جاڭا حابارلار

ايروپلاننىڭ حاۋىپسىز ۇشۋىن قورعاۋشى فۋ گوچياڭ

    كەلۋ قاينارى: شينجياڭ حالىق راديو ىستانسياسى    2018-05-14 12:38:11  

ستانسيامىزدىڭ ءتىلشىسى حى فەيدىڭ حابارى: وڭتۇستىك اۆياتسيا شينجياڭ بولىمشە سەرىكتەستىگىنىڭ ايروپلان جوندەۋ بازاسىنىڭ ينجەنەرى فۋ گوچياڭ ەرەكشە ىجداعاتتى «ۇستا رۋحىمەن» ايروپلاننىڭ اينالىم حاۋىپسىزدىگىن قورعادى.
2005-جىلى، ۋنيۆەرسيتەتتى بىتىرگەن فۋ گوچياڭ وڭتۇستىك اۆياتسيا شينجياڭ بولىمشە سەرىكتەستىگىنە قىزمەت ىستەۋگە ورنالاسىپ، ايروپلان جوندەۋ ءومىرىن باستادى. قىزمەت بارىسىندا ول ءارقانداي كىشى-گىرىم ىستەرگە سەلقوس قاراماي، بولشەكتەردى شىعارىپ اۋىستىرۋدىڭ الدى-ارتىندا سالىستىرىپ، قورعاۋىش سىمىنىڭ جيىلىگى مەن باعىتىنا، اۋەلى موتوردىڭ سىرتقى قابىنداعى ءبىر تامشى ماي ىزىنە دەيىن مۇقيات زەرتتەدى. ول: «ۇشۋ حاۋىپسىزدىگىنىڭ جاۋاپكەرلىگى ەرەكشە اۋىر، ءبىز ءسوزسىز ومىرگە جاۋاپتى بولۋ پوزيتسياسىمەن قىزمەت ىستەۋىمىز ءتيىس، ءار قانداي كلتيپاننان ۇلكەن اپات تۋىلۋى مۇمكىن، مۇقيات بولماسقا كەلمەيدى»،-دەدى.

10 نەشە جىلدى ءبىر كۇندەي تاباندى وتكىزگەن فۋ گوچياڭنىڭ كاسىپتىك دەڭگەيى تەزدەن دامىدى. ءبىر جولى ءبىر ايروپلاننىڭ الدىڭعى ۇشۋ-قونۋ دوڭگەلەگىنىڭ شىراعى ايروپلان قونۋدان بۇرىن جانبايدى، فۋ گوچياڭ مەن قىزمەتتەستەرى بۇرىلۋدىڭ ءوزى قيىنعا تۇسكەن تار ارالىقتا ەكى كۇن ابىگەر بولىپ، سىمدى ءبىر-بىردەن ايىرىپ، قايتا جوندەپ، اقىرى كىناراتتى جوندەيدى. ول: «مەنىڭ وزىمە بەلگىلەگەن نىسانام تەحنيكا ونەگەسى بولۋ، الدىڭعى شەپتەگى ايروپلان جوندەۋ قىزمەتكەرى رەتىندە، وسى نىسانا شىندىققا جاناسىمدى»،-دەدى.
فۋ گوچياڭ مەن قىزمەتتەستەرىنىڭ كۇش سالا قورعاۋىندا، وڭتۇستىك اۆياتسيا شينجياڭ بولىمشە سەرىكتەستىگى باسقارعان بوين-757 ايروپلانىنىڭ قالىپتىلىق مولشەرى نەداۋىر جوعارى دەڭگەيىن ساقتاپ، ايروپلاننىڭ كەشىگۋ مولشەرى تاريحتان بەرگى ەڭ تومەنگى شەككە ءتۇستى. تاياۋدا، سەرىكتەستىكتىڭ ايروپلان اترەتى رەتتەلگەندىكتەن، بوين-757 ايروپلان تۇرپانى تولىق قايتارىلىپ، 10 جىلعا جۋىق بوين-757 ايروپلان تۇرپاتىن جوندەۋ قىزمەتىمەن اينالىسقان فۋ گوچياڭ قيماستىقپەن وسى كونە ايروپلانداردى جولعا سالىپ، جاڭا تۇرپاتتى بويىن-787 ايروپلان تۇرپاتىن ۇيرەنۋگە دەرەۋ كىرىستى، ءارى ول تەزارادا بوين-787 ايروپلانى اۆياتسيا لەنياسىن جوندەۋ قورعاۋ ارناۋلى گرۋپپاسىنىڭ جاۋاپتىسىنا اينالدى. ول: «باس شۋجي شي جينپيڭ، تەك كۇرەس جاساعاندا ادام ءومىرى باقىتتى ءومىر سانالادى دەگەن. ءار جولى مەنىڭ قولىمنان جوندەپ قورعالعان ايروپلاننىڭ قالىپتى اۋەگە ۇشقانىن نەمەسە امان-ەسەن قونعانىن كورگەنىمدە، ەرەكشە باقىتتى سەزىنەمىن. بۇل مەنىڭ جاۋاپكەرلىگىم جانە بورىشىم، وسى باقىت جولىندا كۇرەس جاساماۋعا حاقىم جوق»،-دەدى.


بەرىپ كەت ورامالىڭدى

دوستار

الىستاعى اق ەركە