جاڭا حابارلار

رايونىمىز وسىزامانعى اۋىل شارۋاشىلىعىن بەلسەنە دامىتىپ، اۋىل شارۋاشىلىعىنىڭ ساپاسى مەن ونىمدىلىگىن جوعارىلاتىپ، ديحانداردىڭ كىرىسىن ءۇرتىس ارتتىرۋدى جەبەدى

    كەلۋ قاينارى: شينجياڭ حالىق راديو ىستانسياسى    2018-05-28 10:59:44  

ستانسيامىزدىڭ جيناق حابارى: پارتيا 19-قۇرىلتايىنىڭ بايانداماسىندا: اۋىل-قىستاقتاردى كوركەيتۋ ستراتەگياسىن اتقارىپ، وسىزامانعى اۋىل شارۋاشىلىق كاسىپ جۇيەسىن، ءوندىرىس جۇيەسىن، تيجارات جۇيەسىن قالىپتاستىرىپ، اۋىل شارۋاشىلىعىن قولداۋ، قورعاۋ ءتۇزىمىن كەمەلدەندىرىپ، ءتۇرلى فورماداعى لايىقتى كولەمدەگى تيجاراتتى دامىتۋ كەرەك،-دەپ العا قويىلدى. وسىنى جەتەكشى ەتىپ، رايونىمىزدىڭ جەر-جەرى وسىزامانعى اۋىل شارۋاشىلىعىن كۇش سالا دامىتىپ، اۋىل شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋعا كومەكتەسىپ، ديحانداردىڭ كىرىسىن ارتتىرۋدى جەبەدى.
 «بيىل جاڭعاقتان قانشا ءونىم الىناتىن سياقتى؟».
«بيىل بىلتىرعىدان جاقسى، بىلتىر ءونىم مولشەرى 3.2 توننا بولاتىن، بيىل 4 توننادان اساتىن كورىنەدى».
«وندا، بيىلعى جاڭعاقتىڭ بارىنە تاپسىرىس بەرەيىن، جاڭعاق پىسقان كەزدە كەلىپ الايىن».
تاياۋدا، قاعىلىق اۋدانى شاقاپ اۋىلى چيۋا قىستاعىنىڭ تۇرعىنى ءالي ءومار وتباسىنىڭ 15 مۋ جەردەگى جاڭعاعى ەندى عانا جەمىس بەرگەندە، قىستاقتىڭ جاڭعاق دەلدالى ماحمۇت ءالي ونىڭ وتباسىنا بارىپ، جاڭعاعىن ساتىپ الۋ توقتامىنا قول قويدى. ءالي ءومار بىلاي دەدى: جاڭا كوپەراتيۆتىڭ دەلدالى ماعان بيىل مەنىڭ بارلىق جاڭعاعىمدى ساتىپ الاتىنىن ايتتى، بيىل 40 مىڭ يۋان كىرىس كىرگىزۋدەن ءۇمىت بار. قازىر جاڭعاقتى جاقسى ەكسەم بولدى ساتۋدان الاڭدامايمىن، بۇرىن ەكسەم بولدى كىمگە ساتام، قاي جەرگە ساتامىن دەپ باس قاتىراتىنمىن. پارتيانىڭ ءتيىمدى ساياساتىندا، قازىرگى تۇرمىسىم بارعان سايىن جاقسارۋدا.
ءالي ءومار وتباسىنىڭ جاقسى تۇرمىسقا كەنەلۋى قاعىلىق اۋدانىنىڭ ارشىندى دامىعان جاڭعاق كاسىبىنىڭ ارقاسى ەدى. سوڭعى جىلداردان بەرى، قاعىلىق اۋدانى جاڭعاقتىڭ ساپاسىن جوعارىلاتىپ، ونىمدىلىگىن ارتتىرۋ ينجەنەرياسىن كۇش سالا اتقارىپ، «ۇكىمەت، عىلىم-تەحنيكا، جەتەكشى كاسىپورىن، بازا، ديحاندار بىرلەسۋ» سىندى دامۋ ۇلگىسىن زەرتتەپ، قىستاقتاردان جاڭعاق مانەرلەيتىن شاعىن زاۆوتتار قۇردى ءارى جاڭعاقتى شيكزات ەتكەن جىنتىكتەي مانەرلەيتىن 7 كاسىپورىندى ەنگىزىپ، جىلىنا 40 مىڭ تونناداي جاڭعاقتى ءبىر جايلى ەتتى. قازىر قاعىلىق اۋدانىندا جاڭعاقتى جىنتىكتەي مانەرلەيتىن ونىمدەردەن جاڭعاق تالقانى، جاڭعاق مايى، جاڭعاق بەلوگى تالقانى سياقتى 5 ۇلكەن تۇردەگى 22 ءتۇرلى ءونىم بار، تۇتاس كاسىپ تىزبەگى باعالى ونىمدەردى جارىققا شىعاردى. اۋدانداعى جاڭعاق مانەرلەيتىن ءتۇرلى كاسىپورىندار، كوپەراتيۆتەر اۋىل-قىستاقتارداعى 15 مىڭنان ارتىق ەڭبەككۇشتى باسقا سالادا كاسىپتەنۋگە جەبەدى، مۇندا كەدەي جان سانى تەڭ جارىمىن ۇستاپ، جاڭعاق كاسىبى جەرگىلىكتى ورىنداعى ديحانداردىڭ كىرىسىن ارتتىرىپ، دوڭگەلەك داۋلەتتى دەڭگەيگە جەتۋىندەگى «جاسىل بانكەگە» اينالدى.
