جاڭا حابارلار

ج ك پ ورتالىق كوميتەتى كەڭسەسى «قالىڭ كادرلاردى جاڭا داۋىردە جاڭا جاۋاپكەرلىك ارقالاپ، تىڭ ىسكەرلىك كورسەتۋگە ونان ارى ىنتالاندىرۋ جونىندەگى پىكىردى» باسىپ تاراتتى

    كەلۋ قاينارى: شينجياڭ گازەتى    2018-05-23 12:30:39  

  شينحۋا اگەنتتىگىنىڭ 5 - ايدىڭ 20 - كۇنى بەيجيڭنەن بەرگەن حابارى. جۋىقتا ج ك پ ورتالىق كوميتەتى كەڭسەسى «قالىڭ كادرلاردى جاڭا داۋىردە جاڭا جاۋاپكەرلىك ارقالاپ، تىڭ ىسكەرلىك كورسەتۋگە ونان ارى ىنتالاندىرۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن بىرلەستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.
  «حابارلاندىرۋدا» مىنالار اتاپ كورسەتىلدى: «پىكىردە» شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرۋ، ىنتالاندىرۋ مەحانيزمىن جانە قاتەلىككە كەشىرىممەن قاراۋ، قاتەلىكتى تۇزەتۋ مەحانيزمىن ورناتۋ، قالىڭ كادرلاردى جاڭا داۋىردە جاڭا جاۋاپكەرلىك ارقالاپ، تىڭ ىسكەرلىك كورسەتۋگە ونان ارى ىنتالاندىرۋ جونىندە ناقتى تالاپ قويىلدى. «پىكىردىڭ» جاسالۋى مەن اتقارىلۋى كادرلار قوسىنىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرۋدا جانە ىسكە قوسۋدا، قالىڭ كادرلاردى جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىنباي كۇرەسۋگە تاربيەلەۋدە جانە جەتەكتەۋدە ايرىقشا ماڭىزدى مانگە يە.
  «حابارلاندىرۋدا» مىنالار باسا دارىپتەلدى: ءار دارەجەلى پارتكومدار (پارتيا باسشىلىق گرۋپپالارى) كادرلاردىڭ يدەيالىق تاربيەسىن زور پارمەنمەن كۇشەيتىپ، قالىڭ كادرلاردى «4 تانىمدى» كۇشەيتۋگە، «4 سەنىمدى» بەكەمدەۋگە جەتەكتەپ جانە جەبەپ، ساياسي جاۋاپكەرلىك ارقالاۋدى، تاريحي جاۋاپكەرلىك ارقالاۋدى، جاۋاپكەرلىك ارقالاۋدى شىنايى كۇشەيتىپ، جاڭا داۋىرگە ءتان شۇعىلالى قىزمەت ناتيجەلەرىن جاراتۋعا قۇلشىنۋ كەرەك. جاقسى كادر ولشەمىن ويداعىداي تياناقتاندىرىپ، جاۋاپكەرلىك ارقالاۋعا باتىل، جۇرەكتىلىكپەن جاۋاپكەرلىك ارقالايتىن، ءىس تىندىرۋعا شەبەر، قىزمەت ناتيجەسى كورنەكتى كادرلاردى كۇش سالا تاڭداپ ءوسىرىپ، ادام ىستەتۋدە ناقتى ىسكەرلىككە، ناقتى ناتيجەگە ءمان بەرۋ بەتالىسىن ايقىن ورناتۋ كەرەك. كادرلاردى باعالاۋ مەحانيزمىن كەمەلدەندىرىپ، باعالاۋ تاسىلدەرىن جاقسارتىپ، باعالاۋدىڭ كادرلاردى ىنتالاندىرۋ، قۋزاۋ رولىن تولىق ساۋلەلەندىرۋ كەرەك. باس شۋجي شي جينپيڭنىڭ «ءۇشتى اجىراتۋ» جونىندەگى ماڭىزدى تالابىن جاپپاي تياناقتاندىرىپ، كادرلاردىڭ قىزمەت بارىسىندا، اسىرەسە، رەفورما جاساۋ، جاڭالىق اشۋ بارىسىنداعى اعاتتىقتارى مەن قاتەلىكتەرىنە كەشىرىممەن قاراپ، جاۋاپكەرلىك ارقالاۋعا باتىل كادرلاردى تۋ ايقىن تۇردە قولداۋ، دەمەۋ كەرەك. ساپالى، ماماندانعان كادرلار قوسىنىن قۇرۋدى ارقاۋ ەتىپ، قابىلەت تاربيەسى مەن امالياتتىق شىنىعۋدى كۇشەيتۋ، سونىمەن قاتار كادرلارعا كوڭىل ءبولۋ، قامقورلىق جاساۋ جونىندەگى شارالاردى ناقتى تياناقتاندىرۋ كەرەك. رەفورما جاساعان، جاڭالىق اشقان، ءىس تىندىرىپ، ناتيجە شىعارعان وزات تيپتەردى كۇش سالا ۇگىتتەپ، قالىڭ كادرلاردى جاقسىدان ونەگە الۋعا ۇمتىلۋعا، جىگەرلەنە ءىس تىندىرۋعا، بىلەك سىبانىپ ناقتى ءىس ىستەۋگە ىنتالاندىرىپ، جاڭالىق اشۋدىڭ، شارۋاشىلىق قۇرۋدىڭ قۋاتتى بىرىككەن كۇشىن ۇيىستىرۋ، قالىپتاستىرۋ كەرەك.
