جاڭا حابارلار

ءۇرىمجى قالاسى ەسكى قالا رايونىن جاقسارتىپ، قالانى ونان ارى كورىكتەندىرىپ، قالا تۇرعىندارىن اناعۇرلىم باقىتقا كەنەلدىردى

    كەلۋ قاينارى: شينجياڭ حالىق راديو ىستانسياسى    2018-05-24 13:49:59  

ءتىلشىمىز لي گاڭنىڭ حابارى: وتكەن جىلدان بەرى، ءۇرىمجى قالاسى ەسكى قالا رايونىن جاقسارتىپ دەڭگەيىن جوعارىلاتۋدى حالىق تۇرمىسىن قامتاماسىزداندىرۋ جانە جاقسارتۋ ماڭىزدى ينجەنەرياسى ەتىپ، قالانىڭ كونە بەت-بەينەسىن جاڭا تۇسكە ەنگىزۋمەن بىرگە، ءار ۇلت بۇقاراسىنىڭ تۇرعىن ءۇي شارت-جاعدايىن قۇلشىنا جاقسارتىپ، كوپشىلىكتىڭ باقىتتى سەزىنۋ كورسەتكىشىن ۇزدىكسىز جوعارىلاتتى.
ءۇرىمجى قالاسىنىڭ تۇرعىنى ما جينشيا بۇرىن ءۇرىمجى قالاسى تيانشان رايونىنىڭ ميڭحۋا كوشەسى اۋماعىنداعى وزدەرى سالىپ العان ۇيدە تۇراتىن. 2017-جىلى، ءۇرىمجى قالاسىنىڭ ەسكى قالا رايونىن جاقسارتىپ دەڭگەيىن جوعارىلاتۋ ينجەنەرياسى ميڭحۋا كوشەسى اۋماعىنداعى تۇرعىندارعا تيىمدىلىك اكەلدى، ما جينشيا وتباسىنداعىلار تولەم اقشانى العاننان كەيىن، بۇرىنعى وزدەرى سالعان ءۇيدىڭ ماڭىنداعى شاعىن رايوننان تاۋار ءۇي ساتىپ الىپ، جاڭبىرلى كۇندەردە نەمەسە كوكتەمدە قار ەرىگەندە ءۇيدىڭ توبەسىنەن ۇنەمى سۋ وتەتىن، قىستا جىلىنۋ وتە قولايسىز ەسكى ۇيىمەن تۇبەگەيلى قوشتاستى. ما شينجيا بىلاي دەدى: «ءبىز توقتام جاساسىمەن، ءۇيدى ساتىپ الىپ جاڭا ۇيگە كوشىپ كىردىك، ەسكى قالا رايونىن جاقسارتۋ قالامىزدى اناعۇرلىم كورىكتەندىرىپ، بۇقارانى ءتىپتى باقىتتى تۇرمىسقا كەنەلتتى».
2017-جىلى 4-ايدا، ءۇرىمجى ەسكى قالا رايونىن جاقسارتىپ دەڭگەيىن جوعارىلاتۋ ينجەنەرياسىن جاپپاي باستادى، ءارى ەگجەي-تەگجەي ورنالاستىرۋ، تولەم بەرۋ ساياساتىن شىعارىپ، بۇقارانىڭ مۇددەسىنە كەپىلدىك ەتتى، اقشا بەرۋ جانە باسقا جەرگە ورنالاستىرۋ ءتاسىلىن قولدانۋدان سىرت، تاعى ىركىندى تاۋار ۇيلەرگە ورنالاستىردى. وتكەن جىلدان بيىلعا دەيىن، ءۇرىمجى قالاسىندا مولشەرمەن 170 مىڭ وتباسىنداعى بۇقارا ما جينشيا سياقتى بۇرىنعى ەسكى ۇيلەرىنەن كوشتى.
بيىل، ءۇرىمجى قالاسى ەسكى قالا رايونىن جاقسارتىپ دەڭگەيىن جوعارىلاتۋ قىزمەتىن ۇزدىكسىز ورنىقتى ىلگەرىلەتىپ، 20 ميلليون شارشى مەتردەن ارتىق جەردەگى ءتۇرلى ءۇي قۇرىلىسىن شاعادى، ءارى قالانىڭ رولىنا ساي وقۋ-اعارتۋ، ەمدەۋ، دەنساۋلىق ساقتاۋ سياقتى الەۋمەتتىك قىزمەت وتەۋ قۇرىلعىلارى مەن نەگىزگى قوسىمشا قۇرىلعىلاردى كەمەلدەندىرەدى. مۇنىڭ ىشىندە، سايباق رايونىنىڭ وزىندە ەسكى قالا رايونىن جاقسارتىپ دەڭگەيىن جوعارىلاتۋ ينجەنەرياسى بويىنشا 14 نىسان اتقارىلىپ، بۇل نەگىزىنەن قاراستىلىعىنداعى رايونداعى 10 جول بويى قالانى كورىكتەندىرۋ ينجەنەرياسى، شاعىن باقشالاردى جاڭادان سالۋ، ورنالاستىرىلاتىن ءۇي سالۋ سياقتىلاردى قامتيدى. سايباق