جاڭا حابارلار

شي جينپيڭ گەرمانيانىڭ زۇڭليى مەركەلمەن كەڭەس وتكىزدى

    كەلۋ قاينارى: شينجياڭ گازەتى    2018-05-27 12:51:51  

 شينحۋا اگەنتتىگىنىڭ 5 - ايدىڭ 24 - كۇنى بەيجيڭنەن بەرگەن حابارى (ءتىلشى باي جيە). مەملەكەت ءتوراعاسى شي جينپيڭ 5 - ايدىڭ 24 - كۇنى حالىق سارايىندا گەرمانيانىڭ زۇڭليى مەركەلمەن كەڭەس وتكىزدى.
  شي جينپيڭ مەركەلدىڭ جۇڭگوعا 11 - رەت ساپارلاي كەلگەندىگىن قارسى الدى، مەركەلدىڭ جۇڭگو مەن گەرمانيا قارىم - قاتىناسىنا ايرىقشا ءمان بەرگەندىگىن القادى. شي جينپيڭ مىنانى اتاپ كورسەتتى: 2014 - جىلى جۇڭگو مەن گەرمانيا جان - جاقتى ستراتەگيالىق سەرىكتەستىك قاتىناس ورناتقاننان بەرى، ەكى ەلدىڭ قارىم - قاتىناسى زور دامۋشىلىقتارعا قول جەتكىزدى، ىنتىماقتاستىعىنىڭ كەڭدىگى مەن تەرەڭدىگى دە بۇرىن - سوڭدى بولماعان ورەگە كوتەرىلدى. جۇڭگو گەرمانيامەن بىرگە قۇلشىنىپ، ەكى جاقتى قاتىناستىڭ ۇزدىكسىز تىڭ دەڭگەيگە كوتەرىلۋىن ىلگەرىلەتۋدى قالايدى.
  شي جينپيڭ مىنانى باسا دارىپتەدى: جۇڭگو مەن گەرمانيا ەكى ەل ىنتىماقتاستىق جاساپ تەڭ يگىلىكتەنۋدىڭ ونەگەسى، جۇڭگو - ەۆروپا قاتىناسىنىڭ كوشباسشىسى، جاڭاشا حالىقارالىق قاتىناستىڭ ىلگەرىلەتۋشىسى، يدەولوگيا پارقى شەڭبەرىنەن اتتاپ وتكەن ىنتىماقتاسۋشى بولۋعا ءتيىس. بۇل ەكى جاقتىڭ كەلەسى ساتىدا ەكى ەل قارىم - قاتىناسىن ىلگەرىلەتۋدە بىرگە قۇلشىناتىن بەتالىسى بولۋ قاجەت. ەكى جاق جوعارى دارەجەدەگىلەردىڭ ءجيى بارىس - كەلىسىن ساقتاپ، ەكى جاقتى قاتىناستى جوعارى دەڭگەيدە جوبالاۋدى كۇشەيتىپ، ەكى ەلدىڭ ءارقايسى سالاسىن اۋىس - كۇيىس جاساسۋعا، ىنتىماقتاستىق ورناتۋعا ىنتالاندىرىپ، مەحانيزمدىك كەڭەستەن ۇتىمدى پايدالانۋ كەرەك. ءبىز گەرمانيانىڭ جۇڭگونىڭ جاڭا كەزەكتى ەسىك اشۋ ورايىن مىقتاپ يگەرۋىن قارسى الامىز؛ عىلىم - تەحنيكادا جاڭالىق اشۋدى جەتەكشى ەتىپ، تورتتى بىرگە ۇلكەن جاساپ، كاسىپتى الۋەتتەندىرىپ، بازاردى كەڭەيتۋ كەرەك. ەكى جاق بولاشاقتاعى كاسىپ سالالارىندا ءتىپتى كوپ ىنتىماقتاستىق جاساسىپ، 3 - جاق بازارىن بىرگە اشسا بولادى؛ گۋمانيتارلىق ىنتىماقتاستىقتى تۇتقا ەتىپ، ەكى ەل دوستىعىنىڭ ەل رايى نەگىزىن بەكەمدەۋ كەرەك؛ جۇڭگو - گەرمانيا ەلدەرىنىڭ جاۋاپكەرشىلىگى مەن بورىشىن ايگىلەپ، ءتۇرلى