جاڭا حابارلار

شي جينپيڭ ەكولوگيالىق ورتانى قورعاۋ جونىندەگى مەملەكەتتىك ماجىلىستە لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزىپ، ەكولوگيالىق وركەنيەت قۇرىلىسىنىڭ تىڭ دەڭگەيگە كوتەرىلۋىن ىلگەرىلەتۋدى باسا دارىپتەدى

    كەلۋ قاينارى: شينجياڭ گازەتى    2018-05-21 14:01:39  

لي كىچياڭ، حان جىڭ ءسوز سويلەدى، ۋاڭ ياڭ، ۋاڭ حۋنيڭ، جاۋ لىجي ماجىلىسكە قاتىناستى

ەكولوگيالىق ورتانى قورعاۋ جونىندەگى مەملەكەتتىك ءماجىلىس 5 - ايدىڭ 18 -، 19 - كۇندەرى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

 شينحۋا اگەنتتىگىنىڭ 5 - ايدىڭ 19 - كۇنى بەيجيڭنەن بەرگەن حابارى (تىلشىلەر جاۋ چاۋ، دۇڭ جۇن). ەكولوگيالىق ورتانى قورعاۋ جونىندەگى مەملەكەتتىك ءماجىلىس 5 - ايدىڭ 18 -، 19 - كۇندەرى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى جانە ماڭىزدى ءسوز سويلەدى. ول مىنالاردى باسا دارىپتەدى: ەكونوميكالىق، قوعامدىق دامۋ مەن ەكولوگيالىق وركەنيەت قۇرىلىسىن سانالى تۇردە ءبىر تۇتاس جوسپارلاپ، پارتيا باسشىلىعىنىڭ جانە ەلىمىز سوتسياليستىك ءتۇزىمىنىڭ كۇشتى شوعىرلاندىرىپ ۇلكەن ءىس تىندىراتىن ساياسي باسىمدىعىن تولىق ساۋلەلەندىرىپ، رەفورما جاساپ، ەسىك اشقان 40 جىلدان بەرى جينالعان بەرىك ماتەريالدىق نەگىزدەن تولىق پايدالانىپ، ەكولوگيالىق وركەنيەت قۇرىلىسىن ىلگەرىلەتۋ سەرپىنىن ارتتىرىپ، ەكولوگيالىق ورتا ماسەلەسىن شەشىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن باتىل، ويداعىداي جۇرگىزىپ، ەلىمىز ەكولوگيالىق وركەنيەت قۇرىلىسىنىڭ تىڭ دەڭگەيگە كوتەرىلۋىن ىلگەرىلەتۋ كەرەك.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماجىلىستە ءسوز سويلەدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋىنىڭ شۋجيى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي ماجىلىسكە قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ قورىتىندى ءسوز سويلەدى.
  شي جينپيڭ سوزىندە مىنالاردى باسا دارىپتەدى: ەكولوگيالىق وركەنيەت قۇرىلىسى − جۇڭحۋا ۇلتىنىڭ ماڭگى باياندى دامۋىنا ساياتىن ءتۇبىرلى ءىرى جوسپار. جۇڭحۋا ۇلتى ەجەلدەن تابيعاتقا قۇرمەت ەتىپ، تابيعاتتى ءسۇيىپ كەلگەن، 5000 جىلدان ارتىق جالعاسقان جۇڭحۋا وركەنيەتى مول ەكولوگيالىق مادەنيەتتى جاراتتى. ەكولوگيا كوركەيسە، وركەنيەت كوركەيەدى، ەكولوگيا قۇلدىراسا، وركەنيەت تە قۇلدىرايدى. پارتيا 18 - قۇرىلتايىنان بەرى، ءبىز ءبىر قاتار ءتۇبىرلى، جاسامپاز، ۇزاق بولاشاقتىق قىزمەتتەر ورىستەتتىك، ەكولوگيالىق وركەنيەت جونىندەگى جوعارى دەڭگەيدە جوبالاۋ مەن تۇزىم - جۇيە قۇرىلىسىن جەدەل ىلگەرىلەتىپ، زاڭمەن جونگە سالۋ قۇرىلىسىن كۇشەيتىپ، ورتالىقتىڭ قورشاعان ورتانى قورعاۋدى باقىلاۋ - تەكسەرۋ ءتۇزىمىن ورناتىپ جانە اتقارىپ، جاسىل دامۋدى بار كۇشپەن ىلگەرىلەتىپ، اتموسفەرانىڭ، سۋدىڭ، توپىراقتىڭ لاستانۋىنان ساقتانۋ جانە ونى وڭاۋ جونىندەگى 3 ۇلكەن ارەكەت جوسپارىن ىشكەرىلەي اتقارىپ، «جۇڭگو − 2030 باياندى دامۋ كەڭەستىك ءتارتىبىن تياناقتاندىرۋ جونىندەگى مەملەكەتتىك جوبانى» الدىمەن جاريالاپ، «كليمات وزگەرىسىنە توتەپ بەرۋدىڭ مەملەكەتتىك جوسپارىن (2014 − 2020)» اتقارىپ، ەكولوگيالىق ورتانى قورعاۋدا تاريحي، بۇرىلىستىق، جالپى جاعدايلىق وزگەرىس تۋىلۋىن ىلگەرىلەتتىك.
