جاڭا حابارلار

پارتيانىڭ قازىنالىق باقىلاۋ قىزمەتىنە باسشىلىعىن كۇشەيتىپ، قازىنالىق باقىلاۋدىڭ پارتيا مەن مەملەكەتتىڭ باقىلاۋ جۇيەسىندەگى ماڭىزدى رولىن ونان ارى ويداعىداي ساۋلەلەندىرۋ باسا دارىپتەلدى

    كەلۋ قاينارى: شينجياڭ گازەتى    2018-05-26 11:37:17  

شي جينپيڭ ورتالىق قازىنالىق باقىلاۋ كوميتەتىنىڭ 1-رەتكى ءماجىلىسىن باسقارىپ اشتى
لي كىچياڭ، جاۋ لىجي ماجىلىسكە قاتىناستى

  شينحۋا اگەنتتىگىنىڭ 5 - ايدىڭ 23 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق قازىنالىق باقىلاۋ كوميتەتىنىڭ مەڭگەرۋشىسى شي جينپيڭ 5 - ايدىڭ 23 - كۇنى تۇستەن كەيىن ورتالىق قازىنالىق باقىلاۋ كوميتەتىنىڭ 1 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. شي جينپيڭ مىنالاردى باسا دارىپتەدى: قازىنالىق باقىلاۋدى باسقارۋ تۇزىلىسىنە رەفورما جاساپ، ورتالىق قازىنالىق باقىلاۋ كوميتەتىن قۇرۋ − پارتيانىڭ قازىنالىق باقىلاۋ قىزمەتىنە باسشىلىعىن كۇشەيتۋدىڭ ماڭىزدى شاراسى. پارتيا ورتالىق كوميتەتىنىڭ قازىنالىق باقىلاۋ قىزمەتى جونىندەگى ورنالاستىرۋلارى مەن تالاپتارىن تياناقتاندىرىپ، مەملەكەتتىڭ قازىنالىق باقىلاۋ قىزمەتىن ءبىر تۇتاس ورنالاستىرۋدى كۇشەيتىپ، قازىنالىق باقىلاۋ بايلىقتارىنىڭ جايعاسۋىن ساپالىلاندىرىپ، تيىستىلەرىنىڭ بارلىعىنا قازىنالىق باقىلاۋ جۇرگىزۋگە، قازىنالىق باقىلاۋدىڭ بارلىعىن قاتاڭ جۇرگىزۋگە، قاتاڭ جاۋاپقا تارتۋعا كەپىلدىك ەتىپ، ورتالىقتانعان، ءبىر تۇتاس، جاپپاي قامتيتىن، بەدەلدى، جوعارى ءونىمدى قازىنالىق باقىلاۋ جۇيەسىن قۇرۋعا قۇلشىنىپ، قازىنالىق باقىلاۋدىڭ پارتيا مەن مەملەكەتتىڭ باقىلاۋ جۇيەسىندەگى ماڭىزدى رولىن ونان ارى ويداعىداي ساۋلەلەندىرۋ كەرەك.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق قازىنالىق باقىلاۋ كوميتەتىنىڭ ورىنباسار مەڭگەرۋشىسى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى، ورتالىق قازىنالىق باقىلاۋ كوميتەتىنىڭ ورىنباسار مەڭگەرۋشىسى جاۋ لىجي ماجىلىسكە قاتىناستى.
