۇرپاققا جالعاپ، ەكى ەلدىڭ سەلبەستىك ستراتەگياسىنىڭ مازمۇنىن ۇزدىكسىز بايىتىپ، جۇڭگو - رەسەي قاتىناسىنىڭ كۇن سايىن ىلگەرىلەتىپ، كۇن سايىن جاڭالانۋىن جەبەپ، ەكى ەل حالىقتارىن باقىتقا كەنەلتۋدى قالايدى.
  شي جينپيڭ بىلاي دەپ باسا دارىپتەدى: تاراپتاردىڭ بىرگە قۇلشىنۋىنىڭ ناتيجەسىندە، قازىرگى كەزدە جۇڭگو مەن رەسەيدىڭ ءار سالاداعى ىنتىماقتاستىعى كۇشتى سەرپىن تانىتىپ وتىر، مۇددەلەردىڭ توعىسۋى ۇزدىكسىز تەرەڭدەۋدە. «ءبىر بەلدەۋ، ءبىر جول» قۇرىلىسىنىڭ ەۆروپا - ازيا ەكونوميكالىق وداعىمەن تۇيىلىسۋىندە ماڭىزدى العاشقى تابىسقا قول جەتتى. تاراپتار ءار سالاداعى ىنتىماقتاستىقتىڭ جاڭا وي جەلىسىن، جاڭا شاراسىن مۇقيات زەرتتەپ، ەكى ەلدىڭ جوعارى دەڭگەيلى ساياسي قاتىناس باسىمدىعىن نەعۇرلىم كوپ ناقتى ىنتىماقتاستىق جەتىستىكتەرىنە اينالدىرۋى كەرەك. ەكى ەلدىڭ گۋمانيتارلىق ىنتىماقتاستىعىن كۇشەيتىپ، حالىقتار دوستىعىن نىعايتۋ كەرەك.

 6 - ايدىڭ 8 - كۇنى جۇڭحۋا حالىق رەسپۋبليكاسىنىڭ «دوستىق وردەنىن» تابىستاۋ ءراسىمى بەيجيڭدەگى حالىق سارايىنىڭ التىن زالىندا سالتاناتپەن وتكىزىلدى.

سۋرەتتە: مەملەكەت ءتوراعاسى شي جينپيڭ رەسەيدىڭ زۇڭتۇڭى پۋتينگە «دوستىق وردەنىن» بەردى.
  سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