  شي جينپيڭ مىنالاردى اتاپ كورسەتتى: جالپىلاي الىپ قاراعاندا، ەلىمىزدىڭ ەكولوگيالىق ورتا ساپاسى ۇزدىكسىز جاقسارىپ، ورنىقتىلىق بارىسىندا جاقسارۋ بەتالىسى جارىققا شىقتى، ءبىراق ونىڭ ءونىمى ءالى تۇراقتى ەمەس. ەكولوگيالىق وركەنيەت قۇرىلىسى قىسىمدار قاباتتاسقان، اۋىر جۇك ارقالاپ العا جىلجىعان شەشۋشى كەزەڭدە تۇر، ول اناعۇرلىم ساپالى ەكولوگيالىق ونىمدەر ۇسىنۋ ارقىلى حالىقتىڭ كۇن سايىن ارتقان تاماشا ەكولوگيالىق ورتا قاجەتىن قاناعاتتاندىرۋدىڭ قامال الۋ كەزەڭىنە ءوتتى، سونداي - اق ەكولوگيالىق ورتاعا قاتىستى كورنەكتى ماسەلەلەردى شەشۋگە شارت - جاعداي دا، قابىلەت تە بار تەرەزەلىك ساتكە جەتتى. ەلىمىز ەكونوميكاسى جوعارى قارقىنمەن ءوسۋ كەزەڭىنەن جوعارى ساپالى دامۋ كەزەڭىنە بۇرىلدى، مۇندا داعدىلى جانە داعدىلى ەمەس وتكەلدەردەن وتۋگە تۋرا كەلەدى. ءبىز، ءسوز جوق، شىدامدىلىق كورسەتىپ، وسى كەدەرگىدەن، وسى وتكەلدەن ءوتۋىمىز كەرەك.
  شي جينپيڭ مىنالاردى باسا دارىپتەدى: ەكولوگيالىق ورتا − پارتيانىڭ بورىشى مەن ماقساتىنا ساياتىن كەلەلى ساياسي ماسەلە، سونداي - اق حالىق تۇرمىسىنا ساياتىن ماڭىزدى قوعامدىق ماسەلە. قالىڭ حالىق بۇقاراسى ەكولوگيالىق ورتانىڭ ساپاسىن جەدەل كوتەرۋدى ەرەكشە ىقىلاسپەن كۇتىپ وتىر. ءبىز حالىق بۇقاراسىنىڭ ويلاعانىنا، ارمان - تىلەگىنە، كوكەي تەستى ىسىنە بەلسەنە جاۋاپ بەرىپ، ەكولوگيالىق وركەنيەت قۇرىلىسىن بار كۇشپەن ىلگەرىلەتىپ، اناعۇرلىم كوپ ساپالى ەكولوگيالىق ونىمدەر ۇسىنىپ، حالىق بۇقاراسىنىڭ كۇن سايىن ارتقان تاماشا ەكولوگيالىق ورتا قاجەتىن ۇزدىكسىز قاناعاتتاندىرۋىمىز كەرەك.
  شي جينپيڭ مىنالاردى اتاپ كورسەتتى: جاڭا داۋىردە ەكولوگيالىق وركەنيەت قۇرىلىسىن ىلگەرىلەتۋدە، ءسوز جوق، مىنا پرينسيپتەرگە تاباندى بولۋ كەرەك: ءبىرىنشى، ادام مەن تابيعاتتىڭ جاراسىمدى قاتار ءومىر سۇرۋىنە تاباندى بولىپ، ۇنەمشىلدىكتى الدىمەن ويلاسۋدى، قورعاۋدى الدىمەن ويلاسۋدى، تابيعاتتى قالپىنا كەلتىرۋدى نەگىز ەتۋ باعىتتان جازباي، ەكولوگيالىق ورتانى كوز قاراشىعىمىزداي قورعاپ، ەكولوگيالىق ورتاعا ءوز ومىرىمىزدەي مامىلە جاساپ، تابيعي ەكولوگيالىق كوركەم كورىنىستەردىڭ دۇنيەدە ماڭگى ساقتالۋىنا مۇمكىندىك جاساپ، تابيعاتتىڭ تىنىشتىعىن، جاراسىمدىلىعىن، كوركەمدىگىن قالپىنا كەلتىرۋ. ەكىنشى، جاسىل تاۋ، تۇنىق سۋدىڭ ءوزى باعالى بايلىق، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، ورتاق يگىلىكتەنەتىن دامۋ ۇستانىمدارىن دايەكتىلەندىرىپ، بايلىقتى ۇنەمدەيتىن جانە قورشاعان ورتانى قورعايتىن كەڭىستىكتىك ورنالاستىرۋدى، كاسىپ قۇرىلىمىن، ءوندىرىس ءتاسىلىن، تۇرمىس ءتاسىلىن جەدەل قالىپتاستىرىپ، تابيعي ەكولوگياعا تىنىعىپ، تىڭايىپ الاتىن ۋاقىت جانە كەڭىستىك بەرۋ. ءۇشىنشى، تاماشا ەكولوگيالىق ورتا − حالىق تۇرمىسى ءۇشىن ەڭ كوپ جالپىعا ءتيىمدى قۇت - ىرىس، ەكولوگيادان حالىققا تيىمدىلىك جاساۋعا، ەكولوگيا ارقىلى حالىققا پايدا جەتكىزۋگە، ەكولوگيادا حالىقتىڭ قامىن ويلاۋعا تاباندى بولىپ، بۇقارانىڭ دەنساۋلىعىنا زيان جەتكىزەتىن كورنەكتى قورشاعان ورتا ماسەلەلەرىن ءتۇيىندى تۇردە شەشىپ، حالىق بۇقاراسىنىڭ كۇن سايىن ارتقان تاماشا ەكولوگيالىق ورتا قاجەتىن ۇزدىكسىز قاناعاتتاندىرۋ. ءتورتىنشى، تاۋ، سۋ، ورمان، اتىز، كول، جايلىم تىرشىلىكتىڭ ورتاق تۇلعاسى، ولاردى ءبىر تۇتاس ويلاستىرىپ، جاپپاي قامتىپ، تۇتاس تۇلعا بويىنشا شارا قولدانىپ، كوپ شارانى قاتار ىسكە قوسۋ، ەكولوگيالىق وركەنيەت قۇرىلىسىن جان - جاقتى تۇردە، جالپى اۋماق، جالپى بارىس بويىنشا ورىستەتۋ. بەسىنشى، ەكولوگيالىق ورتانى ەڭ قاتاڭ ءتۇزىم، ەڭ قاتاڭ زاڭمەن جونگە سالۋ ارقىلى قورعاپ، تۇزىمدە جاڭالىق اشۋدى تەزدەتىپ، تۇزىمدەردىڭ اتقارىلۋىن كۇشەيتىپ، ءتۇزىمدى وزگەرمەيتىن تەجەۋگە جانە قول تيگىزۋگە بولمايتىن جوعارى كەرنەۋلى ەلەكتر سىمىنا اينالدىرۋ. التىنشى، جاھاندىق ەكولوگيالىق وركەنيەت قۇرىلىسىن بىرگە جوسپارلاپ، جاھاندىق قورشاعان ورتانى جونگە سالۋعا ىشكەرىلەي ارالاسىپ، دۇنيە ءجۇزى قورشاعان ورتاسىن قورعاۋ جانە باياندى دامۋ جونىندەگى شەشىم جوباسىن قالىپتاستىرىپ، كليمات وزگەرىسىنە توتەپ بەرۋدىڭ حالىقارالىق سەلبەستىگىنە جەتەكشى بولۋ.
  شي جينپيڭ مىنالاردى باسا دارىپتەدى: ەكولوگيالىق وركەنيەت جۇيەسىن جەدەل ورناتىپ، ەكولوگيالىق قۇن كوزقاراسىن ولشەم ەتكەن ەكولوگيالىق مادەنيەت جۇيەسىن، كاسىپ سالالارىن ەكولوگيالىق ارنامەن جۇرگىزۋدى جانە ەكولوگيانى كاسىپ سالالاندىرۋدى نەگىزگى تۇلعا ەتكەن ەكولوگيالىق ەكونوميكا جۇيەسىن، ەكولوگيالىق ورتا ساپاسىن جاقسارتۋدى وزەك ەتكەن نىسانا - جاۋاپكەرشىلىك جۇيەسىن، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى كەپىل ەتكەن ەكولوگيالىق وركەنيەت ءتۇزىمى جۇيەسىن، ەكولوگيالىق جۇيەنىڭ ۇتىمدى اينالىمى مەن قورشاعان ورتا حاۋىپ - قاتەرىنەن ءونىمدى ساقتانۋ جانە ونى مەڭگەرۋدى ءتۇيىن ەتكەن ەكولوگيالىق حاۋىپسىزدىك جۇيەسىن جەدەل قۇرۋ جانە كەمەلدەندىرۋ كەرەك. ەكولوگيالىق وركەنيەت جۇيەسىن جەدەل ورناتۋ ارقىلى 2035 - جىلى ەكولوگيالىق ورتانىڭ ساپاسىنىڭ تۇبەگەيلى جاقسارۋىنا، كورىكتى جۇڭگو نىساناسىنىڭ نەگىزىنەن جۇزەگە اسۋىنا كەپىلدىك ەتۋ كەرەك. وسى عاسىردىڭ ورتا شەنىندە ماتەريالدىق وركەنيەتتى، ساياسي وركەنيەتتى، رۋحاني وركەنيەتتى، قوعامدىق وركەنيەتتى، ەكولوگيالىق وركەنيەتتى جاپپاي جوعارىلاتۋ، جاسىل دامۋ ءتاسىلىن جانە تۇرمىس ءتاسىلىن جاپپاي قالىپتاستىرۋ، ادام مەن تابيعات جاراسىمدى قاتار ءومىر ءسۇرۋ، ەكولوگيالىق ورتا سالاسىندا مەملەكەتتىك جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن جاپپاي جۇزەگە اسىرۋ، كورىكتى جۇڭگونى قۇرىپ شىعۋ كەرەك.
