جاڭا حابارلار

اۆتونوميالى رايونىمىزدىڭ 3-رەتكى جالپى حالىقتىق دەنساۋلىق تەكسەرۋ قىزمەتى باستالدى

    كەلۋ قاينارى: شينجياڭ حالىق راديو ىستانسياسى    2018-05-15 12:22:52  

ستانسيامىزدىڭ حابارى: اۆتونوميالى رايونىمىزدىڭ 3-رەتكى جالپى حالىقتىق دەنساۋلىق تەكسەرۋ قىزمەتى جەر-جەردە ىركەس-تىركەس باستالدى.
تانىستىرۋعا قاراعاندا،بيىلعى جالپى حالىقتىق دەنساۋلىق تەكسەرۋ قىزمەتى وتكەن جىلدارداعى نەگىزدە تەكسەرۋ تۇرىنە وزگەشە تەكسەرۋ نىسانى قوسىلعان. دەنساۋلىق تەكسەرۋ قۇرىلىمدارى تولىمدىلىعى بار شيپاگەرلەردى ورنالاستىرىپ، دەنساۋلىق تەكسەرتۋشىنى سۇراپ، تىڭداپ، ۇستاپ تەكسەرىپ، سونداي-اق وتباسىنىڭ اۋرۋ تاريحىمەن، گەنەتيكالىق تاريحىمەن، اۋرۋ تۋدىراتىن قاتەرلى فاكتورلارعا جاناسۋ تاريحىمەن، سونداي-اق جاقىننان بەرگى دەنساۋلىق احۋالى سياقتىلارمەن بىرلەستىرىپ، ۇقساماعان قاۋىم مەن ولاردىڭ دەنساۋلىق جاعدايىنا قاراي وزگەشە دەنساۋلىق تەكسەرۋ مازمۇنىن ورنالاستىرادى. جۇيەدەن، 15 جاستان 64 جاس ارالىعىنداعى قالا مەن اۋىل تۇرعىنىن سۇراپ تەكسەرۋ بۋىنىندا ولاردا سوزىلمالى اۋىرۋ، سالماقتى اۋىرۋ، جۇقپالى اۋىرۋ بەلگىلەرى بايقالسا، دەنساۋلىق تەكسەرۋدىڭ وزگەشە تەكسەرۋ نىسانى بويىنشا تەكسەرەدى.
سونىمەن بىرگە، بيىلعى دەنساۋلىق تەكسەرۋدە تاعى تۇرعىنداردىڭ سوزىلمالى اۋىرۋى تۋرالى باسقارۋ كۇشەيتىلەدى. دەنساۋلىق تەكسەرۋ بارىسىندا قانىتتى نەسەپ اۋىرۋى، جوعارى قان قىسىمى اۋىرۋى سياقتى سوزىلمالى اۋىرۋعا شالدىققانداردى نەمەسە وسى اۋىرۋلارعا شالدىعۋ مۇمكىندىگى كۇشتى دەگەن ناۋقاستاردى تاماقتانىپ 2 ساعاتتان كەيىنگى قانداعى قانت قۇرامىن جانە قان قىسىمى كورسەتكىشىن قايتالاي تەكسەرىپ، دەر كەزىندە كوڭىل بولەتىن ىستەردى ايتىپ كەڭەس بەرەدى ءارى سوزىلمالى اۋىرۋلاردى باسقارۋ جۇيەسىنە ەنگىزەدى. دەنساۋلىق تەكسەرەتىن شيپاگەر دەنساۋلىق تەكسەرتۋگە كەلگەن ادامنىڭ تىڭداپ تەكسەرۋ، سۇراپ تەكسەرۋ، ۇستاپ تەكسەرۋ سياقتى تەكسەرۋلەرىنىڭ جاعدايىن تۋما كەمىستىك اۋرۋى، كاتاراقتا، ءتاج ارتەرياسىنىڭ قاتايۋىنان بولعان جۇرەك اۋرۋ سياقتىلارعا شالدىققان كۇماندى ناۋقاستاردى قاتىستى ەمدەۋ قۇرىلىمىنا مالىمدەيدى، سونداي-اق سوعان جونەلتەدى، دياگنوزى انىقتاپ تۇراقتاندىرىلعان ناۋقاستار الەۋمەتتىك يگىلىق قورى نىسانى، گۋاڭميڭ ارەكەتى سياقتى قۇتقارۋ-كومەك بەرۋ قۇرىلىمدارىنا الدىمەن جونەلتىلىپ اقىسىز ەمدەلەدى.
بيىلعى دەنساۋلىق تەكسەرۋ قىزمەتى كەدەي قاۋىمنىڭ اۋرۋىنا نەگىزدەلە وتىرىپ، باعىتتامالى تۇردە تەكسەرۋ جۇرگىزەدى، جوتكەپ ەمدەۋ، شيپاحانادا جاتقىزىپ ەمدەۋ سياقتى جولدارمەن قاداعالاي باسقارىپ، «ارحيۆ تۇرعىزىپ، كارتچكا بەرىلگەن كەدەي قاۋىمنىڭ دەنساۋلىعىن سارالاۋ-تىزىمدەۋ كەستەسىن» جاڭالاپ كەمەلدەندىرەدى.


بەرىپ كەت ورامالىڭدى

دوستار

الىستاعى اق ەركە