جاڭا حابارلار

شي جينپيڭ چاۋشيان ەڭبەك پارتياسى ورتالىق كوميتەتىنىڭ باستىعى كيم جوڭ - ۇنمەن دالياندا كەزدەسۋ وتكىزدى

    كەلۋ قاينارى: شينجياڭ گازەتى    2018-05-10 20:09:47  

5 ايدىڭ 7 -، 8 - كۇندەرى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ چاۋشيان ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇنمەن دالياندا كەزدەسۋ وتكىزدى.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 5 - ايدىڭ 8 - كۇنى دالياننان بەرگەن حابارى (ءتىلشى لي جۇڭفا). 5 - ايدىڭ 7 -، 8 - كۇندەرى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ چاۋشيان ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇنمەن دالياندا كەزدەسۋ وتكىزدى.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ قاتىستى قيمىلدارعا قاتىناستى.

  5 - ايداعى دالياننىڭ تاۋلارى جاسىل جەلەك جامىلىپ، كوك تەڭىز باياۋ تولقىپ، اسپاندا اقشا بۇلتتار قالقيدى. شي جينپيڭ كيم جوڭ - ۇنمەن كەڭەس وتكىزدى، سونداي - اق كيم جوڭ - ۇنگە قارسى الۋ قوناعاسىن بەردى، ونىمەن بىرگە سەرۋەندەپ، تۇسكى قوناعاسىعا قاتىناستى، ەكى پارتيانىڭ، ەكى ەلدىڭ ەڭ جوعارى باسشىلارى جۇڭگو مەن چاۋشياننىڭ قارىم - قاتىناسى جانە بىرگە نازار اۋدارىپ وتىرعان ماڭىزدى ماسەلەلەر جونىندە شىنايى دوستىق بەينەدە جان - جاقتى، ىشكەرىلەي پىكىر الماستى.
  شي جينپيڭ مىنالاردى اتاپ كورسەتتى: كوميتەت باستىعى جولداستىڭ چاۋشيان تۇبەگى جاعدايىندا تەرەڭ، كۇردەلى وزگەرىس بولىپ جاتقان شەشۋشى ساتتە، اراعا 40 نەشە كۇن سالىپ جۇڭگوعا تاعى ءبىر مارتە ارنايى كەلىپ، مەنىمەن كەزدەسۋ وتكىزۋى كوميتەت باستىعى جولداس پەن چاۋشيان ەڭبەك پارتياسى ورتالىق كوميتەتىنىڭ جۇڭگو مەن چاۋشيان ەكى پارتياسىنىڭ، ەكى ەلدىڭ قارىم - قاتىناسىنا، ەكى پارتيانىڭ، ەكى ەلدىڭ ستراتەگيالىق پىكىرلەسۋىنە ايرىقشا ءمان بەرەتىندىگىن ايگىلەدى، مەن مۇنى جوعارى باعالايمىن. مەن كوميتەت باستىعى جولداسپەن العاشقى رەت كەزدەسكەننەن بەرى، جۇڭگو - چاۋشيان قارىم - قاتىناسى مەن چاۋشيان تۇبەگىنىڭ جاعدايى تۇگەلدەي بەلسەندى ىلگەرىلەۋشىلىككە قول جەتكىزدى، مەن بۇعان ايرىقشا قۋانىشتىمىن، كوميتەت باستىعى جولداسپەن تاعى ءبىر مارتە كەڭەس وتكىزىپ، جۇڭگو - چاۋشيان قارىم - قاتىناسىنىڭ اقاۋسىز، ورنىقتى دامۋىن ىلگەرىلەتۋ، چاۋشيان تۇبەگىنىڭ باياندى تىنىشتىعىن جۇزەگە اسىرۋ، ءوڭىردىڭ بەيبىتشىلىگىن، ورنىقتىلىعىن، گۇلدەنۋىن جەبەۋ ءۇشىن بىرگە قۇلشىنۋدى قالايمىن.
  كيم جوڭ - ۇن بىلاي دەدى: بيىل 3 - ايدان بەرى، چاۋشيان مەن جۇڭگونىڭ دوستىعى جانە چاۋشيان تۇبەگى جاعدايى مول مانگە يە ىلگەرىلەۋشىلىككە قول جەتكىزدى، بۇل مەنىڭ باس شۋجي جولداسپەن تاريحي سيپاتتى كەزدەسۋىمنىڭ بەلسەندى جەمىسى. قازىرگى ءوڭىر جاعدايى جەدەل دامىعان شەشۋشى مەزگىلدە، مەن تاعى ءبىر مارتە جۇڭگوعا كەلىپ، باس شۋجيمەن كەزدەستىم جانە قاتىستى جاعدايلاردى حابارلاندىردىم، مەن جۇڭگومەن ستراتەگيالىق پىكىرلەسۋدى جانە ىنتىماقتاستىقتى كۇشەيتۋدى، چاۋشيان - جۇڭگو دوستىعىنىڭ ىشكەرىلەي دامۋىن ىلگەرىلەتۋدى، ءوڭىردىڭ بەيبىتشىلىگى مەن ورنىقتىلىعىن جەبەۋدى ءۇمىت ەتەمىن.  