  شي جينپيڭ مىنالاردى اتاپ كورسەتتى: جاسىل دامۋدى جاپپاي ىلگەرىلەتۋ كەرەك. جاسىل دامۋ − جوعارى ساپالى وسىزاماندانعان ەكونوميكالىق جۇيە ورناتۋدىڭ تابيعي تالابى، لاستانۋ ماسەلەسىن شەشۋدىڭ ءتۇبىرلى شاراسى. مۇندا، باستىسى، ەكونوميكالىق قۇرىلىم مەن ەنەرگيا قۇرىلىمىن رەتتەپ، مەملەكەت جەرى كەڭىستىگىن اشۋ جۇلگەسىن ساپالىلاندىرىپ، وڭىرلىك، ارنالىق كاسىپ سالالارىنىڭ ورنالاسۋىن رەتتەپ، ەنەرگيا ۇنەمدەيتىن، قورشاعان ورتاعا زالالسىز كاسىپتەردى، تازا وندىرىستىك كاسىپتەردى، تازا ەنەرگيالىق كاسىپتەردى جەتىلدىرىپ، الۋەتتەندىرىپ، بايلىقتىڭ جاپپاي ۇنەمدەلۋى مەن اينالمالى پايدالانىلۋىن ىلگەرىلەتىپ، ءوندىرىس جۇيەسى مەن تۇرمىس جۇيەسىنىڭ اينالمالى ۇلاسپالىلىعىن جۇزەگە اسىرىپ، ىقشام دا ۇنەمدى، لايىقتى، جاسىل، تومەن كومىرتەكتى تۇرمىس ءتاسىلىن دارىپتەپ، استا - توك ىسىراپشىلدىققا جانە ورىنسىز تۇتىنۋعا قارسى تۇرۋ كەرەك.
  شي جينپيڭ مىنالاردى باسا دارىپتەدى: كورنەكتى ەكولوگيالىق ماسەلەلەردى شەشۋدى حالىق تۇرمىسىندا الدىمەن ويلاستىرىلاتىن سالا ەتۋ كەرەك. اشىق اسپاندى قورعاۋ شايقاسىنىڭ جەڭىسىنە جەتۋ ماڭىزدىنىڭ ماڭىزدىسى، اۋا ساپاسىنىڭ ايتارلىقتاي جاقسارۋىن وزگەرمەيتىن تالاپ ەتىپ، بىرلەسىپ ساقتانۋدى، بىرلەسىپ مەڭگەرۋدى كۇشەيتىپ، لاس اۋا رايىن نەگىزىنەن جويىپ، بۇقارانىڭ اشىق اسپاندى، اقشا بۇلتتاردى، سامسىپ جارقىراعان جۇلدىزداردى قايتا كورۋىنە مۇمكىندىك جاساۋ كەرەك. سۋدىڭ لاستانۋىنان ساقتانۋ جانە ونى جونگە سالۋ ارەكەت جوسپارىن ىشكەرىلەي اتقارىپ، اۋىز سۋ حاۋىپسىزدىگىن قامتاماسىز ەتىپ، قالالارداعى لاي، ساسىق سۋلاردى نەگىزىنەن جويىپ، بۇقاراعا سۋى تۇنىق، جاعالاۋى مانات اسەم كورىنىستى قايتا كورسەتۋ كەرەك. توپىراقتىڭ لاستانۋىنان ساقتانۋ جانە ونى جونگە سالۋ ارەكەت جوسپارىن جاپپاي تياناقتاندىرىپ، ءتۇيىندى اۋماقتاردى، كاسىپتەردى جانە لاس زاتتاردى ءتۇيىن ەتىپ، توپىراقتىڭ لاستانۋىن باسقارۋ - مەڭگەرۋدى جانە قالپىنا كەلتىرۋدى كۇشەيتىپ، حاۋىپ - قاتەرلەردەن ءونىمدى ساقتانىپ، بۇقارانىڭ الاڭسىز تۇتىنۋىنا، الاڭسىز تۇرۋىنا مۇمكىندىك جاساۋ كەرەك. اۋىل - قىستاق قونىس ورتاسىن رەتتەۋ - وڭاۋ ارەكەتىن ۇزدىكسىز ورىستەتىپ، كورىكتى اۋىل - قىستاق قالىپتاستىرىپ، بۇقارا ءۇشىن بۇلبۇل سايراعان، گۇلدەر جۇپار شاشقان دالا كوركىن ساقتاپ قالۋ كەرەك.