  شي جينپيڭ سوزىندە مىنالاردى اتاپ كورسەتتى: قازىنالىق باقىلاۋ − پارتيا مەن مەملەكەتتىڭ باقىلاۋ جۇيەسىنىڭ ماڭىزدى قۇرامداس بولىگى. قازىنالىق باقىلاۋ ورگانى قۇرىلعان 30 نەشە جىلدان بەرى، مەملەكەتتىڭ قازىنا - ەكونوميكالىق ءتارتىبىن قورعاۋ، قازىنا قارجىلارىنىڭ پايدالانىلۋ ونىمدىلىگىن جوعارىلاتۋ، پاكتىك قۇرىلىسىن جەبەۋ، ەكونوميكانىڭ، قوعامنىڭ اقاۋسىز دامۋىن قامتاماسىز ەتۋ سياقتى جاقتاردا ماڭىزدى رول اتقاردى. اسىرەسە، پارتيا 18 - قۇرىلتايىنان بەرى، پارتيا ورتالىق كوميتەتىنىڭ بۇيرىق - تيىمدارىنىڭ ورىندالۋىن جەبەۋ، مەملەكەتتىڭ ەكونوميكالىق حاۋىپسىزدىگىن قورعاۋ، رەفورمانى جاپپاي تەرەڭدەتۋدى ىلگەرىلەتۋ، مەملەكەتتى زاڭمەن جونگە سالۋدى جەبەۋ، پاكتىك قۇرىلىسىن ىلگەرىلەتۋ سياقتى جاقتاردا ماڭىزدى ۇلەس قوستى.
  شي جينپيڭ مىنالاردى باسا دارىپتەدى: ورتالىق قازىنالىق باقىلاۋ كوميتەتى جوعارى دەڭگەيدە جوبالاۋ مەن ءبىر تۇتاس جوسپارلاۋ - سايكەستىرۋدى كۇشەيتىپ، بەتالىستى يگەرۋ، جالپى جاعدايدى جوسپارلاۋ، ساياسات بەلگىلەۋ، رەفورمانى جەبەۋ قابىلەتىن جوعارىلاتىپ، قازىنالىق باقىلاۋ قىزمەتىنە پارمەندى جەتەكشىلىك ۇسىنۋ كەرەك. قازىنالىق باقىلاۋ ورگاندارى «4 تانىمدى» بەرىك ورناتىپ، پارتيا ورتالىق كوميتەتىمەن يدەيادا، ساياسيدا، ارەكەتتە سانالىلىقپەن وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا ورتالىق كوميتەتىنىڭ قازىنالىق باقىلاۋ قىزمەتى جونىندەگى ورنالاستىرۋلارى مەن تالاپتارىن تياناقتاندىرۋ كەرەك. قازىنالىق باقىلاۋدىڭ كەڭدىگى مەن تەرەڭدىگىن ارتتىرىپ، باقىلاۋداعى قالتارىستاردى جويىپ، پارتيا ورتالىق كوميتەتىنىڭ كەلەلى ساياسات - شارالارىنىڭ دايەكتىلەنۋ، تياناقتانۋ احۋالىنا قۋزاي وتىرىپ قازىنالىق باقىلاۋ جۇرگىزۋ سەرپىنىن ارتتىرۋ، ەكونوميكالىق، قوعامدىق اينالىمداعى ءتۇرلى حاۋىپ - قاتەرلەردى اشىپ كورسەتۋ سەرپىنىن ارتتىرۋ، ءتۇيىندى حالىق تۇرمىسى قارجىلارى مەن نىساندارىنا قازىنالىق باقىلاۋ جۇرگىزۋ سەرپىنىن ارتتىرۋ كەرەك. جەرگىلىكتى ءار دارەجەلى پارتكومدار ءوز جەرىندەگى قازىنالىق باقىلاۋ قىزمەتىنە باسشىلىقتى كۇشەيتۋ كەرەك.
