جاڭا حابارلار

رايونىمىزساياحات ارقىلى كاسىپتەنۋدى جەتەكتەپ، بۇقاراعا بايۋدىڭ باياندى جولىن  اشىپ بەردى

    كەلۋ قاينارى: شينجياڭ حالىق راديو ىستانسياسى    2018-05-17 22:13:18  

 

ستانسيامىزدىڭ جيناق حابارى:باس شۋجي شي جينپيڭ ساياحات ـــ ەكونوميكانى دامىتۋدىڭ، كاسىپتەنۋدى ارتتىرۋدىڭ ءونىمدى ءتاسىلى، ءارى حالىقتىڭ تۇرمىس دەڭگەيىن جوعارلاتاتىن ماڭىزدى كاسىپ ەكەنىن اتاپ كورسەتتى. قازىر، رايونىمىزدىڭ جەر-جەرى جاپا-تارماي ساياحاتتى ىشكەرىلەي دامىتۋ جوسپارىن جاساپ، ساياحات ارقىلى كاسىپتەنۋدى جەتەكتەپ، بۇقاراعا بايۋدىڭ باياندى جولىن  اشىپ بەردى.
وتكەن اپتانىڭ سوڭىندا، قاشقار كونە قالا كورىنس رايونىنا تۇڭعىش رەت بارعان ۇرىمجىلىك ساياحاتشى نيۋ شۋەجىن اعاشتان جاسالعان قول ونەر بۇيىمدارى دۇكەنىنىڭ قوجايىنى ءومارجان  ۇسويىننىڭ جەتەكشىلىگىندە، ازىق-تۇلىك قالىپىن جاسادى. ول: قولعا وڭاي ۇستالادى، بۇل وتە جاقسى ەكەن، مۇنى ساتىپ الىپ، ۇيگە اپارعاننان كەيىن، ونىمەن پيسا، شەلبەك ءپىسىرامىن، قولايلى ءارى ادەمى، وتە جاقسى،-دەدى.
ءومارجان  ۇسويىننىڭ دۇكەننىڭ ساۋداسى كوسەت، ءار كۇنى ساياحاتشىلاردىڭ ۇيرەنىپ ىستەۋىنەن كىرگىزەتىن كىرىسىنىڭ ءوزى 100 يۋاننان اسادى، وعان قول ونەر بۇيىمدارىن ساتۋدان كىرگىزگەن كىرىسىن قوسقاندا، تابىسى مول. قاشقار كونە قالاسى قازىر تاعى نان جابۋ، فارفور، اعاش بۇيىمدارى، مۋزيكا اسپابى، مىس بۇيىمدار سياقتى ءتۇرلى ساياحات بۇيىمدارىن جاساۋدى ۇيرەنۋ فورماسىن شىعارىپ، ساياحاتشىلاردىڭ قول ونەر بۇيىمدارىن جاساۋدى ناقتىلى ۇيرەنۋىنە مۇمكىندىك جاساپ، ولاردى ەرەن باۋرادى.
قالا-اۋىل تۇرعىندارىن قاشقار كونە قالا كورىنس رايونىنا قارجى قوسىپ، كاسىپتى كوركەيتۋگە شابىتتاندىرىپ جانە باستاپ، قالا مەن اۋىلداعى كاسىپتەنۋى قيىن بولعان بۇقارانىڭ جانە قول ونەر بۇيىمدارىن جاساۋ شەبەرلەرىنىڭ كاسىپتەنىپ، كەدەيلىكتەن قۇتىلۋىنا كومەكتەسۋ ءۇشىن، قاشقار قالاسى كونە قالا كورىنس رايونىنىڭ كاسىپتەنۋىنە كومەكتەسۋ نىساناسىن اتقاردى. وسى نىساننىڭ جەبەۋىندە، كورىنس رايونىنداعى ءتۇرلى ساۋدا دۇكەنى بۇرىنعى 810 ننان 2 مىڭ 437 كە كوبەيدى. كورىنس رايونىن باسقارۋ كوميتەتىنىڭ قىزمەتكەرى قادريا ابىلەز بيىل نەگىزگى كورىنس رايونىنا ساۋدا دۇكەنىنىڭ تولىپ كەتكەنىن ايتا كەلىپ، بىلاي دەدى: ءبىز بۇرىنعى ات اربامەن تاماشالاۋ ساياحات فورماسىن وزگەرتىپ، ۇيرەنىپ ىستەۋ ساياحات فورماسىن بىرتىندەپ جالپىلاستىرىپ، ساياحاتشىلاردى كونە قالادا ساياحاتتاپ، قاشقار كونە قالا كورىنس رايونىنىڭ ساياحاتشىلارعا تاماشا اسەر قالدىرۋىنا مۇمكىندىك جاسادىق.
