جاڭا حابارلار

شي جينپيڭ قىرعىزستاننىڭ زۇڭتۇڭى جيەنبەكوۆپەن كەڭەس وتكىزدى

    كەلۋ قاينارى: شينجياڭ گازەتى    2018-06-08 16:16:34  

ەكى مەملەكەت باسشىسى جۇڭگو-قىرعىزستان جاپپاي ستراتەگيالىق سەرىكتەستىك قاتىناسىن ورناتۋدى ءبىر اۋىزدان ماقۇلدادى

مەملەكەت ءتوراعاسى شي جينپيڭ 6 - ايدىڭ 6 - كۇنى بەيجيڭدەگى حالىق سارايىندا قىرعىزستاننىڭ زۇڭتۇڭى جيەنبەكوۆپەن كەڭەس وتكىزدى.

سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

 شينحۋا اگەنتتىگىنىڭ 6 - ايدىڭ 6 - كۇنى بەيجيڭنەن بەرگەن حابارى (ءتىلشى لي جۇڭفا). مەملەكەت ءتوراعاسى شي جينپيڭ 6 - ايدىڭ 6 - كۇنى حالىق سارايىندا قىرعىزستاننىڭ زۇڭتۇڭى جيەنبەكوۆپەن كەڭەس وتكىزدى. ەكى مەملەكەت باسشىسى جۇڭگو - قىرعىزستان جاپپاي ستراتەگيالىق سەرىكتەستىك قاتىناسىن ورناتىپ، ەكى ەلدىڭ دوستىق ىنتىماقتاستىعىنىڭ جاڭا تاراۋىن اشۋعا ءبىر اۋىزدان كەلىستى.
  شي جينپيڭ جيەنبەكوۆتىڭ جۇڭگوعا مەملەكەتتىك ساپارمەن كەلگەنىن جانە شاڭحاي ىنتىماقتاستىق ۇيىمىنىڭ چيڭداۋ باس قوسۋىنا قاتىناسۋىن قىزۋ قارسى الدى. شي جينپيڭ مىنالاردى باسا دارىپتەدى: جۇڭگو مەن قىرعىزستاننىڭ جاپپاي ستراتەگيالىق سەرىكتەستىك قاتىناس ورناتۋى ەكى ەل قارىم - قاتىناسىنىڭ تاريحىنداعى تاعى ءبىر كەزەڭدىك مانگە يە ءىرى ءىس، بۇل ەكى مەملەكەت قاتىناسىنىڭ دامۋىنا جاڭا قوزعاۋشى كۇش ۇستەيدى. جاڭا تاريحي باستامادا تۇرعاندا، جۇڭگو قىرعىزستانمەن بىرگە، ەكى ەلدىڭ ۇرپاقتار بويى جالعاسقان دوستىق رۋحىن ساۋلەلەندىرىپ، جان - جاقتى دوستىق ىنتىماقتاستىقتى دامىتۋعا كۇش سالىپ، دامۋ مەن وركەندەۋدى ىسكە اسىرۋ جولىندا تىزە قوسا كۇرەس جۇرگىزىپ، ەكى ەل حالقىنا ءتىپتى جاقسى يگىلىكتەر اكەلۋدى قالايدى.
  شي جينپيڭ مىنالاردى اتاپ كورسەتتى: قىرعىزستان «ءبىر بەلدەۋ، ءبىر جول» قۇرىلىسىنا ەڭ الدىمەن قولداۋ كورسەتكەن جانە ات سالىسقان ەلدەردىڭ ءبىرى. جۇڭگو قىرعىزستانمەن بىرگە وي جۇلگەسىن سارالاپ، كومەسكى مۇمكىندىكتەردى اشىپ، ەكى جاقتى ىنتىماقتاستىقتىڭ تىڭ بەلەسكە كوتەرىلە ءتۇسۋىن ىلگەرىلەتۋدى قالايدى. دامۋ ستراتەگيالارىنىڭ ۇشتاستىرىلۋى مەن ساياساتتاردىڭ ۇيلەستىرىلۋىن كۇشەيتىپ، مۇددەلەردىڭ ءتۇيىلىس نۇكتەسى مەن ءوسىم نۇكتەسىن مولايتا ءتۇسۋدىڭ جولىن قاراستىرىپ، ەكى ەلدىڭ ىنتىماقتاستىعىنداعى ماڭىزدى سالالار مەن نىسانداردى جۇمىلا جاقسى جوبالاپ، ەكونوميكا - ساۋداعا قارجى سالۋدى كەڭەيتىپ، ءىرى نىساندار بويىنشا ىنتىماقتاستىقتى جەدەلدەتۋ؛ گۋمانيتارلىق جانە جەرگىلىكتى ىنتىماقتاستىقتى كەڭەيتىپ، كورشىلىك دوستىقتى نىعايتۋ؛ حاۋىپسىزدىك ىنتىماقتاستىعىنىڭ دەڭگەيىن كوتەرىپ، «ءۇش ءتۇرلى كۇش» پەن مەملەكەت ارالىق ۇيىمداسقان قىلمىستارعا سوققى بەرۋ كەرەك.