  شي جينپيڭ مىنالاردى اتاپ كورسەتتى: قازىنالىق باقىلاۋ ورگاندارى جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەتتىڭ جالپى ريتىمىنەن جازباي، جاڭا دامۋ ۇستانىمدارىنا تاباندى بولىپ، ەلىمىز قوعامىنداعى باستى قايشىلىقتىڭ وزگەرىسىن ءجىتى قاداعالاپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋدى جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى مىقتاپ ارقاۋ ەتىپ، قازىنالىق باقىلاۋدىڭ قىزمەت جاۋاپكەرشىلىگىن زاڭ بويىنشا جاپپاي اتقارىپ، ەكونوميكانىڭ ساپالى دامۋىن جەبەۋ، رەفورمانى جاپپاي تەرەڭدەتۋدى جەبەۋ، بيلىكتىڭ ولشەم ارناسىندا جۇرگىزىلۋىن جەبەۋ، ءىرىپ - شىرۋگە قارسى تۇرىپ، پاكتىكتى دارىپتەۋدى جەبەۋ كەرەك.
  شي جينپيڭ مىنالاردى اتاپ كورسەتتى: قازىنالىق باقىلاۋ ءتۇزىمى رەفورماسىن تەرەڭدەتىپ، يدەيانى ازات ەتىپ، داۋىرمەن بىرگە العا باسىپ، قازىنالىق باقىلاۋ ۇستانىمدارىندا جاڭالىق اشىپ، ەكونوميكانىڭ، قوعامنىڭ ءار سالاسىنداعى جاڭا جاعدايلاردى، جاڭا ماسەلەلەردى، جاڭا بەتالىستاردى دەر كەزىندە اشىپ كورسەتۋ جانە اڭىس ەتۋ كەرەك. عىلىم - تەحنيكا ارقىلى قازىنالىق باقىلاۋدى كۇشەيتۋگە تاباندى بولىپ، قازىنالىق باقىلاۋدى ينفورماتسيالاندىرۋ قۇرىلىسىن كۇشەيتۋ كەرەك. مەملەكەتتىك قازىنالىق باقىلاۋ قىزمەتىنە باسشىلىقتى كۇشەيتىپ، ءبىر دارەجە جوعارى قازىنالىق باقىلاۋ ورگانىنىڭ وزىنەن تومەن دارەجەلى قازىنالىق باقىلاۋ ورگاندارىنا باسشىلىعىن كۇشەيتىپ، قازىنالىق باقىلاۋ قىزمەتىنىڭ بۇكىل مەملەكەتتىك تۇتاس تۇلعاسىن جەدەل قالىپتاستىرۋ كەرەك. ىشكى قازىنالىق باقىلاۋعا جەتەكشىلىك پەن باقىلاۋدى كۇشەيتىپ، ىشكى قازىنالىق باقىلاۋ مەن قوعامدىق قازىنالىق باقىلاۋ كۇشتەرىن جۇمىلدىرىپ، قازىنالىق باقىلاۋدىڭ بىرىككەن كۇشىن نىعايتۋ كەرەك.
  شي جينپيڭ مىنالاردى اتاپ كورسەتتى: قازىنالىق باقىلاۋ ورگاندارىنىڭ ءوز قۇرىلىسىن كۇشەيتۋ، قازىنالىق باقىلاۋ رۋحى ارقىلى ءوزىن سومداپ، جاڭالىق اشۋ ارقىلى كاسىپتى ارناعا ءتۇسىرىپ، ءوز قۇرىلىسى ارقىلى بەدەل قالىپتاستىرۋ كەرەك. قازىنالىق باقىلاۋ ورگاندارىنىڭ ءار دارەجەلى پارتيا ۇيىمدارى پارتيانى باسقارۋدىڭ، پارتيانى جونگە سالۋدىڭ ساياسي جاۋاپكەرشىلىگىن مۇقيات اتقارىپ، سەنىمى بەرىك، كاسىپكە جۇيرىك، ستيلى شىنايى، پاك، كىرشىكسىز، جوعارى ساپالى، ماماندانعان قازىنالىق باقىلاۋ كادرلار قوسىنىن قۇرۋعا قۇلشىنۋ كەرەك.
