جاڭا حابارلار

اۆتونوميالى رايوندىق ءتارتىپ تەكسەرۋ، باقىلاۋ-تەكسەرۋ كوميتەتى كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەسىنە قاتىستى 7 تيپتىك دەلونى حابارلاندىردى

    كەلۋ قاينارى: شينجياڭ حالىق راديو ىستانسياسى    2018-06-06 17:56:15  
ستانسيامىزدىڭ حابارى: جۋىردا، اۆتونوميالى رايوندىق ءتارتىپ تەكسەرۋ باقىلاۋ-تەكسەرۋ كوميتەتى جۋىق مەزگىلدە تەكسەرىپ ءبىر ءجايلى ەتىلگەن كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەسىنە قاتىستى 7 تيپتىك دەلونى حابارلاندىردى. بۇل دەلولار مىنالار:
قىزىلسۋ وبىلىستىق عىلىم-تەحنيكا مەكەمەسى پارتگرۋپپاسىنىڭ بۇرىنعى شۋجيى، بۇرىنعى ورىنباسار مەكەمە باستىعى اتوللا ءيبىرايىمنىڭ كەدەيلەردى سۇيەمەلدەۋ قارجىسىن زاڭسىز قىمقىرۋ ماسەلەسى. 2015-جىلى 11-ايدا جانە 2016-جىلى 3-ايدا، اتوللا ءيبىرايىم باسقالارمەن بىرلەسىپ، تەحنيكاعا تاربيەلەۋ اقىسىن، قارا جەمىستى الاقات ەگۋ نىسانى قارجىسىن جالعاننان كوبەيتىپ، كەدەيلەردى سۇيەمەلدەۋ ارناۋلى قارجىسىنان جيىنى 130 مىڭ يۋان اقشانى زاڭسىز قىمقىرعان. بۇدان سىرت، ول تاعى عىلىم-تەحنيكا جاعىندا كەدەيلەردى سۇيەمەلدەۋ نىسانىن جالپىلاستىرۋدا، 90 مىڭ 400 يۋان سىرىڭكەلىك العان. 2018-جىلى 4-ايدا، اتوللا ءيبىرايىمعا پارتيادان، قىزمەتتەن ايداۋ جازاسى بەرىلدى. ونىڭ قىلمىستىق ىستەرگە سايعان ماسەلە دەرەگى ءادىليا ورگانىنىڭ زاڭ بويىنشا ءبىر جايلى ەتۋىنە تاپسىرىلدى.
اتۇش قالاسى ازاق اۋىلى تومەنشاشى قىستاعى پارتيا ياچەيكاسىنىڭ بۇرىنعى شۋجيى اۋىتجان ساۋىتتىڭ بەلگىلەمەگە قايشىلىق جاساپ، كەدەي وتباسىلارىنا ءوسىمدى قارىز بەرىپ، ارادان پايدا الۋ ماسەلەسى. 2017-جىلى، اۋىتجان ساۋىت قىزمەت قولايلىلىعىنان پايدالانىپ، تومەنشاشى قىستاعىنداعى 11 كەدەي وتباسىنا بەرىلۋگە ءتيىستى كەدەيلەردى سۇيەمەلدەۋگە بەرىلەتىن 400 مىڭ يۋان ءوسىمدى قارىز اقشانى بەلگىلەمەگە قايشىلىق جاساپ، جەكە تيجاراتشى قوجايىنداردىڭ پايدالانۋىنا بەرىپ، ارادان 30 مىڭ يۋان پايدا تاپقان. 2018-جىلى 4-ايدا، اۋىتجان ساۋىتقا پارتيادان ايداۋ جازاسى بەرىلىپ، تارتىپكە قايشىلىق جاساعان قارجىسى تۇگەلدەي قايتارىلىپ الىندى.
