جاڭا حابارلار

اۆتونوميالى رايون كەدەيلەردى سۇيەمەلدەۋ سالاسىنداعى ءىرىپ - شىرۋگە جانە ستيل ماسەلەسىنە ساياتىن 7 تيپتىك دەلونى حابارلاندىردى

    كەلۋ قاينارى: شينجياڭ گازەتى    2018-06-08 13:07:08  
 ءوز حابارىمىز. جۋىقتا اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى سوڭعى كەزدەرى كەدەيلەردى سۇيەمەلدەۋ سالاسىنداعى ءىرىپ - شىرۋگە جانە ستيل ماسەلەسىنە ساياتىن 7 تيپتىك دەلونى تەكسەرىپ ءبىر جاقتى ەتتى. ولار مىنالار:
  1. قىزىلسۋ قىرعىز اۆتونوميالى وبلىستىق عىلىم - تەحنيكا مەكەمەسى پارتيا باسشىلىق گرۋپپاسىنىڭ بۇرىنعى شۋجيى، مەكەمەنىڭ بۇرىنعى ورىنباسار باستىعى اتاوللا يبىرايىمنىڭ كەدەيلەردى سۇيەمەلدەۋ قاراجاتىن قىمقىرىپ الۋ ماسەلەسى. اتاوللا يبىرايىم 2015 - جىلى 11 - ايدا، 2016 - جىلى 3 - ايدا باسقالارمەن ءتىل بىرىكتىرىپ، تەحنيكاعا تاربيەلەۋ اقىسىن، قارا الاقات ەگىمشىلىگى نىسان اقىسىن جالعاننان كوبەيتىپ، كەدەيلەردى سۇيەمەلدەۋ ارناۋلى قاراجاتىنان 130 مىڭ يۋاندى قىمقىرىپ العان. مۇنان سىرت، اتاوللا يبىرايىم كەدەيلەردى عىلىم - تەحنيكا ارقىلى سۇيەمەلدەۋ نىسانىن جالپىلاستىرۋ بارىسىندا 90 مىڭ 400 يۋان پايداعا كەنەلگەن. 2018 - جىلى اتاوللا يبىرايىمعا پارتيادان شىعارۋ، ۇكىمەت قىزمەتىنەن ايداۋ جازاسى بەرىلدى؛ ونىڭ قىلمىسقا ساياتىن ماسەلەسى ءادىليا ورگانىنىڭ زاڭ بويىنشا ءبىر جاقتى ەتۋىنە تاپسىرىلدى. 
  2. اتۇش قالاسى ازاق اۋىلى تومەنشاشى قىستاعى پارتيا ياچەيكاسىنىڭ بۇرىنعى شۋجيى اۋىتجان ساۋىتتىڭ كەدەي وتباسىلارىنا بەرىلەتىن ءوسىمى قازىنادان تولەنەتىن قارىز اقشانى بەلگىلەمەگە قايشى الىپ، پايداعا كەنەلۋ ماسەلەسى. 2017 - جىلى اۋىتجان ساۋىت قىزمەت قولايلىلىعىنان پايدالانىپ، تومەنشاشى قىستاعىنداعى 11 كەدەي وتباسىنىڭ كەدەيلەردى سۇيەمەلدەۋگە بەرىلەتىن ءوسىمى قازىنادان تولەنەتىن 400 مىڭ يۋان قارىز اقشانى بەلگىلەمەگە قايشى جەكە ساۋدا ىستەيتىن قوجايىنداردىڭ پايدالانۋىنا بەرىپ، ارادان 30 مىڭ يۋان پايدا كورگەن. 2018 - جىلى 4 - ايدا اۋىتجان ساۋىتقا پارتيادان شىعارۋ جازاسى بەرىلىپ، تارتىپكە قايشى قاراجاتى قايتارىلىپ الىندى.
  3. جەمسارى اۋدانى چۋانزىجيە قالاشىعى گۇڭشىڭ قىستاعى پارتيا باس ياچەيكاسىنىڭ بۇرىنعى شۋجيى، قىستاق تۇرعىندار كوميتەتىنىڭ بۇرىنعى مەڭگەرۋشىسى ياڭ حىڭميڭنىڭ بەيقۇت ءۇي سالىپ، حالىقتى اۋقاتتاندىرۋ بويىنشا بەرىلەتىن جاردەماقىدان قايتا - قايتا يگىلىكتەنۋ ماسەلەسى. 2013 - جىلى ياڭ حىڭميڭ بەيقۇت ءۇي سالىپ، حالىقتى اۋقاتتاندىرۋ بويىنشا بەرىلەتىن جاردەماقىدان يگىلىكتەنگەن جاعدايدا، ايەلىنىڭ اتىندا بەيقۇت ءۇي سالىپ، حالىقتى اۋقاتتاندىرۋ بويىنشا بەرىلەتىن 33 مىڭ 500 يۋان جاردەماقىدان تاعى دا يگىلىكتەنگەن. 