  «حابارلاندىرۋدا» مىنالار تالاپ ەتىلدى: جەر - جەر، تاراۋلار «پىكىردى» دايەكتىلەندىرۋدەگى ماڭىزدى احۋالدار مەن ۇسىنىستاردى پارتيا ورتالىق كوميتەتىنە دەر كەزىندە مالىمدەۋ كەرەك.
  «قالىڭ كادرلاردى جاڭا داۋىردە جاڭا جاۋاپكەرلىك ارقالاپ، تىڭ ىسكەرلىك كورسەتۋگە ونان ارى ىنتالاندىرۋ جونىندەگى پىكىردىڭ» تولىق ءماتىنى تومەندەگىدەي:
  شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرۋ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋدى جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، قالىڭ كادرلاردى جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىنباي كۇرەسۋگە تاربيەلەۋ جانە جەتەكتەۋ ءۇشىن، ىنتالاندىرۋ مەحانيزمىن جانە قاتەلىككە كەشىرىممەن قاراۋ، قاتەلىكتى تۇزەتۋ مەحانيزمىن ورناتۋ، قالىڭ كادرلاردى جاڭا داۋىردە جاڭا جاۋاپكەرلىك ارقالاپ، تىڭ ىسكەرلىك كورسەتۋگە ونان ارى ىنتالاندىرۋ ءۇشىن مىناداي پىكىر ورتاعا قويىلدى.
  ءبىرىنشى، كادرلاردى جاۋاپكەرلىك ارقالاپ، ىسكەرلىك كورسەتۋگە، ءىس تىندىرىپ، ناتيجە شىعارۋعا بار كۇشپەن تاربيەلەۋ، جەتەكتەۋ. شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا تاباندى بولىپ، كادرلاردىڭ سەنىمىن نىعايتىپ، كادرلاردىڭ سانالىلىعىن كۇشەيتىپ، كادرلاردىڭ جىگەرىن جانۋ. قاتاڭ باسقارۋ مەن ىقىلاستى قامقورلىقتى بىرلەستىرۋگە، ىنتالاندىرۋ مەن تەجەۋدى قاتار ۇستاۋعا تاباندى بولىپ، قالىڭ كادرلاردى اۋەلگى ماقساتتى ۇمىتپاۋعا، بورىشتى ەستە بەرىك ساقتاۋعا تاربيەلەپ جانە جەتەكتەپ، «4 تانىمدى» كۇشەيتىپ، «4 سەنىمدى» بەكەمدەپ، پارتياعا ادال بولاتىن، پارتيانىڭ قامىن جەيتىن، پارتيا ءۇشىن قىزمەت مىندەتىن ادا ەتەتىن، حالىقتى باقىتقا كەنەلتەتىن ساياسي جاۋاپكەرلىكپەن، جاڭا داۋىردەگى جۇڭگوشا سوتسياليزمنىڭ ۇلى امالياتىنا كوكىرەك كەرنەگەن ىستىق ىنتامەن ارالاسۋ. قالىڭ كادرلاردى جاڭا ءداۋىر، جاڭا يدەيا، جاڭا قايشىلىق، جاڭا نىسانا ورتاعا قويعان جاڭا تالاپتاردى ىشكەرىلەي يگەرۋگە تاربيەلەپ جانە جەتەكتەپ، ۋاقىت كۇتىپ تۇرمايدى دەيتىن، ۋاقىتپەن جارىسىپ، زامان تولقىنىنىڭ الدىڭعى لەگىندە بولاتىن تاريحي جاۋاپكەرلىكپەن قۇلشىنا رەفورما جاساپ، جاڭالىق اشىپ، قامال الىپ، قيىندىقتاردى جەڭىپ، ۇزدىكسىز جىگەرلەنە العا باسىپ، جاۋاپكەرلىك ارقالاپ، ءىس تىندىرۋ. قالىڭ كادرلاردى پارتيا مەن حالىقتىڭ ماڭىزدى تاپسىرماسىنىڭ ۇددەسىنەن شىعۋعا، اركىم ءوز جاۋاپكەرشىلىگىن بىلەتىن، اركىم ءوز جاۋاپكەرشىلىگىن ارقالايتىن، اركىم ءوز جاۋاپكەرشىلىگىن ادا ەتەتىن جاۋاپكەرلىكپەن ءوز قىزمەت ورنىنا ساي ءىس قىلىپ، ءوز ىسىنەن ناتيجە شىعارىپ، ءداۋىردىڭ، حالىقتىڭ، تاريحتىڭ كۇتكەن جەرىنەن شىعاتىن ناتيجەگە قول