جاڭا حابارلار

رايونىمىزدىڭ ساياحاتى قىزا ءتۇستى

    كەلۋ قاينارى: شينجياڭ حالىق راديو ىستانسياسى    2018-05-21 10:15:53  

ستانسيامىزدىڭ جيناق حابارى: ساياحاتتىڭ قاۋرىت بولاتىن كەزىنىڭ جاقىنداۋىنا ساي، رايونىمىزدىڭ جەر-جەرىندەگى كورىنىس رايوندارى ءتيىمدى شارالار قولدانىپ، شينجياڭنىڭ ءىشى-سىرتىنداعى ساياحاتشىلاردى كەلىپ تاماشالاۋعا باۋرادى.
الاتاۋ ساعاسى قالاسىندا، مەملەكەت قاقپاسى كورىنىس رايونى قىرۋار ساياحاتشىنى كەلىپ ساياحاتتاۋعا باۋرادى، كوپشىلىك مەملەكەت قاقپاسىنىڭ الدىندا تۇرىپ، سۋرەتكە ءتۇسىپ ەستەلىك قالدىردى. مەملەكەت قاقپاسىنىڭ ءتۇستى قالا مادەنيەت كورمە سارايىنا كىرىپ، الاتاۋ ساعاسى قالاسىنىڭ بۇگىنى مەن وتكەنىندەگى وزگەرىستەرىن ۇعىسىپ، شەكاراداعى وتكەل قالانىڭ وزگەشە تارتىمدىلىعىن سەزىنۋگە بولادى. ساياحاتشى جىڭ حۋافىڭ بىلاي دەدى: «بەيجيڭنەن وسى جەرگە تۇڭعىش رەت كەلگەندە ورتاسى ەرەكشە جاقسى سەزىلدى، بۇل جەر وتكەل ەكەن، بۇگىن مەملەكەت قاقپاسى قۇرىلىسىنىڭ ايباتىن كورىپ، ەرەكشە كۇيگە بولەنىپ، وتاننىڭ ەرەكشە قۇدىرەتتى ەكەنىن سەزىندىم».
تاياۋدا، ماناس اۋدانىنىڭ كورىنىس رايوندارى شينجياڭنىڭ ءىشى-سىرتىنداعى ساياحاتشىلاردىڭ نازارىن اۋداردى، شار-تاراپتان كەلگەن ساياحاتشىلار ماناستىڭ كوك جاقۇتىن، سازدىعىن تاماشالاپ، مىڭ جىلدىق بايىرعى اعاشتىڭ تاڭقالارلىق كوركەمدىگىن سەزىندى. ماناس ورمان باقشاسى ماناس اۋدانىنىڭ 4 تانىسقىسىنىڭ ءبىرى، بۇل جەردە وسىمدىك ءتۇرى كوپ، مەملەكەت بويىنشا ەڭ ءىرى اق تەرەك انالىق ورمانى، شينجياڭ بويىنشا ەڭ ءىرى باعالى، سيرەك كەزىگەتىن اعاش ءوسىرۋ بازاسى، وسكەنىنە مىڭ جىل بولعان شەگىرشىن سياقتى باعالى وسىمدىك بايلىعى بار، ساياحاتشى ۋاڭ يۇيچۇن ارالاپ بولعاننان كەيىن اۋىز جاپپاي ماقتاپ بىلاي دەدى: «بۇل اعاش ەرەكشە ۇلكەن ەكەن، ىشكى ولكەنىڭ فيكۋس اعاشىنان اۋمايدى، ەرەكشە جاقسى ەكەن. ماناستىڭ سوڭعى ەكى جىلدا مۇنداي جاقسى داميتىنىن ويلاماپپىن، بۇدان كەيىن ءوز كولىگىمەن ساياحاتتايتىنداردى ماناسقا كەلىپ، كوڭىل كوتەرۋگە ۇيىمداستىرامىن، ولاردىڭ اسىل تاستاردى ساتىپ الۋىنا، تاعى تابيعات كورىنىس تاماشالاۋىنا بولادى، اسىرەسە مىڭ جىلدىق بايىرعى شەگىرشىن ەرەكشە جاقسى ەكەن، بۇدان كەيىن،ءسوز جوق، دوستارىمدى ەرتىپ كەلەمىن».
