جاڭا حابارلار

ءبىر توپ مەديتسينا كاسىبىنىڭ دارىندىلارىن تاربيەلەمەكشى

    كەلۋ قاينارى: شينجياڭ حالىق راديو ىستانسياسى    2018-05-15 12:13:41  

ستانسيامىزدىڭ تىلشىلەرى لان تيان مەن رىن چيچاۋدىڭ حابارى: بيىلدان باستاپ، رايونىمىز 2-كەزەكتى ەگىن-مال شارۋاشىلىق رايوندارىنداعى ورتا مەكتەپتى باستاما ەتكەن ارناۋلى كۇرس ساتىسىنداعى مەديتسينا عىلمى بويىنشا وقۋشى تاربيەلەۋ قىزمەتىن ىستەپ، ەگىن-مال شارۋاشىلىق رايوندارىنىڭ ءىس جۇزىندىك ەمدەۋ قاجەتىنەن شىعاتىن، تۇراقتاپ تۇرا الاتىن، كادەگە جارايتىن ءبىر توپ مەديتسينا كاسىبىنىڭ دارىندىلارىن تاربيەلەمەكشى.
2018-جىلدان 2020-جىلعا دەيىن، رايونىمىز نەگىزگى ساتىداعى ەمدەۋ-دەنساۋلىق ساقتاۋ قۇرىلىمدارىنا ارناۋلى كۇرسى ماعلۇماتىنا يە، سايكەستى كاسىپتىك تەحنيكالىق ونەرى بار ءبىر مىڭ 500 مەديتسينا كاسىبى دارىندىسىن باعىتتامالى تاربيەلەيدى. باعىتتامالى تاربيەلەنەتىن وقۋشى قابىلداۋ وبيەكتىلەرى سول جىلعى مەملەكەت بويىنشا جاي جوعارى مەكتەپكە وقۋشى قابىلداۋدىڭ ءبىرتۇتاس ەمتيحانىنا قاتىناسقان بولۋى شارت، وسى كاسىپكە قابىلدانعان وقۋشىلار «3 جىلدىق ورتا تەحنيكوم + 2 جىلدىق جوعارى دارەجەلى كاسىپتىك مەكتەپ» ۇلگىسى بويىنشا جۇيەلى تاربيەلەنەدى. وقۋشىلاردىڭ وقۋ قاراجاتى، جاتىن ورىن قاراجاتى سياقتى قاراجاتتارى ءۇشىن اۆتونوميالى رايوندىق قازىنادان ءار وقۋشىعا جىلىنا 7588 يۋان قارجى بوساتىلادى. اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى عىلىم-تەحنيكا، وقۋ-اعارتۋ باسقارماسىنىڭ باستىعى شۇي پيلان: 2018-جىلدان باستاپ، 5 جىل ىشىندە ءار جىلى 300 ادام قابىلداپ، شينجياڭ مەديتسينا ۋنيۆەرسيتەتىنە تاپسىرىپ تاربيەلەنەدى، تاربيەلەۋ قاراجاتىن تۇتاسىمەن اۆتونوميالى رايوندىق قازىنا ۇستىنە الادى. وقۋشىلار وقۋ بىتىرگەن سوڭ، بەلگىلەنگەن بازادا 2 جىلدىق كومەكشى امبەباپ شيپاگەرلەردىڭ جۇيەلى تاربيەلەۋىنە قاتىناسادى، جىلىنا 20 مىڭ يۋاندىق تۇرمىس قوسىمشا قاراجاتى بەرىلەدى،-دەدى.
شۇي پيلاننىڭ تانىستىرۋىنا قاراعاندا، 2008-جىلدان 2014-جىلعا دەيىن وتكىزىلگەن 1-كەزەكتەگى ەگىن-مال شارۋاشىلىق رايوندارىنداعى ورتا مەكتەپتى باستاما ەتكەن ارناۋلى كۋرس ساتىسىنداعى مەديتسينا وقىتۋ قىزمەتىءساتتى ورىستەتىلگەن. -2016جىلى -9ايعا دەيىن، جيىنى 3640 ادام ارناۋلى كۇرس وقۋ ماعلۇماتى بويىنشا وقۋ بىتىرگەن تولىمدى ستۋدەنت اتاعىنا يە بولىپ، وقۋ بىتىرگەن وقۋشىلار بۇكىل شينجياڭنىڭ بارلىق ايماق-وبلىستارىنداعى نەگىزگى ساتى ەمدەۋ-دەنساۋلىق ساقتاۋ قۇرىلىمىن تۇگەل قامتىپ، ەگىن-مال شارۋاشىلىق رايوندارىنداعى نەگىزگى ساتى ەمدەۋ-دەنساۋلىق ساقتاۋ قىزمەت وتەۋ جۇيەسىن ءبىر توپ قولدانىلمالى تەحنيكاسى بار دارىندىمەن قامداعان. 1-كەزەكتەگىمەن سالىستىرعاندا، 2-كەزەكتى باعىتتامالى تاربيەلەۋ قىزمەتىنىڭ وقۋشى قابىلداۋ كولەمى مەن ءبولىپ ورنالاستىرۋ كولەمى نەداۋىر كەڭەيگەن. قابىلدانعان وقۋشىلار مەكتەپكە بارىپ تىزىمدەلۋدىڭ الدىندا، كۇشكە يە كۋالىگىن الىپ كەلىسىم جاساسقان اۋداندىق، قالالىق، رايوندىق ەمدەۋ-دەنساۋلىق ساقتاۋ تاراۋىمەن ءبىرتۇتاس باسىپ تاراتىلعان «باعىتتامالى كاسىپتەندىرۋ كەلىسىمحاتىنا» قول قويۋى شارت. شۇي پيلان بىلاي دەدى : باس شۋجي شي جينپيڭ: دامۋ ماڭداي الدى مىندەت، دارىندى ءبىرىنشى بايلىق، جاڭالىق اشۋ ءبىرىنشى قوزعاۋشى كۇش-دەپ اتاپ كورسەتتى. وقۋشى قابىلداۋ كولەمىندە، ءبىز ونى ايماق-وبلىستى بىرلىك ەتۋگە قاراي كەڭەيتىپ، ايماق-وبلىستا رەتتەپ ءبولىپ ورنالاستىرۋعا بولاتىن ەتىپ جوسپارلادىق. وقۋشى قابىلداۋ سانىندا ۇشتەن ەكى بولەك وقۋشى سانىن وڭتۇستىك شينجياڭداعى 3ايماق، ءبىر وبلىسقا تۇسىرمەكشىمىز، اسىرەسە 22 ەرەكشە كەدەي اۋداندا وقۋشى قابىلداۋدىڭ ءبولىس جوسپارىن جاسايمىز. وسى وقۋشىلار وقۋ بىتىرگەن سوڭ، بەلگىلەنگەن قىزمەت ورنىنا قاراي باعىتتامالى تۇردە جەر-جەردەگى شيپاحانالار مەن ەمحانالارعا بارىپ قىزمەت ىستەپ، اۋىل-قالاشىق شيپاحانالارىنىڭ دارىندى كەمشىل بولۋ جاعدايىن اناعۇرلىم باسەيتەدى، بۇل نەگىزگى ساتى ەمدەۋ-دەنساۋلىق ساقتاۋ قۇرىلىمدارىنىڭ قىزمەت وتەۋ قابىلەتى مەن قىزمەت وتەۋ دەڭگەيىن اناعۇرلىم جوعارىلاتادى.


بەرىپ كەت ورامالىڭدى

دوستار

الىستاعى اق ەركە