جاڭا حابارلار

چىن چۋانگو شينجياڭ جەمىس-جيدەك توپ سەرىكتەستىگىندە تەكسەرۋ-زەرتتەۋدە بولعاندا، جاڭا دامۋ يدەياسىن ىشكەرلەي دايەكتىلەندىرۋدى بەرىك ورناتىپ، جەتەكشى كاسىپورىنداردى جەتىلدىرىپ زورايتىپ اۋىل شارۋاشىلىعىن كاسىپ سالالاندىرۋ دەڭگەيىن جوعارلاتۋدى باسا دارىپتەدى

    كەلۋ قاينارى: شينجياڭ حالىق راديو ىستانسياسى    2018-05-25 11:22:18  

ستانسيامىزدىڭ حابارى: 5-ايدىڭ 24-كۇنى تۇستەن بۇرىن، اۆتونوميالى رايوندىق پارتكومنىڭ شۋجيى چىن چۋانگو شينجياڭ جەمىس-جيدەك كاسىبى توبىندا تەكسەرۋ-زەرەتتەۋدە بولعاندا بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، جاڭا دامۋ كوزقاراسىن بەرىك ورناتىپ جانە دايەكتىلەندىرىپ، جوعارى ساپالى دامۋ تالابىنا ساي، اۋىل شارۋاشىلىعىنداعى قامداۋدىڭ قۇرىلىمدىق رەفورماسىن ىلگەرىلەتىپ، جەتەكشى كاسىپورىندى جەتىلدىرىپ جانە نىعايتىپ، اۋىل شارۋاشىلىعىنىڭ كاسىپ سالالانۋ دەڭگەيىن كوتەرىپ، ەگىن-مال شارۋاشىلىعىنىڭ ساپاسىن جوعارلاتىپ، ونىمدىلىگىن ارتتىرۋ اياق الىسىن ىلگەرىلەتىپ، ەگىنشى-مالشىلاردىڭ كىرىسىن ۇزدىكسىز ارتتىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ نەگىزىن بەكەمدەۋ كەرەك.
شينجياڭ جەمىس-جيدەك كاسىبى توبى ـــ شينجياڭنىڭ ەرەكشە جەمىس اعاشى بايلىق ابزالدىلىعىن تىرەك ەتىپ، ءوندىرۋدى، مانەرلەۋدى، زات اينالىمىن، جەتكىزۋدى جانە بازار تيجاراتىن ءبىر تۇلعالاندىرعان مەملەكەتتىك اۋىل شارۋاشىلىعىن كاسىپ سالالاندىرۋداعى ءتۇيىندى جەتەكشى كاسىپورىن. كاسىپورىن ونىمدەرى كورمەسىن ارالاعاندا، ونداعى ءتۇرلى جەمىس-جيدەكتەر كوزدىڭ جاۋىن الدى، چىن چۋانگو تانىستىرۋدى تىڭداۋمەن بىرگە، كاسىپورىننىڭ ءونىم اشۋ، بازار تيجاراتى، ديحانداردى جەبەۋ سياقتى احۋالىن ەگجەي-تەگجەيلى ۇعىستى.
كاسىپورىننىڭ جىلىنا ءبىر ميلليون توننا اۋىل شارۋاشىلىق ءونىمىن تيجارات ەتىپ، تاپسىرىستىق اۋىل شارۋاشىلىعى اۋماعىن 400 مىڭ مۋعا جەتكىزگەندىگىن، 100 مىڭنان ارتىق ديحانعا جەتەكشىلىك ەتكەنىن ەستىپ، چىن چۋانگو قاباعات قۋاندى. ول كاسىپورىندى باس شۋجي شي جينپيڭنىڭ كاسىپورىندى كوزدەن كەشىرگەن كەزىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، باس شۋجيدىڭ شىنايى قامقورلىعىن قوزعاۋشى كۇش ەتىپ، بازاردى ويداعىداي اشىپ، كولەمىن بەلسەنە كەڭەيتىپ، جەتەكشىلىك ەتۋ قۋاتىن ارتتىرىپ، كاسىپورىندى جوعارى ساپالى دامۋدى ىلگەرىلەتۋدەگى ۇلگى كاسىپورىن، رەفورما جاساپ، ەسىك اشۋداعى باستاماشى كاسىپورىن، اۋىل شارۋاشىلىعىن كاسىپ سالالاندىرۋداعى جەتەكشى كاسىپورىن، ديحانداردىڭ كىرىسىن ارتتىرۋىپ، اۋقاتتانۋ اياق الىسىن جەبەۋدەگى ۇلگى كاسىپورىن، ديحاندار مەن بازاردى ۇشتاستىرعان سەنىمدى كاسىپورىن جانە ۇلتتار ىنتىماعىن بەكەمدەۋگى سۇيسپەنشىلىككە تولى كاسىپورىن ەتىپ قۇرۋ ءۇشىن كۇش سالۋعا شابىتتاندىردى.