  شي جينپيڭ مىنالاردى اتاپ كورسەتتى: جۇڭگو مەن رەسەي ەكەۋى دە ب م ۇ حاۋىپسىزدىك القالار كەڭەسىنىڭ تۇراقتى ەلى، ب م ۇ ەرەجەسىنىڭ باستى ماقساتى مەن پرينسيبىن وزەك ەتكەن حالىقارالىق ءتارتىپ پەن حالىقارالىق جۇيەنى باتىل قورعاپ، حالىقارالىق قاتىناستىڭ دەموكراتيالانۋىن دارىپتەپ، قولامتالى ماسەلەلەردىڭ ساياسي جولمەن شەشىلۋ ۇدەرىسىن ىلگەرىلەتىپ، دۇنيە ءجۇزىنىڭ بەيبىتشىلىگى مەن حالىقارالىق ستراتەگيانىڭ ورنىقتىلىعىن قورعاۋ جولىندا بەلسەندى رولىن ۇزدىكسىز ساۋلەلەندىرەدى. جۇڭگو رەسەيدى قامتىعان شاڭحاي ىنتىماقتاستىق ۇيىمىنا مۇشە ەلدەرمەن بىرگە چيڭداۋ باس قوسۋىن عانيمات وراي دەپ ءبىلىپ، «شاڭحاي رۋحىن» اناعۇرلىم ساۋلەلەندىرىپ، شاڭحاي ىنتىماقتاستىق ۇيىمىنىڭ ۇزدىكسىز اقاۋسىز، ورنىقتى دامۋىن قامتاماسىز ەتۋدى قالايدى.
  پۋتين مىنالاردى ءبىلدىردى: رەسەي مەن جۇڭگونىڭ جاپپاي سەلبەستىك سەرىكتەستىك قاتىناسىن تەرەڭدەتۋ − رەسەي ديپلوماتياسىنىڭ باسىمدىق بەرىلگەن باعىتى. رەسەي مەن جۇڭگو ءبىر - ءبىرىنىڭ وزەكتى مۇددەسىمەن جانە نازار اۋدارىپ وتىرعان كەلەلەلى ماسەلەلەرىمەن ساناسىپ، ساياسي، ەكونوميكا، گۋمانيتارلىق سالالارداعى ديالوگ پەن ىنتىماقتاستىقتى بەلسەنە ىلگەرىلەتىپ، حالىقارالىق ىستەردەگى قارىم - قاتىناس پەن سايكەسۋدى نىعايتتى. تاراپتاردىڭ قاتىناسى تاريحتاعى ەڭ جاقسى دەڭگەيگە جەتىپ، بۇگىنگى تاڭداعى دۇنيە جۇزىندەگى مەملەكەت پەن مەملەكەت قاتىناسىنىڭ ۇلگىسىنە اينالىپ، حالىقارالىق بەيبىتشىلىكتى، حاۋىپسىزدىك پەن ورنىقتىلىقتى قورعاۋدا ماڭىزدى رولىن ساۋلەلەندىردى. رەسەي جۇڭگومەن ەكونوميكا - ساۋدا، قارجى قوسۋ، ەنەرگيا، نەگىزدىك قۇرىلعى جاقتارىنداعى ىنتىماقتاستىقتى كۇشەيتۋدى قالايدى. رەسەي جۇڭگونىڭ شاڭحاي ىنتىماقتاستىق ۇيىمىنىڭ ءتوراعا ەلى مىندەتىن ۇستىنە الىپ مۇشە ەلدەردىڭ ىنتىماقتاستىعىن ىلگەرىلەتۋ جولىندا جاساعان قۇلشىنىستارىن القايدى، جۇڭگونىڭ چيڭداۋ باس قوسۋىن تابىسپەن وتكىزۋىن قولدايدى، ەكى جاقتىڭ حالىقارالىق، وڭىرلىك ىستەردەگى، سونداي - اق ب م ۇ، بريكس ەلدەرى، 20 ەل توبى سياقتى كوپ جاقتى جۇلگەدەگى سايكەسۋ مەن ىنتىماقتاستىقتى نىعايتۋىن قالايدى.
  ەكى ەل باسشىلارى جۇڭگو مەن رەسەيدىڭ ءار سالاسىنىڭ ىنتىماقتاستىق كوميتەتتەرىنىڭ جاۋاپتىلارىنىڭ، سونداي - اق ەكى ەلدىڭ سىرتقى ىستەر مينيسترلەرىنىڭ مالىمەتتەرىن تىڭدادى ءارى چاۋشيان تۇبەگىنىڭ جاعدايى، يراننىڭ يادرو ماسەلەسى سياقتى بىرگە نازار اۋدارىپ وتىرعان ماسەلەلەر جونىندە ىشكەرىلەي پىكىر اۋىستىردى.
  كەڭەستەن كەيىن، ەكى ەل باسشىلارى «جۇڭحۋا حالىق رەسپۋبليكاسى مەن رەسەي فەدەراتسياسىنىڭ بىرلەسكەن مالىمدەمەسىنە» بىرگە قول قويىپ، كوپ ءتۇرلى ەكى جاقتى ىنتىماقتاستىق حۇجاتتارىنىڭ قول قويىلۋ ساتىنە كۋا بولدى ءارى جۇڭگولىق، شەتەلدىك تىلشىلەرىمەن كەزدەستى.
  كەڭەستىڭ الدىندا، شي جينپيڭ حالىق سارايىنىڭ شىعىس ەسىگىنىڭ الدىنداعى الاڭدا پۋتيندى قارسى الۋ ءراسىمىن وتكىزدى. حان جىڭ، ديڭ شۋەشياڭ، ۋاڭ چىن، سۇن چۇنلان، ياڭ جيەچى، حۋ چۇنحۋا، ۋاڭ ي، ليۋ چيباۋ، حى ليفىڭ قاتىناستى.


بەرىپ كەت ورامالىڭدى

دوستار

الىستاعى اق ەركە