جاڭا حابارلار

شوكىرات زاكىر ۇرىمجىدە سۇڭ شين جانە ونىڭ سەرىكتەرىمەن كەزدەستى

    كەلۋ قاينارى: شينجياڭ حالىق راديو ىستانسياسى    2018-05-11 13:08:11  

ستانسيامىزدىڭ حابارى: 5-ايدىڭ 8-كۇنى، اۆتونوميالى رايوندىق پارتكومنىڭ ورىنباسار شۋجيى، اۆتونووميالى رايوننىڭ ءتوراعاسى شوكىرات زاكىر ۇرىمجىدە جۇڭگو التىن توبى پارتكومىنىڭ شۋجيى، باس جوراسى، جۇڭگو التىن قوعامى پارتكومىنىڭ شۋجيى، باستىعى سۇڭ شينمەن جانە ونىڭ سەرىكتەرىمەن كەزدەستى.
شوكىرات زاكىر اۆتونوميالى رايوندىق پارتكوم، ۇكىمەت اتىنان سۇڭ شيننىڭ جانە ونىڭ سەرىكتەرىنىڭ شينجياڭعا تەكسەرۋگە كەلگەندىگىن قارسى الاتىنىن ءبىلدىرىپ، جۇڭگو التىن توبىنىڭ ۇزاق ۋاقىتتان بەرى شينجياڭنىڭ ەكونوميكاسى مەن قوعامىنىڭ دامۋىن بارىنشا قولداعانىنا العىس ايتتى. ول بىلاي دەدى: پارتيا 19-قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم پارتيا ورتالىق كوميتەتىنىڭ شينجياڭدى جونگە سالۋ جوباسىن باتىل دايەكتى تياناقتاندىرىپ، ءار ۇلت كادر بۇقاراسىن ىنتىماقتاستىرا باستاپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ءتۇرلى قىزمەتتى ءبىرتۇتاس جوسپارلاپ ىلگەرىلەتىپ، قوعامدىق جالپى جاعداي جاراسىمدى ورنىقتى بولدى، ەكونوميكا ورنىقتى اقاۋسىز دامىدى، حالىق تۇرمىسى ۇزدىكسىز جاقساردى. كەزەكتە، بۇكىل رايونىمىز بويىنشا جوعارىدان تومەنگە دەيىن شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19-قۇرىلتايىنىڭ رۋحىن جەتەكشى ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسى مەن شەشىم-ورنالاستىرۋلارىن مۇقيات دايەكتى تياناقتاندىرىپ، نازاردى باس نىساناعا مىزعىماي شوعىرلاندىرىپ، «ءۇش ءىرى قامال الۋ شايقاسىن» تاباندىلىقپەن باتىل جۇرگىزىپ، تىڭ دامۋ تانىمىن ىشكەرىلەي دايەكتى تياناقتاندىرىپ، جوعارى ساپالى دامۋدى جەبەدى. ءبىز الدا جۇڭگو التىن توبىنىڭ شينجياڭداعى دامۋ ىستەرىنە تاماشا قارجىلاندىرۋ ورتاسىن جاراتىپ، ناقتىلى سەلبەستىكتى ىشكەرىلەي ورىستەتىپ، ءوزارا پايدا جەتكىزىپ، بىرلىكتە داميمىز.
سۇڭ شين جۇڭگو التىن توبىنىڭ شينجياڭداعى قارجى قوسۋ قۇرىلىس احۋالدارىن قىسقاشا تانىستىرىپ ءوتتى. ول بىلاي دەدى: جۇڭگو التىن توبى شينجياڭداعى دامۋ بولاشاعىنا تولىق سەنىم ارتادى، الدا ورتالىققا قاراستى كاسىپورىننىڭ ساياسي، ەكونوميكالىق جانە قوعامدىق جاۋاپكەرلىگىن شىنايى ويداعىداي اتقارىپ، سەلبەستىك ورايىن قاراستىرۋعا كۇش سالىپ، جەرگىلىكتى ورىننىڭ دامۋىنا بەلسەندى تۇردە ءتيىستى ۇلەسىن قوسادى.


بەرىپ كەت ورامالىڭدى

دوستار

الىستاعى اق ەركە