جاڭا حابارلار

رايونىمىز 3 - رەتكى جالپى حالىقتىڭ دەنساۋلىعىن تەكسەرۋ قىزمەتىن باستادى

    كەلۋ قاينارى: شينجياڭ حالىق راديو ىستانسياسى    2018-05-18 21:57:11  

پارتيا 19 - قۇرىلتايىندا: حالىقتىڭ اقاۋسىزدىعى ساياساتىن كەمەلدەندىرىپ، حالىق بۇقاراسىنا دەنساۋلىق ساقتاۋ جاعىندا جان - جاقتىلى، پەريوتتى قىزمەت وتەۋ كەرەكتىگى اتاپ كورسەتىلدى. وسى تالاپ بويىنشا، رايونىمىز تاياۋدا 3 - رەتكى جالپى حالىقتىڭ دەنساۋلىعىن تەكسەرۋ قىزمەتىن باستاپ، وزگەشەلەنگەن دەنساۋلىق تەكسەرۋ ءتۇرى جانە ەمدەۋ جاعىندا اناعۇرلىم عىلمي دا مۇقيات  قىزمەت وتەۋ ارقىلى ءار ۇلت بۇقاراسىنىڭ دەنساۋلىعىن قورعادى. 5 - ايدىڭ 14 - كۇنى تۇستەن بۇرىن، مارالباسى اۋدانى اناركول اۋىلدىق دەنساۋلىق ساقتاۋ ورنىندا، 3 - رەتكى جالپى حالىقتىڭ دەنساۋلىعىن تەكسەرۋگە قاتىناسۋعا كەلگەن قىستاق تۇرعىندارى ۇزىن قاتارعا ءتىزىلدى. بۇرىنعى جىلدارمەن سالىستىرعاندا، بيىل قانتتى نەسەپ اۋرۋى، جوعارى قان قىسىم سياقتى سوزىلمالى اۋرۋلاردى قايتالاي تەكسەرۋ، تاماق ءىشىپ ەكى ساعاتتان كەيىن قانداعى قانت قۇرامىن جانە قان قىسىمدى قايتا تەكسەرۋ سياقتى نىساندار كوبەيتىلدى. اناركول اۋىلى الاعىرچەك قستاعىنىڭ تۇرعىنى ورگۇل عوپۇردا قان قىسىم، جۇرەك اۋرۋى بار، جالپى حالىقتىڭ دەنساۋلىعىن تەكسەرۋدەگى قوسىمشا سوزىلمالى ناۋقاس بويىنشا باسقارۋدىڭ ارقاسىندا، ورگۇل عوپۇر قوسىمشا اۋرۋلاردىڭ تۋىلۋ قاتەرىنەن قۇتىلدى. ول بىلاي دەدى: « پارتيا مەن ۇكىمەتتىڭ قامقورلىعىندا، بۇل مەنىڭ جالپى حالىقتىڭ دەنساۋلىعىن تەكسەرۋگە 3 - رەت قاتىناسۋىم. سەبەبى مەندە جوعارى قان قىسىم جانە جۇرەك اۋرۋى بار، شيپاگەرلەر مەن سەسترالار ماعان ءدارىنى ۋاعىندا ءىشىپ، دەمالىسقا كوڭىل ءبولۋدى تاپسىردى، تاعى ەكى كۇننەن كەيىن قان قىسىمىمدى قايتا تەكسەرۋدى ايتتى، باس شۋجي شي جينپيڭ اقاۋسىز جۇڭگو ستراتەگياسىن اتقارۋدى ايتتى. پارتيا مەن ۇكىمەتتىڭ وسىنداي جاقسى ساياساتى بولعانىنا شىن جۇرەكتەن العىس ايتامىن».