شي جينپيڭ مىنالاردى باسا دارىپتەدى: بيىل 3 - ايدا كوميتەت باستىعى جولداس ەكەۋىمىز بەيجيڭدە تاريحي العاشقى كەزدەسۋدى جۇزەگە اسىرىپ، ۇزاق ۋاقىت ىشكەرىلەي پىكىرلەستىك. ءبىز جاڭا داۋىردەگى جۇڭگو - چاۋشيان قارىم - قاتىناسىن دامىتۋ جونىندە 4 جاقتاعى پرينسيپتىك ورتاق تانىمعا قول جەتكىزدىك. ءبىرىنشى، جۇڭگو مەن چاۋشياننىڭ ءداستۇرلى دوستىعى ەكى جاقتىڭ ورتاق باعالى بايلىعى، جۇڭگو مەن چاۋشياننىڭ دوستىق، ىنتىماقتاستىق قارىم - قاتىناسىن دامىتۋ ەكى جاقتىڭ اينىماس باعىتى، سونداي - اق بىردەن - ءبىر دۇرىس تاڭداۋى. ەكىنشى، جۇڭگو مەن چاۋشياننىڭ ەكەۋى دە سوتسياليستىك مەملەكەت، ەكى جاقتى قارىم - قاتىناس ماڭىزدى ستراتەگيالىق مانگە يە، ىنتىماقتى سەلبەستىكتى، پىكىرلەسۋدى، ءوزارا ۇلگى الۋدى كۇشەيتۋ كەرەك. ءۇشىنشى، ەكى پارتيانىڭ جوعارعى جىگىندەگىلەردىڭ بارىس - كەلىسى ەكى جاقتى قارىم - قاتىناسقا جەتەكشىلىك ەتۋدە ورنىن باسقا ەشتەڭە باسا المايتىن ماڭىزدى رولعا يە، ەكى جاق ۇنەمىلىك بارىس - كەلىستى ساقتاۋى، ستراتەگيالىق پىكىرلەسۋدى كۇشەيتۋى، تۇسىنىستىك پەن ءوزارا سەنىمدى نىعايتۋى، ورتاق مۇددەلەردى قورعاۋى ءتيىس. ءتورتىنشى، حالىقتار دوستىعىنىڭ نەگىزىن بەكەمدەۋ − جۇڭگو مەن چاۋشيان قارىم - قاتىناسىنىڭ دامۋىن ىلگەرىلەتۋدىڭ ماڭىزدى جولى، كوپ ءتۇرلى فورمالار ارقىلى ەكى ەل حالقىنىڭ اۋىس - ءتۇيىسى مەن بارىس - كەلىسىن كۇشەيتىپ، جۇڭگو - چاۋشيان قارىم - قاتىناسىنىڭ دامۋى ءۇشىن حالىق تىلەگىنىڭ تاماشا نەگىزىن قالاۋ كەرەك. ەكى جاقتىڭ بىرگە قۇلشىنۋىندا ءتۇرلى ورتاق تانىمدار جاقسى دايەكتىلەنۋدە، تياناقتانۋدا. ءبىر ايدان اسا ۋاقىت ىشىندە، مەن كوميتەت باستىعى جولداسپەن 2 مارتە كەزدەسىپ، تىعىز پىكىرلەستىم. مەن كوميتەت باستىعى جولداسپەن بىرگە ەكى جاقتىڭ قاتىستى تاراۋلارىنىڭ ءبىز كەلىسكەن ورتاق تانىمداردى ويداعىداي تياناقتاندىرۋعا ۇزدىكسىز جەتەكشىلىك ەتۋدى، جۇڭگو - چاۋشيان قارىم - قاتىناسىنىڭ ۇزدىكسىز العا دامۋىن ىلگەرىلەتۋدى، ەكى مەملەكەت پەن ەكى ەل حالقىن باقىتقا كەنەلتىپ، ءوڭىردىڭ بەيبىتشىلىگى مەن ورنىقتىلىعى ءۇشىن بەلسەندى ۇلەس قوسۋدى قالايمىن. شي جينپيڭ چاۋشياندا تۋىلعان اۋىر كولىك اپاتىندا جۇڭگو، چاۋشيان ەكى ەل ازاماتتارى ءولىم - جىتىمگە ۇشىراعاننان كەيىن، كيم جوڭ - ۇننىڭ وعان ايىرىقشا ءمان بەرگەنىنە جانە شىنايى پوزيتسيا ۇستانعاندىعىنا شىن جۇرەكتەن العىس ايتتى.
  كيم جوڭ - ۇن بىلاي دەدى: چاۋشيان مەن جۇڭگو ەكى پارتياسىنىڭ، ەكى ەلدىڭ اعا بۋىن باسشىلارىنىڭ جولداستىق ءوزارا سەنىمى مەن سۇيىسپەنشىلىگى چاۋشيان مەن جۇڭگونىڭ ءداستۇرلى دوستىعىنىڭ سەنىمدى دانەكەرى جانە بەرىك ىرگە تاسى. مەن باس شۋجي جولداسپەن وسى تاماشا ءداستۇردى جالعاستىرىپ، ناتيجەلى تاريحي كەزدەسۋ وتكىزىپ، چاۋشيان مەن جۇڭگو قارىم - قاتىناسىنىڭ بۇرىن بولماعان سەكىرمەلى دامۋىن ىلگەرىلەتتىم. ءبىر ايدان اسا ۋاقىتتان كەيىنگى قايتا كەزدەسۋدىڭ ءوزارا سەنىمدىلىكتى ونان ارى تەرەڭدەتەتىندىگىنە، چاۋشيان - جۇڭگو دوستىق ىنتىماقتاستىق قارىم - قاتىناسىنىڭ جاڭا ءداۋىر تالابىنا ۇيلەسۋىن ىلگەرىلەتەتىندىگىنە، اناعۇرلىم تىعىز، جان - جاقتى دامۋعا قول جەتكىزەتىندىگىنە سەنەمىن.

