جاڭا حابارلار

شي جينپيڭ رەسەيدىڭ زۇڭتۇڭى پۋتينمەن تيانجيندە جۇڭگو - رەسەي جاس وسپىرىمدەرىنىڭ حوككەي دوستىق جارىسىن تاماشالادى

    كەلۋ قاينارى: شينجياڭ گازەتى    2018-06-11 12:17:04  

  شينحۋا اگەنتتىگىنىڭ 6 - ايدىڭ 8 - كۇنى تيانجيننەن بەرگەن حابارى (ءتىلشى حوۋ ليجۇن). مەملەكەت ءتوراعاسى شي جينپيڭ 6 - ايدىڭ 8 - كۇنى كەشتە رەسەيدىڭ زۇڭتۇڭى پۋتينمەن تيانجيندە جۇڭگو - رەسەي جاس وسپىرىمدەرىنىڭ حوككەي دوستىق جارىسىن تاماشالادى.
  تيانجين سپورت سارايى كورەرمەندەرگە لىق تولىپ، دۋماندى بەينەگە شومدى. سارايدىڭ تورىنە قىزىل ءتۇستى قارسى الۋ كەرمە تۋى ءىلىندى، ەكى جاقتاعى ۇلكەن ەكراندا جۇڭگو - رەسەي جاس وسپىرىمدەر حوككەي كومانداسىنىڭ مۇشەلەرىنىڭ جاتتىعۋى مەن ەكى ەل سپورتشىلارىنىڭ قىسقى وليمپياداعا قاتىناسقانداعى جارىس كورىنىستەرى كورسەتىلىپ تۇر.
  ساعات 19دان 40 مينۋت وتكەندە، كوڭىلدى مۋزيكا ءۇنى ىشىندە، شي جينپيڭ مەن پۋتين سپورت زالىنا كىردى. بۇكىل زالداعى 7000نان اسا كورەرمەن ورنىنان تۇرىپ، الاقايلاسىپ، جۇڭگو مەن رەسەيدىڭ مەملەكەت تۋلارىن بۇلعاپ، ەكى مەملەكەت باسشىسىنىڭ كەلگەنىن قىزۋ قارسى الدى. ەكى مەملەكەت باسشىسى مۇز ايدىنىنا كىرگەندە، ەكى مەملەكەتتىڭ بالا حوككەيشىلەرى قاتارعا تۇرىپ قارسى الدى. شي جينپيڭ مەن پۋتين ولارمەن ءبىر - بىردەن جۇدىرىق ءتۇيىستىرىپ، امانداستى. ەكى مەملەكەت باسشىسى مۇز ايدىنىنىڭ ورتاسىنا جەتكەندە، بالا حوككەيشىلەر لەزدە قاۋمالاسىپ الىستى. شي جينپيڭ مەن پۋتين ولارمەن بىرگە سۋرەتكە ءتۇسىپ، شۇيىركەلەسە اڭگىمەلەسىپ، ولاردى ىنتىماقتاسا كۇرەس جۇرگىزىپ، دوپپەن دوس تاۋىپ، جارىس ارقىلى دوستىققا جول اشىپ جانە ءوز دەڭگەيلەرىن بايقاتىپ، بىرگە جوعارىلاپ، ۇيرەنۋ، پىكىرلەسۋ ارقىلى جاقسى دوس، جاقسى سەرىك بولىپ، جۇڭگو مەن رەسەيدىڭ دوستىق ىنتىماقتاستىق ىستەرىنىڭ ءىزباسارى بولۋعا جىگەرلەندىردى. بالا حوككەيشىلەر شي جينپيڭ مەن پۋتينگە رەسەي مەن جۇڭگو كوماندالارىنىڭ جارىس كيىمىن ۇسىندى.
  شي جينپيڭ مەن پۋتين مۇز ايدىنىنىڭ ورتالىق شەڭبەرىندە حوككەيدى مۇز بەتىنە تاستاپ، العاشقى دوپتى باستاپ بەردى. رەسەي، جۇڭگو ەكى مەملەكەتتىڭ مەملەكەت گيمنى ورىندالدى. كورەرمەندەر مىنبەسىنەن كۇركىرەگەن شاپالاق ءۇنى كوتەرىلدى.
  ەكى مەملەكەتتىڭ جاس ءوسپىرىم حوككەيشىلەرى مۇز ايدىنىندا ورشەلەنە تالاسىپ، قاقپاعا دوپ ۇرىپ، تاي - قۇلىنداي تەبىستى. ەكى مەملەكەت باسشىسى بالا حوككەيشىلەردىڭ كەرەمەت بەينەلەرىنە شاپالاق سوقتى. شي جينپيڭ پۋتينگە بىلاي دەدى: جۇڭگو مەن رەسەيدىڭ جاس وسپىرىمدەرىنىڭ جارىسى ادامدى تەبىرەنتەدى، جارىستان ەكى مەملەكەت جاس وسپىرىمدەرىنىڭ دوستىعىن كورۋگە بولادى. جۇڭگو رەسەيمەن بىرگە ەكى مەملەكەتتىڭ حوككەي سياقتى سپورت تۇرلەرىندەگى بارىس - كەلىسى مەن ىنتىماقتاستىعىن ىلگەرىلەتۋدى قالايدى. ەكى مەملەكەتتىڭ جاس وسپىرىمدەرى اۋىس - كۇيىستى كۇشەيتىپ، جۇڭگو مەن رەسەيدىڭ كورشىلىك دوستىعىن ۇرپاقتار بويى جالعاستىرۋعا ءتيىس. پۋتين مىنالاردى ءبىلدىردى: بۇگىن ەكى مەملەكەت جاس وسپىرىمدەرىنىڭ بەينەسى وتە كەرەمەت بولدى، جۇڭگونىڭ حوككەي سپورتىنان ۇلكەن ءۇمىت بار. وسى سياقتى جاس ءوسپىرىم حوككەي سپورتىنىڭ رەسەي - جۇڭگو ەكى مەملەكەتتىڭ دوستىعىنىڭ جاڭا دانەكەرى بولۋىن ءۇمىت ەتەمىن.
  شي جينپيڭ مەن پۋتين بىرگە جوعارى جىلدامدىقتى تەمىر جولمەن بەيجيڭنەن تيانجينگە بارىپ، وسى ايتىلعان قيمىلعا قاتىناستى ءارى جوعارى جىلدامدىقتى پويەزدە جۇڭگو - رەسەي تەمىر جول جانە تاۋار تاسىمالى سياقتى ەكى جاقتى ىنتىماقتاستىق حۇجاتتارىنىڭ قول قويىلۋىنا كۋاگەر بولدى. ديڭ شۋەشياڭ، لي حۇڭجۇڭ، ياڭ جيەچى، ۋاڭ ي، ت.ب قاتىستى قيمىلدارعا قاتىناستى.


بەرىپ كەت ورامالىڭدى

دوستار

الىستاعى اق ەركە