جاڭا حابارلار

رايونىمىزدىڭ جەر-جەرى حالىقتى وزەك ەتكەن دامۋ تانىمىن بەرىك ورناتىپ، حالىق تۇرمىسى ينجەنەرياسىن ۇزبەي ىلگەرلەتىپ، ءار ۇلت بۇقاراسىنىڭ باقىت كورسەتكىشىن جوعارىلاتتى

    كەلۋ قاينارى: شينجياڭ حالىق راديو ىستانسياسى    2018-05-15 10:11:28  

ستانسيامىزدىڭ جيناق حابارى: رايونىمىزدىڭ جەر-جەرى حالىقتى وزەك ەتكەن دامۋ تانىمىن بەرىك ورناتىپ، حالىق تۇرمىسى ينجەنەرياسىن ۇزبەي ىلگەرلەتىپ، ءار ۇلت بۇقاراسىنىڭ باقىت كورسەتكىشىن جوعارىلاتتى.
«ءبىزدىڭ امبەباپ وقىتۋ عيماراتىمىز ەكى بولەككە بولىنگەن، ءبىر بولەگى باستاۋىش مەكتەپ وقىتۋ عيماراتى دا، ەندىءبىر بولەگى ورتا مەكتەپ وقىتۋ عيماراتى».
ءۇرىمجى ەكونوميكالىق، تەحنيكالىق اشۋ رايونىنداعى (توۋتۇنحى رايونىنداعى) باعىراش كوشەسىنىڭ ماڭىندا، بيڭتۋان مەن جەرگىلىكتى ورىن سەلبەستىك جاساعان، وسى رايونداعى 9 جىلدىق ءتۇزىمدەگى مەكتەپتىڭ وقىتۋ عيماراتىنىڭ نەگىزگى قۇرىلىسى سالىنۋ ۇستىندە، نىسانعا جاۋاپتى شينجياڭ قۇرىلىس نىسانىن باسقارۋ اقىل-كەڭەس بەرۋ شەكتى جارنا سەرىكتەستىگىنىڭ جاۋاپتسى لين شياۋميڭ تانىستىرا كەلىپ: «مەكتەپتىڭ جالپى قۇرىلىس كولەمى 19 مىڭ شارشى مەتردەن اسادى، بىلتىر، 8-ايدا قۇرىلىس باستاعان، بيىل 8-ايدا پايدالانۋعا بەرىلەدى»،-دەدى. لين شياۋميڭ تاعى بىلاي دەدى: «ينجەنەرياعا جيىنى 90 ميلليون يۋاننان ارتىق قارجى قوسىلادى، ول ءبىرىنشى دارەجەلى جەر سىلكىنىسىنە ءتوزىمدى قۇرىلىس بولادى، وعان ەرەكشە حاۋىپسىز جوبالاۋ ءتاسىلى قولدانىلعان. بيىل 8-ايدىڭ 31-كۇنى پايدالانۋعا بەرىلەدى، قازىر ينجەنەريانىڭ تۇتاس تۇلعاسى نەگىزىنەن قالاندى، الدا اشەكەيلەۋى قالدى، نىسان سالىنىپ بولعاننان كەيىن، مەكتەپتە ءبىر مىڭ 700 وقۋشى وقي الادى».
پارتيا 19-قۇرىلتايىنىڭ بايانداماسىندا: «بالالاردىڭ بارلىعىن ءادىل دە ساپالى وقۋ-اعارتۋدان يگىلىكتەندىرۋگە كۇش سالۋ كەرەكتىگى» العا قويىلعان. بيىل، ءۇرىمجى قالاسى 30 ورتا، باستاۋىش مەكتەپتى، بالالار باقشاسىن جاڭادان جانە كەڭەيتىپ سالادى، مەكتەپتەر 7 رايون، اۋدانعا تۇگەل ورنالاسادى. وسى مەكتەپتەر سالىنعاننان كەيىن ءۇرىمجى قالاسىنىڭ نەگىزدىك وقۋ-اعارتۋ، مەكتەپ باسقارۋ شارت-جاعدايىن جاقسارتىپ، مەكتەپتىڭ وقىتۋ ساپاسىن جوعارىلاتادى، ءارى بالالاردىڭ الاڭسىز وقۋىنا، جاقسى مەكتەپتەن وقۋىنا مۇمكىندىك جاسايدى. بيڭتۋان مەن جەرگىلىكتى ورىن سەلبەسكەن رايونداعى جيۋديان ساۋلە 2-مەرزىمدىك تۇرعىندار اۋماعىندا تۇراتىن قالا تۇرعىنى جاڭ فىڭ الدا وسى مەكتەپتەن يگىلىكتەنبەكشى، ول بىلاي دەدى: تۇرعىن ءۇي ساتىپ العان كەزدە مەكتەپ جوق بولاتىن دا، وتە قولايسىز سەزىلەتىن، قازىر، مەكتەپ سالىندى، تۇرعىندار اۋماعىنداعىلارعا وتە قولايلى بولدى، بالالارىمىز سىرتقا شىقسا اتا-انالارى دا الاڭدامايتىن بولدى.
حالىقتىڭ دەنساۋلىعى ــ جاپپاي دوڭگەلەك داۋلەتتى قوعام قۇرۋداعى ماڭىزدى مازمۇن، ءارى ءار ءبىر ادامنىڭ ەسەيىپ-ەرجەتۋ جانە باقىتتى تۇرمىس كەشىرۋىندەگى ماڭىزدى نەگىز. سوڭعى ءبىر مەزگىلدەن بەرى، اراسان اۋدانى كۇندەلەن مال فەرماسى قۇجىرتى اۋىل شارۋاشىلىق اترەتىنىڭ مالشىسى تۋ. ەردىن ( موڭعۇلشا ەسىم) جايسىزدانۋ سەبەپتى اراسان اۋدانى زالىمتى اۋىلدىق ەمحاناعا بارىپ، اۋرۋحاناعا جاتىپ ەمدەلەدى، بۇل ءۇيىنىڭ ىرگەسىندەگى اۋىل-قالاشىق ەمحاناسى بولسا دا، تۋ. ەردىندى بۇراتالا وبلىستىق موڭعۇل ەمشىلىگى شيپاحاناسىنداعى ماماندار تەكسەرىپ ەمدەدى، ءارى اۋىل-قالاشىق ەمحاناسىنىڭ 300 يۋاندىق ولشەمى بويىنشا اقى الىپ، %90 تىن ەسەپتەن كوتەرىپ، ونىڭ ەكونوميكالىق اۋىرتپالىعىن كوپ جەڭىلدەتەدى. تۋ. ەردىن: كەلگەن كەزدە باسىم، بەلىم اۋىراتىن، قازىر، جاقسى بولىپ قالدىم، بەلىم دە اۋىرمادى، 300 يۋاندى كەپىلگە قويادى ەكەن، ەمدەۋ اقىسى ارزان، وتە قۋانىشتامىن،-دەدى.
بيىل 1-ايدا، بۇراتالا وبلىستىق مۇڭعۇل ەمشىلىگى شيپاحاناسى مەن اراسان اۋدانى زالىمتى اۋىلدىق ەمحاناسى وڭىرلىك ەمدەۋ بىرىككەن تۇلعاسى كەلسىمىنە قول قويادى، شيپاحانا دياگنوز قويۋ، اۋرۋحانالاردى تەكسەرۋ، وپەراتسيا جاساۋ، كاسىپتىك جەتەكشىلىك ەتۋ سياقتى تاسىلدەردەن پايدالانىپ، نەگىزگى ساتىداعى ەمدەۋ قۇرىلىمدارىن جاپپاي سۇيەمەلدەيدى. وڭىرلىك ەمدەۋ بىرىككەن تۇلعاسىنىڭ كومەگىندە زالىمتى اۋىلدىق ەمحانا بيىل 1-ايدان باستاپ، اۋرۋحانا ءبولىمىن قۇرىپ، ناۋقاستارعا ساۋىقتىرۋ ەمدەۋىن جاساپ، نەگىزگى ساتىداعى بۇقارانى ساپالى، قولايلى ەمدەۋ قىزمەتىنەن يگىلىكتەندىردى.