  شي جينپيڭ مىنالاردى اتاپ كورسەتتى: ەكولوگيالىق ورتانىڭ حاۋىپ - قاتەرىنەن ءونىمدى ساقتانۋ كەرەك. ەكولوگيالىق ورتا حاۋىپسىزدىگى مەملەكەت حاۋىپسىزدىگىنىڭ ماڭىزدى قۇرامداس ءبولىمى، ەكونوميكانىڭ، قوعامنىڭ ءۇرتىس اقاۋسىز دامۋىنىڭ ماڭىزدى كەپىلى. ەكولوگيالىق ورتا حاۋىپ - قاتەرىن داعدىلى باسقارۋعا كىرگىزىپ، ەكولوگيالىق ورتا حاۋىپ - قاتەرىنەن ساقتانۋدىڭ تۇتاس بارىستىق، كوپ ساتىلى جۇيەسىن جۇيەلى قۇرۋ كەرەك. ەكولوگيالىق وركەنيەت ءتۇزىلىسى رەفورماسىن جەدەل ىلگەرىلەتىپ، شىعارىلىپ بولعان رەفورما شارالارىن تياناقتاندىرۋدى مىقتى ۇستاپ، جاڭا رەفورما جوبالارىن دەر كەزىندە جاساۋ كەرەك.
  شي جينپيڭ مىنالاردى باسا دارىپتەدى: قورشاعان ورتانى جونگە سالۋ دەڭگەيىن جوعارىلاتۋ كەرەك. بازارلانۋ تاسىلىنەن تولىق پايدالانىپ، بايلىق ورتاسىنىڭ باعا مەحانيزمىن كەمەلدەندىرىپ، كوپ ءتۇرلى فورما ارقىلى ۇكىمەتتىك جانە قوعامدىق كاپيتالدىڭ سەلبەستىك نىساندارىنا قولداۋ كورسەتىپ، ءىرى نىسانداردا عىلىم - تەحنيكادان قامال الۋدى كۇشەيتىپ، ەكونوميكانىڭ، قوعامنىڭ دامۋىنا قاتىستى ءىرى ەكولوگيالىق ورتا ماسەلەلەرىنە باعىتتامالى زەرتتەۋ ورىستەتۋ كەرەك. كليمات وزگەرىسىنە توتەپ بەرۋدىڭ مەملەكەتتىك ستراتەگياسىن بەلسەندىلىكپەن جۇرگىزىپ، ءادىل دە ۇيلەسىمدى، سەلبەسىپ تەڭ يگىلىككە كەنەلەتىن جاھاندىق وڭاۋ جۇيەسىن قۇرۋدى جەبەپ جانە جەتەكتەپ، ەلىمىزدىڭ جاۋاپكەر ءىرى ەل وبرازىن ايگىلەپ، ادامزاتتىڭ تاعدىرلاس ورتاق تۇلعاسىن تۇلعالاۋدى ىلگەرىلەتۋ كەرەك.
  شي جينپيڭ مىنالاردى باسا دارىپتەدى: لاستانۋدان ساقتانۋ جانە ونى جونگە سالۋدان قامال الۋ شايقاسىن تىڭعىلىقتى جۇرگىزۋدىڭ ۋاقىتى تىعىز، مىندەتى اۋىر، قيىندىعى زور، ول ءبىر مايدان ءىرى شايقاس، قيان - كەسكى شايقاس، جاپالى شايقاس، ءسوزسىز، پارتيانىڭ باسشىلىعىن كۇشەيتۋ كەرەك. وڭىرلەر، تاراۋلار «4 تانىمدى» كۇشەيتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، ەكولوگيالىق وركەنيەت قۇرىلىسىنىڭ ساياسي جاۋپكەرلىگىن باتىل ارقالاۋ كەرەك. جەرگىلىكتى ءار دارەجەلى پارتكومدار مەن ۇكىمەتتەردىڭ نەگىزگى باسشىلارى ءوز اكىمشىلىك ءوڭىرىنىڭ ەكولوگيالىق ورتاسىن قورعاۋدىڭ ءبىرىنشى جاۋاپتىسى بولۋى، قاتىستى تاراۋلار ەكولوگيالىق ورتانى قورعاۋ مىندەتىن جاقسى اتقارۋى، ءاربىر تاراۋدى ءوز جاۋاپكەرلىگىن بىلەتىن، اركىم ءوز جاۋاپكەرلىگىن ادا ەتەتىن، مىندەت ءبولىسىپ سايكەسەتىن، تىزە قوسا كۇش شىعاراتىن ەتۋ كەرەك. عىلمي دا ۇيلەسىمدى باعالاۋ جۇيەسىن ورناتىپ، باعالاۋ ناتيجەسىن ءار دارەجەلى باسشىلىق القالارى مەن باسشى كادرلاردى سيلاۋدىڭ، جازالاۋدىڭ جانە ءوسىرىپ ىستەتۋدىڭ ماڭىزدى دايەگى ەتۋ كەرەك. ەكولوگيالىق ورتاعا زيان تۋدىرعان باسشى كادرلاردىڭ جاۋاپكەرلىگىن شىنايى قۋزاپ، باتىلدىقپەن قۋزاپ، قاتاڭ قۋزاپ، جاۋاپكەرلىگىن ءومىر بويى قۋزاۋدى جۇزەگە اسىرۋ كەرەك. ەكولوگيالىق ورتانى قورعاۋدىڭ قۇرىش قوسىنىن قۇرۋ، ولار ساياسي جاقتا كۇشتى، قابىلەتى جوعارى، ستيلدە ىسىلعان، جاۋاپكەرلىك ارقالاۋعا باتىل بولۋى، جاپاعا ەرەكشە شىدامدى، كۇرەستى ەرەكشە جۇرگىزە الاتىن، ەرەكشە ۇلەس قوسا الاتىن بولۋ كەرەك. ءار دارەجەلى پارتكومدار مەن ۇكىمەتتەر ەكولوگيالىق ورتانى قورعاۋ قوسىنى قۇرىلىسىنا ءمان بەرۋى، قولداۋ كورسەتۋى، ىرىقتىلىقپەن ءىس ىستەۋگە باتىلدىق ەتە الاتىن، ءىس تىندىرا الاتىن كادرلارعا سۇيەۋ بولۋى، شابىتتاندىرۋى كەرەك.
