جاڭا حابارلار

تيانشان قويناۋىنداعى «جايلىم قورعاۋشى»

    كەلۋ قاينارى: ءتاڭىرتاۋ تورابى    2018-06-03 23:57:37  

  شينجياڭ كۇنەس اۋدانى نارات جايلاۋىندا جۇماسەيت تەمىربەك ۇلى قۇرت جويعىش شاشۋدا.

  كوزالدا، تيانشاننىڭ قويناۋىنداعى نارات ساحاراسى ارام ءشوپ وتاۋدىڭ قاربالاس مەزگىلىندە. شينجياڭ كۇنەس اۋدانى بەستوبە اۋىلى چاقپى وزەنى جاعا قىستاعىنداعى جۇماسەيت تەمىربەك ۇلى مەن باسقا 10 نان استام مالشى ءبىر گرۋپپا بولىپ، ارام ءشوپ وتاۋ اترەتىن قۇردى، ماقساتى — جايلىم ەكولوگياسىن قالپىنا كەلتىرىپ، ساپالى ءشوپ ءتۇسىمىن جوعارىلاتۋ. بۇرىنعى تاسىلمەن ۇقسامايتىنى، بيىل ولار تۇڭعىش رەت ارام ءشوپتى ءدارى ارقىلى وڭاۋ ءادىسىن قولداندى. بۇل تۇردەگى جاڭا ءادىستىڭ ءونىمى كورنەكتى ءارى ديقانداردىڭ اۋىرتپالىعىن جەڭىلدەتەدى. جارىم ايدىڭ الدىندا، ارام ءشوپ وڭاۋ اترەتى نارات جايلاۋىنا ورنالاستى. ءدارى شاشقان كەزدە التى مەتر ارالىق تاستاپ ءبىر قاتار بولىپ جولدى بويلاپ العا ىلگەرىلەدى. ءبىر كۇندىك جۇمىس ۋاقىتى 10 ساعات. 6-ايدىڭ سوڭىنان بۇرىن، 6500 مۋ جەردىڭ ارام ءشوبىن وڭاپ بولۋى كەرەك. اترەت مۇشەلەرىنىڭ جويماقشى بولعانى «ۋ قورعاسىن» دەگەن ارام ءشوپ، تەرەڭگە تامىر تارتىپ، ءوسىمتال ءشوپ، جەردى يەلەپ قانا قويماي، مالداردى دا ۋلايدى، كۇنەس اۋدانىندا يەلەگەن جەر كولەمى ءبىر ميلليون مۋ.   كۇنەس اۋداندىق مال شارۋاشىلىق مەكەمەسىنىڭ تانىستىرۋىنشا، بيىل 6 ميلليون 50 مىڭ يۋان قارجى قوسىپ دارىلەر مەن جابدىق ساتىپ الدى، بۇل رەت قولدانىلعان ارام ءشوپ وڭاۋ ءدارىسى مەملەكەتتىك ورتانى قورعاۋ سىناعىنان وتكەن، ونىڭ ۇستىنە «بۇركۋ» ءتاسىلىن قولدانادى، جايلىم قورعاۋ ونىمدىلىگى ەڭ جوعارى شەككە جەتەدى.

 

 

 

 

 

 

 


بەرىپ كەت ورامالىڭدى

دوستار

الىستاعى اق ەركە