جاڭا حابارلار

2018-جىلعى مادەنيەت جانە تابيعي مۇرا كۇنى جانە 6-كەزەكتى شينجياڭ بەيزاتتىق مادەني مۇرا ونىمدەرى كورمەسى اپتالىعى قيمىلى وتكىزىلەدى

    كەلۋ قاينارى: شينجياڭ حالىق راديو ىستانسياسى    2018-05-24 13:26:08  

ستانسيامىزدىڭ ءتىلشىسى دۇڭ جىيۇڭنىڭ، پراكتيكانت ءتىلشى جاۋ لينانىڭ حابارى: 6-ايدىڭ 9-كۇنىنەن 15-كۇنىنە دەيىن، رايونىمىز 2018-جىلعى مادەنيەت جانە تابيعي مۇرا كۇنىن جانە 6-كەزەكتى شينجياڭ بەيزاتتىق مادەني مۇرا ونىمدەرى كورمەسى اپتالىعى قيمىلىن وتكىزەدى.
وسى كەزەكتى قيمىلدىڭ نەگىزگى ورنى باي اۋدانىنىڭ قىزىل تاس ۇڭگىرىنە ورنالاستىرىلادى، قيمىلدىڭ مازمۇنى ءداستۇرلى تەاتر، كۇشار سانامى سياقتى نومىرلەردى ۇستىندە قويۋ، ويۋ سالىنعان كيىز، اعاشءمۇسىنى، كۇشاردىڭ ۇلكەن نانى سياقتى بەيزاتتىق مادەني مۇرالارعا مۇراگەرلىك ەتۋدەگى ۋاكىلدىك سيپاتقا يە نىساندار ۇستىندە كورسەتىلەدى جانە 2017-جىلعى شينجياڭنىڭ ارحولوگيالىق تىڭ بايقاۋىنا قاتىستى سۋرەت كورمەسى سياقتىلار وتەدى.
كورمە اپتالىعى مەزگىلىندە، شينجياڭنىڭ جەر-جەرى فورماسى الۋان-ءتۇرلى قيمىلداردى ءبىر ۋاقىتتا ورىستەتەدى. تاشقورعان اۋدانى «تاجىكتىڭ بۇركىت ءبين» بيلەۋ قيمىلىن ورىستەتسە؛ حوتان قالاسى تۇت اعاشى قابىعى قاعازىنان جاسالعان ءمۇسىن كورمەسىن؛ بۇراتالا قالاسى مۇڭعۇلدىڭ ۇزىن، قىسقا ىرعاقتى حالىق اندەرى جارىسىن ۇيىمداستىرىپ ورىستەتەدى؛ التاي قالاسى قازاقتىڭ قولونەرىن ۇستىندە كورسەتەدى. رايونىمىز تاعى دۇنيە ءجۇزىلىك مادەني مۇرا جەرى، ارحولوگيالىق ەسكى جۇرت باقشاسى، مادەني مۇرانى قورعاۋ ورىندارى سياقتىلاردى وقۋ-اعارتۋ تاراۋلارىمەن سەلبەسىپ، جاستار مەن وسپىرىمدەردىڭ زەرتتەۋ قيملىن ورىستەتۋىن شابىتتاندىرادى. اۆتونوميالى رايوندىق مادەنيەت مەڭگەرمەسى بەيزاتتىق مادەني مۇرا باسقارماسىنىڭ تەكسەرۋ زەرتتەۋشىسى لي گىنشىڭ بىلاي دەدى: «بۇقاراعا، وتە-موتە، جاستارعا قاراتا ەسىك بەلەتىن تەگىن بەرۋ نەمەسە ارزانداتۋ جانە الەۋمەتتىك يگىلىك سيپاتتى ءتۇسىندىرۋ سياقتى قىزمەتتەردى وتەپ، مادەني مۇرانى قورعاۋ بىلىمدەرىن جالپىلاستىرىپ، مادەني مۇرا بايلىعىنان ورتاق يگىلىكتەنۋ كولەمىن كەڭەيتەمىز».
ۇعىسۋعا قاراعاندا، وسى كەزەكتى قيمىل «مادەني مۇرانى جەتكىزۋ جانە وعان مۇراگەرلىك ەتۋ» جانە «الۋان-ءتۇرلى بەيزاتتىق مادەني مۇرا، تاماشا تۇرمىس» دەگەندى باستى تاقىرىپ ەتىپ، شينجياڭنىڭ مادەني مۇراسىنىڭ حالىق بۇقاراسىنىڭ كۇن سايىن ارتىپ وتىرعان تاماشا تۇرمىس قاجەتى جاعىنداعى رولىن ىشكەرىلەي قاراستىرىپ، جەرگىلىكتى ورىن مەن ۇلتتىق ەرەكشەلىكتى كورنەكتىلەندىرۋ ەكەن. سونىمەن بىرگە، تاعى بەيزاتتىق مادەني مۇرا مەن اۋىل-قىستاقتى كوركەيتۋدى ورگانيكالى ۇشتاستىرىپ، اۋىل-قىستاق مادەنيەتىنىڭ كوركەيىپ دامۋىن جەبەۋ بولىپ تابىلادى. لي گىنشىڭ بىلاي دەدى: «ءداستۇرلى قىستاققا، داستۇرلى كوشە-رايونعا سۇيەنىپ، جەرگىلىكتى ۇلتتىق سالت-سانا قيمىلدارىنا ۇشتاستىرىپ، اۋىل-قستاق مادەني مۇرا ونىمدەرى ايگىلى ماركاسى قيمىلدارىن ورىستەتىپ، نەگىزگى ساتىداعى بۇقاراعا بەيزاتتىق مادەنيەت مۇرانى جاندى سەزىندىرىپ، رۋحاني مادەني تۇرمىسىن بايىتامىز».


بەرىپ كەت ورامالىڭدى

دوستار

الىستاعى اق ەركە