  لي كىچياڭ سوزىندە مىنالاردى اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ءتۇسىنىپ جانە دايەكتىلەندىرىپ، تياناقتاندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ەكولوگيالىق وركەنيەت جۇيەسىن كۇش سالا ورناتىپ، ءتۇزىم جانە زاڭمەن جونگە سالۋ قۇرىلىسىن كۇشەيتىپ، ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋدى بۇلجىماستان مىقتى يگەرىپ، جاقسى يگەرىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن باتىل تىڭعىلىقتى جۇرگىزۋ كەرەك. ءتۇيىندى وڭىرلەردى، ءتۇيىندى سالالاردى مىقتى ۇستاپ، ونەركاسىپ، كومىر جاعۋ، موتورلى كولىك سىندى «3 ۇلكەن لاستاۋ قاينارىن» جونگە سالۋدى كورنەكتىلەندىرە كۇشەيتىپ، اشىق اسپاندى قورعاۋ شايقاسىنىڭ جەڭىسىنە باتىلدىقپەن قول جەتكىزۋ كەرەك. «سۋدىڭ لاستانۋىنان ساقتانۋ جانە ونى جونگە سالۋ ارەكەت جوسپارىن»، «توپىراقتىڭ لاستاۋىنان ساقتانۋ جانە ونى جونگە سالۋ ارەكەت جوسپارىن» ىشكەرىلەي اتقارىپ، لاستانۋدى جونگە سالۋ قۇرىلعى قۇرىلىسىن كۇشەيتىپ، قالا - قالاشىقتارداعى لاس سۋدى جيناپ ءبىر جاقتى ەتۋ قابىلەتىن جوعارىلاتۋ كەرەك. ەگىنشىلىككە پايدالانىلاتىن لاستانعان جەرلەردى باعىتتامالى تۇردە جونگە سالۋ كەرەك، سونداي - اق اۋىل - قىستاق قوقسىعىن، لاس سۋىن جونگە سالۋ مەن قىستاق كەلبەتىن، اۋىل كوركىن جاقسارتۋدى نەگىزگى شابۋىل باعىتى ەتىپ، اۋىل - قىستاقتاردىڭ قورشاعان ورتاسىن جالپىلىق رەتتەۋدى، وڭاۋدى ىلگەرىلەتىپ، مەملەكەتتىڭ اۋىل - قىستاقتارعا باعىتتاعان ۇسىنىلىمىن وسى جاعىنا بەيىمدەۋ كەرەك. جاسىل دامۋدى ىلگەرىلەتىپ، قورشاعان ورتانىڭ لاستانۋىنان قاينارىنان باستاپ ساقتانۋ جانە ونى جونگە سالۋ كەرەك. قامداۋ جاعىنداعى قۇرىلىمدىق رەفورمانى ىشكەرىلەي ىلگەرىلەتىپ، دامۋعا جاڭالىق اشۋ ارقىلى دەم بەرۋ ستراتەگياسىن اتقارىپ، جاڭا كاسىپتەر، جاڭا كاسىپ فورماتسيالارى، جاڭا كاسىپ ۇلگىلەرى سياقتى دامۋ جاڭا كينەتيكالىق ەنەرگيالارىن جەتىلدىرۋ جانە كوركەيتۋ كەرەك. ينتەرنەت، ءىرى ساندى مالىمەت، جاساندى زەردە سياقتى جاڭا تەحنيكالاردان پايدالانىپ، ءداستۇرلى كاسىپتەردى زەردەلىلەندىرۋدى، تازا ەنەرگيالى ەتىپ وزگەرتۋدى جەبەۋ كەرەك. ەنەرگيانى ۇنەمدەيتىن، قورشاعان ورتانى قورعايتىن كاسىپتەردى جەدەل دامىتىپ، تازا ەنەرگيادان پايدالانۋ ورەسىن جوعارىلاتىپ، تازا ەنەرگيا قاينارىن اشۋ كەرەك. جيناقى، ۇيلەسىمدى، جاسىل، تومەن كومىرتەكتى