الەمدىك سايىستارعا بىرگە توتەپ بەرۋ كەرەك. ءبىز گەرمانيامەن كوپ جاقتى جۇلگە اياسىندا دۇنيە ءجۇزىن بىرگە جونگە سالۋدى جانە كوپ جاقتىلىقتى ىلگەرىلەتىپ، قولامتالى، قيىن ماسەلەلەردى شەشۋ جاعىندا تىلدەسۋدى، ىنتىماقتاستىقتى كۇشەيتۋدى قالايمىز. جۇڭگو گەرمانيانىڭ «ءبىر بەلدەۋ، ءبىر جول» دارىپتەمەسىن قولداعانىن القايدى، گەرمانيا كاسىپورىندارىنىڭ بۇعان بەلسەنە ات سالىسۋىن قارسى الادى.
  شي جينپيڭ مىنانى اتاپ كورسەتتى: جۇڭگو ەۆروپانىڭ دەربەس تاڭداعان ءبىر تۇلعالانۋ جولىن قاشاندا تاباندىلىقپەن قولدايدى، ەۆروپا وداعىنىڭ ىنتىماقتى، ورنىقتىلىقتى، اشىقتىقتى ساقتاۋىن، گۇلدەنىپ - كوركەيۋىن ءۇمىت ەتەدى. جۇڭگو ەۆروپامەن بىرگە كوپ جاقتىلىقتى تاباندىلىقپەن دارىپتەپ، حالىقارالىق قوعامعا ءتىپتى دە كوپ ايقىن، بولجاۋعا بولاتىن، سەنىمدى كۇشەيتەتىن ينفورماتسيالاردى جەتكىزىپ، حالىقارالىق جاعدايدىڭ ورنىقتى جانە ءار جاققا ءتيىمدى باعىتقا قاراي دامۋىن ىلگەرىلەتۋدى قالايدى.
  مەركەل بىلاي دەدى: گەرمانيانىڭ زۇڭليلىگىنە تاعى تاعايىندالعاننان كەيىن جۇڭگوعا وسىنشا تەز ارادا ساپارلاي كەلگەنىمە ەرەكشە قۋانىشتامىن. مەن ءتوراعا شي جينپيڭنىڭ گەرمانيا - جۇڭگو قارىم - قاتىناسى جونىندەگى باعاسىن قۇپتايمىن. جۇڭگو حالىقارالىق قوعامنىڭ ماڭىزدى مۇشەسى، گەرمانيانىڭ ماڭىزدى ساۋدا سەرىگى. گەرمانيا - جۇڭگو قارىم - قاتىناسى جاڭا داۋىرگە قادام تاستادى، گەرمانيا جۇڭگونىڭ رەفورمانى تەرەڭدەتۋىنەن تۋعان جاڭا ورايلاردى مىقتاپ يگەرىپ، گەرمانيا مەن جۇڭگونىڭ ساۋدا، قارجى قوسۋ ىنتىماقتاستىعىن كەڭەيتۋدى، گۋمانيتارلىق اۋىس - كۇيىستى جيىلەتۋدى قالايدى. دۇنيە ءجۇزى جاعدايىندا وراسان زور وزگەرىستەر تۋىلعان كەزەكتەگى جاعدايدا، گەرمانيا مەن جۇڭگو ەكى ەل حالىقارالىق ىستەردەگى تىلدەسۋدى، سايكەستىكتى كۇشەيتىپ، 20 ەل توبى سياقتى كوپ جاقتى جۇلگە اياسىندا ناتيجەلى ىنتىماقتاستىقتى كۇشەيتۋ كەرەك. گەرمانيا ەۆروپا مەن جۇڭگونىڭ ىنتىماقتاستىق قاتىناسىن نىعايتۋدى قولدايدى.
  ەكى جاق حالىقارالىق ساۋدا، يراننىڭ يادرولىق قارۋ ماسەلەسى سياقتى تەگىس كوڭىل ءبولىپ وتىرعان ماسەلەلەر جونىندە پىكىر اۋىستىردى.
  ياڭ جيەچى، حى ليفىڭ كەڭەسكە قاتىناستى.


بەرىپ كەت ورامالىڭدى

دوستار

الىستاعى اق ەركە