جاڭا حابارلار

جۇردەك پويەز باستىعى چىنيۋان يۇيجيڭنىڭ جەتىلۋ بارىسىنداعى اڭگىمەسى

    كەلۋ قاينارى: شينجياڭ حالىق راديو ىستانسياسى    2018-05-15 10:32:51  

ستانسيامىزدىڭ ءتىلشىسى حى فەيدىڭ حابارى: جۇڭگو تەمىر جولى ءۇرىمجى مەكەمەسى توبى شەكتى جارنا سەرىكتەستىگىنىڭ ءۇرىمجى جولاۋشى تاسىمال بولەگىندەگى چىنيۋان يۇيجيڭ قىزمەت ىستەگەن 8 جىلدان بەرى قۇلشىنا ۇيرەنۋ جانە ۇزدىكسىز تالپىنۋ ارقىلى پويەز قىزمەتكەرىنەن پويەز باستىعىندىعىنا ءوسىپ، كۇرەس جاساي ءجۇرىپ ارمانىن ورىنداۋدا.
2011-جىلى 8-ايدا، ۋنيۆەرسيتەت بىتىرگەن چىنيۋان يۇيجيڭ ءۇرىمجى جولاۋشى تاسىمال بولەگىندە قىزمەت ىستەپ پويەز قىزمەتكەرى بولىپ ۆاگونداردى، تازالىق ۇيلەرىن تازالاپ، جولاۋشىلارعا قىزمەت ەتەدى، دەمالاتىن ۋاقىت مۇلدە جوق ەدى. ول باستابىندا بۇل قىزمەتتى ۇناتپاعانىن ايتا كەلىپ: «العاشىندا كوڭىلىم ءسال جابىرقاۋ تارتتى، ستۋدەنت باسىممەن قالايشا دارەتحانا تازالايمىن دەپ قاتتى وكىندىم»،-دەدى.
كەيىن ول ءوز ورنىن بىرتىندەپ رەتتەپ، كوڭىل-كۇيىن ورنىقتىرىپ، جۇمىسىن دارەتحانا تازالاۋدان باستادى. ول: «پويەز قىزمەتكەرىنىڭ كەشىرمەلەرى ويداعىداي قىزمەت ەتۋ ءۇشىن ءيىلىپ، كۇلىمىسرەپ تۇرۋ كەرەكتىگىن ءتۇسىندىردى»،-دەدى.

ءبىر جىلدان كەيىن، قىزمەتتە كورنەكتى ناتيجە جاراتقان چىنيۋان يۇيجيڭ پويەز باستىعى قىزمەتىنە كومەكتەسەتىن كاسىپتىك قىزمەتكەر بولادى، «كىشكەنتاي پويەز باستىعى» اتانعان وسى قىزمەت ورنىندا ول جولاۋشىلارعا قىزمەت ەتىپ قالماستان، گرۋپپانىڭ قارىم-قاتىناس جاساۋ، سايكەستىرۋ قىزمەتىن جاقسى ىستەيدى. پويەزدە ىستەپ جۇرگەن كەزدەرىندە، چىنيۋان يۇيجيڭ باسقارۋ بىلىمدەرىن وزدىگىنەن ۇيرەنىپ، كاسىپتىك ۇيرەنۋدى كۇشەيتەدى، ءارى تاجىريبەسى مول پويەز قىزمەتكەرلەرىنەن اقىل سۇرايدى، ول پويەز باستىعى بولۋعا دەيىن كوپتەپ ۇيرەنىپ،كاسىپتىك نەگىز قالايدى. 2014-جىلى، چىنيۋان يۇيجيڭ ەمتيحان بەرۋ ورايىن مىقتى يگەرىپ، باسەكەگە قاتىناسقان 80 نەشە ادامنىڭ ىشىنەن سارالانىپ شىعىپ، ءبىرىنشى بولعان ناتتيجەمەن بەيجيڭ پويەز اترەتىنىڭ باستىعى بولادى. وسىدان كەيىن سولتۇستىك شينجياڭ جۇلدىزى قالا ارالىق پويەزى قاتىناعاندا، ول قالا ارالىق پويەزدا قىزمەت ىستەيدى. سول جىلى، قىزمەت ناتيجەسى كورنەكتى بولعان چىنيۋان يۇيجيڭ «جاڭا جىبەك جولى ايەلدەر حۇردەك پويەز گرۋپپاسىنا» جىبەرىلىپ، پويەز باستىعى مىندەتىن ۇستىنە الادى.
پويەز باستىعى بولعاننان كەيىن چىنيۋان يۇيجيڭ ىسىلا ءتۇسۋ بەكىمىنە كەلەدى. ءبىرىنشى رەت جۇردەك پويەزدىڭ باستىعى مىندەتىن اتقارعاندا، ول شينجياڭداعى تۇڭعىش جۇردەك پويەز بولعاندىقتان، قوعامنىڭ ءار سالاسى بۇعان ەرەكشە كوڭىل بولەدى، سول ۋاقىتتا چىنيۋان يۇيجيڭ تيتتەيدە بويكۇيەزدىككە سالىنباي، بەكەتتى، ۆاگوندى تىنىم تاپپاي ارالاپ، دەمالۋعا دا مۇرساسى تىيمەيدى. 3 كەزەك پويەزداعى مىندەتىن اتقارىپ بولىپ جۇمسىتان تۇسكەن چىنيۋان يۇيجيڭنىڭ اياعى قاجالىپ، قان شىعىپ، ءىسىپ كەتەتىن، ول تىلشىگە بىلاي دەدى: «باس شۋجي شي جينپيڭ: باقىت كۇرەس جاساۋدان كەلەدى، كۇرەسشەڭ بولعاندا عانا باقىتتى تۇرمىس كەشىرەسىڭ،-دەگەن بولاتىن. جاس بولعاندىقتان زامانا اۋقىمىنا ىلەسۋىم كەرەك. قاجىرلىلىقپەن كۇرەس جاساعاندا عانا ارمان ورىندالادى».


بەرىپ كەت ورامالىڭدى

دوستار

الىستاعى اق ەركە