جاڭا حابارلار

2018-جىلعى اۆتونوميالى رايوننىڭ كاسىپ جاراتۋ، جاڭالىق اشۋ جارىسى ۇرىمجىدە باستالدى

    كەلۋ قاينارى: شينجياڭ حالىق راديو ىستانسياسى    2018-05-10 11:33:05  

ستانسيامىزدىڭ ءتىلشىسى لەي ميڭنىڭ حابارى: 5-ايدىڭ 9-كۇنى تۇستەن بۇرىن، 3-كەزەكتى «جۇڭگو چۋاڭ-ي» كاسىپ جاراتۋ، جاڭالىق اشۋ جارىسىنىڭ شينجياڭ جارىس رايونىنداعى ىرىكتەۋ جارىسى جانە 2018-جىلعى اۆتونوميالى رايوننىڭ كاسىپ جاراتۋ، جاڭالىق اشۋ جارىسى ۇرىمجىدە وتكىزىلدى.
وسى رەتكى جارىس 4 ايعا جالعاسىپ، «كاسىپ جاراتۋ»، «جاڭالىق اشۋ»، «ارناۋلى جارىس» ءتۇرى بويىنشا، كولەمدى ىرىكتەۋ، العاشقى جارىس، قوسالقى جارىس، شەشۋشى جارىس سياقتى 4 باسقىش بويىنشا وتكىزىلەدى. جارىسقا قاتىناسۋعا تىزىمدەلگەن رۇڭ فىڭحۇڭ كەزىندە 2-كەزەكتى جارىسقا قاتىناسقان بولاتىن، ول وسىنداي كولەمدى جارىسقا قايتالاي قاتىناسۋ ارقىلى دىبىس جيناۋ سىندى كاسىپ جاراتۋ نىسانىن ۇزدىكسىز كەمەلدەندىرۋ ويى بارىن ايتا كەلىپ بىلاي دەدى: بىلتىر جارىسقا قاتىناسۋ ارقىلى بيىل ءبىز تىڭشۇنيۇن، جينشان ـ انچۋان، تاعى شىنجىنداعى شيۇڭدي سەرىكتەستىگىمەن جان-جاقتىلى سەلبەستىك ورناتتىق، بيىل ءبىز وسى وراي مەن تەكشەدەن پايدالانىپ، جارىستا جاقسى ناتيجەگە قول جەتكىزىپ، اناعۇرلىم كوپ مۇرات سەنىمى بار ادامدى قاتىناسۋعا باۋرايمىز.
شينجياڭ قازىنا-ەكونوميكا ۋينۆەرسيتەتىنىڭ وقۋشىسى ابدۇرۇسۇل احاتتىڭ جارىسقا اكەلگەن نىسانى اۋىل-قىستاق ەلەكتروندى ساۋدا ىستەرى ەكەن، ول: قازىر مەملەكەتتىڭ ستۋدەنتتەردىڭ كاسىپ جاراتۋىنا شىعارعان ساياساتى وتە جاقسى، ءبىز دە الدا كاسىپ جاراتۋعا قاتىستى ءتۇرلى جارىستارعا قاتىناسىپ، كاسىپ جاراتۋ نىساندارىمىزدى جۇزەگە اسىرۋعا قۇلشىنىپ، كاسىپ جاراتۋ ارمانىمىزدى جۇزەگە اسىرۋعا دايىنبىز.
سوڭعى جىلداردان بەرى، اۆونوميالى رايون كاسىپتەندىرۋ، كاسىپ جاراتۋ قىزمەتىنە وسكەلەڭ ءمان بەرىپ، ىلگەرىندى-كەيىندى ءبىر قىدىرۋ كاسىپتەندىرۋ، كاسىپ جاراتۋ جاعىنان سۇيەمەلدەۋ ساياساتىن شىعاردى. اۆتونوميالى رايوندىق الەۋمەتتىك كاسىپتەندىرۋ قىزمەت وتەۋ مەكەمەسى كاسىپ جاراتۋ قىزمەت وتەۋ باسقارماسىنىڭ ورىنباسار باستىعى جاڭ چى تىلشىگە، وسى جارىستا سيلىققا يە بولعان شەبەرلەر مەن تاڭداۋلى نىسانداردىڭ تاعى حاۋاپ-قاتەر قارجىلاندىرۋى، بانكە اينالىم قارجىسى، كاسىپ جاراتۋ جاعىنان تاربيەلەۋ سياقتى قولداۋعا يە بولاتىنىن ايتا كەلىپ بىلاي دەدى: بيىل كاسىپ جاراتۋدى جەتىلدىرۋ بازاسىنا ىرگە تەپكەن كاسىپورىندار، ەگەردە اۆتونوميالى رايونداعى جارىستا ءبىرىنشى، ەكىنشى، ءۇشىندى دارەجەلى سيلىق پەن ۇزدىكتەر سيلىعىنا يە بولسا، ىرگە تەپكەن كاسىپ جاراتۋدى جەتىلدىرۋ بازاسى جىل سوڭىندا اۆتونوميالى رايون دارەجەلى كاسىپ جاراتۋدى جەتىلدىرۋ بازاسىن باعالاعاندا ولاردى الدىمەن ويلاستىرادى؛ ەگەردە ونىڭ نىسانىن العان كاسىپورىن مەملەكەت دارەجەلى جارىستا ءبىرىنشى، ەكىنشى، ءۇشىنشى دارەجەلى سيلىق پەن ۇزدىكتەر سيلىعىنا يە بولسا، وندا مەملەكەت دارەجەلى كاسىپ جاراتۋدى جەتىلدىرۋ بازاسىن باعالاعاندا الدىمەن ويلاستىرىلادى.


بەرىپ كەت ورامالىڭدى

دوستار

الىستاعى اق ەركە