تۇرمىس ءتاسىلىن دارىپتەپ، ىشكى سۇرانىستى ۇلعايتاتىن جانە ەكولوگيالىق ورتانى جاقسارتاتىن ءتيىمدى اينالىس قالىپتاستىرۋدى جەبەۋ كەرەك. ەكولوگيالىق ورتانى قورعاۋدى، قالپىنا كەلتىرۋدى كۇشەيتىپ، ەكولوگيا حاۋىپسىزدىگىنىڭ قورعانىن ورناتۋ كەرەك. ءبىر تۇتاس كەڭىستىك جوسپارلاۋ جۇيەسى مەن جەر - سۋدى اشۋدىڭ، قورعاۋدىڭ سايكەستىكتى، ءتارتىپتى جاعدايىن ورناتىپ، ەكولوگيانى قورعاۋدىڭ قىزىل سىزىعىن بەرىك ساقتاپ، تاۋ، سۋ، ورمان، اتىز، كول، جايلىمدى تۇتاس تۇلعا بويىنشا قورعاۋدان، جۇيەلى قالپىنا كەلتىرۋدەن، ءوڭىر بويىنشا ءبىر تۇتاس جوسپارلاۋدان، جالپىلىق جونگە سالۋدان جازباي، جاراتىلىستىق قورىقتاردى باسقارۋ ءتۇزىلىس - مەحانيزمىن كەمەلەندىرۋ كەرەك. ءبىر تۇتاس جوسپارلاپ، جاپپاي ءمان بەرۋدەن جازباي، ەكونوميكانىڭ جوعارى ساپالى دامۋى مەن ەكولوگيالىق ورتانى جوعارى ورەدە قورعاۋدى سايكەستى ىلگەرىلەتىپ، ۇكىمەتتىڭ جەتەكشىلىگى مەن كاسىپورىنداردىڭ تۇلعالىق رولىن سايكەستى ساۋلەلەندىرىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن جانە ەكولوگيالىق وركەنيەت قۇرىلىسىنداعى ۇزاققا سوزىلاتىن سوعىستى سايكەستى جاقسى جۇرگىزۋ كەرەك.
  لي كىچياڭ مىنالاردى باسا دارىپتەدى: رەفورما جاساۋدى، جاڭالىق اشۋدى تايانىش ەتىپ، قورشاعان ورتانى وڭاۋ قابىلەتىن جوعارىلاتۋ كەرەك. قازىنا قاراجاتى ۇسىنىلىمىنىڭ ۇدايىلانعان، ورنىقتى مەحانيزمىن بىرتىندەپ ورناتىپ، قورشاعان ورتانى قورعاۋدىڭ كوپ نەگىزدى ۇسىنىلىم مەحانيزمىن كەمەلدەندىرىپ، جاسىل دامۋعا ءتيىمدى قۇرىلىمدىق سالىق ازايتۋ ساياساتى جونىندە زەرتتەۋ جۇرگىزۋ جانە ونى شىعارۋ كەرەك. ۇكىمەت قۇرىلىمدارىن ىقشامداپ، ۇقىقتى تومەنگە بەرۋ جاعىنداعى رەفورمانى ۇزدىكسىز ىلگەرىلەتىپ، ءتىپتى دە كوپ كۇشتى قورشاعان ورتانى قورعاۋدى قامتىعان ىستەردىڭ ءىس ورتاسىنداعى، ءىس سوڭىنداعى باقىلاۋ - باسقارۋعا ءتۇسىرۋ كەرەك. ءتۇيىندى تەحنيكالار مەن جابدىقتاردان قامال الۋدى مىقتى ۇستاۋ كەرەك. باقىلاۋ - تەكسەرۋدى، زاڭ اتقارۋدى كۇشەيتىپ، قورشاعان ورتاعا ساياتىن زاڭعا قايشى ارەكەتتەردىڭ وزىندىك قۇنىن زور مولشەردە جوعارىلاتۋ كەرەك. تۇتاس قوعامدى ەكولوگيالىق وركەنيەت تانىمىن ورناتۋعا جەتەكتەۋ كەرەك. لاستانۋدان ساقتانۋ جانە ونى جونگە سالۋدان قامال الۋ شايقاسىنىڭ جانە ەكولوگيالىق وركەنيەت قۇرىلىسنىڭ نىسانا - مىندەتتەرىن ورىنداۋعا كەپىلدىك ەتۋ كەرەك.