جەتكىزۋگە قۇلشىنۋ. ءار دارەجەلى باسشى كادرلار ۇلگى كورسەتۋ، باستاماشى بولۋ رولدارىن شىنايى ساۋلەلەندىرىپ، باستاماشى بولا وتىرىپ، قىزمەت اتقارىپ، جاۋاپكەرشىلىك ادا ەتىپ، باستاماشى بولا وتىرىپ جاۋاپكەرلىكپەن ءىس تىندىرىپ، باستاماشى بولا وتىرىپ جاۋاپكەرلىك ارقالاپ، ءار ساتىداعىلار كەلەسى ساتىداعىلاردى باستاپ قىزمەت ەتىپ، ءار ساتىداعىلار كەلەسى ساتىداعىلارعا ىستەپ كورسەتىپ، جاۋاپكەرلىك ارقالاۋ ارقىلى وزگەلەردى جاۋاپكەرلىك ارقالاۋعا باستاپ، ءىس تىندىرۋ ارقىلى ءىس تىندىرۋدى جەبەۋ.
  ەكىنشى، ادام ىستەتۋدىڭ ناقتى ىسكەرلىككە، ناقتى ناتيجەگە ءمان بەرۋ بەتالىسىن تۋ ايقىن تۇردە قالىپتاستىرۋ. جاقسى كادر ولشەمىنە تاباندى بولىپ، سەنىمى توتەنشە بەرىك، ساياسيدا توتەنشە بەرىك، جاۋاپكەرشىلىگى توتەنشە بەرىك، قابىلەتى توتەنشە بەرىك، ستيلى توتەنشە بەرىك بولۋدى كورنەكتىلەندىرىپ، جاۋاپكەرلىك ارقالاۋعا باتىل، جۇرەكتىلىكپەن جاۋاپكەرلىك ارقالايتىن، ءىس تىندىرۋعا شەبەر، ناقتى قىزمەت ناتيجەسى كورنەكتى كادرلاردى كۇش سالا تاڭداپ ءوسىرۋ. كادرلاردىڭ جاۋاپكەرلىك ارقالاۋىنا، ءىس تىندىرۋىنا پارتياعا ادال بولۋ بيىگىنەن قاراۋعا تاباندى بولىپ، رۋحاني كۇيىنەن، ستيل احۋالىنان ساياسي ساپاسىن تەكسەرۋگە ءمان بەرىپ، كۇندەلىكتى قىزمەتتەگى جاۋاپكەرلىك ارقالاۋىنا قاراۋمەن بىرگە، ءىرى ىستەردەگى، ماڭىزدى ىستەردەگى، قيىن ىستەردەگى بەينەسىنە دە قاراۋ. ءىس تىندىراتىندارعا عانا ورىن بەرۋگە تاباندى بولىپ، ناقتى امالياتتى، ناقتى ىسكەرلىكتى، ناقتى ونىمدىلىكتى كورنەكتىلەندىرىپ، ءىس تىندىرعىسى كەلەتىن، ءىس تىندىرۋ قابىلەتى بار، ءىس تىندىرا الاتىن كادرلارعا وراي، ساحنا بەرۋ. كادرلارعا جان - جاقتى، تاريحي ديالەكتيكالى تۇردە قاراۋعا تاباندى بولىپ، كادرلارعا ءادىل، تەڭ مامىلە جاساپ، دارالىعى ايقىن، پرينسيپكە تاباندى، جۇمىس يگەرۋگە، باسقارۋعا باتىل، باسقالاردىڭ كوڭىلىن قالدىرۋدان قورىقپايتىن كادرلاردىڭ شارتقا ۇيلەسەتىندەرىن باتىلدىقپەن ىستەتۋ. ۇزدىكتەردى وزدىرۋعا، جاۋتىكتەردى كەيىن سىرۋعا، ناشارلاردىڭ قاتاردان قالۋىنا تاباندى بولىپ، شارلاۋ سياقتى قىزمەتتەردە بايقالعان پارتيانىڭ لۋشيان، باعىت - ساياساتتارى مەن شەشىم - ورنالاستىرۋلارىن دايەكتىلەندىرۋدە، اتقارۋدا باتىل، جان - جاقتى، ناقتى بولماۋ سياقتى ماسەلەلەردى ۇيىمداستىرۋ تاراۋلارى دەر كەزىندە قۋزاپ، ناقتى كىناسىنا قاراي جاۋاپكەرلىك ارقالاماعان، ءىس تىندىرماعان كادرلاردىڭ مىندەتىنەن الىنۋعا تيىستىلەرىن مىندەتىنەن الۋ، رەتتەۋگە تيىستىلەرىن رەتتەۋ، لاۋازىمىن تومەندەتۋگە تيىستىلەرىن تومەندەتۋ، جوعارىعا دا ورلەيتىن، تومەنگە دە تۇسەتىن جاعدايدىڭ داعدىلى كۇيگە اينالۋىنا مۇمكىندىك جاساۋ.