پاميدور ءوندىرۋ تۇتاس بارىسىن ماشينالاندىرۋ، وسىزامانداندىرۋ اياق الىسىن جەدەلدەتۋ ءۇشىن، بيىل جۇڭلياڭ تۇنحى ماناس پاميدور دايىن ونىمدەرى سەرىكتەستىگى 800 مىڭ يۋان قارجى شىعارىپ، پاميدور مانەرلەپ كوشىرىپ ەگەتىن 27 ماشينانى ساتىپ الىپ، كاسىپورىن قارجى قوسقان، ديحاندار مەن كاسىپورىن تەڭ تيىمدىلىك العان كاسىپ قۇرىلىمىن قالىپتاستىردى.
تاياۋدا، ماناس اۋدانىنداعى 20 مىڭ مۋ جەر پاميدور مانەرلەۋ، كوشىرىپ ەگۋ مەزگىلىنە ءوتتى، ماناس اۋدانى لانجوۋۋانزى قالاشىعى جاڭجياشۇيمو قىستاعىنداعى ديحان جۇي چىڭنىڭ 600 مۋ پاميدور اتىزىندا، پاميدوردى كوشىرىپ ەگەتىن جاڭادان ەنگىزىلگەن 6 ماشينانىڭ ارقاسىندا بۇرىنعى كەزدەردەگى كوشىرىپ ەگۋگە قالىڭ ادام سابىلاتىن جاعداي كەلمەسكە كەتتى. جۇي چىڭ تىلشىگە بىلاي دەدى: پاميدور ەگۋ ماشيناسىنىڭ بىرەۋى كۇنىنە 30 مۋ جەردەگى پاميدوردى كوشىرىپ ەگەدى، بۇل قولمەن كوشىرىپ ەگۋدىڭ 6 ەسىندەي بولىپ، ءار مۋىنان 150 يۋان وزىندىك قۇن ۇنەمدەلەدى. جاڭادان ەنگىزگەن ماشينامىز كۇش ۇنەمدەيدى، ءارى تەز، بۇندا قىرۋار ادام كۇشى ۇنەمدەلەدى، مايسالارى دا رەتتى، مايسا بەرۋ، ءوسىپ-ءونۋ مولشەرى دە جوعارى بولىپ، كۇزدە مول ءونىم الۋعا تاماشا نەگىز قالايدى.
ماشينالاندىرۋ رايونىمىزدىڭ اۋىل شاراۋشىلىعىن وسىزامانداندىردى. قازىر، رايونىمىزداعى نەگىزگى ەگىس داقىلدارىن امبەباپ ماشينالاندىرۋ دەڭگەيى %84.4 كە جەتتى. ءبيداي، جۇگەرى، ماقتا سىندى 3 ۇلكەن استىق، ماقتا داقىلى جانە شەكىلدەۋىك، شەكىلدەۋىكتى قاربىز، پاميدور، قانت قىزىلشاسى، قىزىل بۇرىش سياقتى 5 ءتۇرلى ەرەكشە ەگىس داقىلى ءوندىرىسى تۇگەل ماشينالاندى.
ماشينالانعان ءوندىرىس پەن ۇتىمدى تيجاراتتىڭ ارقاسىندا، رايونىمىزدىڭ اۋىل شارۋاشىلىعىن كاسىپ سالالاندىرىپ دامىتۋ دەڭگەيى ۇزدىكسىز جوعارىلاۋدا. قازىر، قوبىقسارى موڭعۇل اۆتونوميالى اۋدانى ساحتى اۋىلىنداعى 40 مىڭ مۋدان ارتىق كەلەتىن ورگانيكالى ماقتا اتىزىندا، اشىتىلعاننان كەيىنگى اۋلا تىڭايتقىشى اۆتوماتتى سۋارۋ جۇيەسى ارقىلى ءار-ءبىر ماقتا مايساسىنا جەتكىزىلىپ، ورگانيكالى ماقتانىڭ ءوسۋى ايتارلىقتاي بولدى. سونىمەن بىرگە، قوبىقسارى اۋدانىنداعى حۋافىڭ شەكتى جارنا سەرىكتەستىگىنىڭ ورگانيكالى ماقتا مانەرلەۋ زاۆوتىنىڭ سەحىندا، ورگانيكالى ماقتا كاسىپورىننىڭ ماڭداي الدى ونىمىنە اينالدى. قازىر، وسى كاسىپورىن 150 مىڭ ورگانيكالى ماقتا كورپە ءوندىردى، ورگانيكالى ماقتا كورپەنىڭ باعاسى ادەتتەگى كورپەنىڭ باعاسىنىڭ 10 ەسەسىندەي بولعانىمەن، الايدا ءونىم ءالى دە قاجەتسىنۋدى قامداي الماي وتىر. سەرىكتەستىكتىڭ باس جوراسى شۇي حۋ بىلاي دەدى: مەملەكەتتىڭ ساياساتىنا ءۇن قوسىپ، ورگانيكالى ماقتانىڭ ءوندىرىس ساپاسى مەن ءوندىرىس قۇنىن جوعارىلاتۋمەن قوسا، اۋىل شارۋاشىلىعىن وسىزمانداندىرۋعا قاراي دامىپ، ورگانيكالى ماقتا ءوندىرىس كولەمىن كەڭەيتىپ، اناعۇرلىم كوپ كاسىپتەندىرۋ قىزمەت ورنىمەن قامدادىق ءارى بۇقارانىڭ كىرىسىن ارتتىرۋدى جەبەدىك.


بەرىپ كەت ورامالىڭدى

دوستار

الىستاعى اق ەركە