جاڭا حابارلار

14-كەزەكتى جۇڭگو-شىنجىن حالىقارالىق مادەنيەت كاسىبى كورمەسىندە، شينجياڭ ەرەكشەلىگىنە يە مادەنيەت جاسامپازدىق ونىمدەرى كوپشىلىكتىڭ قارسى الۋىنا بولەندى

    كەلۋ قاينارى: شينجياڭ حالىق راديو ىستانسياسى    2018-05-14 12:53:28  

ستانسيامىزدىڭ ءتىلشىسى دۇڭ جىيۇڭنىڭ حابارىن تىڭداڭىزدار: 14-كەزەكتى جۇڭگو-شىنجىن حالىقارالىق مادەنيەت كاسىبى كورمەسىندە، گاۋچاڭۋاڭ گۇڭزاي، «جۇڭگونىڭ بەس بايلىعى ورنەكتەلگەن» جاسامپازدىققا يە توك زارياتتاعىش، ساحاراداعى سىن تاس ۇلگىسىندە جاسالعان حات داپتەرى سياقتى شينجياڭ ەرەكشەلىگىنە يە مادەنيەت جاسامپازدىق ونىمدەرى كوپشىلىكتىڭ قارسى الۋىنا بولەندى.
بىرنەشە كۇننەن بەرى، شينجياڭنىڭ وزگەشە ەرەكشەلىگىنە يە بۇيىمدارى كورمەگە قويىلىپ، كوپشىلىكتىڭ نازارىن اۋداردى. اۆتونوميالى رايوندىق مۇراجاي مادەنيەت جاسامپازدىعى ونىمدەرى كورمە رايونىندا، گاۋچاڭۋاڭ گۇڭزاي، «جۇڭگونىڭ بەس بايلىعى ورنەكتەلگەن» جاسامپازدىققا يە توك زارياتتاعىش، شانپۋ اقشا قاپشىعى، ەرتەگىگە ەلىكتەپ ورنەك سالىنعان كەستەلى شاقاي سياقتى جاڭا ونىمدەر جۇرتتىڭ القاۋىنا بولەندى. حۋناننان كەلگەن يۇي حانىم بىلاي دەدى: «جاستاردىڭ كوڭىلىنەن شىعادى دەپ ويلايمىن، تاريحي مادەنيەتكە ساي جاسالعان وسى ءبىر قىدىرۋ جوباعا ءساپ سالساڭىز، بايىرعى زاماندى كوز الدىعا اكەلەدى، الايدا، تىم كونەدەي كورىنبەيدى، قايتا زامانعا لايىقتى سەزىلەدى ەكەن».
اۆتونوميالى رايوندىق مۇراجاي مادەنيەت جاسامپازدىعى ونىمدەرى زات ارقىلى تايحتى بەينەلەپ، زات پەن زات، زات پەن ادام، ادام مەن ادام اراسىنداعى ىشكى قارىم-قاتىناستى ۇشتاستىرىپ، مادەنيەت مۇرالار ارقىلى ەرتە زامان ادامدارىنىڭ اڭگىمەسىن جاندى اڭگىمەلەپ، كورمەنىڭ ءسانىن اسىردى. اۆتونوميالى رايوندىق مۇراجاي كورمە ورنىنىڭ جاۋاپتىسى ما ۋىن تىلشىگە ءبىر جىلدان بەرى، مۇراجات 5 ۇلكەن ءتۇر بويىنشا جۇزگە جۋىق مادەنيەت جاسامپازدىعى ءونىمىن اشقاندىعىن ايتا كەلىپ: «الدا، ءبىز كورمەدە ساقتالعان مول مادەني مۇرالداردان پايدالانىپ جاڭا ونىمدەردى جارىققا شىعارامىز. مىسالى، نيا كونە جۇرتىنان شىققان قىرۋار مادەني مۇرالار، سەڭزۇت ەلى حانزاداسىنىڭ كەيىپكەر وبىرازى سياقتىلار. مادەنيەت جاسامپازدىعى ونىمدەرىمىز ارقىلى مادەني مۇرالاردى جانداندىرىپ، تاريحتى ايگىلەپ، شينجياڭنىڭ كوپ نەگىزدى مادەنيەتىن اناعۇرلىم الىس جەرلەرگە تانىستىرامىز».
مۇنان سىرت، شينجياڭ مۇراجايى تاعى وڭىرلىك مادەنيەت ءتۇسىن العان ستاكان، كيىم، اسپا بۇيىم سياقتى مادەنيەت جاسامپازدىعى ونىمدەرىن كورمەگە قويدى. حىناننان كەلگەن ۋاڭ مىرزا بىلاي دەدى: «شينجياڭ وزگەشە جەر، بۇگىن مادەنيەت جاسامپازدىعىنا يە ونىمدەردى كورىپ، شينجياڭ بارلىعىن قۇشاعىنا سيدىرعان، بارلىعىن قۇشاق جايا قارسى الاتىن جەر ەكەندىگىن سەزىندىم، ءار ۇلت مادەنيەتىنىڭ وسى جەردە ورتاق ايگىلەنگەنىن كورىپ، قاتتى تەبىرەندىم».
اۆتونوميالى رايوندىق مادەنيەت مەڭگەرمەسى كاسىپ باسقارماسىنىڭ ورىنباسار باستىعى جاڭ رۇيحۋا بىلاي دەدى: ساپا ونىمدىلىگىن اناعۇرلىم جوعارىلاتىپ، مادەنيەت جاسامپازىدىعى ونىمدەرىنىڭ مادەنيەت استارىن بايىتۋمەن بىرگە، جوعارى دەڭگەيلى ءونىم ارقىلى شينجياڭنىڭ مادەنيەت جاسامپازدىعى ايگىلى ماركاسىن جاراتامىز. عىلىم-تەحنيكا تاسىلدەرى، بازار اينالىمى، اناعۇرلىم كوپ ارنالار ارقىلى، وتە-موتە، ساۋدا ىستەرى مەڭگەرمەسىمەن، مادەنيەت مەڭگەرمەسىمەن سەلبەسىپ، ساۋدا تەكشەسى ارقىلى مادەنيەت جاسامپازدىعى ونىمدەرىن سىرتقا شىعارامىز.


بەرىپ كەت ورامالىڭدى

دوستار

الىستاعى اق ەركە