رايوندىق ەسكى قالا رايونىن جاقسارتۋ كەڭسەسى جوبا قۇرىلىسى ءبولىمىنىڭ باستىعى سۇڭ لەي بىلاي دەدى: «2018-جىلى، سايباق رايوننىڭ ەسكى قالا رايونىن وزگەرتۋ 10 اۋماققا سايىپ، ەسكى مانچىڭ كوشەسى اۋماعى، شينجياڭ ۋنيۆەرسيتەتى سولتۇستىك مەكتەبى اۋماعى، ساڭفاڭگۋ اۋماعى سياقتى 10 اۋماقتى قامتيدى. نىسان اتقارىلعاننان كەيىن، ەسكى قالا رايونىنىڭ قازىرگى قالا بەت-بەينەسى جوندەلىپ، قورشاعان ورتاسى جاقسارىپ، تۇرعىنداردىڭ تۇرار جاي ورتاسى دا كەمەلدەنەدى».
ورتالىق قالاداعى ءار ۇلت بۇقاراسىندا اناعۇرلىم جاقسى تۇرار جاي ورتاسى مەن تۇرمىس ورتاسى بولۋىنا مۇمكىندىك جاساۋ ءۇشىن، ءۇرىمجى قالاسى 2017-جىلى 4-ايدا ەسكى قالا رايونىن جاقسارتىپ دەڭگەيىن جوعارىلاتۋ ينجەنەرياسىن جاپپاي باستاپ، قىسقا عانا 9 ايدا 171 مىڭ 578 وتباسىنىڭ ءۇيىن قايتارىپ الىپ، 29 ءتۇيىندى وزگەرتۋ اۋماعىنداعى ۇيلەردى قايتارىپ الۋ مىندەتىن تۇگەلدەي ورىنداپ، كورنەكتى ناتيجەگە قول جەتكىزدى. بۇل ناتيجەنى ەڭ سەزىنگەندەر ءۇرىمجى قالاسىنىڭ تۇرعىندارى بولدى. ءبىر قالا تۇرعىنى: «ۇكىمەتتىڭ مۇنداي زور بەكىمگە كەلۋىن، وسىنشا ءىرى ينجەنەريانى جۇرگىزۋىن شينجياڭ سوزىمەن ايتقاندا، تۇرمىسىمىز تاماشا بولدى، ــ دەسە، ەندى ءبىر تۇرعىن،-پارتيانىڭ ساياساتى جاقسى، قازىر مەن دە وسىنداي ساۋلەتتى ۇيدە وتىرا الاتىن بولدىم، كوڭىلىمىزدەن شىقتى»،-دەدى.
جوباعا ساي، الداعى ەكى جىلدا، ءۇرىمجى قالاسى تيانشان رايونىن، سايباق رايونىن ءتۇيىن ەتكەن ەسكى قالا رايونىن جاقسارتىپ دەڭگەيىن جوعارىلاتۋ ينجەنەرياسىن كۇش سالا ىلگەرىلەتىپ، الەۋمەتتىك قىزمەت وتەۋ قۇرىلىعىلارىن جاقسارتىپ، قوسىمشا قالا اكىمشىلىگى نەگىزدىك قۇرىلعىسىن وزگەرتىپ، لاشىقتىلار رايونى مەن قالا ورتاسىنداعى قىستاقتى جاقسارتۋ اياق الىسىن جەدەلدەتىپ، ەرەكشە كوشە رايونىن قۇرۋدى ءتۇيىن ەتكەن قورشاعان ورتانى، كورىنىس ءوڭىرىن جاقسارتىپ دەڭگەيىن جوعارىلاتۋ سياقتى بىرنەشە جاقتان ءۇرىمجىنىڭ ەسكى قالا رايونىن ەرەكشەلىگى اناعۇرلىم ايقىن، قاتىناسى اناعۇرلىم ىركىلىسسىز، الەۋمەتتىك قىزمەت وتەۋ قۇرىلعىسى اناعۇرلىم كەمەندەنگەن قونىستانۋعا ءجايلى قالا ەتىپ قۇرۋعا كۇش سالادى ەكەن. ءۇرىمجى قالالىق قۇرىلىس كوميتەتىنىڭ ورىنباسار مەڭگەرۋشىسى، ءۇرىمجى قالالىق ەسكى قالا رايونىن جاقسارتىپ دەڭگەيىن جوعارىلاتۋ ينجەنەرياسى قولباسشىلىق ورنى كەڭسەسىنىڭ ورىنباسار مەڭگەرۋشىسى شيە مين بىلاي دەدى: «2018-جىلى 3-ايدان بۇرىن، ەسكى قالا رايونىن جاقسارتۋ ينجەنەرياسىندا كوشىرۋدى نەگىز ەتەمىز، مۇندا 310 مىڭ وتباسىن تۇگەلدەي كوشىرەمىز، ولاردىڭ ۇيلەرىنىڭ يەلەگەن قۇرىلىس اۋماعى 27 ميلليون شارشى مەتر. 2019-جىلى ەسكى قالا رايونىن تۇگەلدەي جاقسارتىپ بولامىز».


بەرىپ كەت ورامالىڭدى

دوستار

الىستاعى اق ەركە