جاڭا حابارلار

رايونىمىزدىڭ جەر-جەرى ەمتيحان بەرەتىن وقۋشىلارعا كومەكتەستى

    كەلۋ قاينارى: شينجياڭ حالىق راديو ىستانسياسى    2018-06-07 10:38:46  

6-ايدىڭ 7-كۇنى، جوعارى مەكتەپ ەمتيحاننىڭ العاشقى كۇنى، رايونىمىزدىڭ جەر-جەرى ويداعىداي قىزمەت وتەپ، ەمتيحان بەرەتىن وقۋشىلارعا كومەكتەستى.
ءۇرىمجى قالاسىنداعى 70-ورتا مەكتەپ ەمتيحان تۇيىنىندە 34 ەمتيحان الاڭى ورنالاستىرىلىپتى، ورىنباسار مەكتەپ باستىعى جۋ يىڭچۇن تىلشىگە، وقۋشىلارعا ويداعىداي قىزمەت وتەۋ ءۇشىن، مەكتەپتەن ەمتيحانعا قاتىستى100 دەن استام قىزمەتكەردى شىعارىپ، زەردەلى پارىقتاۋ جۇيەسىن ارناۋلى ورنالاستىرعانىن ايتىپ: «وقۋشىلار ەمتيحان تۇيىنىنە كىرگەندە، ازاماتتىق كۋالىگىن وتكىزۋ جانە بارماق بەدەرىمەن پارىقتاۋ كەرەك، وقۋشىلار ازاماتتىق كۋالىگىن ۇمىتىپ كەتسە، ادامنىڭ ءجۇزىن پارىقتاۋ جۇيەسى دە بار، وسى ارقىلى وقۋشىلاردىڭ ەمتيحان الاڭىنا كىرىپ ەمتيحان بەرۋىنە بولادى»،-دەدى.
ءۇرىمجى قالالىق 20-ورتا مەكتەپتە، مەكتەپ شۇعىل جاعدايدى ءبىر جايلى ەتۋ جوباسىن ورنالاستىردى. وقىتۋ باسقارماسىنىڭ ورىنباسار مەڭگەرۋشىسى لي بيچىڭ: «ايتالىق ەلەكتر ەنەرگيادا كىنارات بايقالعاندا، مەكتەپتىڭ زاپاس گەناراتورى بار، ەكى كۇندە 48 ساعاتقا تولىق جەتەدى؛ ەمتيحان قۇرالى جاعىندا ءاربىر ەمتيحان الاڭىندا 2B قارىنداشى، قول قويۋ قالامى، وشىرگىش سياقتىلاردى دايىندادىق، وقۋشىلار ۇمىتىپ كەتسە، ولارعا دەركەزىندە بەرىپ، ەمتيحانعا كەپىلدىك ەتە الامىز»،-دەدى.
مۇگەدەك وقۋشىلارعا ارناۋلى ورنالاستىرۋ جاسالدى. شينجياڭ وقۋ-اعارتۋ ەمتيحان ورنىنىڭ جوعارى مەكتەپكە وقۋشى قابىلداۋ باسقارماسى ەمتيحان ىستەرى ءبىرىنشى ءبولىمىنىڭ باستىعى ليۋ چيانرۋ: «ايتالىق كوزى جاقسى كورمەيتىن مۇگەدەك وقۋشىلارعا جازۋى ۇلكەن ەمتيحان قاعازىن ارنايى باسىپ دايىندادىق. ءجۇرىپ-تۇرۋى قولايسىز وقۋشىلارعا ەمتيحان الاڭىنا الدىمەن كىرۋ سىندى قولايلىلىقتار جاسايمىز»،-دەدى.
6-ايدىڭ 4-كۇنى كەشتە، بۇراتالا قالاسى حۋاتيڭ الەۋمەتتىك اۋماعى جانە بۇراتالا وبلىستىق ساياحات مەكەمەسىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعستىرۋ » قىزمەت اترەتى قاراستى رايونداعى ەمتيحان بەرەتىن وقۋشىلار مەن اتا-انالارعا « ارمانعا قانات قاعىپ، جوعارى مەكتەپ ەمتيحانىن دەمەيتىن پسيحيكالىق جەتەكتەۋ ساباقحاناسىن» اشىپ، الەۋمەتتىك اۋماقتاعى جوعارى مەكتەپ ەمتيحانىنا قاتىناساتىن وقۋشىلاردىڭ پسيحيكالىق قىسىمىن جەڭىلدەتۋ ءۇشىن، مەملەكەتتىك ەكىنشى دارەجەلى پسيحيكالىق كەڭەسشى لۋ ي-شۋان مۇعالىمدى ۇسىنىس ەتتى. بۇراتالا وبلىسى فۋشين مەكتەبىنىڭ وقۋشىسى فىڭ يۇي ساباقتى تىڭداعاننان كەيىن وزىنە ءتيىمدى بولعانىن سەزىنىپ: «وسى رەتكى ساباقتى تىڭداۋدان بۇرىن قوبالجىپ تۇراتىنمىن، ويتكەنى جوعارى مەكتەپ ەمتيحانىن ءبىر رەت عانا بەرەمىز، وقىتۋشىنىڭ كەڭەسىن تىڭداعاننان كەيىن، قىسىمدى جەڭىلدەتۋ ءادىسىن ۇيرەندىم، ەمتيحان الاڭىندا وتە ساسقالاقتاماي، ادەتتەگى ەڭ جاقسى قابىلەتىمدى ساۋلەلەندىرۋدى ءۇمىت ەتەمىن»،-دەدى.


بەرىپ كەت ورامالىڭدى

دوستار

الىستاعى اق ەركە