جاڭا حابارلار

انالار مەن بالالاردى شۇعىل قۇتقارۋ ورتالىعىن قۇرۋدى قولدادى

    كەلۋ قاينارى: شينجياڭ حالىق راديو ىستانسياسى    2018-05-22 10:43:07  

ستانسيامىزدىڭ حابارى: انالار مەن بالالاردى شۇعىل قۇتقارۋ قۋاتىن كۇشەيتىپ، اۆتونوميالى رايوننىڭ انالار مەن بالالار دەنساۋلىعىن ساقتاۋ جۇيەسى قۇرىلىسىن ىلگەرىلەتۋ ءۇشىن، اۆتونوميالى رايوندىق قازىنا تاياۋدا 3 ميلليون يۋان كومەك اقشا بوساتىپ، اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتىنىڭ اۆتونوميالى رايوندىق حالىق شيپاحاناسى، شينجياڭ مەديتسينا ۋنيۆەرسيتەتىنە قاراستى 1-شيپاحانا، اۆتونوميالى رايوندىق انالار مەن بالالار دەنساۋلىعىن قورعاۋ شيپاحاناسى سياقتى 3 شيپاحانانىڭ انالار مەن بالالاردى شۇعىل قۇتقارۋ ورتالىعىن قۇرۋىن قولدادى.
اۆتونوميالى رايون بەلگىلەگەن «اۆتونوميالى رايوننىڭ جاعدايى قاتەرلى، ناۋقاسى سالماقتى جۇكتى ايەلدەردى باسقا شيپاحاناعا اۋىستىرىپ قۇتقارىپ ەمدەۋ توراپ قۇرىلىسىن اتقارۋ» جوباسىنا ساي، رايونىمىز بويىنشا جاعدايى قاتەرلى جۇكتى ايەلدەردى باسقا شيپاحاناعا اۋىستىرىپ قۇتقارىپ ەمدەۋ قىزمەتىندە، اۆتونوميالى رايون، ايماق، اۋدان دارەجەلى امبەباپ شيپاحانانى، قۇتقارۋ قابىلەتى نەداۋىر كۇشتى انالار مەن بالالار دەنساۋلىعىن ساقتاۋ شيپاحاناسىن باستى اۋىستىرۋ، قۇتقارىپ ەمدەۋ قۇرىلىمى ەتىپ، دارەجەگە ءبولىپ باسقارۋ، اۋماقتار بويىنشا جاۋاپتى بولۋ فورماسىن قولدانىپ، 3 دارەجەلى جاعدايى قاتەرلى، ناۋقاسى سالماقتى جۇكتى ايەلدەردى باسقا شيپاحاناعا اۋىستىرىپ قۇتقارىپ ەمدەۋ تورابىن قۇرادى.
مۇنىڭ ىشىندە، جاعدايى قاتەرلى، ناۋقاسى سالماقتى جۇكتى ايەلدەردى باسقا شيپاحاناعا اۋىستىرىپ قۇتقارىپ ەمدەۋ ورتالىعىنان ۇشەۋى بار، ولار جەكە-جەكە اۆتونوميالى رايوندىق حالىق شيپاحاناسى، شينجياڭ مەديتسينا ۋنيۆەرسيتەتىنە قاراستى -1شيپاحانا جانە اۆتونوميالى رايوندىق انالار مەن بالالار دەنساۋلىعىن قورعاۋ شيپاحاناسى، 3 قۇتقارۋ ەمدەۋ ورتالىعى 14 ايماق) وبىلىس، قالاعا( جاۋاپتى بولادى. ال ايماق (وبىلىس، قالا، اۋدان (قالا، رايون تۇگەلدەي از دەگەندە بىردەن جاعدايى قاتەرلى، ناۋقاسى سالماقتى جۇكتى ايەلدەردى باسقا شيپاحاناعا اۋىستىرىپ قۇتقارىپ ەمدەۋ ورتالىعىن قۇرادى.
ءار دارەجەلى جاعدايى قاتەرلى، ناۋقاسى سالماقتى جۇكتى ايەلدەردى باسقا شيپاحاناعا اۋىستىرىپ قۇتقارىپ ەمدەۋ ورتالىقتارى قۇتقارۋ قۇرىلعى جابدىقتارىنىڭ قاتتى بولشەك قۇرىلىسىن كۇشەيتىپ، ساپالى جاتتىققان، شۇعىل توتەپ بەرەتىن قايتالاي دياگنوز قويىپ، قۇتقارىپ ەمدەيتىن جان-جاقتىلى كاسىپتىك ماماندار قوسىنىن قۇرىپ، ناۋقاستى قابىلداپ شۇعىل قۇتقارۋعا كەز-كەلگەن ۋاقىتتا دايىن بولۋ كەرەك.


بەرىپ كەت ورامالىڭدى

دوستار

الىستاعى اق ەركە