ەكىنشى قاباتتاعى اۋىل شارۋاشىلىق ونىمدەرى ەلەكتروندى ساۋدا تەكشەسىندە، چىن چۋانگو تەكشەنىڭ جاۋاپتىسىمەن، كاسىپورىننىڭ قىزمەتكەرلەرمەن ىستىق ىقىلاستى كەڭەسىپ، ەلەكتروندى ساۋدا تەكشەسى كاسىبىن اشۋ احۋالىن ەگجەي-تەگجەيلى ۇعىستى. 2017-جىلى كاسىپورىننىڭ توراپتاعى اۋىل شارۋاشىلىق ونىمدەرى ساۋدا سوماسىنىڭ 950 ميلليون يۋانعا جەتكەنىن ەستىپ، چىن چۋانگو كاسىپورىننىڭ جەلى ءىشى مەن جەلى سىرتىنداعى ساۋدانى ۇشتاستىرىپ دامىتۋ ءادىسىن تولىق تۇراقتاندىرىپ بىلاي دەدى: ينتەرنەتتىڭ دامۋى جەتكىزگەن تاماشا ورايدان ويداعىداي پايدالانىپ، ەلەكتروندى ساۋدا ىستەرى سياقتى جاڭادان كوركەيگەن كاسىپتى بارىنشا دامىتىپ، شينجياڭنىڭ ساپالى اۋىل شارۋاشىلىق ونىمدەرىنە ينتەرنەت ارقىلى قانات ءبىتىرىپ، ونىمدەردى ەلەكتروندى ساۋدا ىستەرى تەكشەسىنە شىعارىپ، ەلىمىزگە، اۋەلى دۇنيە جۇزىنە بەت الدىرۋعا مۇمكىندىك جاساۋ كەرەك.
تەكسەرۋ-زەرتتەۋ كەزىندە، چىن چۋانگو اڭگىمە ءماجىلىسىن باسقارىپ اشتى، قاتىستى احۋالدان جاسالعان مالىمەتتى تىڭداعاننان كەيىن، جەتەكشى كاسىپورىنداردى اناعۇرلىم جەتىلدىرۋ جانە نىعايتۋ، رايونىمىزدىڭ اۋىل شارۋاشىلىعىن كاسىپ سالالاندىرۋ دەڭگەيىن جوعارلاتۋ ىستەرىن زەرتتەدى. چىن چۋانگو بىلاي دەپ اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، دايەكتىلەندىرىپ، پارتيا 19-قۇرىلتايىنىڭ جانە پارتيا 19-كەزەكتى ورتالىق كوميتەتى 2-، 3-جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، جاڭا دامۋ كوزقاراسىن دايەكتىلەندىرىپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، اۋىل شارۋاشىلىعىنداعى قامداۋدىڭ قۇرىلىمدى رەفورماسىن بەلسەنە ىلگەرىلەتىپ، جەتەكشى كاسىپورىنداردى جەتىلدىرىپ، ءونىم ماركاسىن جاراتىپ، ابزالدىلىقتى ساۋلەلەندىرىپ، دامۋعا باستاپ، اۋىل شارۋاشىلىعىنىڭ كاسىپ سالالانۋ دەڭگەيىن جوعارلاتىپ، اۋىل شارۋاشىلىعى دامۋىنىڭ ساپاسى مەن ونىمدىلىگىن ارتتىرىپ، رايونىمىزداعى ءار ۇلت ەگىنشى-مالشىلارىنا باقىت جاراتۋ ءتيىس.
مۇندا، ءبىرىنشى، جەتەكشى كاسىپورىندى مىقتى يگەرىپ، قولداۋ تەبىنىن ارتتىرىپ، دامۋ نەگىزگى جاقسى، جەتەكشىلىك رولى زور، بازارداعى باسەكەلىك قۋاتى كۇشتى ەگىن-مال شارۋاشىلىق ونىمدەرىن مانەرلەۋدەگى جەتەكشى كاسىپورىنداردى جەتىلدىرىپ جانە نىعايتىپ، كاسىپتىڭ شوعىرلانۋ دەڭگەيى مەن ۇيتقىلىق باسەكەلىك قۋاتىن جوعارلاتىپ، ەگىن-مال شارۋاشىلىعىنداعى ءوندىرۋ، مانەرلەۋ، تيجارات ەتۋ تۇتاس كاسىپ تىزبەگىن جەبەپ، ەگىنشى-مالشىلاردىڭ كىرىسىن ارتتىرۋ جانە ەگىن-مال شارۋاشىلىق كاسىبىنىڭ اقاۋسىز دامۋىن ىلگەرىلەتۋ قاجەت.