  ءۇشىنشى، كادرلاردى باعالاۋدىڭ ىنتالاندىرۋ، قۋزاۋ رولىن تولىق ساۋلەلەندىرۋ. جاڭا داۋىرگە، جاڭا مىندەتكە، جاڭا تالاپقا ۇيلەسىپ، كادرلاردى باعالاۋ مەحانيزمىن كەمەلدەندىرىپ، ىستەسە دە، ىستەمەسە دە، كوپ ىستەسە دە، از ىستەسە دە، جاقسى ىستەسە دە، جامان ىستەسە دە بىردەي بولاتىن ماسەلەنى شىنايى شەشۋ. پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋ، اتقارۋ جاعدايىن باعالاۋدى كورنەكتىلەندىرىپ، پارتيا، ۇكىمەت باسشى كادرلارىن باعالاۋ قىزمەت ەرەجەسىن جاساپ، جىلدىق باعالاۋدى جاقسارتىپ، كۇندەىلىكتى باعالاۋدى ىلگەرىلەتىپ، كادرلاردى باعالاۋ قىزمەتىنىڭ كەمەلدى تۇزىمدىك جۇيەسىن ورناتۋ. پارىقتى بولۋ تالابىن ايگىلەپ، كادرلاردى باعالاۋ كورسەتكىشتەرىن لايىقتى بەلگىلەپ، باعالاۋ ءتاسىلىن، ءادىسىن جاقسارتىپ، باعالاۋدىڭ عىلميلىعىن، باعىتتامالىلىعىن، قولدانىلمالىلىعىن كۇشەيتىپ، ءار وڭىردەگى، ءار شەپتەگى، ءار ساتىداعى كادرلاردىڭ بەلسەندىلىگىن جۇمىلدىرۋ جانە ويداعىداي قورعاۋ. قىزمەت ناتيجەسىن باعالاۋدى كەمەلدەندىرىپ، كادرلاردى دۇرىس قىزمەت ناتيجە كوزقاراسىن بەرىك ورناتۋعا جەتەكتەپ، شىندىققا جاناسپايتىن نىسانالار بەلگىلەۋدەن ساقتانىپ، پوزيتسيا ءبىلدىرۋى كوپ، ءۇنى وكتەم بولعانىمەن، ارەكەتى از، تياناقتاندىرۋى ناشار بولۋ سياقتى كورنەكتى ماسەلەلەردى شىنايى شەشىپ، فورماشىلدىقتى، تورەشىلدىكتى باتىل تيۋ. باعالاۋ ناتيجەسىن تالداۋدى، قولدانۋدى كۇشەيتىپ، ونى كادرلاردى تاڭداپ ءوسىرۋدىڭ، مىندەتكە قويۋدىڭ، وزاتتاردى باعالاپ، ۇزدىكتەردى سيلاۋدىڭ، جاۋاپقا تارتۋدىڭ، جاۋاپكەرشىلىگىن قۋزاستىرۋدىڭ ماڭىزدى دايەگى ەتىپ، ساياسيدا بەرىك، جىگەرلى دە ىسكەر كادرلاردىڭ ماراپاتتالۋىنا، سيلانۋىنا، جۇمىسى ماندىمايتىن، ءىس تىندىرمايتىن، ءىستى بىلىقتىراتىن كادرلاردىڭ ەسكەرتۋ الۋىنا جانە جازالانۋىنا مۇمكىندىك جاساۋ. باعالاۋ ناتيجەسىن اڭىس ەتۋگە كۇشەيتىپ، كادرلاردى ناتيجەنى اسقاقتاتىپ، ولقىلىقتاردى تولىقتاۋعا، قىزمەتىنە اناعۇرلىم ادال بولۋعا، جاۋاپكەرلىك ارقالاپ، ۇلەس قوسۋعا جەتەكتەۋ.