2015 - جىلى ياڭ حىڭميڭ 3 قىستاق تۇرعىنىنىڭ اتىندا بەيقۇت ءۇي سالىپ، حالىقتى اۋقاتتاندىرۋ بويىنشا بەرىلەتىن جاردەماقىنى ءوتىنىش ەتىپ، بەلگىلەمەگە قايشىلىق جاساپ، 100 مىڭ 500 يۋان قىمقىرىپ، تۇگەلدەي ءوزىنىڭ جەكەلىك شىعىسىنا جۇمساعان. 2018 - جىلى 4 - ايدا ياڭ حىڭميڭگە پارتيادان شىعارۋ جازاسى بەرىلىپ، قىلمىسقا ساياتىن ماسەلەسىنىڭ دەرەگى ءادىليا ورگانىنىڭ زاڭ بويىنشا ءبىر جاقتى ەتۋىنە تاپسىرىلدى.
  4. نىلقى اۋدانى مىس اۋىلدىق پارتكومنىڭ بۇرىنعى شۋجيى يان شۇيدۇڭنىڭ كەدەيلەردى سۇيەمەلدەۋ قاراجاتىن قىمقىرىپ الۋ ماسەلەسى. 2016 - جىلى 3 - ايدا نىلقى اۋداندىق حالىق سوتى مەكەمەسى مىس اۋىلىنداعى كەدەيلەردى سۇيەمەلدەۋگە 50 مىڭ يۋان بەرىپ قولداۋ كورسەتەدى، يان شۇيدۇڭ جالعاننان حال سۇراۋ بۇيىمدارىن تاراتۋ تاسىلىمەن ارادان 46 مىڭ 500 يۋان قىمقىرىپ، اۋىلدىڭ ينجەنەريا قارىزىن، كۇتىپ الۋ قاراجاتىن جانە كۇندەلىك شىعىسىن تولەگەن. 2018 - جىلى يان شۇيدۇڭعا پارتيا ىشىندە ەسكەرتۋ بەرۋ جازاسى بەرىلدى.
  5. اقسۋ قالاسى ىگەرشى اۋىلى تومەنگى شوقتال قىستاعى پارتيا ياچەيكاسىنىڭ ورىنباسار شۋجيى تۇنياز اسەتتىڭ تۋىسىنا جان تارتۋ ماسەلەسى. 2016 - جىلى تۇنياز اسەت تومەنگى شوقتال قىستاعىنداعى كەدەي وتباسىلارىنا پار قازاندى تەگىن ورناتىپ بەرۋ قىزمەتىنە جاۋاپتى بولعان بارىستا، شارتقا تولمايتىن تۋىسىن كەدەي وتباسى قاتارىنا ەنگىزىپ، قۇنى 7500 يۋاندىق پار قازاندى تەگىن ورناتىپ بەرگەن. 2018 - جىلى تۇنياز اسەتكە پارتيا ىشىندە قاتاڭ ەسكەرتۋ بەرۋ جازاسى بەرىلىپ، تارتىپكە قايشى قاراجاتتارى قايتارىلىپ الىندى.
  6. قاشقار قالاسى بەشكەرىم اۋىلى بايلا قىستاعى تۇرعىندار كوميتەتىنىڭ ورىنباسار مەڭگەرۋشىسى جيلىل قۇرباننىڭ استىق جاردەماقىسىن قىمقىرىپ الۋ ماسەلەسى. 2014 - جىلى جيلىل قۇربان 35 قىستاق تۇرعىنىنىڭ اتىندا جالعاننان قول قويىپ، استىق جاردەماقىسىنان 14 مىڭ يۋان قىمقىرعان. 2018 - جىلى 3 - ايدا جيلىل قۇربانعا پارتيادا قالدىرىپ ءبىر جىل سىناپ كورۋ جازاسى بەرىلدى، تارتىپكە قايشى قاراجاتتارى قايتارىلىپ الىندى.
  7. چەرشەن اۋدانى ارال اۋىلى ارال قىستاعى پارتيا ياچەيكاسىنىڭ بۇرىنعى ورىنباسار شۋجيى ياسىن مۇسانىڭ ءبيداي ەگىلگەن جەر اۋدانىن جالعان مالىمدەۋ، تۋىسىنا جان تارتۋ ماسەلەسى. 2015 - جىلى ياسىن مۇسا باسقالاردىڭ اتىندا 13 مۋ ءبيداي ەگىلەتىن جەر اۋدانىن جالعان مالىمدەپ، بەلگىلەمەگە قايشىلىق جاساپ، ءبيداي ەگۋگە بەرىلەتىن قوسىمشا قاراجاتتان 1000 يۋان العان؛ 2017 - جىلى مەملەكەتتىڭ كەدەيلەردى سۇيەمەلدەۋ نىسانىن تياناقتاندىرعاندا، بەلگىلەمەگە قايشىلىق جاساپ، شارتقا تولمايتىن تۋىسىنا ءبىر سيىر، 10 قوي، 80 تاۋىق ءبولىپ بەرگەن. مۇنان سىرت، ياسىن مۇسادا باسقا دا تارتىپكە قايشى ماسەلە ساقتالعان. 2018 - جىلى ياسىن مۇساعا پارتيادا قالدىرىپ، ءبىر جىل سىناپ كورۋ جازاسى بەرىلدى، تارتىپكە قايشى قاراجاتتارى قايتارىلىپ الىندى.
