جاڭا حابارلار

ءۇرىمجى قالاسى قالا تۇرعىندارىنا 11 ءتۇرلى ءبىر ميلليون ءتۇپ گۇل-شوپتى تەگىن بەردى

    كەلۋ قاينارى: شينجياڭ حالىق راديو ىستانسياسى    2018-05-12 20:50:18  

ستانسيامىزدىڭ ءتىلشىسى جين لەي، پراكتيكانت ءتىلشى لو يۋانميڭنىڭ حابارىن تىڭداڭىزدار: 5-ايدىڭ 10-كۇنىنەن 6-ايدىڭ 15-كۇنىنە دەيىن، ءۇرىمجى قالاسى قالا تۇرعىندارىنا 11 ءتۇرلى ءبىر ميلليون ءتۇپ گۇل-ءشوپتى تەگىن بەرىپ، وتباسى ورتاسىن كورىكتەندىرىپ، جاسىل، جاراسىمدى، كوركەم ءۇرىمجىنى قۇرادى.
«وتباسىلارىنا گۇل-ءشوپ ۇسىنۋ» قيمىلىنىڭ باستالۋ سالتى ءۇرىمجى قالاسىنىڭ حالىق باقشاسىندا وتكىزىلدى، ورمان شارۋاشىلىعى تاراۋىنىڭ قىزمەتكەرلەرى قالا تۇرعىندارى ۋاكىلدەرىنە تاشتەگىمەن گۇل ۇسىندى، لريودەندرون گۇلىن العان قالا تۇرعىنى شۇي يىڭ تەحنيكتەن گۇل وسىرۋدە كوڭىل بولەتىن ىستەردى سۇرادى، ول بىلاي دەدى: «ەرەكشە قۋانىپ تۇرمىن، قايتىپ بارعاننان كەيىن، گۇلدى ۇلكەنىرەك تاشتەككە كوشىرەمىن، سۋدى كوپ قۇيۋعا، تىڭايتقىشتى دا ۇنەمى بەرۋگە بولمايدى ەكەن، تىڭايتقىش كوپ بەرىلسە، تامىرىن قۋراتىپ جىبەرۋى مۇمكىن».
«وتباسىلارىنا گۇل-ءشوپ ۇسىنۋ» قيمىلى بيىلعى ءۇرىمجى قالاسىنىڭ حالىق تۇرمىسى ينجەنەرياسىنداعى «10 ءىرى ناقتىلى ءىستىڭ» ءبىرى، ول جاسىل باقشا ينجەنەرياسىنىڭ ماڭىزدى قۇرامداس بولەگى. وسى رەت قالا تۇرعىندارىنا تەگىن بەرىلگەن ميلليون ءتۇپ گۇل-شوپتىڭ ىشىندە ءتورت ماۋسىمدىق قارا ورىك اعاشى گۇلى، كاۋچۇك اعاشى، كوك، روزا گۇلى، تاس الما گۇلى، ۇزاق ءومىر گۇلى، پنومپەن، لريودەندرون گۇلى، ريگەر تاس الما گۇلى سياقتى جاپىراعىن، گۇلىن تاماشالاۋعا ارنالعان وسىمدىكتەر بار. ءۇرىمجى قالالىق جاسىلداندىرۋ كوميتەتىنىڭ قىزمەتكە ارناۋلى جاۋاپتى ورىنباسار مەڭگەرۋشى لي كۋانجۇڭ بىلاي دەدى: «ورمان شارۋاشىلىعى مەكەمەسى باستاماشىلدىقپەن جاۋاپتى بولىپ، گۇل-شوپتەردى ءار رايوننىڭ باسقارۋ كوميتەتىنە جەتكىزدى،ال باسقارۋ كوميتەتى ءار الەۋمەتتىك اۋماقتىڭ قالا تۇرعىندارىنا سايكەسىپ تاراتۋىنا جاۋاپتى بولدى، بۇل گۇلدەردىڭ ءبارى وڭاي وسەتىن ، باپتاۋعا ءجايلى گۇل-شوپتەر، تاماشالاۋ قۇنىنا يە، بۇقارا گۇلدى ۇيىندە ءوسىرۋ بارىسىندا گۇل-ءشوپتى ايالاۋ تانىمى جوعارىلايدى دەگەن ويدامىز».
بيىل، ءۇرىمجى قالاسى «كوركەم ورتالىق قالا قۇرۋ» نىساناسىن العا قويىپ، «تەرەزەنى اشسا كوركەم كورىنىس، سىرتقا شىقسا جاسىل ورتا كوزگە شالىناتىن» جاعدايدى قۇلشىنا جۇزەگە اسىردى، وسى رەت ميلليون ءتۇپ گۇل-ءشوپتى تەگىن بەرۋدەگى ماقسات ـــ باۋ-باقشانى جاي وتباسىلارعا جەتكىزىپ، اۋلانى جاسىلداندىرىپ، كورىكتەندىرۋ بولىپ تابىلادى. ءۇرىمجى قالاسىنىڭ تۇرعىنى سۇي شيۋجىن بىلاي دەدى: «مەن ۇيگە قايتىپ بارعاننان كەيىن گۇلدەردى جاقسى باپتاپ، ءۇيىمدى كورىكتەندىرەمىن ، سوندا، سىرتقا شىقپاي-اق جاسىل، كورىكتى ورتادان ءلاززات الاتىن بولامىز».


بەرىپ كەت ورامالىڭدى

دوستار

الىستاعى اق ەركە