ساياحاتتىڭ قىزاتىن مەزگىلىن قارسى الۋ ءۇشىن، قۇمىل قالاسىنىڭ ساياحات كاسىپورىندارى ءبىر سىپىرا جەلىلەس ءتيىمدى قيمىلدار مەن ەرەكشە ساياحات لەنيالارىن ارت-ارتىنان شىعاردى. قالا تۇرعىنى ليۋ گوشيا زەينەتكە شىققاننان كەيىن ۇنەمى قۇربى-قۇرداستارىمەن ۋادەلەسىپ،بىرگە ساياحاتقا شىعاتىن بولدى، ول ساياحات مەكەمەلەرىنىڭ ءتيىمدى قيمىلدارىن ۇعىسىپ، كەلەسى جولعى ساياحاتقا دايىندىق جاسادى. ليۋ گوشيا بىلاي دەدى: «راسىندا جاقسى ەكەن، سەبەبى قازىر ساياحات كاسىپورىندارى كوپ، بۇگىن قايسى ساياحات مەكەمەسىنىڭ جاقسى ەكەنىن، ساياحات ۇيىرمەلەرىنىڭ قيمىلدارىن ۇعىسۋعا كەلدىم، باعاسى ارزانىراعىن تاڭداماقپىن، ۇنەمى ساياحاتقا شىعامىز. تيىمدىلىك راسىندا كوپ ەكەن، اقشا ورنىندا ىستەتىلەتىن كوپ بەلەت الىپ، ەرەكشە قۋانىپ تۇرمىن».
قيمىلدارعا قاتىناسقان كورىنىس ورىندارى مەن ساياحات كاسىپورىندارىنان سىرت، باتىس بولەك جوسپارى بويىنشا 20 ستۋدەنت ەرىكتىسىنەن ۇيىمداسقان قىزمەت وتەۋ ۇيىرمەسى دە قالا تۇرعىندارىنا ساياحات جاعىندا قىزمەت ەتىپ، ساياحاتتى ۇگىتتەۋگە كومەكتەستى. ليۋ رۇي سول ەرىكتىلەردىڭ ءبىرى، ول تىلشىگە قۇمىلدىق بولعان ءوزىنىڭ تۋعان جەرىنىڭ ساياحات كاسىبىنىڭ قارىشتاپ دامۋىنا كۇش قوسقانىن توتەنشە ماقتانىش سانايتىنىن ايتا كەلىپ بىلاي دەدى: «مەن ەلىمىزدىڭ جەر-جەرىنەن كەلگەن ساياحاتشىلار ءبىزدىڭ كوركەم قۇمىلدى تاماشالاسا دەيمىن، بۇل جەردە تاۋ دا، كول دە بار، ءتورت ماۋسىمىنىڭ كورىنىسى تۇگەلدەي كوركەم. ماسەلەن، باركولدىڭ كەڭ جايلاۋى، اراتۇرىكتىڭ توراڭعى ورمانى جانە قۇمىلدىڭ سايتان كەرىشى سياقتىلار بار. ەرىكتى سالاۋاتىممەن وسى كورىنىستىڭ استارىنداعى مادەنيەتتى اناعۇرلىم ءتۇسىندىم، مەن دە ءوزىمنىڭ تۇسىنگەنىم ارقىلى ەلىمىزدىڭ جەر-جەرىنەن كەلگەن دوستارعا تانسىتىرىپ، ولاردى وزىممەن بىرگە سەزىنۋگە، كوركەم قۇمىلدى تۇسىنۋگە باستايمىن».


بەرىپ كەت ورامالىڭدى

دوستار

الىستاعى اق ەركە