جاڭا حابارلار

الاتاۋ شەكارا وتكەلىنەن كىرىپ - شىققان جۇڭگو - ەۆروپا كەزەكشى پويەزى 5000 كەزەكتەن استى

    كەلۋ قاينارى: شينجياڭ گازەتى    2018-06-06 18:29:17  

 ەرىكتى ءتىلشى جاڭ شياۋمين 6 - ايدىڭ 4 - كۇنى الاتاۋدان حابارلايدى. سوڭعى دەرەكتە كورسەتىلۋىنشە، ەلىمىزدىڭ باتىس سولتۇستىگىندەگى ەڭ ۇلكەن قۇرلىقتىق شەكارا وتكەلى الاتاۋ شەكارا وتكەلىنەن كىرىپ - شىققان جۇڭگو - ەۆروپا كەزەكشى پويەزى 5000 كەزەكتەن اسىپ، 5307 كەزەككە جەتتى، بۇل ەلىمىزدىڭ ازيا - ەۆروپا ەلدەرىمەن ساۋدا بارىس - كەلىسىنىڭ بىرتىندەپ تەزدەگەنىن كورسەتەدى.
  ۇعىسۋىمىزشا، 2011 - جىلى «چۇڭچيڭ - شينجياڭ - ەۆروپا» جۇك پويەزى قاتىناعاننان بەرى، ىشكى قۇرلىقتاعى كوپتەگەن ولكەلەر الاتاۋ تەمىر جول شەكارا وتكەلى ارقىلى ەۆروپاعا باراتىن جۇك پويەزدەرىن ىركەس - تىركەس ىسكە قوسقان. بيىل الاتاۋ كەدەنى جۇڭگو - ەۆروپا جۇك پويەزىنەن 10 لەنيا، 816 كەزەكتى پويەزدى كەدەندىك باقىلاۋ - باسقارۋدان وتكىزگەن، بۇلار ەۆروپاداعى 13 مەملەكەت پەن 36 قالاعا قاتىناعان.
  «جۇڭگو - ەۆروپا جۇك پويەزدەرىنىڭ كەدەننەن ءوتۋ ۇتىمدىلىعىن ارتتىرۋ ءۇشىن، ءبىز كۇنى - ءتۇنى كەزەكپەن جۇمىس جۇرگىزدىك، جۇمىس ۋاعىندا ولاردى الدىمەن تەكسەرىپ وتكىزسەك، جۇمىستان سىرتقى ۋاقىتتا الدىن الا كەلىسىم بويىنشا تەكسەرىپ - وتكىزىپ تۇردىق، تۇندە قاي ۋاقىتتا كەلسە سول ۋاقىتتا وتكىزىپ، وتكىزۋ جۇمىسىن 24 ساعات، 365 كۇن بويى ۇزبەدىك»، - دەيدى الاتاۋ كەدەنى باقىلاۋ - باسقارۋ ءبولىمىنىڭ قىزمەتكەرى ۋاڭ زىجىن.
  الاتاۋ جيە - ان لوگيستيكالىق شەكتى سەرىكتەستىگىنىڭ باس مەڭگەرۋشىسى جاڭ يۇن بىلاي دەدى: جۇڭگو - ەۆروپا كەزەكشى پويەزدەرى قاتىنايتىن مەملەكەتتەر مەن قالالار كوبەيىپ، ترانسشەكارالىق كەدەندىك راسىمدەۋ بارعان سايىن قولايلى بولا تۇسۋدە، كاسىپورىنىمىزدىڭ ءىس مولشەرى دە جىلدان - جىلعا ارتىپ كەلەدى. «ءبىز ءبىر بەلدەۋ، ءبىر جول» قۇرىلىسىنىڭ دامۋ ورايىن مىقتى يگەرىپ، جۇك تاسىمالىنىڭ دەلدالدىق نارىعىن كەڭەيتىپ، كاسىپورىنىمىزدى ونان ارى ويداعىداي دامىتۋىمىز كەرەك.


بەرىپ كەت ورامالىڭدى

دوستار

الىستاعى اق ەركە