جاڭا حابارلار

شينجياڭنىڭ «مادەنيەت+» جاڭا كاسىپ ۇلگىسى جۇرت نازارىن اۋداردى

    كەلۋ قاينارى: شينجياڭ حالىق راديو ىستانسياسى    2018-05-14 13:48:28  

ىستانسيامىز ءتىلشىسى دۇڭ جىيۇڭنىڭ حابارى: وسى كەزەكتى شىنجىن مادەنيەت كورمەسىندە، شينجياڭنىڭ «مادەنيەت+» جاڭا كاسىپ ۇلگىسى جۇرت نازارىن اۋداردى.
شينجياڭ كورمە سارايىنداعى «لينسىن جوباسى شينجياڭدا» دەگەن كورمە ورنىنا بارساڭىز، قورابى تاماشا تيانرۇن ماركالى ايراندى كورەسىز. مۇندا «جەمىستىڭ ءيىسى اڭقيدى»، «ماروجني ەرىپ بارادى»، «دولانا» سياقتى عاجايىپ ماركالار مەن الۋان ءتۇستى قوراپ بەلگىلەرى مەن وسىنداي قوراپتاعى ونىمدەر كوزدىڭ جاۋىن الادى. لينسىن جوباسى كورمە ورنىنىڭ جاۋاپتىسى ياڭ لينسىن: تيان رۇن سەرىكتەستىگى وندىرىسكە جاۋاپتى، ال ءبىز جوبالاۋعا جاۋاپتىمىز، مىنە وسىلايشا سەلبەسىپ ءونىم ءوندىرىپ وتىرمىز. مىنە مىنا ءونىمىمىزدىڭ بازارداعى ءوتىمى وتە جاقسى. بۇل ءبىزدىڭ وي جۇيەمىزدى وزگەرتتى، ءبىز جوبا الدىدا ءجۇرۋى ءتيىس دەپ قارايمىز،-دەدى.
«مادەنيەت+اۋىل شارۋاشىلىعى» اۋىل شارۋاشىلىق ونىمدەرى جانە ودان مانەرلەنەتىن ونىمدەردىڭ ساۋداسىن جانداندىرۋمەن قوسا داڭقىن دا اسىرا ءتۇستى، مۇنداي مىسالدار شينجياڭدا از ەمەس. شىنجىن مادەنيەت كورمەسىندە، شينجياڭ كورمە ۇيىرمەسى «توعىسپالى شينجياڭ» كورمە ورنىن جوبالاپ، سىرتقا شينجياڭنىڭ «مادەنيەت +» جاڭا كاسىبىنىڭ ناتيجەسىن ايگىلەدى. اۆتونوميالى رايوندىق مۇراجايىنداعى «مادەنيەت + جاسامپازدىق» ونىمدەرى «ەدىقۇت بەگزاداسى»، «جۇڭگونىڭ بەس بايلىعى ورنەكتەلگەن» جاسامپازدىققا يە قولفون زارياتتاعىش، ساحاراداعى بالبال ەستەلىگى سياقتىلار كورمەدەگى ءوتىمدى زاتقا اينالدى. التايداعى ءبىر ساياحات سەرىكتەستىگى «مادەنيەت + ساياحات» ۇلگىسىمەن شينجياڭنىڭ كوركەم كورىنىستەرى مەن گۋمانيتارلىق كورىنىسىن تانىستىردى؛ شينجياڭ حۋانا شينكۇڭ مادەنيەت تاراتۋ شەكتى سەرىكتەستىگى سياقتى 2 كاسىپورىن تاعى بەيجيڭ بانكەسىنىڭ ءۇرىمجى بولىمشە بانكەسىمەن كەلىسىمگە قول قويىپ، «مادەنيەت+فينانس» ۇلگىسى بويىنشا سەرىكتەستىكتىڭ باياندى دامۋىنا داڭعىل جول اشتى. بەيجيڭ بانكەسىنىڭ ءۇرىمجى بولىمشە بانكەسىنە قاراستى ورتا-شاعىن كاسىپورىن ءبولىمىنىڭ جاۋاپتىسى پان شۇەمي بىلاي دەدى: «ءبىز شينجياڭ رايونىنىڭ مادەنيەت كاسىبىنىڭ داميتىنىنا كامىل سەنىمدەمىز. ءبىز ءتىپتى دە كوپ كاسىپورىننىڭ مادەنيەت سالاسىنا ارالاسىپ، ءتىپتى دە كوپ ءارى ءونىمدى جۇمىستار ىستەۋىنە قولداۋ كورسەتەمىز، شينجياڭنىڭ وزىنە ءتان ەرەكشە مادەنيەتىنىڭ جارقىن ءتۇيىنىن ايگىلەپ، ەڭ سوڭىندا بانكە مەن كاسىپورىننىڭ سەلبەسىپ ورتاق پايدادان يگىلىكتەنۋىن ءۇمىت ەتەمىز».
اۆتونوميالى رايوندىق مادەنيەت مەڭگەرمەسى كاسىپتىك باسقارماسىنىڭ ورىنباسار باستىعى جاڭ رۇيحۋا بىلاي دەدى: «مادەنيەت+» ارقىلى، ءداستۇرلى سالاعا ويداعىداي بۇرىلىس جاساپ، ونى وسىزاماندانعان، جاڭاشا، مادەنيەت ءمانىن سىناق ەتەتىن تۋىندىعا جانە كاسىپتىك اۋقىمعا اينالدىرۋعا بولادى؛ ال شينجياڭدا مادەنيەت بايلىعى مول، «مادەنيەت+» ىلگەرلەتۋدىڭ بولاشاعى نۇرلى. ول: «سوندىقتان بۇدان بىلاي، ۇكىمەت ءتىپتى دە كوپ قولداۋ كورسەتىپ، كاسىپورىنداردىڭ ءوز كۇشىنە سۇيەنىپ قۇدىرەتتەنۋىنە مۇمكىندىك جاراتادى. بۇل اناعۇرلىم كوپ قوعامدىق كاپيتالدىڭ مادەنيەت كاسىبىن دامىتۋ بارىسىنا قاتىناستىرۋعا مۇمكىندىك جاراتادى. سوندا عانا ورتاق گۇلدەنۋگە، «مادەنيەت+» كۇشىن ونان ارى ارتتىرۋعا بولادى.


بەرىپ كەت ورامالىڭدى

دوستار

الىستاعى اق ەركە