جاڭا حابارلار

رايونىمىز حالىققا قولايلىلىق جاساپ، كاسىپورىنعا تيىمدىلىك جەتكىزۋگە قىزمەت وتەۋدى ىلگەرلەتىپ، «ەڭ كوپ بولعاندا ءبىر رەت بارۋ» رەفورماسىن جۇرگىزدى

    كەلۋ قاينارى: شينجياڭ حالىق راديو ىستانسياسى    2018-05-25 11:18:20  

ستانسيامىزدىڭ ءتىلشىسى دۇڭ جىيۇڭنىڭ، پراكتيكانت ءتىلشى جاۋ لينانىڭ حابارى: 5-ايدىڭ 24-كۇنى اۆتونوميالى رايوندىق پارتكومنىڭ رەفورما كەڭسەسى رايونىمىز بيىل ورىستەتكەن «ەڭ كوپ بولعاندا ءبىر رەت بارۋ» رەفورماسىنا قاتىستى شارالار مەن حالىققا قولايلىلىق جاساپ، كاسىپورىنعا تيىمدىلىك جەتكىزۋ شارالارىن جاريالادى. اۆتونوميالى رايوننىڭ قوعام حاۋىپسىزدىگى، ونەركاسىپ-ساۋدانى اكىمشىلىك جاقتان باسقارۋ، باجى، كەدەن سياقتى تاراۋلارى ءبىرىنشى توپتا «ەڭ كوپ بولعاندا ءبىر رەت بارۋ» ىستەرىنىڭ تىزىمدىگىن جاريالادى.
«ەڭ كوپ بولعاندا ءبىر رەت بارۋ» رەفورماسى اكىمشىلىك ىستەردە جانە الەۋمەتتىك قىزمەت وتەۋدە، جۇمىس بىتىرۋدە بۇقاراعا قولايلىلىق جاساۋدى ءتۇيىن ەتىپ، بۇقارا مەن كاسىپورىن ۇكىمەتكە بارىپ جۇمىس بىتىرگەندە ءوتىنىش ماتەريالى تولىق، زاڭدا بەلگىلەنگەن قاراۋ شارتىنا ۇيلەسەتىن بولسا، ءوتىنىشتى قاراۋدان ءبىتىرۋ ناتيجەسىنە دەيىن جالپى بارىستا سول ادام نەمەسە كاسىپورىن جۇمىس بىتىرەتىن جەرگە ءبىر-اق رەت بارۋدى نەمەسە بارماي-اق ءبىتىرۋدى جۇزەگە اسىرۋعا قاراتىلعان.
مۇنىڭ ىشىندە، اۆتونوميالى رايوندىق قوعام حاۋىپسىزدىگى مەڭگەرمەسى بۇقارا مەن كاسىپورىندارعا باعىتتاپ تۇڭعىش توپتا 84 ءتۇرلى « ەڭ كوپ بولعاندا ءبىر رەت بارۋ» بويىنشا قىزمەت وتەۋ ءىسىن جاريالادى، بۇل نەگىزىنەن نوپۇس، قونىستانۋ كۋالىگى، موتورلى كولىكتەر مەن شوفەرلەردى باسقارۋ سياقتى جاقتارعا شوعىرلاندى. اۆتونوميالى رايوندىق قوعام حاۋىپسىزدىگى مەڭگەرمەسى پارتكومىنىڭ مۇشەسى، ورىنباسار مەڭگەرمە باستىعى فان ليشين بىلاي دەدى: «ءىرى ساندى مالىمەت پەن جاساندى اقىل-پاراسات جاعىنداعى جاڭاشا تەحنيكانىڭ رولىن تولىق ساۋلەلەندىرىپ، ساندى مالىمەتتەن كوپ پايدالانامىز. تەكسەرىپ-بەكىتۋ وتكەلەگىنىڭ، ينتەرنەتتىڭ حالىققا قولايلى قىزمەت وتەۋى جانە بەت-الپەتتى ايىرۋ، دىبىستى ايىرۋ تەحنيكاسىنان پايدالانۋ ارقىلى جۇمىستى ينتەرنەتتە ءبىتىرىپ، بۇقارانى ەڭ كوپ بولعاندا ءبىر رەت كەلتىرەمىز، ءتىپتى كەلمەسەدە ءبىتىرىپ بەرۋگە مۇمكىندىك جاسايمىز».
بۇل رەتكى حالىقارالىق ساۋدانىڭ «ءبىر تەرەزە » قۇرىلىسى كەدەننىڭ «« ەڭ كوپ بولعاندا ءبىر رەت بارۋ» رەفورماسىن ورىستەتۋىنىڭ ماڭىزدى فورماسى. سوڭعى ەكى جىلدا، ءۇرىمجى كەدەنى كەدەن جۇمىسىن قاعازسىزداندىرۋ، مەملەكەت بويىنشا كەدەننەن وتكىزۋدى ءبىرتۇلعالاندىرۋ رەفورماسىنا ۇشتاستىرۋ ارقىلى «ءبىر تەرەزە» قۇرىلىسىن ىلگەرىلەتتى، مۇندا، ءوتىنىش بەرۋشىنىڭ ەلەكترلى وتكەل تۇعىرىنا ءبىر ءتۇرتىپ كىرۋىن، ولشەمدەنگەن حۇجات پەن ەلەكترلى ينفورماتسيانى ءبىر جولدا تاپسىرۋىن جۇزەگە اسىرىپ، ءبىر جايلى ەتۋ ناتيجەسىن «ءبىر تەرەزە» ارقىلى ءوتىنىش بەرۋشىگە اڭىس ەتۋدى نىسانا ەتىپ، ءوتىنىش