جاڭا حابارلار

پوچتا جولداماسىن جەتكىزۋدى باقىت سانادى

    كەلۋ قاينارى: شينجياڭ حالىق راديو ىستانسياسى    2018-05-24 13:26:22  

ستانسيامىزدىڭ ءتىلشىسى حى فەيدىڭ حابارى: پوچتاليون بولىپ، قىزمەت ىستەگەن 21 جىلدا، ونىڭ پوچتا جولدامالارىن جەتكىزۋ بارىسىندا باسقان جولى 100 مىڭ كيلومەتردەن اسىپ، 2 ميلليوننان ارتىق ءتۇرلى پوچتا جولداماسىن جەتكىزدى، وسى بارىستا بىردە-ءبىر ارىز-شاعىم تۇسپەدى، قايتا قىرۋار ماداقتاۋ حاتىن تاپسىرىپ الدى. وسى جىلدارى، ول ىلگەرىندى-كەيىن اۆتونوميالى رايوندىق ەڭبەك ۇلگىسى، مەملەكەتتىك ەڭبەك ۇلگىسى، مەملەكەتتىك 1-مامىر ەڭبەك وردەنى سياقتى داڭقتى اتاقتارعا يە بولدى. ول جۇڭگو پوچتا توبى سەرىكتەستىگىنىڭ ءۇرىمجى قالالىق بولىمشەسى سەرىكتەستىگى پوچتا جولدامالارىن جەدەل جەتكىزۋ ءبولىمىنىڭ باسقارۋشىسى ما جيانشين.
1997-جىلى قىزمەتكە ەندى قاتىناسقان ما جيانشين سول كەزدەگى ءۇرىمجى قالالىق پوچتا مەكەمەسى پوچتا جولدامالارىن جەتكىزۋ بولىمشە مەكەمەسىنىڭ يىنچۋان كوشەسىندەگى پوچتا جولدامالارىن جەتكىزۋ ورنىندا ىستەيدى، قىزمەتكە قاتىناسقاننان كەيىن كوپ وتپەي، ءبىر قاريدار ودان كەيبىر پوچتا كاسىبىنە قاتىستى ىستەردى ۇعىسادى، ما جيانشين وعان ويداعىداي جاۋاپ بەرە المايدى. ول: «سول كەزدە قاتتى قىنجىلدىم، نەگىزگى پوچتا كاسىبىن دە انىق ايتىپ بەرە المادىم، تولىمدى پوچتاليون ولاي بولماۋعا ءتيىس»،-دەدى.

سودان باستاپ، ما جيانشين ەستەلىك دارپتەرىن الا ءجۇرىپ، حالىققا ءتيىمدى پوچتا كاسىبىن، ەسكە وڭاي ساقتالمايتىن ءمالى، ەسىك ءنومىرى سياقتىلاردى جازىپ، پوچتا جولدامالارىن دەركەزىندە جەتكىزۋگە قولايلىق جاسادى. 21 جىلدا، ما جيانشين اۋارايى سەبەبىنەن بىردە-ءبىر پوچتا جولداماسىن كەشىكتىرىپ كورگەن ەمەس. جاۋىن-شاشىندى كۇندە، پوچتا جولداماسىن سۋلياۋمەن وراپ، سۋلياۋدان جاڭبىر وتسە، شاپانىن شەشىپ، پوچتا جولدامالارىنىڭ ۇستىنە جاۋدى. ەڭبەگىنىڭ جەمىسىن كورگەن ما جيانشين بارىنشا قىزعىندى، مۇقيات، جاۋاپكەر بولۋ قىزمەت پوزەتسياسىمەن، جۇرتتىڭ جاقسى باعاسىنا يە بولدى. ول: «ءبىر جىل اۋرۋحاناعا جاتىپ قالعانىمدا، كەيبىر قاريدالار اۋرۋحاناعا كەلىپ كوڭىلىمدى سۇرادى، اۋرۋحانادان شىعىپ، قىزمەت ورنىما بارعاندا، حات-شەك ساندىعىنان ۇنەمى جۇمىرتقا، جەمىس-جيدەكتەردى كورەم، شىن جۇرەكتەن العىس ايتامىن، مەنىڭ قىزمەتىمدى قىزۋ سۇيمەۋىمنىڭ، ولارعا مۇقيات قىزمەت كورسەتپەۋىمنىڭ ەشقانداي سەبەبى جوق»،-دەدى.
ءار جولى ماڭىزدى جولدامالار مەن حات-شەكتەردى يەسىنىڭ قولىنا ۋاعىندا جەتكىزگەندە، ولاردىڭ جۇزىندەگى قۋانىشتى كورىپ، ريزاشىلدىقپەن ايتقان تەبىرەنىستى سوزدەرىن ەستىگەندە، ما جيانشين پوچتاليونداردىڭ دا بورىشتىلىق سەزىمى مەن باقىت سەزىمنىڭ بارعان سايىن ارتقانىن سەزىنەتىن. ول: «مەنىڭشە ادام ومىرىندە قاجىرلىلىقپەن كۇرەسۋى قاجەت. پوچتا سالاسىندا قىزمەت ىستەگەن 20 نەشە جىلدا، قانشالاعان قارلى بوراندى باستان وتكىزگەنىم ەسىمدە جوق، ءبىراق ءۇرىمجى قالاسىنداعى ءاربىر ۇلكەندى-كىشىلى كوشە، وسى قىزمەتتىڭ ماعان سيلاعان باقىتى مەن جىلى مەيىرى ءالى ەسىمدە»،-دەدى.


بەرىپ كەت ورامالىڭدى

دوستار

الىستاعى اق ەركە