  ءتورتىنشى، جاۋاپكەرلىك ارقالاۋعا باتىل كادرلاردى شىنايى قولداۋ، دەمەۋ. قاتەلىككە كەشىرىممەن قاراۋ، قاتەلىكتى تۇزەتۋ مەحانيزمىن ورناتىپ، كەمەلدەندىرىپ، كادرلاردىڭ رەفورما جاساۋ، جاڭالىق اشۋ بارىسىنداعى اعاتتىقتارى مەن قاتەلىكتەرىنە كەشىرىممەن قاراپ، كادرلاردىڭ رەفورمانى ىلگەرىلەتۋ بارىسىندا تاجىريبەنىڭ كەمدىگىنەن، الدىمەن كىرىسىپ، سىناپ كورۋدەن جىبەرگەن اعاتتىقتار مەن قاتەلىكتەردى بىلە تۇرا ادەيى ىستەپ، ءتارتىپتى، زاڭدى بۇزعان ءىس - ارەكەتتەردەن اجىراتۋ؛ شەك - تەجەۋى ءالى ايقىندالماعان ىزدەنىستىك تاجىريبەلەردەگى اعاتتىقتار مەن قاتەلىكتەردى ايقىن ءامىر - بۇيرىقتارمەن شەكتەلسە دە وز بىلگەنىنشە ىستەپ، ءتارتىپتى، زاڭدى بۇزعان ءىس - ارەكەتتەردەن اجىراتۋ؛ دامۋدى ىلگەرىلەتۋ بارىسىندا اڭداۋسىز كەتكەن اعاتتىقتاردى جەكە مۇددەسىن كوزدەپ، ءتارتىپتى، زاڭدى بۇزعان ءىس - ارەكەتتەردەن اجىراتۋ. ءار دارەجەلى پارتكومدار (پارتيا باسشىلىق گرۋپپالارى) جانە ءتارتىپ تەكسەرۋ، باقىلاۋ - تەكسەرۋ ورگاندارى، ۇيىمداستىرۋ تاراۋلارى سياقتى قاتىستى فۋنكتسيالىق تاراۋلار كاسىپتى جوعارى قويۋ، شىندىقتى ءىس جۇزىنەن ىزدەۋ، ءتارتىپ بويىنشا، زاڭ بويىنشا ءجۇرۋ، قاتەلىككە كەشىرىممەن قاراۋ مەن قاتەلىكتى تۇزەتۋدى قاتار ۇستاۋ سياقتى پرينسيپتەردى لايىقتى يگەرىپ، نيەت - پوزيتسياسىمەن، وبيەكتيۆ شارت - جاعدايمەن، ءتارتىپ - ادىستەرمەن، سيپاتىنىڭ دەڭگەيىمەن، سالدار - ىقپالىمەن جانە زياننىڭ ورنىن تولدىرۋ سياقتى جاعدايلارمەن بىرلەستىرىپ، كادرلاردىڭ اعاتتىقتارى مەن قاتەلىكتەرىنە جان - جاقتى تالداۋ جاساپ، كەشىرىممەن قاراۋعا بولاتىن قاتەلىكتەرگە باتىل تۇردە كەشىرىممەن قاراۋ، كەشىرىممەن قاراۋعا كەلمەيتىندەرىن استە كەشىرمەۋ. قاتەلىگىنە كەشىرىممەن قارالعان كادرلاردى باعالاۋدا، تەكسەرۋدە وبيەكتيۆ باعا بەرۋ، ولاردى تاڭداپ ءوسىرۋ، مىندەتكە قويۋ ءادىل، ۇيلەسىمدى بولۋ. ساياسات شەكتەرىن ءدال يگەرىپ، ءتارتىپتى، زاڭدى بۇزعان ءىس - ارەكەتتەردى، ءسوز جوق، قاتاڭ تەكسەرىپ، ءبىر جاقتى ەتىپ، ماسەلەنىڭ سيپاتىن شاتىستىرۋدان، قاتەلىككە كەشىرىممەن قاراۋدى «قورعاۋشى قالقان» ەتۋدەن، ءتارتىپتى «بوساڭسىتۋدان» ساقتانىپ، قاتەلىككە كەشىرىممەن قاراۋدىڭ ءتارتىپتىڭ قىزىل سىزىعىن، زاڭنىڭ تومەنگى شەگى ىشىندە جۇرگىزىلۋىنە كەپىلدىك ەتۋ. قاتەلىكتى، ءسوز جوق، تۇزەتۋگە، اعاتتىقتى، ءسوز جوق، وزگەرتۋگە تاباندى بولىپ، نىشاندىق، بەتالىستىق ماسەلەلەردى ەرتە بايقاپ، ەرتە تۇزەتىپ، اعاتتىقتار مەن قاتەلىكتەرگە دەر كەزىندە تۇزەتۋ شارالارىن قولدانىپ، كادرلاردىڭ ودان ساباق