جەمسارى اۋدانى چۋانزىگاي قالاشىعى گۇڭشىڭ قىستاعى پارتيا باس ياچەيكاسىنىڭ بۇرىنعى شۋجيى، قىستاق تۇرعىندار كوميتەتىنىڭ بۇرىنعى مەڭگەرۋشىسى ياڭ حىڭميڭنىڭ بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا بەرىلەتىن كومەك اقشادان بەتالدى يگىلىكتەنۋ ماسەلەسى. 2013-جىلى، ياڭ حىڭميڭ بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا بەرىلەتىن كومەك اقشادان يگىلىكتەنگەن بولا تۇرىپ، ايەلىنىڭ اتىمەن بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا بەرىلگەن 33 مىڭ 500 مىڭ يۋان كومەك اقشادان تاعى ءبىر رەت يگىلىكتەنگەن. 2015-جىلى، ياڭ حىڭميڭ تاعى قىستاقتاعى 3 تۇرعىنىنىڭ اتىمەن بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا بەرىلەتىن كومەك اقشاعا ءوتىنىش ەتىپ، بەلگىلەمەگە قايشىلىق جاساپ، جيىنى 100 مىڭ 500 يۋان اقشانى زاڭسىز قىمقىرىپ، بارلىعىن جەكە شىعىسىنا جۇمساعان. 2018-جىلى 4-ايدا، ياڭ حىڭميڭعا پارتيادان ايداۋ جازاسى بەرىلدى، ونىڭ قىلمىستىق ىستەرگە ساياتىن ماسەلە دەرەگى ءادىليا ورگانىنىڭ زاڭ بويىنشا ءبىر جايلى ەتۋىنە تاپسىرىلدى.
نىلقى اۋدانى مىس اۋىلى پارتكومىنىڭ بۇرىنعى شۋجيى يان شۇيدۇڭنىڭ كەدەيلەردى سۇيەمەلدەۋ قارجىسىن زاڭسىز الۋ ماسەلەسى. 2016-جىلى 3-ايدا، نىلقى اۋداندىق حالىق سوت مەكەمەسى مىس اۋىلىنىڭ كەدەيلەردى سۇيەمەلدەپ، قيىنشىلىعى بارلارعا كومەكتەسۋىن قولداۋ ءۇشىن 50 مىڭ يۋان كومەك اقشا بەرەدى، يان شۇيدۇڭ حال سۇراۋ بۇيىمدارىن جالعان تاراتۋ تاسىلىمەن ارادان 46 مىڭ 500 يۋاندى زاڭسىز قىمقىرىپ، ونى اۋىلدىڭ قۇرىلىس قارجىسى، قابىلداۋ اقىسى جانە كۇندەلىكتى شىعىمى رەتىندە جۇمسايدى. 2018-جىلى 3-ايدا، يان شۇيدۇڭعا پارتيا ىشىندە ەسكەرتۋ بەرۋ جازاسى بەرىلەدى.
اقسۋ قالاسى ىگەرشى اۋىلى تومەنگى شوقتال قىستاعى پارتيا ياچەيكاسىنىڭ بۇرىنعى ورىنباسار شۋجيى تۋنياز اسەتتىڭ تۋىس-تۋعان، دوس-جاراندارىنا تيىمدىلىك جاساۋ ماسەلەسى. 2016-جىلى 10-ايدا، تۋنياز اسەت تومەنگى شوقتال قستاعىنداعى كەدەي وتباسىلارىنا جىلۋ جۇيەسى پار قازانىن تەگىن ورناتىپ بەرۋ قىزمەتىنە جاۋاپتى بولىپ تۇرعاندا، شارتقا ۇيلەسپەيتىن تۋىستارىن كەدەي وتباسى ەسىمدىگى كولەمىنە كىرگىزىپ، ولارعا قۇنى 7 مىڭ 500 يۋاندىق جىلۋ جۇيەسى پار قازانىن تەگىن ورناتىپ بەرگەن. 2018-جىلى 5-ايدا، تۋنياز اسەتكە پارتيا ىشىندە قاتاڭ ەسكەرتۋ بەرۋ جازاسى بەرىلىپ، بەلگىلەگە قايشىلىق جاساپ العان قارجىسى تۇگەل قايتارىپ الىندى.