ەكىنشى، بازانى مىقتى يگەرىپ، شينجياڭنىڭ بايلىق ابزالدىلىعىن، كاسىپ ابزالدىلىعىن، ءونىم ابزالدىلىعىن تىرەك ەتىپ، جەتەكشى كاسىپورىنداردىڭ باستاماشىلىق رولىن تولىق ساۋلەلەندىرىپ، تاپسىرىستىق اۋىل شارۋاشىلىعىن بەلسەنە دامىتىپ، ديحانداردى عىلىمي ەگىن ەگۋگە، جۇيەلى ەگىن ەگۋگە قولداۋ كورسەتىپ جانە وعان جەتەكشىلىك ەتىپ، ءبىر توپ كولەمى نەداۋىر زور، قۇرىلىعىلارى كەمەلدى، ەرەكشەلىگى ايقىن اۋىل شارۋاشىلىق ونىمدەرىن ءوندىرۋ بازاسىن قالىپتاستىرۋعا كۇش سالۋ قاجەت.
ءۇشىنشى، ءونىم ماركاسىن مىقتى يگەرىپ، ونىمدەردىڭ ساپاسىن ۇزدىكسىز جوعارلاتىپ، ۇگىتتەۋ، تانىستىرۋ تەبىنىن ارتتىرىپ، ءونىم ماركاسىنىڭ ونىمدىلىگىن جوعارلاتىپ، شينجياڭنىڭ «جەمىس-جيدەك مەكەنى» اتىن شىنىمەن ءونىم ماركاسىنىڭ ابزالدىلىعىنا، دامۋ ابزالدىلىعىنا، باسەكە ابزالدىلىعىنا اينالدىرۋ قاجەت.
ءتورتىنشى، جەتەكشىلىك ەتۋدى مىقتى يگەرىپ، ونى اۋىل-قىستاقتى كوركەيتۋ ستراتەگياسىمەن ۇشتاستىرىپ، كەدەيلىكتەن قۇتىلدىرۋدان قامال الۋعا بەلسەنە كۇش سالىپ، «جەتەكشى كاسىپورىن، سەلبەستىك كوپەراتيۆبى، ديحاندار ۇشتاسقان» فورماعا تاباندى بولىپ جانە ونى ساپالاندىرىپ، سان-سالالى ۇشتاسۋ مەن سەلبەستىكتى كۇشەيتىپ، وتباسىلارىنىڭ بىتىراندى ءوندىرۋىن قۇبىلمالى بازارمەن ءونىمدى ۇشتاستىرۋعا، كاسىپورىنداردىڭ پايدا تابۋىنا، كاسىپتىڭ دامۋىنا، ديحانداردىڭ كىرىسىن ارتتىرۋعا قۇلشىنۋ قاجەت.
بەسىنشى، جاڭالىق اشۋدى، «ءبىر بەلدەۋ، ءبىر جول» قۇرىلىسى ورايىن مىقتى يگەرىپ، حالىقارالىق اۋىس-كۇيس پەن سەلبەستىكتى بەلسەنە كۇشەيتىپ، جاڭالىق اشا دامۋ ستراتەگياسىن اتقارىپ، سيفرلى اۋىل شارۋاشىلىعىن بارىنشا دامىتىپ، اۋىل شارۋاشىلىق ونىمدەرى ەلەكتروندى ساۋداسىنىڭ جەدەل دامۋىن ىلگەرىلەتىپ، شينجياڭ اۋىل شارۋاشىلىعىنىڭ كاسىپ سالانۋىنا ومىرشەڭدىك كۇش قوسۋ قاجەت.
التىنشى، دارىندىنى مىقتى يگەرىپ، ءتۇرلى شارانى قاتار قولدانىپ، دارىندىلاردى باۋلۋعا تاباندى بولىپ، ساياساتتى كەمەلدەندىرۋ ارقىلى دارىندىلاردى باۋراۋ، مۇمكىندىكتىڭ بارىنشا دارىندىلاردى الىپ قالۋ، دارىندىلاردان ويداعىداي پايدالانۋ، دارىندىلارعا ءتۇرلى جاقتان تاماشا قىزمەت وتەۋ ورتاسى مەن جۇمىس ىستەپ كاسىپ اشۋ تەكشەسىن جاراتۋعا كۇش سالىپ، ءتۇرلى سالاداعى دارىندىلاردىڭ بەلسەندىلىگى مەن جاڭالىق اشۋ قۋاتىن ەڭ جوعارى شەكتە ساۋلەلەندىرۋ كەرەك.
اۆتونوميالى رايوننىڭ باسشىلارىنان شۇي حايرۇڭ، جاۋ چيڭ، ۋان حايچۋاندار تەكسەرۋ-زەرتتەۋدە بىرگە بولدى.


بەرىپ كەت ورامالىڭدى

دوستار

الىستاعى اق ەركە