  كەدەيلەردى سۇيەمەلدەۋ سالاسىنداعى جوعارىداعى 7 تيپتىك دەلودا كەدەيلەردى سۇيەمەلدەۋ اقشاسى مەن زاتتارىن يەلەپ الۋ، كەدەيلەردى سۇيەمەلدەۋ ارناۋلى قاراجاتىن قىمقىرىپ الۋ؛ جالعان مالىمدەپ، وتىرىك ايتىپ يەمدەنىپ الۋ، تۋىس - تۋعاندارىنا جان تارتۋ ماسەلەسى ورىن تەپكەن، وسى ماسەلەلەردىڭ سيپاتى ناشار، بۇقارانىڭ اڭىسى كۇشتى بولدى، بۇقارانىڭ تابىس سەزىمىن اۋىر دارەجەدە مۇقالتتى، ونى، ءسوز جوق، قاتاڭ تەكسەرىپ ءبىر جاقتى ەتۋ كەرەك.
  تۇتاس اۆتونوميالى رايونداعى ءار دارەجەلى پارتيا ۇيىمدارى ساياسي تۇرعىنى جوعارىلاتىپ، «4 تانىمدى» بەرىك ورناتىپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ جونىندەگى نەگىزگى جوباعا تاباندى بولىپ، كەدەيلىكتەن قۇتىلدىرۋدان قامال الۋدى، ءسوز جوق، ورىنداۋعا ءتيىستى ماڭىزدى ساياسي مىندەت دەپ ءبىلىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ ماڭىزدى تۇتقاسى ەتىپ، كەدەيلىكتەن قۇتىلدىرۋدىڭ تۇلعالىق جاۋاپكەرشىلىگىن مۇقيات اتقارىپ، بورىشتى ارقالاپ، ءبىر دارەجە ءبىر دارەجەنى مىقتى ۇستاپ، سالالار بويىنشا تياناقتاندىرىپ، كەدەيلىكتەن قۇتىلدىرۋدان قامال الۋ شارالارىنىڭ ناقتاپ تياناقتانۋىن ىلگەرىلەتۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى اۆتونوميالى رايوننىڭ كەدەيلەردى سۇيەمەلدەۋ سالاسىن باقىلاۋ، ءتارتىپ اتقارۋ، تەكتەۋ قىزمەتى ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، ماسەلەنى نىشان ەتۋدەن جازباي، ءتارتىپ اتقارۋدىڭ ماڭىزدى تۇيىندەرىن كورنەكتىلەندىرىپ، ارناۋلى شارلاۋ، تەكسەرۋ، قازىنالىق باقىلاۋ، ارناۋلى باقىلاۋ - تەكسەرۋ، بۇقارالىق قىزمەتتى باقىلاۋ جانە وعان جەتەكشىلىك ەتۋ سياقتىلاردا بايقالعان ماسەلەلەردى تەكسەرىپ ءبىر جاقتى ەتۋ تەبىنىن كۇشەيتىپ، قياناتشىلدىق ىستەۋ، بەتالدى پايدالانۋ، ۇستاپ قالىپ استىرتىن ءبولىسۋ، جالعان مالىمدەۋ، يەمدەنىپ الۋ، زورلىقپەن يەمدەنىپ الۋ، تالان - تاراجىلاۋ سياقتى جايتتەردى باتىل تۇردە ءتارتىپ، زاڭ بويىنشا جازالاپ، اڭىسى كۇشتى، ىقپالى ناشار بولعان ءىرىپ - ءشىرۋ جانە ستيل ماسەلەسىن توتە تەكسەرۋ، توتە ءبىر جاقتى ەتۋ تەبىنىن كۇشەيتىپ، قاتاڭ سەس كورسەتىپ، اۋىر كەدەي وڭىرلەردى كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋدى پارمەندى تارتىپپەن جانە بەرىك ستيلمەن قامتاماسىز ەتۋ كەرەك.

بەرىپ كەت ورامالىڭدى

دوستار

الىستاعى اق ەركە