  شي جينپيڭ مىنالاردى باسا دارىپتەدى: جەر - جەر، تاراۋلار، اسىرەسە، ءار دارەجەلى باسشى كادرلار قازىنالىق باقىلاۋ قىزمەتىنە ىرىقتى، بەلسەندى تۇردە قولداۋ كورسەتىپ جانە سايكەسىپ، قازىنالىق باقىلاۋدى زاڭ بويىنشا سانالى تۇردە قابىلداپ، قازىنالىق باقىلاۋدا تەكسەرىپ انىقتالعان ماسەلەلەردى مۇقيات رەتتەپ، تۇزەتىپ، قازىنالىق باقىلاۋدا ورتاعا قويىلعان ۇسىنىستاردى ىشكەرىلەي زەرتتەپ جانە قابىلداپ، ءار سالاداعى ساياسات - شارالار مەن ءتۇزىم - ەرەجەلەردى كەمەلدەندىرۋ كەرەك. ورتالىق قازىنالىق باقىلاۋ كوميتەتىنە مۇشە ورىندار قازىنالىق باقىلاۋدى باستاماشى بولا وتىرىپ قابىلداۋ كەرەك. جەر - جەر، تاراۋلار، اسىرەسە، ءار دارەجەلى باسشى كادرلار ءوز ورنىنىڭ، ءوز سالاسىنىڭ قىزمەت جاۋاپكەرشىلىگىن اتقارۋىنا قاتىستى ماتەريالدارمەن جانە ەلەكتروندىق دەرەكتەرمەن دەر كەزىندە، ءدال، تولىق قامداۋ كەرەك، قازىنالىق باقىلاۋ ورگاندارىن ماتەريالدارمەن جانە دەرەكتەرمەن قامداۋدى شەكتەيتىن بەلگىلەمەلەر جاساۋىنا بولمايدى، بۇل جاعىندا جاسالىپ كەتكەن بەلگىلەمەلەردى باتىلدىقپەن جويۋ كەرەك. ادەيى كەدەرگى جاساپ، سىرعاقتاپ، سوزباقتاتقانداردى سىنداۋ جانە حابارلاندىرۋ؛ ناشار ىقپال تۋدىرعانداردىڭ جاۋاپكەرشىلىگىن قاتاڭ قۋزاپ جاۋاپقا تارتۋ كەرەك. قازىنالىق باقىلاۋ ورگاندارى تارتىپكە قاتاڭ بويسۇنىپ، ءتارتىپ، بەلگىلەمەلەرگە قيعاشتىق جاساعانداردى قاتاڭ تەكسەرىپ ءبىر جاقتى ەتۋ كەرەك.
  ءماجىلىس «ورتالىق قازىنالىق باقىلاۋ كوميتەتىنىڭ قىزمەت ەرەجەسى»، «ورتالىق قازىنالىق باقىلاۋ كوميتەتى كەڭسەسى قىزمەتىنىڭ ناقتى ەرەجەسى»، «2017 - جىلعى ورتالىق مەجە ەسەپتىڭ اتقارىلۋىنا جانە باسقا دا قازىنالىق شىعىس جاعدايلارىنا جاسالعان قازىنالىق باقىلاۋ بايانداماسى»، «2018 - جىلعى ولكە دارەجەلى پارتكوم، ۇكىمەتتەردىڭ نەگىزگى باسشى كادرلارى مەن ورتالىق كاسىپورىنداردىڭ باسشىلارىنىڭ ەكونوميكالىق جاۋاپكەرلىگىنە قازىنالىق باقىلاۋ جاساۋ جانە تابيعي بايلىق پەن مۇلىكتەرگە مىندەتىنەن قول ۇزگەندە (مىندەتتەگى كەزىندە) قازىنالىق باقىلاۋ جۇرگىزۋ جوسپارى» سياقتى حۇجاتتاردى قاراپ، ماقۇلداندى.
  ورتالىق قازىنالىق باقىلاۋ كوميتەتىنىڭ مۇشەلەرى ماجىلىسكە قاتىناستى.


بەرىپ كەت ورامالىڭدى

دوستار

الىستاعى اق ەركە