جاڭا حابارلار

 اۋىز قۋىسى اقاۋسىزدىعىن ساقتاۋداعى قاتە تۇسىنىكتەر   

    كەلۋ قاينارى: شينجياڭ حالىق راديو ىستانسياسى    2018-05-24 23:46:36  

1. قالىپتان تىس تويا تاماقتانۋ
  دەنە قۋاتى، ارەكەتىنىڭ اۋىر-جەڭىلدىگى جانە سارىپ ەتەتىن جىلۋلىق مولشەرىنىڭ از-كوپتىگى سياقتى ناقتىلى جاعدايلارعا نەگىزدەلە وتىرىپ، از تاماقتانۋ، ءنارلى تاماقتانۋ پرينسيبى بويىنشا تاماقتانعان ءجون. ءار كۇنى جىلۋ مولشەرى تومەن ازىقتاردى تۇتىنۋ  تالابى بويىنشا كوپ تاماقتانباۋ، تاماقتانعاندا دا قالىپتان تىس تويا تاماقتانباي تۇلكى قۇرساق بولۋدى ولشەم ەتكەن ءجون. ەگەر تىم تويا تاماقتاناتىن بولسا، اسقازان مەن ىشەكتىڭ جۇگى اۋىرلاپ، كەكىرۋ، ءىش كەبۋ، ءىش ءوتۋ سياقتى جاعدايلار تۋىلادى. تويا تاماقتانۋ ميدىڭ قىزمەتىن ءبۇلدىرىپ،قارتايۋدى جەدەلدەتەدى.
2. تاماق تاڭداۋ
  ءار ءتۇرلى ازىقتىق دەنەگە قاجەتتى ۇقساماعان قورەكتىك زاتتارمەن قامداپ، دەنەنىڭ فيزيولوگيالىق قيمىلعا بولعان قاجەتىن قاناعاتتاندىرىپ، اۋرۋ-سىرقاۋدىڭ الدىن الادى. ەگەر ۇزاق ۋاقىت ۇقساس تاعامدارمەن ازىقتانىپ، باسقا تاعامداردان بويىن اۋلاققا سالاتىن بولسا، دەنەگە قاجەتتى ازىقتاردىڭ تەپە-تەڭدىگى بۇزىلىپ، اۋرۋعا وڭاي شالدىعاتىن بولادى. ەگەر ۇزاق ۋاقىت قاتىقسىز تاعامدارمەن تاماقتاناتىن بولسا، بەلوك پەن ماي قۇرامىنىڭ كەمشىلدىگىنەن، قورەكتىك جەتىسپەي قالادى.
3. قانتتى كوپ تۇتىنۋ
قانت دەنەگە قاجەتتى ەنەرگيانىڭ كەلۋ قاينارى،الايدا، قانتتى قالىپتان تىس كوپ تۇتىنعاندا دەنساۋلىققا وراسان زور كەرى اسەر ەتەدى. قانتتىڭ ءسىمىرىلۋ مولشەرى ارتىپ كەتسە، دەنەنىڭ مايدى سارىپ ەتۋىنە ىقپال جاساپ، قاننىڭ قۇرامىنداعى حولەستەرين مەن ءۇش گليتسەريد مولشەرىن ارتتىرىپ،قانداعى ماي قۇرامى جوعارىلاپ، ماي جينالىپ، جۇرەك-قان تامىر اۋرۋى مەن سەمىزدىكتى تۋدىرادى. ال قانتتى نەسەپ اۋرۋى قانتتى كوپ مولشەردە تۇتىنۋدان كەلىپ شىعادى.
4. مايلى ازىقتاردى كوپ جەۋ
 مايلى ازىقتاردى كوپ جەۋ قانداعى ماي قۇرامىنىڭ ارتۋى مەن سەمىزدىكتى تۋدىرادى،ورتا جاسقا كەلگەننەن كەيىن حايۋانات مايىن از تۇتىنۋعا تۋرا كەلەدى،استە كوپ جەۋگە بولمايدى، ويتكەنى حايۋانات مايىنىڭ قۇرامىندا قانىققان ماي قىشقىلى بولاتىندىقتان، ول حولەستەرينمەن بىرىگىپ، قان تامىر بۇيىرىندە جينالىپ، قان تامىر اۋرۋىنا شالدىعۋ حاۋپىن ارتتىرىپ، ارتەريانىڭ قاتايۋىنان، ايدارشا ارتەريانىڭ قابىنۋىنان بولاتىن جۇرەك اۋرۋى سياقتىلاردى تۋدىرادى. مەديتسينالىق زەرتتەۋلەر ەتتى كوپ تۇتىنۋ راك اۋرۋىنا شالدىعۋ سالىستىرماسىن جوعارىلاتاتىندىعىن، سونىمەن بىرگە، وتكە تاس بايلانۋ مەن ءوت قابىنۋىنىڭ دا حولەستەريننىڭ ءسىمىرىلۋ مولشەرىنىڭ ارتىپ كەتۋىمەن تىكە قاتىستى ەكەندىگىن دالەلدەدى.
5. تۇزدى كوپ تۇتىنۋ 
  تۇزدى كوپ تۇتىنعاندا جوعارى قان قىسىمى اۋرۋىن وڭاي تۋدىرادى، ءار كۇنى 7 گرامنان ارتىق تۇز تۇتىناتىنداردىڭ جوعارى قان قىسىمى اۋرۋىنا شالدىعۋ سالىستىرماسى كورنەكتى جوعارى بولادى. بۇيرەك قابىنۋى مەن باۋىردىڭ قاتايۋى ناۋقاسىنا شالدىققاندار ازىقتىڭ قۇرامىنداعى تۇز مولشەرىنىڭ ارتىپ كەتۋىنەن ناۋقاسىن اسقىندىرىپ الادى. دۇنيە جۇزىلىك دەنساۋلىق ساقتاۋ ۇيىمى ادامنىڭ ءار كۇندىك تۇتىناتىن تۇز مولشەرىنىڭ 6 گرامنان اسىپ كەتپەۋىن،جوعارى قان قىسىمى ناۋقاسىنا شالدىققاندار 3 گرامنان، قانتتى نەسەپ اۋرۋى جانە جوعارى قان قىسىم ناۋقاسىنا بىردەي شالدىققانداردىڭ 2 گرامنان اسىپ كەتپەۋىن ۇسىنىس ەتەدى.


بەرىپ كەت ورامالىڭدى

دوستار

الىستاعى اق ەركە