5 ايدىڭ 7 -، 8 - كۇندەرى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ چاۋشيان ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇنمەن دالياندا كەزدەسۋ وتكىزدى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

 چاۋشيان تۇبەگىندەگى جاعداي تۋرالى ءسوز بولعاندا، شي جينپيڭ مىنالاردى اتاپ كورسەتتى: كوميتەت باستىعى جولداس ەكەۋىمىز العاشقى كەزدەسۋدە بۇل جونىندە ىشكەرىلەي پىكىر الماسىپ، ماڭىزدى ورتاق تانىمعا كەلدىك. جۋىقتان بەرى، كوميتەت باستىعى جولداس تۇبەك كەڭەسىن ىلگەرىلەتۋ جانە شيەلەنىستى باسەيتۋ جاعىندا بەلسەندى قۇلشىنىس جاساپ، تاماشا ناتيجەگە قول جەتكىزدى. قاتىستى جاقتاردىڭ بىرگە قۇلشىنۋىندا، تۇبەك كەڭەسى جانە شيەلەنىستىڭ باسەيۋى ۇزدىكسىز بەكەمدەلىپ، ساياسي جولمەن شەشۋدى ىلگەرىلەتۋگە پايدالى باعىتقا قاراي دامىدى. جۇڭگو چاۋشياننىڭ تۇبەكتى يادرولىق قارۋسىزداندىرۋعا تاباندى بولۋىن قولدايدى، تۇبەك ماسەلەسىن چاۋشيان مەن ا ق ش - تىڭ كەڭەسپەن، اقىلداسۋمەن شەشۋىن قولدايدى، قاتىستى ءار جاقپەن بىرگە تۇبەك ماسەلەسىن بەيبىت كەڭەسپەن شەشۋ ءۇردىسىن جاپپاي ىلگەرىلەتىپ، ءوڭىردىڭ باياندى تىنىشتىعىن جۇزەگە اسىرۋ ءۇشىن بەلسەندى رول اتقارۋدى قالايدى.
  كيم جوڭ - ۇن باس شۋجي شي جينپيڭنىڭ كورەگەندىگىن، دانىشپاندىعىن جوعارى باعالاپ، جۇڭگونىڭ ۇزاق ۋاقىتتان بەرى تۇبەكتى يادرولىق قارۋسىزداندىرۋدى جۇزەگە اسىرۋ، ءوڭىردىڭ بەيبىتشىلىگى مەن ورنىقتىلىعىن قورعاۋ ءۇشىن ماڭىزدى ۇلەس قوسقاندىعىنا العىس ايتتى. ول بىلاي دەدى: چاۋشيان تۇبەگىن يادرولىق قارۋسىزداندىرۋ چاۋشياننىڭ ءارقاشان وزگەرمەيتىن ايقىن تۇرعىسى. قاتىستى جاقتار چاۋشيانعا دۇشپاندىق ساياساتىن جانە حاۋىپسىزدىك قاتەرىن جويسا، چاۋشياننىڭ يادرولىق قارۋ يەمدەنۋىنىڭ قاجەتى قالمايدى، وندايدا يادرولىق قارۋسىزداندىرۋدى جۇزەگە اسىرۋعا بولادى. چاۋشيان مەن ا ق ش - تىڭ كەڭەس ارقىلى ءوزارا سەنىم ورناتۋىن، قاتىستى جاقتاردىڭ جاۋاپكەرشىلىكپەن كەزەڭدەر بويىنشا، قادامداس شارالار قولدانىپ، تۇبەك ماسەلەسىن ساياسي جولمەن شەشۋ ءۇردىسىن جاپپاي ىلگەرىلەتىپ، سوڭىندا تۇبەكتى يادرولىق قارۋسىزداندىرۋدى جانە باياندى بەيبىتشىلىكتى جۇزەگە اسىرۋىن ءۇمىت ەتەدى.