  شي جينپيڭ جۇڭگونىڭ شاڭحاي ىنتىماقتاستىق ۇيىمىنىڭ ءتوراعاسى رەتىندە اتقارعان قىزمەتتەرىنە قىرعىزستاننىڭ پارمەندى قولداۋ كورسەتكەنىن جوعارى باعالاپ، جۇڭگونىڭ قىرعىزستانمەن بىرگە قۇلشىنىس جاساپ، شاڭحاي ىنتىماقتاستىق ۇيىمىنىڭ اقاۋسىز، ورنىقتى ارنامەن العا دامۋىن ىلگەرىلەتۋدى قالايتىندىعىن ءبىلدىردى.
  جيەنبەكوۆ مىنالاردى ءبىلدىردى: قىرعىزستان جۇڭگونىڭ ەكونوميكالىق، قوعامدىق دامۋ جەتىستىكتەرىنە سۇيىنەدى، جۇڭگونىڭ ۇزاقتان بەرى قۇندى كومەكتەر ۇسىنىپ كەلگەنىنە العىس ايتادى. بۇگىن قىرعىزستان مەن جۇڭگو جاپپاي ستراتەگيالىق سەرىكتەستىك قاتىناس ورناتىپ، ەكى مەملەكەت قاتىناسىندا جاڭا پاراق اشىلدى. قىرعىزستان جۇڭگومەن قارىم - قاتىناسقا باسىم باعىت بەرەدى، وتكەندە جانە قازىر دە جۇڭگونىڭ ەڭ سەنىمدى كورشىسى، سەرىگى جانە دوسى، بولاشاقتا دا سولاي بولادى. قىرعىزستان ءبىر جۇڭگو ساياساتىن پارمەندى تۇردە ۇستانادى، جۇڭگومەن ەكونوميكا - ساۋدا، گۋمانيتارلىق، ت.ب سالالارداعى سىندارلى ىنتىماقتاستىقتى نىعايتىپ، «ءۇش ءتۇرلى كۇشكە» سايكەسە سوققى بەرىپ، ءوڭىردىڭ بەيبىتشىلىگىن، ورنىقتىلىعىن جانە حاۋىپسىزدىگىن بىرگە قورعاۋدى قالايدى. قىرعىزستان «ءبىر بەلدەۋ، ءبىر جول» ۇلى دارىپتەمەسىن قولدايدى، ونىڭ، ءسوز جوق، ءوڭىردىڭ بىرگە دامۋىن پارمەندى تۇردە ىلگەرىلەتەتىندىگىنە سەنەدى. قىرعىزستان ەكى ەلدىڭ ىنتىماقتاستىعى جونىندەگى ءتۇرلى كەلىسىمشارتتاردىڭ تۇراقتىلىعىن ساقتايدى. قىرعىزستان جۇڭگونىڭ باسشىلىعىندا، شاڭحاي ىنتىماقتاستىق ۇيىمى چيڭداۋ باس قوسۋىنىڭ، ءسوز جوق، ءساتتى وتكىزىلەتىنىنە كامىل سەنەدى.
  كەڭەستەن كەيىن، ەكى مەملەكەت باسشىسى «جۇڭحۋا حالىق رەسپۋبليكاسى مەن قىرعىزستان رەسپۋبليكاسىنىڭ جاپپاي ستراتەگيالىق سەرىكتەستىك قاتىناس ورناتۋ جونىندەگى بىرلەسكەن مالىمدەمەسىنە» قول قويدى ءارى ەكى جاقتى ىنتىماقتاستىق حۇجاتتارىنىڭ قول قويىلۋىنا كۋاگەر بولدى.
  كەڭەستەن بۇرىن، شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا جيەنبەكوۆتى قارسى الۋ ءراسىمىن وتكىزدى.
  بۇل مەملەكەتتىك ساپارعا بايلانىستى جاڭا رەفورمادان وتكەن قارسى الۋ ءراسىمىنىڭ العاش قولدانىلۋى. رەفورمادان كەيىنگى قارسى الۋ ءراسىمى بۇرىنعىدان دا ايبىندى، سالتاناتتى جانە ساۋلەتتى، جاڭا داۋىردەگى جۇڭگوشا ەرەكشەلىككە يە ءىرى ەل ديپلوماتياسىنىڭ جاڭا بەينەسى مەن سونى تىنىسىن ايگىلەيدى.
  ديڭ شۋەشياڭ، ياڭ جيەچى، حاۋ ميڭجين، ۋاڭ ي، جاڭ چيڭلي، حى ليفىڭ، ت.ب قاتىناستى.


بەرىپ كەت ورامالىڭدى

دوستار

الىستاعى اق ەركە