  حان جىڭ قورىتىندى سوزىندە مىنالاردى اتاپ كورسەتتى: شي جينپيڭنىڭ ەكولوگيالىق وركەنيەت يدەياسىن مۇقيات ۇيرەنىپ، ءتۇسىنىپ، ەكولوگيالىق ورتانى قورعاۋ قىزمەتىن جاقسى ىستەۋدىڭ جاۋاپكەرلىك سەزىمىن، بورىشتىلىق سەزىمىن شىن مانىندە كۇشەيتۋ كەرەك؛ تۇنىق سۋ، جاسىل تاۋ − باعالى بايلىق دەيتىن ماڭىزدى دامۋ ۇستانىمىن جەتە يگەرىپ، ەكولوگيانى الدىمەن ويلاستىراتىن، جاسىل داميتىن جاڭا جولدا بۇلجىماستان ءجۇرۋ كەرەك؛ تاماشا ەكولوگيالىق ورتا حالىقتىڭ تۇرمىسىنا ەڭ ءتيىمدى ىرىس دەيتىن نەگىزگى ماقسات رۋحىن جەتە يگەرىپ، بۇقارانىڭ دەنساۋلىعىن زياندايتىن كورنەكتى قورشاعان ورتا ماسەلەلەرىن كۇش سالا شەشۋ كەرەك؛ تاۋ، سۋ، ورمان، اتىز، كول، جايلىم − تىرشىلىك ورتاق تۇلعاسى دەيتىن جۇيەلى يدەيانى جەتە يگەرىپ، ەكولوگيالىق ورتانى قورعاۋ قىزمەتىنىڭ عىلميلىعىن، ونىمدىلىگىن جوعارىلاتۋ كەرەك. وڭىرلەر، تاراۋلار دايەكتىلەندىرۋدى، تياناقتاندىرۋدى مىقتى ۇستاپ، ساياسات - شارالاردى اشالاپ، ناقتىلاندىرىپ، تياناقتانۋىنا، اتقارىلۋىنا، ونىمدىلىك كورسەتۋىنە كەپىلدىك ەتۋ كەرەك. تۇلعالىق جاۋاپكەرلىكتى قاتاڭ تياناقتاندىرىپ، ورتالىقتىڭ قورشاعان ورتانى قورعاۋداعى باقىلاۋ تەبىنىن ارتتىرۋ كەرەك؛ بارلىعىندا ءىس جۇزىندىكتى تياناق ەتۋدەن جازباي، ۇستىنەن وڭاۋ مەن تۇبىرىنەن وڭاۋدى تەڭ جۇرگىزىپ، تۇبىرىنەن وڭاۋدى كورنەكتىلەندىرىپ، قامال الىپ، قيىندىقتى جەڭىپ، وڭايىنا ۇمتىلۋدان، ۇستىرتتىك ەتۋدەن ساقتانۋ كەرەك؛ نىسانادان كوز جازباي، اۋىتقىماي، بۇلجىماي ىستەپ، قىزمەتتەردى تاباندىلىقپەن ءتارتىپتى ىلگەرىلەتىپ، نىسانانى مىقتاپ ارقاۋ ەتىپ ماسەلەلەردى شەشۋ كەرەك؛ شىن مانىندە زاڭ بويىنشا ءبىر جاقتى ەتىپ، زاڭدى قاتاڭ اتقارىپ، لاستانۋدان ساقتانۋ مەن ونى جونگە سالۋعا جانە ەكولوگيانى قورعاۋعا، زاڭ اتقارۋعا قاتىستى مىندەتتەر مەن قوسىنداردى جەدەل رەتتەۋ كەرەك؛ قامال الۋ شايقاسىنىڭ ءارقايسى نىسانا - مىندەتتەرىنىڭ ساناق، باعالاۋ ساندى مالىمەتتەرىنىڭ شىنايى، ءدال بولۋىنا كەپىلدىك ەتىپ، ناقتى ونىمدىلىك ارقىلى حالىقتىڭ سەنىمىنە يە بولۋ كەرەك.
  مەملەكەتتىك دامۋ جانە رەفورما كوميتەتىنىڭ، قازىنا مينيسترلىگىنىڭ، ەكولوگيالىق ورتا مينيسترلىگىنىڭ، حىبەي ولكەسىنىڭ، جىجياڭ ولكەسىنىڭ، سىچۋان ولكەسىنىڭ قاتىستى جاۋاپتى جولداستارى پىكىر اۋىستىرۋ ءسوزىن سويلەدى.
  ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ قاتىستى باسشى جولداستارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ قاتىستى باسشىلارى ماجىلىسكە قاتىناستى.
  ولكە، رايون، قالالاردىڭ جانە جوسپارى ايىرىم جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ، ورتالىقتىڭ جانە مەملەكەت ورگاندارىنىڭ قاتىستى تاراۋلارىنىڭ، قاتىستى حالىقتىق ۇيىمداردىڭ، قاتىستى مەملەكەت مەنشىگىندەگى ءىرى كاسىپورىنداردىڭ، ارميانىڭ قاتىستى ورىندارىنىڭ جاۋاپتى جولداستارى ماجىلىسكە قاتىناستى.


بەرىپ كەت ورامالىڭدى

دوستار

الىستاعى اق ەركە