قاشقار قالاسى بەسكەرىم اۋىلى بايلا قىستاعى تۇرعىندار كوميتەتىنىڭ بۇرىنعى مەڭگەرۋشىسى جالەل قۇرباننىڭ استىققا بەرىلگەن قوسىمشا قاراجاتتى جەكە قىمقىرۋ ماسەلەسى. 2014-جىلى جالەل قۇربان قىستاقتاعى 35 تۇرعىنىنىڭ قول تاڭباسىن جالعاننان جاساپ، استىققا بەرىلگەن 14 مىڭ يۋان قوسىمشا قاراجاتتى جەكە قىمقىرعان. 2018-جىلى 3-ايدا، جالەل قۇربانعا پارتيادا قالدىرىپ ءبىر جىل تەكسەرۋ جازاسى بەرىلىپ، بەلگىلەگە قايشىلىق جاساپ العان قارجىسى تۇگەل قايتارىلىپ الىندى.
چەرچەن اۋدانى ارال اۋىلى ارال قىستاعى پارتيا ياچەيكاسىنىڭ بۇرىنعى ورىنباسار شۋجيى ياسىن مۇسانىڭ ءبيداي ەگۋ اۋماعىن جالعان مالىمدەۋ، تۋىس-تۋعان، دوس-جاراندارىنا تيىمدىلىك جاساۋ ماسەلەسى. 2015-جىلى، ياسىن مۇسا جەكە اتىمەن 13 مۋ جەردەگى ءبيداي ەگىلگەن جەردى جالعان مالىمدەپ، ءبيدايعا بەرىلگەن مىڭ يۋان قوسىمشا قاراجاتتان بەلگىلەمەگە قايشىلىق جاساپ يگىلىكتەنگەن؛ 2017-جىلى، مەملەكەتتىڭ كەدەيلەردى سۇيەمەلدەۋ قارجىسىن تياناقتاندىرعاندا، بەلگىلەمەگە قايشىلىق جاساپ شارتقا ۇيلەسپەيتىن تۋىستارىنا ءبىر سيىر، 10 تۇياق قوي، 80 تاۋىق ءبولىپ بەرگەن. بۇدان سىرت، ياسىن مۇسادا تاعى باسقا دا تارتىپكە قايشىلىق جاساۋ ماسەلەلەرى ورىن تەپكەن. 2018-جىلى 1-ايدا، ياسىن مۇساعا پارتيادا قالدىرىپ ءبىر جىل تەكسەرۋ جازاسى بەرىلىپ، بەلگىلەگە قايشىلىق جاساپ العان قارجىسى قايتارىلىپ الىندى.
اۆتونوميالى رايوندىق تارتىپ تەكسەرۋ كوميتەتى مىنانى تالاپ ەتتى: ءار دارەجەلى ءتارتىپ تەكسەرۋ، باقىلاۋ-تەكسەرۋ ورگاندارى رايونىمىزدىڭ كەدەيلەردى سۇيەمەلدەۋ سالاسىنداعى ءتارتىپتى تەكسەرۋدى باقىلاۋ جاۋاپكەرلىكتى قۋزاستىرۋ قىزمەتى ءماجىلىسنىڭ رۋحىن مۇقيات دايەكتىلەندىرىپ، تياناقتاندىرىپ، ماسەلە باعدارىنا تاباندى بولىپ، ءتارتىپ تەكسەرۋدى اتقارۋ ءتۇيىنىن كورنەكتىلەندىرىپ، قياناتشىلدىق ىستەۋ، قارجىنى باسقاعا جۇمساۋ، ۇستاپ قالىپ، جەكە ءبولىپ الۋ، جالعان مالىمدەپ، باسقانىڭ اتىن جامىلىپ الۋ، زورلىقپەن يەمدەنىپ الۋ، تارتىپ الۋ سياقتى ارەكەتتەردى زاڭ-ەرەجە بويىنشا باتىل، قاتاڭ جازالاۋ كەرەك، اڭىسى كۇشتى، ىقپالى ناشار بولعان شىرىكتەسۋ جانە ستيل ماسەلەسىن تىكە تەكسەرىپ، تىكە ءبىتىرۋ تەبىنىن كۇشەيتىپ، تەگەۋرىندى سەسكەندىرۋ جاعدايىن قالىپتاستىرىپ، ەرەكشە كەدەي رايونداردىڭ كەدەيلىكتەن قۇتىلدىرۋدان قامال الۋ شايقاسىندا جەڭىپ شىعۋى ءۇشىن قاتاڭ ءتارتىپ جانە ستيل جاقتا كەپىل بولۋ كەرەك.

بەرىپ كەت ورامالىڭدى

دوستار

الىستاعى اق ەركە