سوزىلمالى ناۋقاسقا شالدىققان اناعۇرلىم كوپ ناۋقاستىڭ ورگۇل عوپۇر سياقتى ەمدەۋگە يە بولۋىنا مۇمكىندىك جاساۋ ءۇشىن، بيىل دەنساۋلىق ساقتاۋ قۇرىلىمدارى ۇقساماعان ادامدار مەن ولاردىڭ دەنساۋلىق جاعدايى بويىنشا، وزگەشەلەنگەن دەنساۋلىق تەكسەرۋ جاعىندا قىزمەت وتەۋ مازمۇنىن بەلگىلەدى، ءارى وتباسىندىق شيپاگەرمەن توقتام جاساسۋمەن ۇشتاستىرىپ، جالپى حالىقتىڭ دەنساۋلىعىن تەكسەرۋدە اۋرۋدى تەكسەرۋدەن اۋرۋدى ەمدەۋگە بۇرىلىس جاساۋعا مۇمكىندىك اكەلدى. اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى نەگىزگى ساتى دەنساۋلىق ساقتاۋ باسقارماسىنىڭ باستىعى گو ۋيجياڭ بىلاي دەدى: « ماسەلەن بيىل جاسى 15 تەن اسقان قالا - قالاشىق تۇرعىندارىنا  كوكىرەك بولەگىن رەنتىگەنمەن تەكسەرۋ سىندى ارناۋلى تەكسەرۋ ءتۇرى بار، وسى ارقىلى وكپە تۋبەركۋلەزى اۋرۋىن تەكسەرۋ قىزمەتىن ىستەيمىز. ال تۋما جۇرەك ناۋقاسى، كاتەراكتا سياقتىلارعا قاتىستى ناۋقاستاردى جالپى حالىقتىڭ دەنساۋلىعىن تەكسەرۋ بارىسىندا بايقاعاننان كەيىن، نەگىزگى ساتىداعى دەنساۋلىق ساقتاۋ ەمدەۋ قىزمەتكەرلەرى قاتىستى ينفورماتسيانى قاتىستى ەمدەۋ تاراۋلارىنا تاپسىرىپ، شيپاحانا اۋىستىرىپ ەمدەۋ سياقتى كەيىنگى قىزمەت وتەۋلەردى ويداعىداي ىستەيدى». 3 - رەتكى جالپى حالىقتىڭ دەنساۋلىعىن تەكسەرۋ قىزمەتىنىڭ ءساتتى جۇرىلۋىنە كەپىلدىك ەتۋ ءۇشىن، كەزەكتە اۆتونوميالى رايون دارەجەلى قازىنا  دەنساۋلىق تەكسەرۋ ارناۋلى كومەك اقشا قاراجاتىنان 257 ميلليون يۋان بوساتىپ، جەر - جەردىڭ دەنساۋلىق ساقتاۋ ورىندارى ءوز جاعدايلارىنا ۇشتاستىرىپ، جاڭا جابدىقتاردى تولىقتادى. اراسان اۋدانى زالمتى اۋىلدىق دەنساۋلىق ساقتاۋ ورنى جاڭا جابدىقتاردى ەنگىزۋ ارقىلى قان ۇلگىسىنە تالداۋ جاساۋ ۋاقىتىن وتكەن جىلداعى 24 ساعاتتا 30 تۇرىنە تالداۋ جاساۋدان ەكى ساعاتتا 60 تۇرىنە تالداۋ جاساۋعا قىسقارتىپ، دەنساۋلىق ساقتاۋ وبيەكتىسىنىڭ تەكسەرۋ مالىمەتىن سول كۇنى الۋىنا مۇمكىندىك جاسادى. زالمتى اۋىلدىق دەنساۋلىق ساقتاۋ ورنىنىڭ باستىعى ۇلان بىلاي دەدى: « بيىل DR اسپابىن جاڭادان ەنگىزدىك، تاعى اينالۋ قارقىنى 400 پەرمينۋتتىق اۆتوماتتى بيوحيميالىق انازيلياتورىمىز قىزمەت ونىمدىلىگىمىزدى بارىنشا جوعارىلاتا الادى. بيىلعى مىندەتىمىز 6 مىڭ 200 دەي ادامنىڭ دەنساۋلىعىن تەكسەرۋ، قازىر ءبىر مىڭ 40 تاي ادامنىڭ دەنساۋلىعىن تەكسەرىپ بولدىق، مەجەمەن 9- ايدىڭ باسىندا تۇگەلدەي تەكسەرىپ بولامىز».