الۋىنا، تۇزەتىپ، قابىلەتىن جوعارىلاتۋىنا كومەكتەسىپ، ولاردىڭ جۇكتەن ارىلىپ، سايىسقا جەڭىل اتتانۋىنا مۇمكىندىك جاساۋ. قارالاعان، زيانكەستىك جاساعان ءىس - ارەكەتتەردى قاتاڭ تەكسەرىپ، ءبىر جاقتى ەتىپ، ۇستىنەن جالعان ماسەلە كورسەتىلگەن كادرلاردى دەر كەزىندە اقتاپ، ولاردى كۇدىك - كۇماننان ارىلتىپ، كادرلاردى رەفورمانىڭ جەبەۋشىلەرىنەن، ناقتى ىسكەرلەرىنەن بولۋعا، پارتيا مەن حالىق ىستەرى ءۇشىن قىزمەت ەتىپ، ناتيجە شىعارۋعا، ەڭبەك كورسەتۋگە جەتەكتەۋ.
  بەسىنشى، كادرلاردىڭ جاڭا ءداۋىردىڭ دامۋ تالابىنا ۇيلەسۋ قابىلەتىن كۇش سالا ءوسىرۋ. جوعارى ساپالى ماماندانعان كادرلار قوسىنىن قۇرۋ تالابىنا ساي، قابىلەت جاعىنان باۋلۋ مەن امالياتتىق شىنىعۋدى كۇشەيتىپ، كاسىپتىك وي - تولعامدى جانە كاسىپتىك ساپانى ءوسىرىپ، كادرلاردىڭ جاۋاپكەرلىك ارقالاپ، ىسكەرلىك كورسەتۋ نەگىزى مەن باتىلدىعىن نارلەندىرۋ. كاسىپتىك ءبىلىم، كاسىپتىك قابىلەت جاعىنان باۋلۋدى كۇشەيتىپ، قالىڭ كادرلاردىڭ ۇيرەنۋ قابىلەتىن، ساياسي باسشىلىق قابىلەتىن، رەفورما جاساپ، جاڭالىق اشۋ قابىلەتىن، عىلمي دامۋ قابىلەتىن، زاڭ بويىنشا بيلىك جۇرگىزۋ قابىلەتىن، بۇقارالىق قىزمەت قابىلەتىن، تياناقتاندىرۋدى مىقتى يگەرۋ قابىلەتىن، حاۋىپ - قاتەردى مەڭگەرۋ قابىلەتىن جاپپاي ءوسىرۋىن ىلگەرىلەتۋ. كاسىپتىك ستيلدى، كاسىپتىك رۋحتى جەتىلدىرۋگە ءمان بەرىپ، قالىڭ كادرلاردى نازاريانى امالياتپەن ۇشتاستىرۋعا تاباندى بولۋعا، قاي كاسىپپەن شۇعىلدانسا، سول كاسىپتى سۇيۋگە، قاي كاسىپتى زەرتتەسە، سول كاسىپكە جەتىك، قاي كاسىپكە جاۋاپتى بولسا، سول كاسىپتىڭ ۇددەسىنەن شىعۋعا جەتەلەۋ. دالمە - دالدىك پەن ناقتى ونىمدىلىكتى كورنەكتىلەندىرىپ، جاڭا دامۋ ۇستانىمىن دايەكتىلەندىرۋ، تياناقتاندىرۋ، ساپالى دامۋدى ىلگەرىلەتۋ جانە وسىزاماندانعان ەكونوميكالىق جۇيەنى قۇرۋ، قامداۋ جاعىنداعى قۇرىلىمدىق رەفورمانى ىلگەرىلەتۋ، 3 ۇلكەن قامال الۋ شايقاسىن ويداعىداي جۇرگىزۋ سياقتى ءبىرسىپىرا كەلەلى ستراتەگيالىق ورنالاستىرۋلاردى ارقاۋ ەتىپ، كادرلاردىڭ ءبىلىم جاعىنداعى ءالسىز تۇستارىن، قابىلەت جاعىنداعى وسال تۇستارىن، تاجىربيە جاعىنداعى ەسكەرۋسىز تۇستارىن تولىقتىرۋىنا، جاڭا داۋىرگە ۇيلەسۋ، جاڭا نىسانانى جۇزەگە اسىرۋ، جاڭا ورنالاستىرۋلاردى تياناقتاندىرۋ قابىلەتىن جاپپاي وسىرۋىنە كومەكتەسۋ. كادرلاردىڭ جەتىلۋ جولىن ساپالىلاندىرىپ، نەگىزگى ساتىنىڭ ءبىرىنشى شەبىندە جانە قيىنشىلىعى بار جاپالى وڭىرلەردە جەتىلۋىنە، شىنىعۋىنا ءمان بەرىپ، كادرلاردىڭ اماليات بارىسىندا ساپاسىن شىڭداپ، قابىلەتىن وسىرۋىنە مۇمكىندىك جاساۋ.