ساياحاتتىڭ قارىشتاپ دامۋى، جەرگىلىكتى ورىنداعى ارتىق ەڭبەككۇشتەردى كاسىپتەنۋگە تىكەلەي باستادى. 5-ايدىڭ 13-كۇنى اۋات اۋدانىنداعى دولاندىقتار ساياحاتتىڭ قاۋىرت مەزگىلىن قارسى الدى. تاڭەرتەڭ ەرتە، دولاندىقتار دايىندىق قىزمەتىن ىستەۋمەن قاربالاس بولدى، ولاردىڭ 130 دان ارتىعى ماڭىنداعى اۋىل-قىستاقتىڭ ديحانى. ايباق اۋىلى ۇستىنگى قاعمۇش قىستاعىنىڭ ديحانى ومارجان امەتنياز دولاندىقتاردان شىققان اسپازى، ءبىر شاكىرتى بار، تۇرمىسى بارعان سايىن جاقسارىپتى. ول: بۇرىن ەگىن ەگەتىنمىن، جىلدىق كىرىسىم  6 دا 7 مىڭ يۋان بولاتىن، قازىر ءبىر ايدا التى دا جەتى مىڭ يۋان كىرىس كىرگىزەم، وسىندا كاۋاپ، قاقتالعان بالىق، تونار كاۋاپ ساتامىن، قاريدالار وتە ۇناتىپ جەيدى، وتە كوڭىلدىمىن،-دەدى.  كونەس اۋدانى نارات قالاشىعى الاتاۋ قىستاعى قازاق ۇلتىن نەگىز ەتكەن مال شارۋاشىلىق قىستاعى، A5 دارەجەلى نارات كورىنس رايونى ەكەۋىنىڭ اراسىن  ءبىر تاس جول عانا ءبولىپ جاتادى. قازىر الاتاۋ قىستاعىنداعى  ديحاندار  كورىنس رايونىنا سۇيەنىپ، قامشىسىن تاستاپ، اۋقاتتانۋ جولىنا ءتۇستى. ساياحاتتىڭ قاۋىرت مەزگىلىندە، الاتاۋ قىستاعىنىڭ ديحانى ەربولات الىمبەك ۇلى ءار كۇنى ۇلتتىق كيمىن كيىپ، ات جالدايدى، ول قازىر ءبىر ساياحات مەزگىلىنىڭ وزىندە 10 مىڭ يۋاننان ارتىق اقشا تاباتىنىن ايتا كەلىپ: «ات جالداعانىما بەس جىل بولدى، كىرىسىم مول، قازىر وتباسىمىزدىڭ تۇرمىس شارت-جاعدايى جاقساردى، دامۋ اياق الىسىمىزدىڭ بارعان سايىن جاقسارۋىن تىلەيمىن،-دەدى.
قىستاق ديحانى سايراگۇل مومىنقوجا قىزىنىڭ وي-ءورىسى بارعان سايىن كەڭەيدى. ول: وتكەن جىلدان باستاپ شارۋالار تاعامجايىن اشتىم، ەكى كيگىز ءۇي تىگىپ، 20 دا 30 مىڭ يۋان كىرىس كىرگىزدىم، بيىل تاعى سەلبەستىك كوپەراتيۆبىن قۇردىم، ىشكى ولكەگە ۇيرەنۋگە جىبەرەدى ەكەن. بيىل دا شارۋالار تاعامجايىن اشىپ، سەلبەستىك كوپەراتيۆبىن قۇرىپ، بىرگە اقشا تاپساق دەيمىن،-دەدى.


بەرىپ كەت ورامالىڭدى

دوستار

الىستاعى اق ەركە