بەرۋ ونىمدىلىگىن جوعارىلاتىپ، كەدەننەن ءوتۋ ۋاقىتىن قىسقارتىپ، كاسىپورىننىڭ وزىندىك قۇنىن تومەندەتتى. ءۇرىمجى كەدەنى پارتگرۋپپاسىنىڭ مۇشەسى، ورىنباسار كەدەن باستىعى ەركىن ءومار بىلاي دەدى: « الدا ›ءبىر تەرەزەنى ‹ پايدالانۋ مولشەرىن اناعۇرلىم جوعارىلاتىپ، بيىل جىل سوڭىنان بۇرىن ›ءبىر تەرەزە ‹ ارقىلى كەدەنگە ءوتىنىش بەرۋدىڭ يەلەيتىن سالىستىرماسىن %70 تەن اسىرامىز. سونىمەن بىرگە، قۇرلىق جولى وتكەلىنىڭ ›ءبىر تەرەزە ‹ قۇرىلىسىن قالىپتاسىترۋدىڭ پايدالانۋعا، جالپىلاستىرۋعا بولاتىن ادىستەرى مەن تاجىريبەلەرىن ۇزدىكسىز زەرتتەپ، شينجياڭنىڭ ەسىك اشقان ەكونوميكاسىنىڭ دامۋىنا حاۋىپسىز، قولايلى، ءونىمدى وتكەلدەن ءوتۋ ورتاسى مەن تيجارات-ساۋدا ورتاسىن ازىرلەيمىز».
اۆتونوميالى رايوننىڭ باجى تاراۋلارى قىزمەت وتەۋدى كۇشەيتۋمەن ۇشتاستىرىپ، باجى ىستەرىن بىتىرۋدە «ەڭ كوپ بولعاندا ءبىر رەت بارۋ» رەفورماسى تىزىمدىگىن جاريالادى، بۇل مالىمەت، تالون، مالىمدەۋ، ارحيۆ تۇرعىزۋ، سپاتتاما سياقتى 5 ءىرى ءتۇر بويىنشا 118 باجى ىستەرىن ءبىتىرۋ ءتۇرىن قامتىپ، باجى تاپسىرۋشىلاردىڭ بىتىرۋگە ءوتىنىش ەتەتىن ۇنەمى پايدالاناتىن بارلىق كاسىپتەرىنە سايدى. اۆتونوميالى رايوندىق ونەركاسىپ-ساۋدانى اكىمشىلىك جاقتان باسقارۋ مەكەمەسى دە ءىستى اقىلداسىپ ىستەۋ ءتۇزىمى رەفورماسىن ۇزدىكسىز ىلگەرىلەتتى، قازىر، شينجياڭ بويىنشا ونەركاسىپ-ساۋدا جاعىنان تىزىمگە تىركەلۋدە «ەڭ كوپ بولعاندا ءبىر رەت بارۋ» رەفورماسى ارقىلى 15 ءىرى ءتۇر بويىنشا 77 ءىستى بىتىرۋگە بولاتىن بولدى.
بيىل، رايونمىز قارامايلى قالاسى، ءۇرىمجى قالاسى جانە اقسۋ قالاسى سياقتى بەلگىلى نەگىزگى شارت ـ جاعداي ازىرلەگەن قالالاردى سىناق ءتۇيىنى رايونى، مەملەكەتتىك كەڭەستىڭ قاتىستى مينيسترلىك-كوميتتەرى ايقىن تالاپ ەتكەن اۆتونوميالى رايوننىڭ تاراۋلارىن سىناق ءتۇيىنى جەلىسى ەتىپ، الدىمەن ناتيجە جارتىپ، بۇقارا مەن كاسىپورىننىڭ جۇمىس بىتىرۋىندەگى ءبىر توپ «ەڭ كوپ بولعاندا ءبىر رەت بارۋ» ىستەرىن رەتتەپ، «ينتەرنەت پەن ۇكىمەت ءىسى جاعىندا قىزمەت وتەۋ ۇشتاسقان» اينالىم ۇلگىسىن زەرتتەپ، پايدالانۋعا، جالپىلاستىرۋعا بولاتىن تاجىريبەلەردى توپتاپ، شينجياڭنىڭ 14 ايماق، وبلىس، قالاسى مەن باستى اكىمشىلىك تاراۋلارىندا كەزەڭگە، ساتىعا ءبولىپ جالپىلاستىرادى ءارى ءتۇرلى رەفورما شارالارىنىڭ تياناقتانىپ، تامىر تارتۋىنا كەپىلدىك ەتەدى.
اۆتونوميالى رايوندىق پارتكوم رەفورما كەڭسەسىنىڭ قىزمەتكە ارناۋلى جاۋاپتى ورىنباسار مەڭگەرۋشىسى شاڭ يۋ بىلاي دەدى: «بۇقارا باعالاۋ، قوعام باقىلاۋ، ءتارتىپ تەكسەرۋ تاراۋلارى باقىلاۋ جانە ءۇشىنشى جاق باعالاۋ سياقتى تاسىلدەر ارقىلى رەفورمانىڭ تياناقتانۋ جاعدايىن، اتقارىلۋ ونىمدىلىگىن، بۇقارا مەن كاسىپورىننىڭ ريزا بولۋ دارەجەسىن عىلمي باعالاپ، ءار دارەجەلى كادرلاردى ءوزىن وڭاۋعا قۋزاپ، قىزمەت وتەۋ قابىلەتىن، قىزمەت وتەۋ تانىمىن جوعارىلاتىپ، ستيلگە شىنايى بۇرىلىس جاسايمىز».


بەرىپ كەت ورامالىڭدى

دوستار

الىستاعى اق ەركە