  التىنشى، كوكىرەك تولى ىنتامەن كادرلارعا كوڭىل ءبولۋ، ولاردى ايالاۋ. قاتاڭ باسقارۋ مەن كوڭىل ءبولىپ، سەنىم ارتۋدىڭ بىرلىگىنە تاباندى بولىپ، ساياسي جاقتا ىنتالاندىرىپ، قىزمەتتە قولداۋ كورسەتىپ، يگىلىك جاعىندا قامتاماسىز ەتىپ، پسيحولوگيالىق جاقتا قامقورلىق جاساپ، كادرلاردىڭ داڭق سەزىمىن، تاۋەلدىلىك سەزىمىن، تابىس سەزىمىن كۇشەيتۋ. سىرلاسۋ، سويلەسۋ ءتۇزىمىن كەمەلدەندىرىپ جانە تياناقتاندىرىپ، پارتيا مەن مەملەكەتتىڭ قۇرىلىم رەفورماسىن تەرەڭدەتۋ سياقتى كەلەلى مىندەتتەردى ارقاۋ ەتۋگە ءمان بەرىپ، يدەيالىق - ساياسي قىزمەتتى ويداعىداي ىستەپ، كادرلاردى دەر كەزىندە كۇدىك - كۇماننان ارىلتىپ، جىگەرلەندىرۋ. كادرلاردىڭ يگىلىگى جونىندەگى ىنتالاندىرۋ، قامتاماسىز ەتۋ تۇزىمدىك جۇيەسىن، ورگانداردىڭ، ءىسورىندارىنىڭ نەگىزگى ەڭبەكاقى ولشەمىن رەتتەۋ مەحانيزمىن كەمەلدەندىرىپ، رايون قوسالقى قوسىمشا قاراجات ءتۇزىمىن اتقارىپ، مەملەكەت قىزمەتكەرلەرىنىڭ سيلىق اقشا ءتۇزىمىن كەمەلدەندىرىپ، مەملەكەت قىزمەتكەرلەرىنىڭ قىزمەتى مەن دارەجەسىن قاتار جۇرگىزۋ ءتۇزىمىن ىلگەرىلەتىپ، پارتيا مەن مەملەكەتتىڭ ەڭبەك ءسىڭىرىپ، داڭققا يە بولعانداردى ماداقتاۋ - سيلاۋ ءتۇزىمىن كەمەلدەندىرىپ، جايشىلىقتا ىنتالاندىرۋ، ارناۋلى ماداقتاۋ - سيلاۋ قىزمەتىن ويداعىداي ىستەپ، دەنساۋلىعىن تەكسەرۋ، كادرلار دەمالىسى سياقتى تۇزىمدەردى تياناقتاندىرىپ، پسيحولوگيالىق اقاۋسىزدىققا نازار اۋدارىپ، مادەنيەت، دەنە تاربيە تۇرمىسىن بايىتىپ، قالىپتى يگىلىككە كەپىلدىك ەتىپ، زاڭدى ۇقىق - مۇددەنى قامتاماسىز ەتۋ. نەگىزگى ساتىداعى كادرلاردى، اسىرەسە، قيىنشىلىعى بار جاپالى رايونداردا قىزمەت ىستەپ جاتقان جانە كەدەيلىكتەن قۇتىلدىرۋدان قامال الۋ شايقاسىنىڭ ءبىرىنشى شەبىندە شايقاس جۇرگىزىپ جاتقان كادرلاردى كوبىرەك ءتۇسىنىپ، ولارعا قولداۋ كورسەتىپ، ىرىقتى تۇردە ۋايىمنان ارىلتىپ، ساياسات، يگىلىك سياقتى جاقتاردا بەيىمدەلىپ، ولاردىڭ الاڭسىز، تۇراقتى كاسىپپەن شوعىلدانۋىنا، قىزمەت جاۋاپكەرلىگىن ويداعىداي اتقارىپ، ۇلەس قوسۋىنا مۇمكىندىك جاساۋ.