پارتيا 19 - قۇرىلتايىندا بىلاي دەپ اتاپ كورسەتىلدى: الدىن الۋدى نەگىز ەتۋگە تاباندى بولىپ، وتانشىلدىق تازالىق قوزعالىسىن ىشكەرىلەي ورىستەتىپ، اقاۋسىز، وركەنيەتتى تۇرمىس ءتاسىلىن دارىپتەپ، سالماقتى اۋرۋلاردىڭ الدىن الۋ جانە تىزگىندەۋ كەرەك. 2016 - جىلى 9 - ايدان باستاپ، اۆتونوميالى رايون شينجياڭ بويىنشا جالپى حالىقتىڭ دەنساۋلىعىن تەكسەرۋ ينجەنەرياسىن اتقارىپ، شينجياڭدىق قالا - اۋىل تۇرعىندارى جىلىنا ءبىر رەت دەنساۋلىعىن تەگىن تەكسەرۋدەن يگىلىكتەندى. 2017 - جىلى، شينجياڭ بويىنشا ءبىر مىڭ 700 دەن ارتىق دەنساۋلىق ساقتاۋ ءتۇيىنى 18 ميلليون 844 مىڭ 800 ءار ۇلت بۇقاراسىنا دەنساۋلىعىن تەگىن تەكسەرۋ قىزمەتىن وتەدى. اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى نەگىزگى ساتى دەنساۋلىق ساقتاۋ باسقارماسىنىڭ باستىعى گو ۋيجياڭ بىلاي دەپ تانىستىردى: 3 - رەتكى جالپى حالىقتىڭ دەنساۋلىعىن تەكسەرۋ قىزمەتى بيىل 10 - ايدىڭ اياعىندا تۇگەلدەي اياقتايدى، جەر - جەردىڭ دەنساۋلىق ساقتاۋ تاراۋلارى جالپى حالىقتىڭ دەنساۋلىعىن تەكسەرۋ ساپاسىن مەڭگەرۋ جانە وعان جەتەكشىلىك ەتۋ قىزمەتى مەن ارحيۆ تۇرعىزىلىپ، كارتىشكا تاراتىلعان كەدەي جان سانىنىڭ ناۋقاسىن ىرىكتەپ تەكسەرۋ قىزمەتىن جالعاستى ويداعىداي ىستەيدى. ول بىلاي دەدى: «جالپى حالىقتىڭ دەنساۋلىعىن تەكسەرەتىن ءار دارەجەلى قىزمەتكەرلەر مەن جەر - جەردىڭ ساپانى مەڭگەرۋ ماماندارىن تاربيەلەپ، ساپانى مەڭگەرۋدى  شينجياڭ بويىنشا ءبىرتۇتاس ارناعا تۇسىرەمىز. قازىنا مەڭگەرمەسى، ادام كۇشى بايلىعى جانە قوعامدىق قامتاماسىزداندىرۋ تاراۋلارى، باسشىلىق گرۋپپاسىنا مۇشە ورىندار بىرگە قىزمەت ناتيجەسىن باعالاۋ جوباسىن جاسادى. ءبىز قىزمەت ناتيجەسىن باعالاۋدا جەر - جەردىڭ كەلەر جىلعى اۆتونوميالى رايون دارەجەلى ورىن  ورنالاستىرعان نىسان قارجىسىمەن بايلانىستىرىپ، 2018 - جىلعى جالپى حالىقتىڭ دەنساۋلىعىن تەكسەرۋ قىزمەتىنىڭ ىشكەرىلەي ورىستەتىلۋىنە كەپىلدىك ەتەمىز».  


بەرىپ كەت ورامالىڭدى

دوستار

الىستاعى اق ەركە