جاڭا حابارلار

رايونىمىزداعى 207 مىڭ 400 وقۋشى جوعارى مەكتەپ ەمتيحانىنا قاتىناسىپ، جەر-جەر، تاراۋلار ارتقى شەپ قامتاماسىزداندىرۋ قىزمەتىن جاقسى ىستەدى

    كەلۋ قاينارى: شينجياڭ حالىق راديو ىستانسياسى    2018-06-08 10:27:33  

ستانسيامىزدىڭ جيناق حابارى: 6-ايدىڭ 7-كۇنى جوعارى مەكتەپ ەمتيحانىنىڭ ءبىرىنشى كۇنى، رايونىمىزدان 207 مىڭ 400 وقۋشى جوعارى مەكتەپ ەمتيحانىنا قاتىناستى. جەر-جەردەگى قاتىناس، ەمدەۋ سياقتى تاراۋلار ارتقى شەپ قامتاماسىزداندىرۋىن جاقسى ىستەپ، وقۋشىلارعا تاماشا ورتا ازىرلەدى.
تۇستەن بۇرىن ساعات 10 مولشەرىندە، جوعارى مەكتەپ ەمتيحانىنىڭ تۇڭعىش ادەبيەت ەمتيحانى رەسمي باستالدى، ءۇرىمجى قالالىق 1-ورتا مەكتەپتىڭ ەمتيحان ورنىنىڭ سىرتىندا اتا-انالارى ەمتيحان بەرگەن وقۋشىلاردى كۇتۋ وڭىرىندە اسىعا كۇتۋدە، كەيبىرەۋى بالالارىنىڭ ۇيرەنۋ جاعدايىن تالقىلاسا، كەيبىرەۋى قايتا-قايتا ساعاتقا قارايدى، ءارى ەمتيحان الاڭى جاققا دا ءالىسىن-ءالى قارايلاي بەرەدى. ساعات 11 جارىمدا، ادەبيەت ەمتيحانى اياقتادى. فىڭ شياۋجياڭ اتتى وقۋشى ەمتيحان الاڭىنان شىققان بەتى كەلىپ سىرتتا اسىعا كۇتكەن شەشەسىن جانە وقتۋشىسىن قۇشاقتاي الدى، ونىڭ جۇزىنەن كۇلكى ەستى. فىڭ شياۋجياڭ: «ۋاقىت ءسال قىسىلتاياڭ بولدى، سۇراۋدىڭ قيىندىق دارەجەسى قالىپتى، ەرەكشە قيىن ەمەس»،-دەدى.
رايونىمىزدان بيىل 207 مىڭ 400 ادام جوعارى مەكتەپ ەمتيحانىنا قاتىناستى، بۇل وتكەن جىلداعىدان 20 مىڭنىڭ ۇستىندە ارتىق. تۇتاس رايونىمىزدىڭ ەمتيحان وڭىرىنىڭ جالپى سانى 75 كە، ەمتيحان ورنى 211 گە جەتتى. باي اۋدانى، قاشقار كونەشار اۋدانى، يوپۇرعا اۋدانى سياقتى التى اۋدان تىڭنان قوسىلعان ەمتيحان وڭىرى بولدى. باي اۋدانىنداعى ەمتيحان بەرگەن ايگۇزال تىلشىگە، ءوز جەرىندەگى ەمتيىحان ورنى تانىس بولعاندىقتان، كوڭىل-كۇيدە قىسىم بولمايتىندىعىن ايتىپ: «ءوز اۋدانىمىزدا ەمتيحان بەرسەك كوڭىلىمىز ورنىقتى بولادى، بۇل اردا تۋىس-تۋعان، دوس-جاراندارىمىز شابىتتاندىرادى، ونان سوڭ قىسىم جەڭىلدەپ، ادەتتەگى كوڭىل-كۇيمەن ەمتيحان بەرەمىز، كوپشىلىكتىڭ كوڭىل-كۇيى دە جاقسى، ەمتيحان نەداۋىر قيىن بولدى، شىققان سۇراۋلاردى ورتاشادان جوعارى دەۋگە بولادى»،-دەدى.
ەمتيحان بەرەتىن وقۋشىلارعا تاماشا ەمتيحان ورتاسىن جاراتۋ ءۇشىن، جەر-جەردەگى وقۋ-اعارتۋ، قاتىناس، ەمدەۋ، قالا اكىمشىلىگى سياقتى تاراۋلاردا ءوز جاۋاپكەرلىگىن ادا ەتىپ، ەمتيحان الاڭىنىڭ توڭىرەگىندەگى ءتارتىپتى ساقتاپ، ءتۇرلى شۇعىل جاعدايدى ءبىر جايلى ەتۋ جوباسىن كەمەلدەندىردى؛ قوعامداعى قورمال جاندار دا ارت-ارتىنان مەيىر جەتكىزىپ، ارتقى شەپ قامتاماسىزداندىرۋىن جاقسى ىستەدى. ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى سايباق رايوندىق قاتىناس ساقشى ۇلكەن اترەتىنىڭ باستىعى چاڭجياڭ كوشەسى ورتا اترەتىنىڭ باستىعى سو يوۋساي:«بىرنەشە كۇننىڭ الدىندا ۇلكەن اترەت ورنالاستىرۋ جاسادى، ەڭ اۋەلى توڭىرەكتەگى كەيبىر بەتالدى توقتاعان اۆتوموبيلدەردى رەتتەدى. شۇعىل جاعدايدى ءبىر جايلى ەتۋ اۆتوموبيلىن، ياعني مەيىر باعىشتاپ وقۋشىلاردى شۇعىل جاعدايدا جەتكىزۋ اۆتوموبيلىن دايىندادى. ەگەر ەمتيحان بەرەتىن وقۋشى ەمتيحان بەرۋ كۋالىگىن، ازاماتتىق كۋالىگىن ۇمىتىپ قالسا، سول وقۋشىنى دەرەۋ ۇيىنە جەتكىزەدى نەمەسە ونىڭ ازاماتتىق كۋالىگى مەن قاتىستى نارسەسىن جەتكىزىپ بەرەدى»،-دەدى.
قارامايلى قالاسىندا مەيىر باعىشتايتىن 50 كىرە كولىگىنىڭ شوفەرى، جەكە كولىكتىڭ يەسى جوعارى مەكتەپ ەمتيحانىن بەرگەن وقۋشىلاردى تاسىدى. كىرە كولىگىنىڭ شوفەرى لي يۇيچيڭ: «بۇگىن تاڭەرتەڭ ساعات 7 دەن 10 مينۋت وتكەندە ەمتيحان بەرەتىن وقۋشىلاردىڭ الدىنان شىقتىم، ولار مەملەكەتتىڭ بولاشاعى، ءارى ءبىزدىڭ تىرەگىمىز، جەتكىزىپ قويۋ بارىسىندا، ولارعا دەم بەرىپ، جاقسى ناتيجە الۋعا شابىتتاندىرامىز»،-دەدى.


بەرىپ كەت ورامالىڭدى

دوستار

الىستاعى اق ەركە