  جەتىنشى، جاڭالىق اشىپ، شارۋاشىلىق قۇرۋدىڭ قۇدىرەتتى بىرىككەن كۇشىن ۇيىستىرۋ، قالىپتاستىرۋ. ءار دارەجەلى پارتيا ۇيىمدارى جاڭا ءداۋىردى، جاڭا بورىشتى، جاڭا جورىقتى تەرەڭ يگەرىپ، ساياسي باسشىلىق قۋاتىن، يدەيالىق جەتەكشىلىك قۋاتىن، بۇقارانى ۇيىمداستىرۋ قۋاتىن، قوعامدىق ۇندەۋ قۋاتىن شىن مانىندە كۇشەيتىپ، جۇڭحۋا ۇلتىنىڭ ۇلى جاسامپازدىق رۋحىن، ۇلى كۇرەسكەرلىك رۋحىن، ۇلى ىنتىماق رۋحىن، ۇلى ارمان رۋحىن بارىنشا اسقاقتاتىپ، قالىڭ كادرلاردىڭ اقىل - پاراساتىن تولىق ايگىلەۋىنە، ءار تۇردەگى دارىندىلاردىڭ جاسامپازدىق ومىرشەڭدىك كۇشىنىڭ جالىنداۋىنا مۇمكىندىك جاساپ، قاجىرلىلىقپەن رەفورما جاساپ، قيىنشىلىقتاردى جەڭەتىن تاماشا قوعامدىق سالتتى قالىپتاستىرۋ. عىلمي ءبىر تۇتاس جوسپارلاۋدى كۇشەيتىپ، ساياسات جاساۋدا جانە ونى اتقارۋدا ناقتى ماسەلەگە ناقتى تالداۋ جاساۋعا، تۇرلەر بويىنشا جەتەكشىلىك ەتۋگە تاباندى بولىپ، دالمە - ءدال شارا قولدانىپ، ساياساتتىڭ ىنتالاندىرۋ، جەتەكشىلىك ەتۋ جانە قامتاماسىز ەتۋ، قولداۋ كورسەتۋ رولىن تولىق ساۋلەلەندىرۋ. تەكسەرۋ - زەرتتەۋ ستيلىن جانداندىرىپ، نەگىزگى ساتىنىڭ جاسامپازدىق رۋحىنا قۇرمەت ەتىپ، نەگىزگى ساتىنى امالياتپەن ۇشتاستىرىپ جاڭالىق اشۋعا ىزدەنىس جاساۋعا ىنتالاندىرىپ، قىزمەت ىستەپ ناتيجە شىعارۋ بەلسەندىلىگىن تولىق جۇمىلدىرۋ. پارتيا ىشىندەگى ساياسي، مادەنيەت قۇرىلىسىن كۇشەيتىپ، ادال، شىنايى، ءادىل، تۋراشىل بولۋ، شىندىقتى ءىس جۇزىنەن ىزدەۋ، پاك بولۋ سياقتى قۇن كوزقاراسىن اسقاقتاتىپ، كادرلاردى «ۇشتە قاتاڭ، ۇشتە شىنايى بولۋدى» سانالى تۇردە امالياتتا ايگىلەۋگە جەتەلەپ، ساياسي تۇراقتىلىقتى، ءتارتىپ تۇراقتىلىعىن، ءمورال تۇراقتىلىعىن، ءىرىپ - شىرۋگە قارسى تۇرۋ تۇراقتىلىعىن ۇزبەي كۇشەيتىپ، باقىلاۋ جانە تەجەۋ ورتاسىندا قىزمەت ىستەۋگە، تۇرمىس كەشىرۋگە ادەتتەنۋ. قوعامدىق پىكىرگە جەتەكشىلىك ەتۋدى كۇشەيتىپ، جاماندى داتتاپ، جاقسىنى ماقتاۋعا تاباندى بولىپ، كادرلاردىڭ بەدەلىن قورعاۋعا ءمان بەرىپ، كادرلار قوسىنى وبرازىن قورعاۋ. رەفورما جاساپ، جاڭالىق اشۋداعى، قىزمەت ىستەپ ناتيجە شىعارۋداعى وزات تيپتەردى كۇش سالا ۇگىتتەپ، قالىڭ كادرلاردى جاقسىدان ۇيرەنىپ، قۇلشىنا جۇمىس جۇرگىزىپ، بىلەك سىبانا قايراتتانا ىستەپ، سوتسياليستىك وسىزامانداندىرۋدىڭ جاڭا جورىعىنىڭ شۇعىلالى داستانىن قۇلشىنا جازۋعا ىنتالاندىرۋ.


بەرىپ كەت ورامالىڭدى

دوستار

الىستاعى اق ەركە