جاڭا حابارلار

ۋاقىتى وتكەن ازىقتىقتاردى تۇتىنۋعا بولاما

    كەلۋ قاينارى: شينجياڭ حالىق راديو ىستانسياسى    2018-05-27 22:11:58  

 كوپتەگەن ادام ۋاقىتى وتكەن ازىقتىقتاردى بۇزىلعان ازىقتىق دەپ قارايدى، الايدا كەيبىرەۋلەر بوگدە ءيىس شىعىپ، ءدامى بۇزىلماسا تۇتىنۋعا بولادى دەپ  ەسەپتەيدى. سىزشە قالاي ىستەۋ كەرەك؟ جۇڭگو قورەكتىك قوعامىنىڭ القا مۇشەسى، شاندۇڭ ۋنيۆەرسيتەتى قورەكتىك جانە ازىق - تۇلىك تازالىعىن زەرتتەۋ بولىمشەسىنىڭ پروفەسسورى لين شينيىڭ جوعارىداعى جاعداي جونىندە ىشكەرىلەي تۇسىنىك جاسادى.  

 لين شينيىڭ: ساقتالۋ مەرزىمىنىڭ ءمانى «ءونىمنىڭ قالىپتى شارت - جاعدايداعى ساپاسىنا كەپىلدىك ەتۋ ۋاقىت شەكتەمەسى» سانالادى، ساقتالۋ مەرزىمى ىشىندە ساۋداگەر ءونىمنىڭ ساپاسىنا جاۋاپتى بولادى، سوندىقتان ساقتالۋ مەرزىمى ىشىندە تۇتىنۋدى ۇسىنىس ەتەمىز، الايدا ساقتالۋ مەرزىمى ازىقتىق ساپاسىنىڭ وزگەرگەن - وزگەرمەگەنىن بەلگىلەيتىن بىردەن - ءبىر ولشەم ەمەس، مۇندا ناقتى جاعدايعا قاراي تۇجىرىم جاساۋعا تۋرا كەلەدى. ساقتالۋ مەرزىمى ىشىندە ازىقتىقتار ساقتالۋ ءادىسى، ورتا سياقتى فاكتورلاردىڭ ىقپالىندا ۋاقىتىنان بۇرىن بۇزىلىپ كەتۋى دە مۇمكىن. ساقتالۋ مەرزىمى اسىپ كەتكەن ازىقتىق بۇزىلعان، جەۋگە كەلمەيدى دەۋگە بولمايدى، بۇل ىشكەرىلەي تەكسەرىپ تۇجىرىم جاساۋدى قاجەت ەتەدى، - دەدى.

  كەپتىرىلگەن ازىقتىقتار اعاش ساڭىراۋقۇلاعى سياقتى كەپتىرىلگەن ازىقتىقتاردى (حالىقارالىق ولشەم بويىنشا سۋ قۇرامى 14%تەن تومەن بولۋى كەرەك دەپ بەلگىلەنگەن) لايىقتى شارت - جاعدايدا 3 تە 4 جىل ساقتاۋعا بولادى. ساقتالۋ مەرزىمى اسىپ كەتكەن كۇندە دە كوگەرىپ بۇزىلماسا، بوگدە ءيىس بولماسا جانە دامىندە ەشقانداي وزگەرىس بولماسا ۇزدىكسىز تۇتىنۋعا بولادى. الايدا ەسكەرۋگە ءتيىستىسى، مۇنداي ازىقتىقتاردىڭ پەشەتى بۇزىلسا، وڭاي دىمدانىپ، ساپاسى تەز وزگەرەدى.


بەرىپ كەت ورامالىڭدى

دوستار

الىستاعى اق ەركە