قاريدار: جاقسىراق ورامال بارما ەكەن؟
ەرەن بازاردىڭ جاۋاپتىسى: بار، مىنە.
قاريدار: باعاسى قانشا؟
ەرەن بازارىنىڭ جاۋاپتىسى: 10 يۋان.
قاراقاش اۋدانى كۇيا قالاشىعىنداعى «قامداۋ-ساتۋ ەرەن بازارىنىڭ» حالىققا ءتيىمدى قىزمەت وتەۋ ورتالىعىندا زات سورەلەرى قاز-قاتار رەتتى ءتىزىلىپ، ۇستىنە سۋسىن، ازىق-تۇلىك، جۋىنۋ، اجارلاندىرۋ بۇيىمدارى سياقتى كۇندەلىكتى ءتۇرلى بۇيىمدار قويىلىپتى، تاۋاردىڭ تۇرلەرى مول، ەرەن بازاردىڭ ورتاسى رەتتى دە تازا ەكەن. كۇندەلىكتى تۇتىنۋ بۇيىمدارىن ساتۋدان سىرت، «قامداۋ-ساتۋ ەرەن بازارى» اۋىل شارۋاشىلىق ءوندىرىس قۇرال-جابدىقتارىن ساتۋ، اۋىل-قىستاق فينانس قىزمەتىن وتەۋ سياقتى قىزمەتتەردى دە ىستەيدى ەكەن. قاتىناسى قولايسىز بولۋ سەبەبىنەن، بۇرىن حوتاننىڭ اۋىل-قىستاقتارىنداعى كوپتەگەن شاعىن دۇكەندە تاۋار ءتۇرى از، باعاسى قىمباتتاۋ بولىپ عانا قالماي، «وندىرىلگەن ۋاقىتى، ساپا تولىمدىلىعى جانە زاۆود اتى جوق» تاۋارلار كوپ ەكەن. الايدا، اۋىل-قالاشىقتارداعى «قامداۋ-ساتۋ ەرەن بازارىنىڭ» سالىنۋىنا وراي بۇل جاعداي وزگەردى. كۇيا قالاشىعى پاقتاكلا قىستاعىنىڭ تۇرعىنى رىزۋانگۇل مامەت ابدوللا: «وسى ەرەن بازارداعى تاۋارلاردىڭ ساپاسىنا كەپىلدىك ەتىلگەن، زاتتىڭ تۇرلەرى كوپ، اۋدان قالاشىعىنا بارماي-اق ەرەن بازاردان قاجەتتى نارسەلەرىمىزدى الا الامىز»،-دەدى.
قازىر، حوتان ايماعىنىڭ اۋىل-قالاشىقتارىنان «قامداۋ-ساتۋ ەرەن بازارى» حالىققا ءتيىمدى قىزمەت وتەۋ ورتالىعىنان 33 ى سالىندى، ءارى وسىنى نەگىز ەتىپ، زات اينالىم باقشاسى مەن اۋدان دارەجەلى ۇلەستىرۋ ورتالىعىن دانەكەر ەتىپ، اۋىل-قىستاقتاردا قوس باعىتتاعى زات اينالىم قيمىلىن بەلسەنە ورىستەتتى جانە وسى جەرگە ۇيلەسەتىن «سەرىكتەستىك، بازا، ديحاندار» بىرلەسۋ ۇلگىسىن اتقاردى. «قامداۋ-ساتۋ ەرەن بازارى» ورىستەتكەن اۋىل شارۋاشىلىق ونىمدەرىن اۋدان وڭىرىنە جەتكىزۋ، كۇندەلىكتى تۇتىنۋ بۇيىمدارىن تولايىم جانە بولشەك ساتۋ كاسىبى ارقىلى 210 نان ارتىق كەدەي ەڭبەككۇشتى تىكەلەي كاسىپتەندىردى.


بەرىپ كەت ورامالىڭدى

دوستار

الىستاعى اق ەركە