  كيم جوڭ - ۇن شي جينپيڭگە جۋىق مەزگىلدەگى چاۋشياننىڭ ەل ءىشى دامۋىنىڭ جانە پارتيا قۇرىلىسىنىڭ جاعدايىن حابارلاندىردى.
  شي جينپيڭ مىنالاردى اتاپ كورسەتتى: چاۋشيان ەڭبەك پارتياسى 7 - كەزەكتى ورتالىق كوميتەتىنىڭ ءۇشىنشى جالپى ءماجىلىسى بۇكىل پارتيانىڭ، بۇكىل مەملەكەتتىڭ بارلىق كۇشتى جۇمىلدىرىپ، سوتسياليستىك ەكونوميكالىق قۇرىلىس جۇرگىزۋ سىندى ستراتەگيالىق لۋشياندى ورتاعا قويىپ، يادرولىق قارۋ سىناقتارى مەن قۇرلىق ارالىق وق جولىندىق باسقارىلمالى بومبى سىناقتارىن توقتاتاتىنىن، ەلدىڭ سولتۇستىگىندەگى يادرولىق سىناق الاڭىن جاباتىنىن جاريالادى، بۇل كوميتەت باستىعى جولداستىڭ ەكونوميكانى دامىتۋعا، حالىق تۇرمىسىن جاقسارتۋعا ايرىقشا ءمان بەرەتىنىن جانە ءوڭىردىڭ بەيبىتشىلىگى مەن ورنىقتىلىعىن قورعايتىن بەرىك جىگەرىن ايگىلەدى. ءبىز بۇعان القاۋ بىلدىرەمىز، چاۋشياننىڭ ستراتەگيالىق ءتۇيىندى ەكونوميكالىق قۇرىلىسقا اۋدارۋىنا، چاۋشياندىق جولداستاردىڭ ءوز مەملەكەت جاعدايىنا ۇيلەسەتىن دامۋ جولىمەن جۇرۋىنە قولداۋ كورسەتەمىز.
  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت سىرتقى ىستەر قىزمەتى كوميتەتى كەڭسەسىنىڭ مەڭگەرۋشىسى ياڭ جيەچى، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي قاتارلىلار قاتىستى قيمىلدارعا قاتىناستى.
  چاۋشيان ەڭبەك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەتتىڭ ورىنباسار باستىعى، حالىقارالىق ءبولىمىنىڭ باستىعى ري سۋ يوڭ، چاۋشيان ەڭبەك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەتتىڭ ورىنباسار باستىعى، بىرلىكساپ ءبولىمىنىڭ باستىعى كيم يوڭ چول، چاۋشيان ەڭبەك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى ري يوڭ حو، چاۋشيان ەڭبەك پارتياسى ورتالىق كوميتەتى ساياسي بيۋروسىنىڭ كانديدات مۇشەسى، ۇگىت - ءناسيحات ءبولىمىنىڭ ءبىرىنشى ورىنباسار باستىعى كيم يو جوڭ قاتارلىلار قاتىستى قيمىلدارعا قاتىناستى.


بەرىپ كەت ورامالىڭدى

دوستار

الىستاعى اق ەركە